సింఫనీ మాంత్రికుడు బీథోవెన్ –10 చివరి రోజులు

  సింఫనీ మాంత్రికుడు బీథోవెన్ –10

                                  చివరి రోజులు

  నెపోలియన్ భూతం వదిలింది .పాపం సర్వ స్వతంత్ర నియంత జైలు పాలై ఒంటరిగా ఒక ద్వీపం లో ప్రవాస జీవితం అను భవిస్తున్నాడు .యుద్ధం భయం పోయినా ప్రయాణాలకు అనుమతులు ,రిజిస్ట్రేషన్లు సీక్రెట్ సర్విస్  వ్యవస్థ గూఢ చారులతో జనం బాధ పడుతూనే ఉన్నారు .రాజకీయం అంటే ఇష్టపడే బీథోవెన్ కు ఇదేమీ రుచించలేదు .అప్పటి నుండి అయిదేళ్ళు సృజన పండించ లేక పోయాడు .రెండు సెల్లో సోనాటాలు ,op112 ,the song cycle Andie Ferne Galiefbite ,(to the distant beloved )చేశాడు .లోబోనోస్కి యువరాజు కుఅంకితం  ఇచ్చిన చివరి పియానో సొనాట A ,op101 లు మాత్రమె చేయ గలిగాడు .అప్పుడప్పుడు చిన్న చిన్న బిట్లు చేశాడు .అందులో March of the Vianna Artilary  ఒకటి .కొన్ని స్కాటిష్ ఫాల్క్ సాంగ్ సెట్టింగ్స్ చేశాడు .పుస్తకాల అమ్మకం పై డబ్బు బానే వస్తోంది .కాని చేతిలో డబ్బు నిలవ ఉండటం లేదు .

               తమ్ముడు కాస్పర్ కారల్ చని పోతు తన ఆస్తికి ,కొడుక్కి  అన్న బీథోవెన్ ను గార్డియన్ గా చేశాడు .భార్య దోహన్నో వద్ద పిల్లాడు ఉండేట్లు విల్ రాశాడు ఆమె అంటే బీథోవెన్ కు పడేది కాదు .పిల్లాడు చేడిపోతాడని భావించాడు .కోర్టుకు వెళ్ళి అతడిని స్వాధీనం చేసుకొనే ఆర్డర్ పొందాడు .అతని తల్లి ఇతని నుంచి వేరు చేయటానికి విశ్వ ప్రయత్నం చేస్తోంది .ఇలా న్యాయ పోరాటం లో కొంత మానసిక స్తైర్యం దెబ్బతింది .1818 లో ‘’స్టోన్ డేఫ్’’అంటే ‘’పుట్ట చెవిటి’’ వాడయ్యాడు బీథోవెన్ .అప్పటిదాకా శబ్దాలను ‘’యియర్ ట్రంపెట్ ‘’తో వినే వాడు .ఇప్పుడు అదీ వీలు కావటం లేదు అందుకని ‘’convesational books ‘’లో రాస్తున్నాడు కొత్త పబ్లిషర్ కొరుకుడు పడటం లేదు .కొంత మాయ కూడా చేశాడీయన .పాత వాటినే కొత్తవి అని నమ్మించి ఇతర పబ్లిషర్ల కిచ్చి ప్రింట్ చేయించి వదిలాడు .

1817     లో లండన్ లోని phil harmonic society వారు బీథోవెన్ ను ఆహ్వానించారు .దీనికోసం రెండు కొత్త సిమ్ఫనీలు రాయాలి .ఇష్ట  పడలేదీయన .తానే స్వయం గా రెండు కొత్త పియానో సోనాటాలు రాశాడు .ఇంతకు ముందు రాసిన వాటికంటే పెద్దవి .ఇందులో ఒకటైన Hammer Klavier ను ఆర్చ్ డ్యూక్ రుడాల్ఫ్ కు అంకిత మిచ్చాడు .చర్చి వారు రుడాల్ఫ్ ను సన్మానించే సందర్భం ఇది .సన్మాన కార్య క్రమం లో new high mass ను రాసి ప్రదర్శించే ఏర్పాటు చేశాడు .Arch Bishop of Olymutz in Czechoslovakia ‘’చేశాడు .ఈ కార్య క్రమం లో పియానో వాయిస్తూ కొత్తదారి తొక్కాడు పాత విధానాలకు స్వస్తి చెప్పాడు .తన పద్ధతిలో బీథోవెన్ ‘’A set of 33 variations ‘’పూర్తీ చేశాడు .ఇదే పియానోకు రాసిన చివరి పుస్తకం .పియానో అంటే పంచ ప్రాణాలు బీథోవెన్ కు . 

                          Diabellie Variations అన్న పుస్తక రచనా ,తమ్ముడి కొడుకు విషయమై కోర్టు కేసులు ,అనారోగ్యం వల్ల కొత్త మాస్(మిస్సా సాలెంస్ ) ను సమయానికి  రాయ లేక పోయాడు .’’in fact his finest sacred work written from the heart to the heart was not finished until Autumn of 1822 .,and was never heard completely in vienna in Beethove’s life time ‘’ అని చరిత్ర కారుల కధనం .

             అదే ఏడాది మరో మూడు పియానో సోనాటాలు opp109-111  చేశాడు .ఇంకో భారీ ప్రాజెక్ట్ ప్రారంభించాడు .అదే‘’ninth symphony ‘.ఇదే  ‘’ode of joy ‘’అనే నాటకాన్ని షిల్లర్ అనే జర్మని కవి రాసిన దానికి సంగీతం సమ కూర్చాడు .  ఇది చేయాలని ఎన్నో ఏళ్ళ నుండి తపిస్తున్నాడు బీథోవెన్ .1815 నుంచి దీని మీద ధ్యాస ఉంచాడు .దాన్ని’’ choral symphony with voices’’  గా సృష్టించాలని ఆరాటం .ఇటువంటివి మొజార్ట్ కు స్వర పరచటం ఊపిరి పీల్చి నంత తేలిక .కాని బీథోవెన్ కు జీవన్మరణ పోరాటం .స్వరం త్వరగా తట్టదు బీథోవెన్ కి .ఎన్నో ఊహలు ఊపిరి పోసుకొంటాయి వాటి నన్నిటిని కాగితం మీద రాస్తాడు .ప్రయత్నించి ,నచ్చక వదిలేస్తాడు .చివరికేప్పుడో అసలైనది బయట పడుతుంది ..అంటే ‘’గుండె గొంతుకలోన కోట్లాడ తాది, కూసుండ నీదురా కూసింత సేపు ‘’అన్న నాయని వారి లా బాధ పడతాడు ఈ విషయాన్న బెతోవెన్‘’I carry my ideas about with me for a long time before I write them down I change a great deal ,eliminate much ,and begin again ,until I am satisfied with the result .then the working out begins in my head ,and since I knew what I want ,I hear and see the work in my mind in its entity ‘’ అని తను పడే ఆరాటాన్ని ప్రయత్నాన్ని, ఫలితాన్ని, ఆత్మ సంతృప్తిని వివరించాడు .

            బీథోవెన్ స్కెచ్ పుస్తకాలను చూస్తె ,’’’turkish music and a vocal chorus ‘’లో కొత్త సింఫనీ పూర్తీ చేయాలని భావించి నట్లు తెలుస్తుంది .అదే అప్పటికి వియన్నాలో లేటెస్ట ఫాషన్ .అంతా టర్కిష్ సంగీతం పైనే ఆధారం

24-5-1824 లో తొమ్మిదో సింఫనీ’’kantnerthor ‘’ధియేటర్ లో ప్రదర్శించాడు .దీనిలో మిస్సా సోలెం లోని బిట్లు కూడా కలిపాడు .దీన్ని బీథోవెన్ నిర్వహించలేదు .ప్రక్కన కూర్చున్నాడు అంతే .దీన్ని డైరెక్ట్ చేశాడు .ప్రదర్శన చివర్లో జనం పిచ్చ ఆనందం తో ‘’టీపోలు’’ ఊపుతూ రెచ్చి పోయి ఆనందాన్ని ,సంతృప్తిని ప్రకటించారు .అప్పటి దాకా అక్కడేమి జరుగుతోందో బీథోవెన్ కు విని పించనే లేదు .ఎవరో ఆయన్ను జనం వైపు కు తిప్పారు .మహదానంద పడి పోయాడు సింఫనీ మంత్రికుడైన ఆ స్వర సామ్రాట్ . ఇది ఆయన జీవితం లో మధురాతి మధుర మైన ఘట్టం అన్నారు అందరు

               సశేషం –మీ –గబ్బిట దుర్గా ప్రసాద్ -31-1-13 –ఉయ్యూరు  

                                                 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA Wiki : https://te.wikipedia.org/wiki/%E0%B0%97%E0%B0%AC%E0%B1%8D%E0%B0%AC%E0%B0%BF%E0%B0%9F_%E0%B0%A6%E0%B1%81%E0%B0%B0%E0%B1%8D%E0%B0%97%E0%B0%BE%E0%B0%AA%E0%B1%8D%E0%B0%B0%E0%B0%B8%E0%B0%BE%E0%B0%A6%E0%B1%8D
This entry was posted in రచనలు and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.