రా’’చ’’కీయ ద్విప్లేట్స్ –11(శివరాత్రి స్పెషల్ )

1-శివ రాత్రి నాడు’’ చంద్ర శేఖర చంద్ర శేఖర పాహిమాం ‘’

  అనకుండా  వెంకటేషాదులు  అంటున్నారు  ‘’చంద్ర బాబూ పాహిమాం ‘’.

2-ఓటు తో గెలవలేని సూడో మేధావి,బాకా  మంత్రి ’’ జై రాం రమేష్ ‘’

 సీమాన్ధ్రకు అన్నీ ఇచ్చేశాం మూసుకోండి నోరు అంటున్నాడు ‘’కామోష్ ‘’.

3-పాపం  అయిదో  కిస్టూడిగా గద్దె నెక్కుదామను కొన్నాడు కొణిదల ’’ శివుడు ‘’

 ‘’చిరంజీవ ‘’ అంటారని అనుకొంటే  రాష్ట్ర పతి పాలన అంటూ తుమ్మాడు  ‘’శంక’’రుడు .

4-సీమాంధ్ర ను చేస్తాడట ‘’బాబు’’ మోడల్ సింగపూర్

 అవకాశం ఇస్తే  గ్యారంటీగా పోతుందా ఇప్పటిదాకా ఉన్న ‘పూర్ ‘’?.

5-తెలంగాణా ను కే.సి.ఆర్ .చేస్తాడా మరో పారిస్?

  లేక శంభో శంకర అంటూ శంకర గిరి మాన్యాలేనా ?‘’ఇస్ ‘’ ?

6-సీమాంధ్రకు కిరణ్ ను  శాశ్వత సి.ఏం చేస్తామని శపథం పట్టిన  విద్యార్ధులు

  ఆశకు అంతు ఉండాలని ,రాచ కీయ లౌక్యం  తెలియని   అమాయకులు .

7-అప్పటిదాకా జగన్ ను అంటకాగి ,జైలు కెళ్తే ప్లేటు మార్చి జై కిరణ్ అన్న రఘు వీరా!

  ఇప్పుడు మళ్ళీ జంప్ జిలానీ అయి కిరణ్ నే ‘’బోడి లింగం ‘’ అంటావా  మాటల వీరా ? .

8-అన్ని పదవులూ ఒక్కడికేనా లక్ష్మీ ప్రసాద్ యార్ల గడ్డా?

 ఇంకెవరూ లేరా నీ సాటి నీ కంటే ధాటి మొగాడు ఈ గడ్డా?

9-  మీ భయాలు,ఆందోళనలు  తొలగించటానికి ఆమె వస్తారు

  డిగ్గీ గారి మాటలు కోటలు దాటి  వినేందుకు  ఎవరు ఉంటారు?.

10-‘’సింధురత్న’’ ప్రమాదానికి ‘’నేవీ చీఫ్’’ రాజీ నామా  పదవిని భావించి ‘’బలాదూర్ ‘’

     ‘’దేవేంద్ర కుమార్ జోషి ‘’దోషి అని పించుకోకుండా  అయ్యాడు మరో ‘’లాల్ బహదూర్ ‘’.

11-తడి గుడ్డల తో గొంతు కోయ జూస్తున్నాడు డొక్కా

   గడియకో మాట మారుస్తూ ఈ మధ్య  నేర్చాడు లౌక్యం పక్కా .

12-సీమాంద్ర  కు చిచ్చు పెట్టాడు సత్తి బాబు

   ఆ చిచ్చు కొంప నూ కాల్చి పగబట్టాడు సుత్తి బాబు .

13-అన్నెం పుణ్యం ఎరుగని అమాయక చక్ర వర్తి పాపం అనుకొన్నారు  

    ఆర్ధిక మంత్రి ‘’ఆనం’’- నెరజాణ ‘’అని వి’’భజన’’ తర్వాత  తెలుసుకొన్నారు .

    మహా శివ రాత్రి శుభా కాంక్షలతో

   మీ– గబ్బిట దుర్గా ప్రసాద్ – 27-2-14-ఉయ్యూరు