భ.కా.రా.మేష్టారి చమత్ కారాలూ ,మిరియాలూ -4

     స్కూల్ లొ తనికీ ప్రారంభ మయింది .అక్కడ ఉన్నవి ఎన్ని క్లాసులు అని అడిగాడు అధికారి .సమాధానం గా ‘’అందరికీ ఏక మొత్తం గా గట్టి గా చెప్పటమే గాని ,క్లాసులంటూ ,భేషజం నేనెరుగను .ఆ ముగ్గురు పై క్లాసు ,ఈ కడం కింది క్లాసు ‘’అన్నాడు అయ్యవార్లు .అదీ అక్కడి చదువు .,చెప్పే రీతీ .’’ముని అనే మాటకు అర్ధం అడిగాడు అధికారి .మనిషి అన్నాడు ఒకడు .’’మరి నేను ముని నేనా ?’’అని ప్రశ్నించాడు మళ్ళీ .కాదన్నాడింకోడు.కారణం అడిగితే ‘’ముని అంటే మంచి మనిషి ‘’అని దెబ్బ కొట్టాడా కుర్రాడు ‘’ధణుతెరిగి పోయింది’’ అందరికి

            ఇప్పుడు మేష్టార్ని పాఠంచెప్పమన్నాడు .సూర్యుడు భూమి చుట్టూ తిరుగుతాడని చెప్పాడు పంతులు .’’అబద్ధం ‘’అన్నాడు అధికారి .’’మీరు చెప్పండి .-ఇందాకట్నించి విన్నాగా నేను ‘’అని బరి తెగించాడు మేష్టారు .తను పిల్లలు గల వాడి నని మొత్తు కొన్నాడు .చివరికి ‘’అల్లా అయితే బాలు లారా !భూమేట సూర్యుడి చుట్టూ తిరుగు తుందట ‘’విన్నారా ?గిర గిరా ‘’అన్నాడు చివరికి .ఇంతట్లోకే నమ్మకం ఎలా మారిందని ఆశ్చర్య పడ్డాడు తల పాగా ఆయన .సమాధానం గా పంతులు గారు ‘’అయ్యా !నా జీతం రాళ్ళు నాలుగూ ,గిర గిరా తిరిగి వస్తుంటే చాలు .దేని చుట్టూ ఏది తిరిగితే పోయే దేముంది ?’’అన్నాడు గుక్క తిప్పు కొ కుండా .

          తాను ఇది వరకే రాసిఉంచిన తనికీ పత్రం తీసి చదవటం ప్రారంభించాడు అధికారి .ఎలా సాగిందో తిలకిద్దాం–‘’మనో గణితం –మోతాదు .లెక్కలు –సుమారు .తెలుగు –జబ్బు .స్కూలు లొ –స్వేచ్చ.దేశాయి కసరత్తు –సున్నా .అందరికి తెలిసిన విషయం గురించి –రమా రమి . ఒక మాదిరి పా ఠమిస్తిని .పిల్లలు పద్యములు అర్ధ మగు నట్లు చదువ కూడదు .గొంతెత్తి పాడవలెను .’’తల తిరిగి పోయింది వెంకటాయికి ..’’తమరు చదివిన వాటిల్లో చాలా ఇప్పుడు జరగనే లేదే ‘’?అని బోల్డు ఆశ్చర్య పోయాడు ‘’నా ఉద్దేశ్యం లొ –ఒక వేళ అవి కూడా జరిగి ఉంటె వాటి విమర్శ ఇల్లా ,ఇల్లా ఉంటుంది సుమా –ఖబడ్ దార్ జాగ్రత్త .’’అని సమాధానం ఇచ్చాడు .ప్యాసు చేసి వెళ్ళ మన్నాడు మేస్టారు .’’పెద్ద క్లాస్ అందరు ప్యాస్ .చిన్న క్లాసులో టీకాలు లేని వాణ్ణి తప్పిస్తున్నాను ‘’అని వివరం చెప్పాడు .

             రాత్రి స్కూల్ కూడా వెంకటాయ దే నిర్వాకం .అదీ చూడాలన్నాడు అధికారి .ఈ సారి చూస్తానని తప్పించు కొన్నాడు .’’పడక అరణ్య మెంటు ‘’జరిగి పోయింది .రాత్రికి రాత్రి ఇద్దరూ ,చెప్పా పెట్ట కుండా ఉడాయించారు .అర్ధం కాలేదు వెంకటాయి కి .మర్నాడు టపాలో నాల్గు రోజుల్లో స్కూలు తనిఖీ తంతు జరుగు తుందని సిద్ధం గా ఉండమని అసలు అది కారి నుండి ఉత్తరం వచ్చింది .అంటే వచ్చి మేసి వెళ్ళిన వాడు డూప్లికేట్, నకిలీ అన్న మాట .ఇలా ఆద్యంతం రక్తి కట్టించి నవ్వుల పాలు చేస్తారు భాకారా మేష్టారు కొసమెరుపు లొ ఆ నాటి తనిఖీ తంతు ప్రహసనం కళ్ళకు కట్టినట్లు చేస్తూ ,ప్రతి మాటలో హాస్యం మిళితం చేసి పండించారు హాస్య బ్రహ్మ భమిడి పాటి వారు .

                అలాగే రాజ మండ్రి లొ కొత్తగా విమానం వచ్చింది .అంతా సరదాగా ఎక్కి చిన్న బలా దూర్లు కొట్టి వస్తున్నారు .ఆ విషయాలు రాస్తూ చూసిన వారు ఎలా బడాయీలు పోతున్నారో చాలా బాగా వర్ణించారు భ.కా.రా.మేష్టారు .విమానం చూడ గానే అందరికీ ఊర్ధ్వ దృష్టీ ,ఊర్ధ్వ శ్వాశా  బయల్దేరి నాయని చేళుకులు .ఒక ఊల్లో తద్దినం జరుగు తోంది .విమానం ఆకాశం లొ ఎగురు తోంది .ఆ సన్ని  వేశాన్ని అత్యద్భుతం గా హాస్యం మేళవించి తిని పిస్తున్నారు చూడండి .

         ‘’భోక్తలు భక్ష్యాలు విరుస్తున్నారు .కర్త పారణ కలుపుతున్నాడు .విమానం హోరుకు యజమాని వీధి లోకి ఎగడి,పక్షి వతు గా యెగిరి పోతున్న విమానాన్ని చూసి ,పితృ స్తానం లొ కూర్చున్న గోపాలాన్ని రెక్క లంకించు కొని ,నడివీధి లోకి ఈడుస్తూ మొర్రో మొర్రో అంటూండగా చేతి లొ గారే పళం గాయెగిరి రాకా ?తద్దినం మళ్ళీ వచ్చేదే .’’అని కసురు కున్నాడట . ఇది అశాస్త్రీయం అయినా ఏం ఉపద్రవామో అని మాత్రం చెప్పే ఆయన .’’ఇక్కడికి మీ నాన్న గారి ఆత్మ కి విమాన దర్శనం చేయించారు .ఏమి పితృ భక్తీ ?’’అని మెచ్చు కొన్నాట్ట .శ్రద్ధ గా పెట్టాల్సిన తంతు ఎలా విన్తకీ ,చోద్యానికి గురైందో ,దాని ప్రభావం ఎంత ఉందొ చెప్పటమే కాదు యజ మానికి కోపం రాకుండా మాటలు ఫిరాయించే మంత్ర గాళ్ళ మనో భావం కూడా బాగా బయట పెట్టారు .

                   విమానం లోంచి చూస్తుంటే కింద అంతా ఎలా కని పిస్తుందో జనం గోలగా చెప్పు కొంటున్నారు .అందులో కొన్ని చమక్కులు ‘’ఇది వరకు నేను ఏరి గున్న బ్రాహ్మలూ,అబ్రాహ్మలూ ,హిందువులు ,ముస్లిములు ,పునిస్త్రీలు ,వెధవ ముండలు ,వీళ్ళ వయినం కన్పించకుండా కన్పించింది .పైకి వెళ్ళి కిందకి చూసే టప్పటికి భూమి మీద మానవులు పెట్టు గోనే తేడాలు .నా చర్మ చక్షువులే అంత రించాయి .విమానం చూస్తున్నప్పుడు మానవుడి ఆఖండత్వం –కిందికి చూస్తున్నప్పుడు మానవుడి అల్పత్వం కని పించాయి ‘’.ఇందులో ఎంత వేదాంత భావన ఇమిడ్చారు మేష్టారు .మనో నేత్రం విచ్చు కోవటానికి హాస్యం ఎంత పకడ్బందీగా విని యోగా పడిందో చూడండి .అల్పత్వం వదిలించుకొని జీవించమని హెచ్చరిక కూడా ఇందులో జోడించారు మేష్టారు .కాంతా సమ్మితంఅంటే ఇదేనేమో నని పిస్తుంది .

                      కనుమ శుభా కాంక్షలతో

             సశేషం ‘—మీ—గబ్బిట దుర్గా ప్రసాద్ –15-1-13-ఉయ్యూరు 

అన్నయ్య గారి అబ్బయి రాంబాబు ఫామిలీ . హైదరాబాద్ లో ఉన్న మా పెద్దాబ్బాయి శాస్త్రి ఫామిలీ

మూడో అబ్బాయి మూర్తి ఫామిలీ

నాలుగో అబ్బాయి  రమణ ఫామిలీ

మొత్తం 16 మంది సీతమ్మ వాకిట్లో సిరిమల్లి చెట్టు ఉయ్యూరు లో సినిమా వీక్షణం

మకర సంక్రాంతి నాడు , మనుమలకు , మనవరాలి కి భోగి పళ్ళు

ఫామిలీ ఫోటో

  భమిడి పాటి వారు మేష్ట రీ చేశారు కనుక స్కూళ్ళ ఇన్స్పెక్షన్ బాగోతం చాలా బాగా చూపించారు ‘’పల్లె టూరు స్కూలు తణికీ తంతు ‘’కధ లో .ఆ పల్లె టూరి మేస్టారి నిర్వాకం ,పరీక్షాది కారుల చపలత్వం ,భేషజం తిండి మీద ఉన్న ఆసక్తి ,కళ్ళకు కట్టిస్తారు .

           వెంకటాయి గారు గడ్డి పాలెం లో’’ ఉదర నిమిత్తం’’బడి పంతులు .స్తిరాస్తి భార్య ,చరాస్తి తనూ.ఆయనకు నమ్మకం గా వచ్చే ‘’సాలాదాయం ‘’ఒక ఆడ శిశువు .కొండొకచో కవలలు .దసరా పేరుతో ,అక్షరాభ్యాసం హడా విడి తో పదీ ,పరకా ‘’గతుకు తాడు ‘’.ఓ దస్తా వేజు గీకి పెట్టో ,ఓ సంబంధం ముడి పెట్టించో,ఓ సాక్ష్యానికి తగలడో ,,ఓ బ్రాహ్మ ణార్దానికి ఏడిసో ,దిష్టి కొట్టకుండా ఇంతో అంతో ‘’కతుకు తాడు ‘’.తణికీ దారుకి ‘’మనుగుడుపులు ‘’మేపి గ్రాంటు కొట్టేస్తాడు .కిందటేడు మాత్రం ‘’ఏదో ఒకా నొక సప్లయి సంతృప్తి గా జరక్క ‘’గ్రాంటు సరిగ్గా ‘’పారే యించ లేదు‘’.బంధువులు ,పక్కాలు వచ్చీ పోయే ఇల్లు ..చాకిరితో బాటు డబ్బు ఊడటం –ఇదీ పల్లె టూరి బడి పంతులు పరి స్థితి  .’’వెంకటాయి గారు సంసారం విషయం లో వీల్లేక చదువు చెప్పటం విషయం లో మాత్రం’’ కుమ్మరి పురుగు’’ లా ఉంటూ,ఆర్జనకు అన్య మార్గాలు అన్వేషించాడు .’’ఎక్కడైనా ‘’కుండ తడిపినా’’,’’తూతూ బాకా విని పించినా ‘’అదే ఆఃహ్వానం గా భావించి హాజరయ్యే వాడు .

          ప్రస్తుతం కొడుకు ఈయన దగ్గరే ఉన్నాడు .పెళ్ళాం పురిటికి వెళ్ళింది .ఎవర్నో ముసలమ్మను వంటకు‘’ఫిరాయించాడు ‘’.ఆవిడకు ‘’పుట్ల చెముడు ‘’..సొదఎక్కువ. ఎవడైనా భోజనానికి వస్తే ‘’ఓ టాప్పడవెడు ‘’బూతులు దిమ్మ రించేది .లేక పోతే కుర్రాణ్ణి పిల్చి ‘’రుంజ వాయించి నట్లు వాయించేది ‘’.దాంతో వచ్చిన వాడు పరారు .ఒక రోజు పక్క ఊళ్ళో పెళ్ళి. .కొడుకుతో అక్కడికి హాజరయ్యాడు వెంకటాయి  .ఆయన ఖర్మ కాలి ,ఆ రోజునే ఇద్దరు ఊళ్లోకి ప్రవేశించారు .ఒకడి చేతిలో కాగితాలు ,గొడుగు ,రెండో వాడి నెత్తిన తలపాగా .ఊళ్ళో వాళ్ళు ఇనస్పెక్టర్ గా భావించి ,పక్క ఊర్లో ఉన్న పంతులు గారికి కబు రెట్టారు .’’ఓరి నీ ఇనుం కాల్చా .వచ్చింది ‘’మాసికం గారా ?’’’’కాళ్ళు కడగడం గారా ?’’పెళ్ళాం పిల్లలు కూడానా ?’’అని కనుక్కున్నాడు .పెళ్ళి పందిట్లో ఈ అప్రాచ్యపు మాట లేమిటనిఅంతా కేక లేశారు అర్ధం తెలీక .పెద్ద ఇనస్పెక్టర్ ని’’తద్దినం ‘’అనీ ,ఆయన కింది వాడిని ‘’మాసికంఅనీ , ‘ ,మైనర్ తనికీ గాడిని’’కాళ్ళు కడగటం ‘’అనీ  తన పరి భాష చెప్పి బయట పడ్డాడు .’’వారే మాకు పితృ ,పితామహ ,ప్రపితామహులు ‘’’’అన్నాడు .

               ఎంత లేదన్నా తెలివి గల పిండం కనుక ఆపసోపాలతో కొంపకు. చేరాడు ,దారిలో బొట్టు గిల్లుకొని ,,జుట్టు రక్కు కొని ,ముసలావిడతో ‘’గార్లోండి వంట కానివ్వ మ్మోయ్‘’అని చెప్పి ,స్కూలుకు చేరి బోజ్జాయన కాళ్ళ మీద పడి పోయాడు తెలివిగా .ఎండ దెబ్బ తగిలిందనుకొని సాను భూతి చూపించాడాయన .’’తమకు వేళ దాటింది .ఒళ్ళు తడుపు కొని మడి క ట్టు కొండి’’అన్నాడు .ఆయన పాపం సాను భూతి తో ‘’నా కోసం విశేషం ప్రయత్నించద్దు .గోకారం లో నాకు పెట్టిన భోజనం ఏం భోజనం అండీ .నాలుగు కూరలు ,నాలుగు పచ్చళ్ళు ,క్షీరాన్నం ,మాష చక్రాలు ,అబ్భ అబ్భ ,అంతా యధా విధే .నేను జఠరాజ్ఞి ,జీర్ణ పుష్టీ ఉన్న ఘటాన్ని గనక సరి పోయింది .’’అన్నాడు .వెంకటాయ గారు ‘’చిత్తం .పచ్చడి మెతుకులే నండీ .నాకే ముంది .బీద కుటుంబీ కుడిని.’’అని తన ఇంటికి తీసి కెళ్ళాడు .వంటాలస్యం ఉంది.అని ఒక తవ్వెడు పాలు ఇచ్చి ,పుచ్చు కొమన్నాడు .’’తమరికేమైనా మతి చలించిందా ఏం ?’’అంటు అతి సిగ్గుగా ,అయిష్టం గా విషం పుచ్చు కుంటున్నట్లు నటిస్తూ ,నిమిషం లో గిన్నె లో తడి అయినా మిగలకుండా ఊడి చేసి ,ఆయాసం నటించాడు .ఇందులో ఆ పాత్ర పోషణా ఆ నాడూ అంతే ఈనాడూ అంతే .తేడా ఏమీ లేదు .కాలం మారినా పద్ధతులవే .అదే మేపు ,అదే చేపు .

         అయ్యగారికి అభ్యంగన స్నానం చెయ్యాలనే కోర్కె అదీ ఆవు నెయ్యితో .తప్పించుకోవాలని చూసినా ,కొడుకు తొందర మాటలతో ఇంట్లోని ఆవు నెయ్యి తో ,భజంత్రీ వాడిసాయం తో ‘’తధికిణ ధోం’’అయిందని పించాడు .వడ్డన చేసి ,రమ్మని పిలిచాడు .విస్తట్లో ‘’బకాసురిడికి తోడి నట్లు కుంభం మటుకు తోడి ఉంది.’’దాని అగ్ర మందు ‘’సార్వా గడ్డి కొంప మీద కొండ ముచ్చు మొహం లా ‘’వెక్కిరిస్తూ ,’’ఉస్తికాయంత ఉసిరి పచ్చడి ఉంది’’ .అధికారి అంతటి మనిషీ కూడా‘’చలిమిడి ‘’అయి పోయి ,ఆముదం మొగం పెట్టాడు .’’కూచోండిపొద్దు పోయింది కావలసినవి అడిగి వడ్డించు కొండి’’అని‘’చేణికాడు ‘’పంతులు .అధికారి కన్నీళ్ళతో పరిశేచనం చేసి ‘’ఎల్లా నేనిది ఏడవటం ?’’అన్నాడు .తక్షణమే వెంకటాయి తనకు నిరుడు  గ్రాంటు వచ్చిన కాగితం చూపాడు .’’నె నేనెలా ఏడవడం ఇదీ ?’’అంటు ఒక్కొక్క అక్షరం ఒత్తి,ఒత్తిపలికాడు.సమయానికి తగూ అన్నట్లు ఠపీ

 మని ,ఎత్తుఎత్తాడు . పారింది పాచిక .’’నేను గ్రాంటు కురిపిస్తా .అన్నం మీద ఒట్టు ‘’అన్నాడు అధికారి .ఉబ్బి పోయిన వెంకటాయి ముసలమ్మకు సౌజ్న చేశాడు .  ఆవిడ ఈ విస్తరి పట్టుకొని వెళ్ళి తాజా విస్తరి పెట్టింది .అధికారి ముఖం వికశించి ‘’దంత పరిశ్రమ ‘’తో రంగ ప్రవేశం చేశాడు .’’గారెల పర్వం ‘’లోకి వచ్చాడు .’’ఏమిటో అనుకుంటాం .కాని’’భోజనం చేయటం కూడా కష్టమే సుమండీ ‘’..  అన్నాడు బొజ్జ నిమురు కంటూ .,గారెల పర్వతాన్ని ఊదేస్తూ .వేసిన కొద్దీ ఊదేస్తున్నాడు .విసుగెత్తింది ముసల్దానికి .పళ్ళెం లోనీ వన్నీ ,విస్తట్లోకి గిరాటేసి ,పళ్ళాన్ని వెంకటాయ నెత్తిన కొట్టింది .’’సత్రం బొక్కు జంతు వుల్ని తీసుకు రావద్దని ఎన్నో మాట్లుచెప్పినా సిగ్గు లేదు .మర్యాదా లేదు .తెచ్చి ,తెచ్చి ఎవడినో,’’సర్వ భక్ష కుడిని ‘’తెచ్చావు .కుర్రాడికి ఒక్క టైనా మిగల్చలేదు . వాడి కోసం మళ్ళీ వండి తగలడాలి ‘’అని తుర్రు మంది .అధికారి మింగా లేక,కక్కా లేక కాసేపు ఇదై ,తేరుకొని ,వెంకటాయ తో లౌక్యం గా ‘’నేను గనక సరి పోయింది .మరోళ్ళుఅయితే,లేచి పోయే వారు ‘’అని మళ్ళీ ‘’దంతాలను విసరటం ‘’ప్రారంభించాడు .’’గార్లె తర్వాత పెరుగైనా చేదే‘’అని మజ్జిగ కూడా లేకుండా లేచాడు .ఇన్స్పెక్షన్ కోసం స్కూల్ చేరాడు .ఆయాసం తో తెగ ఇదై పోయాడు .’’బొర్ర జారేశాడు’’ . రాత్రికి గార్లని పెరుగు లో నానవేయించమని ఫర్మానా జారీ చేశాడు .

                సంక్రాంతి శుభా కాంక్ష లతో –

              సశేషం –మీ –గబ్బిట దుర్గా ప్రసాద్ –14-1-13- ఉయ్యూరు . 

 భ.కా.రా.మేష్టారి చమత్ కారాలూ ,మిరియాలూ -2

  దేశ సేవ చేయాలనే ఆరాటం అందరిలో ఉంటుంది .సమాజ సేవలో తరించాలని కొందరను కొంటారు .ఏదో ఇంత తిని ఇంట్లో తొంగుంటే యెట్లా?’’కసింత కలా పోసాన ఉండాలిగా ‘’.దీనికోసం సమాజాలు ,దాని అధి పతులు ఉంటారు .నెలకో ,రెన్నెల్లకో సభ జరిపి ,ఉపన్యాసాలిప్పించి ,విని ,విని పించి ,అది పేపర్లో వస్తే చూసి చంకలు గుద్దు కోవటం మామూలై పోయింది .అలాంటి ‘’కండూతి రాయళ్ల ‘’గురించి ,,వారి బలహీనలత గురించి బయటకు లాగే రచనే భకరా గారి ‘’తుక్కు ముక్కల హక్కు చిక్కు ‘’.అంటే పర్మిషన్ లేకుండా నాటకం ఆడితే వచ్చే తంటా ఎలా ఉంటుందో చూపిస్తారు మేష్టారు .రాసిన వాడు ఒఠివెధవాయి అయినా పర్మిషన్ లేకుండా వేస్తే ఎంత హైరాన పడాలో తెలియ జెప్పిస్తారు .

             రచయిత గారికో సాహితీ సంస్థ ఉంది .’’ఉరమ గల వారి చేత ‘’ఉపన్యాసాలిప్పిస్తారు .మన సంస్థ వెల్లడి కోసం సభ చేసుకో వద్దు అని ఎద్దేవా ఇందులో కని పిస్తుంది .ఘోషణ అనేది ఈ నాడు ఎంతో అవసరం .ఘోషణ వల్లే పోషణ జరుగుతుందట .అని పబ్లిసిటి ని పబ్లిక్ గా యేకేస్తారు .మీటింగు ఏర్పాట్ల గురించి రాస్తూ ‘’డిన్నర్ భాజాయిమ్పులూ ,సభలో కూర్చోటానికి కట్టు దిట్టాలూ ,అధ్యక్షుని బస గురించి ,ఆశ్రయించిన కవుల్నీ ,ఉపన్యాసకుల్నీ ప్రణాళిక లో‘’జోనపడాన్ని ‘’గురించి తంటాలు ‘’వివరిస్తారు .హాస్యరసం ఒప్పించి మాట్లాడే వాళ్ళ పేర్లు తమాషా గా ఉంటాయి .వాళ్ళ చేష్టలు ఎలా ఉంటాయో చూడండి .’’హాస్య రచయిత రాసిన వంకర టింకర మాటలకి తరిమిణిపట్టి ,నునుపు జేసి ,నవ్వించే జీనియస్ -కాని ,పార్టు రాదు ,చేష్టలేదు ,చేత కాదు .నట యోగిది యావత్తూ ఇంగ్లీష్ నవ్వు ,అతడు పల్లె తూళ్ళమ్మటా ,పర్రలమ్మటా ,పడి ఫార్సు ముక్కలు మూటేట్టుకొని కప్పుల్లో మెడల్సూ లాగేశాడు .హాస్యార్నవం ఎప్పుడూ ఇవతల నవ్వించే మాటలే చెప్తాడు కనుక అతనికి పార్టే అక్కర్లేదు .అతడికి కోపం వచ్చేట్టు మనం తిట్టి నప్పుడు అతడికి మరీ నవ్వు పుడ్తోంది.

          వీల్లందరిలో ఒకాయన రాసిన నాటకాన్ని ‘’బోలెడు చోట్ల వాక్యాలు దిద్ది ,వాటికి మెరుగులు పెట్టి ,యే కోశాన స్పురించని హాస్య చేష్టలు చేసి ,చచ్చి చేడి జనాన్ని నవ్వించారు .’’ఇంత శ్రమ పడితే ఆ నాటక కర్త పర్మిషన్ తీసుకో లేదని ,పెట్రేగి పోయి కార్డులు బనాయించాడు .కేసులు వేస్తానని బెదిరిస్తూ ,దానికి ఈ సమాజం జవాబు ఇలా రాసింది‘’ఏం చేస్తాం ?మీరు యేడవ్వద్దు .మీకు గౌరవం తేవాలని మేం పడ్డ శ్రమకి ,మీరు చూపిన కృతఘ్నతకు రోజులు ఎలాంటి వి వచ్చాయో మీరు చూపించారు .మా కర పత్రం లో కొద్ది వాళ్ళ పేర్లే వేసి ,మీ బోటి పెద్ద వాళ్ళ పేర్లు తీసేశాం .మాకు మరో దిక్కు లేక మీ దిక్కు మాలిన నాటకం ఆడాం.మీకు రాయక పోవటానికీ కారణం ఉంది .నిజం చెప్పా లంటే మీ రచన దిక్కు లేని తెలుగు భాష .ఉన్నత భావ రహితం .పండిత శూన్యం .అందరికి తెలిసిన ముక్కలు .వీధిలో దొర్లాడే పడి కట్లూ .అందులో ఎందునా బొందని నీచం .ఇటు వంటి రచన చేసిన మీకు మీకు అనుమతి గురించి రాయటం కంటే ,మానేస్తేనే మీకు మీకు అనుమతి గురించి రాయటం కంటే మానేస్తేనే మీకు గర్వం తగ్గుతుందేమో నని మాకు తోచి ,మీ మేలు కోసమే మీ  పేరు విసర్జించాం .ఆ మేలు స్మరించుకొని ,మీరు మాకు కృతజ్నులై ఉండాలి .మేము ఎంతో సత్కరణం అని చేసిన పనినే మీరు గొప్ప తస్కరణం అని అంటున్నారు కనుక మాట తడ బడు తున్నది మీరె ను  ‘’మేం సత్కరించక మానం ‘’అని పోస్టు చేద్దామనుకొని ,చెయ్యకుండా చేశాట్ట రచయిత .అది మనో భావం అన్న మాట .

                 సాధారణం గా భాకారా మేష్టారు నాటికలు రాసి ‘’హెచ్చరిక ‘’గా ఒక మాట ముందు రాస్తారు .అది నిజం గా అందరికీ హెచ్చరికే .

     ‘’కేవలం వినోదం నిమిత్తమైనా సరే ,లేక సొమ్ము చేసుకొనే నిమిత్తమైనా సరే –ఈ ప్రదర్శన ఏదైనా సభ ఎదట ఆడ దలచిన ప్రతి సంఘం వారున్నూ ,ముందుగా నే ,గ్రంధ కర్తకి వ్రాసి ,లిఖితాను మతి పొందక పోవటం ,కాపీ రైట్ చట్ట ప్రకారం నేరం గనుక –ఆ సంగతి గమనించి లిఖితాను మతి పొంది ,తరువాతనే ఆడు కోవాలి ‘’

              సంక్రాంతి శుభా కాంక్షల తో –

             సశేషం –మీ–గబ్బిట దుర్గా ప్రసాద్ –13-1-13-ఉయ్యూరు 

సాహితీ బంధువు లందరికి -జనవరి పదమూడు ఆదివారం భోగి ,పద్నాలుగు సోమవారం సంక్రాంతి ,పదిహేను మంగళ వారం కనుమ పండగ శుభా కాంక్షలు .”సమ్” క్రాంతి కాకుండా పూర్తి క్రాంతి అందరి జీవితాలలో లభించాలని ,తెలుగు పండగ లకు ,సంస్కృతికి ,భాష కు అఖండ గౌరవాదరాభి మానాలు కలగాలని ఆశిస్తూ -మీ దుర్గా ప్రసాద్ 

ఉయ్యురులో ప్రభావతి పెరటిలో పూ సిన అమెరికా రోజా

  చిలుకూరు వారి వచన వాల్మీకి రామాయణం –7(చివరి భాగం )

                                     ఉత్తర కాండం

శ్రీ రామ కృష్ణ తపోవనం నుండి శ్రీ చిలుకూరు వారి విజ్ఞప్తి

 అయోధ్య రాజుల పురోహితుడు వసిష్ట మహర్షి  సప్తర్షి మండలం లోనీ వశిష్టుని రూపాంతరమే .బ్రహ్మ దేవుడు మొదట గా జలాన్ని సృష్టించాడు .జల రక్షణ కోసం ప్రాణ సృష్టి చేశాడని అవి ఆహారం లేక నీర సించి బ్రహ్మ ను ప్రార్ధిస్తే ,వాటికి జావసత్వాలు ప్రసాదించి ,జల రాసిని కాపాడమని ఆదేశించాడు .అందులో ‘’అలాగే రక్షిస్తాం ‘’అన్న వారే రాక్షసులు గా పుడతారని ‘’అట్లాగే పూజిస్తాం ‘’అన్న వారు యక్షులు గా పుడతారని బ్రహ్మ అనటం తో ఈ జాతుల ఆవిర్భావం జరిగిందట .మన నోరే మన కర్మలను నిర్దేశిస్తుందని తెలియ జేసే యదార్ధ సన్నివేశం ఇది .

             రావణాసురుడికి ఆహుతి చేసుకొన్నా తొమ్మిది తలలను బ్రహ్మ మళ్ళీ ప్రసాదించటం ,కోరిన వరాలివ్వటం ,అతని చావుకు అతడే కారకుడవటం –అంటే -మానవులను తేలిగ్గా తీసి పారేయటం ,వారి వల్ల తనకే ప్రమాదం రాదన్న వాడి ధీమా వమ్ము అయి పోయింది .అదే విభీషణుడు అన్ని వేళలా తన బుద్ధి ధర్మ ము మీదే స్థిరం గా ఉండాలని కోరు కొంటాడు .అన్నదమ్ము లైనా ఆలోచనల్లో ,నడవడి లో ,ప్రవర్తనవర్తనలో ఎంతో భేదం కని పిస్తుంది .బుద్ధి కర్మను అను సరించే ఉంటుందికదా .కాలకేయాది రాక్షస సంహారం లో తన సోదరి శూర్పణఖ భర్తను కూడా చంపేశాడు రావణుడు .ఇదేమి ఘోరం అని ప్రశ్నించిన సోదరితో యుద్ధం లో బంధుత్వాలు గుర్తుకు రావు అన్నాడు .జరిగిన దానికి పరిహారం గా సోదర తుల్యు డైన ఖరున్ని దండకారణ్యానికి అనది కార రాజు గా ,సోదరుడు దూషణుడిని 14 వేల రాక్షస గణానికి సేనాధి పతి గా చేసి ,శూర్పణఖ కు తోడిచ్చి జనస్తానానికి పంపాడు .అంతే కాదు ఆమె ఆడింది ఆటగా ,పాడింది పాటగా హాయిగా ఉండే స్వేచ్చనూ ఇచ్చేశాడు .వారంతా చేయని అక్రుత్యమే లేదు .బరి తెగించి ప్రవర్తించారు .ఇష్టా రాజ్యం గా ప్రవర్తించారు .దానికి ప్రతి ఫలం గా జన స్థానం లో శ్రీ రాముడు వారందర్నీ వీర విక్రమంతో సంహరించి లోకోప కారం చేశాడు .ఇప్పుడు మనం ఉంటున్న ‘’జన దండకారణ్యానికి ‘’ఈ ఏడు ( april2011 )   ‘’ఖరుడే అది పతి .అంటే ఖరనామ సంవత్సరం లో ఉన్నాం కదా .ఇప్పటికే ఎన్నో నేరాలు ,ఘోరాలు చూస్తున్నాం ఇంకా యే విపరీతాలు చూడాలో ?

             ఇంద్రజిత్ పరాక్రమం అవక్ర మైంది .అందరు తపస్సు చేసి అమరత్వం కోరుకొంటే ,తన పరాక్రమాన్ని చూపి అమరత్వాన్ని సంపాదిన్చుకొంటానని బ్రహ్మ దేవునితో చెప్పి ,తధాస్తు అని పించుకొన్న రావణ కుమారుడతడు .ఇంద్రుడు అహల్యా జారత్వం చేసి నపుడు గౌతమ మహర్షి ఇంద్రుడు చేసిన ప్రతి చెడ్డ పని మనుష్యుల్లో కూడా వ్యాపిస్తుందని ,మానవులు చేసిన పాపం లో చేసిన వారికి సగం పాపం ఇంద్రుడికి మిగిలిన సగం పాపం సంక్రమిస్తుందని శపించటం పాప కార్య తీవ్ర పరిణామాలను తెలియ జేస్తుంది .ఇంద్రపదవికే అస్తిరత్వం తెచ్చిన పాపి అయాడు దేవేంద్రుడు .మహా అంద గత్తే అయిన అహల్య రూప గర్వం ఆమె నూ పతితు రాలిని చేసింది .గౌతముని శాపంతో ఆమె ఏకైక అంద గత్తే  అన్నది పోయి ,అందర్ని అంద గత్తేలను చేయటం జరిగింది .ఆమెకు ఖేదం ,సామాన్యులకు మోదం .రూప గర్వం పతనానికి పరా కాష్ట.అయింది అహల్య విషయం లో .

         1000 వ పేజి లో జనకుడిని విదేహుడు అనటం దేహం నుండి పుట్టుకోచ్చాడని చిలుకూరు వారు రాశారు .కాని‘’దేహ భ్రాంతి లేని వాడు కనుక విదేహుడు అయాడు ‘’అని పెద్దలు చెప్పగా ,చదవగా నేను తెలుసుకొన్న విషయం .

           భూమి పై రెండవ అధర్మ పాదం మోప బడటం తో ద్వాపర యుగం పేరు వచ్చింది అన్న మాట సరైనదే నని పిస్తుంది .ఎంత తపస్సు చేసినా ,శరీరం పై భ్రాంతిని పోగొట్టుకో లేక పోతే ‘’శ్వేతునికి ‘’పట్టిన గతే అందరికి పడుతుంది .

               తెలియని విషయాలను తెలుసుకొనే విద్యకు ‘’ఆవర్తని ‘’అని పేరుందని నాకు ఇది చదివిన తర్వాతే తెలిసింది .ఇంకా ఎన్నో విషయాలను వెంకటేశ్వర్లు గారు స్పృశించి వివరించి అంద జేశారు .ఉత్తర రామాయణం లో ‘’భిక్షు తాడిత ‘’కుక్క కధ లో దైవ ద్రవ్యాపహరణం ఎంతటి నేరమో దాని వల్ల  వచ్చే అనర్ధమేమితో తెలియ జెప్తుంది .ఇక్కడో విషయం మనవి చేస్తున్నాను .విజయ వాడ ఆకాశ వాణి వారు ‘’ఆలోచనా లోచనం ‘’శీర్షిక క్రింద ప్రతి మంగళ వారం ఉదయం ఏదుం పావు కు ప్రసారం చేస్తున్న దానికి నన్ను రాయమని డైరెక్టర్ శ్రీ మంగళ గిరి ఆదిత్య ప్రసాద్ గారు కోరగా నేను పద్నాలుగు ఎపి సొడ్లు రాస్తే, ప్రసారం చేశారు .ఆరవ ఎపిసోడ్ లో ‘’భిక్షు తాడిత ‘’కధ ప్రసార మైంది .దానికి నేను పెట్టిన పేరు ‘’దేవుని సొత్తు తింటే విపత్తే ‘’.

             శ్రీ చిలుకూరు వెంకటేశ్వర్లు గారు తక్కువ వ్యవధిలో వాల్మీకాన్ని నేర్పుగా అనువ దించారు .ఎక్కడా క్లిష్టత లేదు .అన్వయ కాఠిన్యమూ లేదు ద్రాక్షా పానకం గా రచన సాగింది .ఆస్వాదనీయం గా ఉంది..శ్రీ రామునికి ఆంద్ర దేశానికి చాలా అవినాభావ సంబంధం ఉందని, యుద్ధం తర్వాత రాముడు అయోధ్యకు వెళ్ళ కుండా భద్రాచలం లోనే కొలువై నిలిచి పోయాడని ప్రఖ్యాత కవి ,విమర్శకులు ,’’విశ్వనాధ కాళి దాసుకు మల్లి నాద సూరి’’అయిన స్వర్గీయ మల్లం పల్లి శరభయ్య అయ్యవారు చమత్క రించారు . .శ్రీ రామ నవమిని ఆంద్ర దేశం లో చేసి నంత వైభవం గా ఇంకెక్కడా చెయ్యరు ఊరూరా వీధి వీధినా శ్రీ రామ నవమి పందిళ్ళ తో కోలాహలం గా ఉంటుంది .రామాలయం లేని ఊరు ఉండదు .సీతా రాముల పేరులో ఏదో ఒక పేరు ప్రతి ఇంటిలోను ఒకరికి ఉంటుంది .అలాంటి రామ చరితను మహర్షి వాల్మీకి రాసి తాను ధన్యుడై లోకాన్ని ధన్యత చెందిస్తే చిలుకూరు వారు తెలుగు వచనం లో ఆ మాధుర్యాన్ని, విశేషాలను అందించి ,మళ్ళీ ఒక సారి ఆ వైభవాన్ని చూపించారు .రుషి ఋణం తీర్చుకొన్నారు .అభ్యుదయ కవి అనుభూతి కవి స్వర్గీయ దేవర కొండ బాల గంగా ధర తిలక్ (అమృతం కురిసిన రాత్రి ఫేం ),పరవశించి శ్రీ రాముని గురించి రామాయణాన్ని గురించి అద్భుతం గా చెప్పిన పద్యం గుర్తు చేస్తూ

  ‘’రామ శబ్దము చాలు రచ్చలో గట్టులో –పులకించ నట్టిది పూవు లేదు

    సీత శబ్దము చాలు శీతువో గ్రీష్మమో –వరదలై పారని వాగు లేదు

    రామ సీతా నామ రమ్య నాదము చాలు –కోవెల కానట్టి గుండె లేదు

    రామాభి రామ కీర్తనముతో మడియని –స్మయ భావ మద నిశాచరుడు లేడు

    వాడ వాడల నాడు జీవత్కదాంశ–సంపుతీక్రుత కాకుత్ష్య చరిత మ్రోగే

    దాని గైకొని ,ప్రతిభా నిదానుడైన –మౌని వాల్మీకి అక్షర మాల్య గూర్చే ‘’

              దీనికి ముక్తాయింపుగా సీతా రాముల అభేదాన్ని తెలియ జెప్పే కవి సమ్రాట్ విశ్వనాధ వారి రామాయణ కల్ప వృక్ష కావ్యం లో అశోక వనం లో హనుమ దర్శించిన సీతా మాత స్వరూపాన్ని వర్ణిస్తూ చెప్పిన  పద్య వైభవాన్ని ఒక్క సారి దృష్టికి తెస్తూ,సెలవు తీసుకొంటున్నాను

‘’ఆకృతి రామ చంద్రు విరహాకృతి ,కన్బొమ తీరు స్వామి చా

  పాకృతి ,కన్నులన్ ప్రభు క్రుపాకృతి ,కైశిక మందు రామ దే

  హాక్రుతి ,సర్వ దేహమున యందున ,రాఘవ వంశ మౌళి ,ధ

  ర్మాక్రుతి ,కూరుచునున్న విధ మంతయు ,స్వామి ప్రతిజ్ఞ మూర్తి యై ‘’

               సంపూర్ణం

                    మీ –గబ్బిట దుర్గా ప్రసాద్ –11-1-13-ఉయ్యూరు

About the Author Sri Venkateswarlu

 చిలుకూరు వారి వచన వాల్మీకి రామాయణం -6

                                   సుందర కాండ

శ్రీ రామ కృష్ణ తపోవనం నుండి శ్రీ చిలుకూరు వారి విజ్ఞప్తి

శ్రీ హనుమ సముద్ర లంఘనం లో సురస ను ఎదుర్కొనే టప్పుడు శరీరాన్ని తొంభై యోజనాలకు పెంచాడు అనటం అసంబద్ధం గా ,పిల్లల సంతోషం కోసం చెప్పి నట్లుగా ఉందనటం నాకు నచ్చిన విషయం .కొన్ని చోట్ల ఇలాంటి ఔచిత్య భంగాలు బాధిస్తాయి .లంకలోని భావన సముదాయాలన్నిటి గురించి చెప్పిన విధానం తెలుసుకో తగినది .నాలుగు ద్వారాలుండేది ‘’పద్మం ‘’అని ,ఇవి సర్వతో భద్రమని ,పశ్చిమ ద్వారం లేక మధ్య వంపు తిరిగిన చతుస్శాల గృహాన్ని‘’హయాననం ‘’అంటే ,గుర్రపు ముఖం అని ,దక్షిణ ద్వారం లేని దాన్ని ‘’వర్ధమానం ‘’అంటారని ఇది ధన ప్రదమని ,తూర్పు ద్వారం లేని ది‘’స్వస్తిక గృహం ‘’అని ఇది పుత్ర ,ధన ,సంపదల నిస్తుందని కేటగరైజ్ చేయటం కొత్త విషయాలను తెలియ జేసింది .వీటి వివరణ ఇవ్వటానికి చిలుకూరు వారు ఎంతో శ్రమించి ఉంటారని పిస్తుంది .

                పుష్పక విమానం యజమాని మనస్సును బట్టి నడుస్తుందని ,యజమాని నియంత్రణ లోనే పని చేస్తుందని ,ఏ వేగం కావాలంటే ఆ వేగం లో వెళ్తుందని వాల్మీకి చక్కగా వర్ణించిన విషయాన్ని తేట తెలుగు మాటల్లో వర్ణించటం బాగుంది .మన విమానాల్లో ఇంకా రావాల్సిన మార్పులను ఈ పుష్పకం సూచిస్తోందని పిస్తుంది .రామ రాజ భూషణుడు రాసిన ‘’వసు చరిత్ర ‘’ప్రబంధం లో ఇంద్రుడు వసు రాజుకు మహా మహిమాన్విత మైన విమానాన్ని బహూక రిస్తాడు .అందులో ఎయిర్ కూల్ ,ఎయిర్ కండిషనింగ్ కూడా ఉంటాయి .పుష్పకం కంటే మెరుగైందన్న మాట .’’వసు రాజు విమానం ‘’పేరుతో చాలా ఏళ్ళ క్రితం నేనొక వ్యాసం రాశాను ‘’మూసీ మాస పత్రిక ‘’లో ప్రచురితమైంది .ఊరికే కంపారిజన్ కోసం చెప్పాను .రావణాసురుడు కుబేరుని దగ్గర నుంచి పుష్పకాన్ని లాక్కొంటే ,వసురాజు దివ్యత్వాన్ని మెచ్చి దేవేంద్రుడు ఈ విమానాన్ని కానుక గా ఇచ్చాడు అదీ కధ .

           సీతా దేవి ని తప్ప స్త్రీల నెవ్వరిని రావణుడు బలాత్కారం గా లంకకు తీసుకొని రాలేదని ,అతని గుణాలకు ఆకర్షితులై వారే వచ్చారని ,మరో పర పురుషుని పై వారికి ప్రేమ లేదని అందరు సత్కుల సంజాతలే నని ఈ కాండలో ఉన్నది .కాని ఉత్తర కాండ లో దీనికి విరుద్ధం గా విషయాలున్నాయి .రావణ గాంభీర్యానికి ప్రతిభకు ,హనుమ అప్రతి భుడయ్యాడని కాని భయ పడ లేదని మంచి వివరణ నిచ్చారు వెంకటేశ్వర్లు గారు .

                    యుద్ధ కాండం

          యుద్ధానికి బయల్దేరిన వానర సైన్యానికి సూచన లిస్టు ,సుగ్రీవునికి శ్రీ రాముడు చాలా హెచ్చరికలు చేశాడు .శత్రువులు కంద మూలాల్లో ,ఫలాల లో విషం కలిపే ప్రమాదం ఉందని ,ఏమరు పాటు ఏ మాత్రం తగదని ,భూ సైన్యానికి‘’air protection ‘’ఉండేట్లు చూడమని చెప్పటం యుద్ధ సమయం లో రాజు ఎన్ని జాగ్రత్తలు తీసుకో వాలో తెలియ జేసే యుద్ధ విధానమే కాక, యుద్ధ నీతి కూడా ఉంది.సూర్య మండలం చుట్టూ చిన్న యెర్రని గూడు కడితే అందులో నల్ల మచ్చ ఉంటె రాబోయే ప్రళయానికి సూచన అని మహర్షి వాల్మీకి తెలియ జేశాడు .ఇది లంకకు చేటు కనుక ,ఆ సమయం లోనే యుద్ధం ప్రకటించాలని రాముడు లక్ష్మణుడి తో అనటం రాజనీతికి గొప్ప ఉదాహరణ .యుద్ధ తన్త్రానికి మకుటం .జాంబ వంతుడు ‘’గద్గదుని ‘’కుమారుడని ,అతని తమ్ముడి పేరు ‘’ధూమ్రుడు ‘’అని మనం తెలుసు కొంటాం .

            మాల్య వంతుడు రావణుడి పిన తాత .రావణుడికి నీతి బోధిస్తూ మహర్షులు అగ్ని వలె ప్రకాశిస్తారని ,ధర్మ సంరక్షకులని ,వారి యాగ ధూమానికి రాక్షసులు చెల్లా చెదరౌతారని ,రాక్షస తేజాన్ని అణచే సర్వ సమర్ధులు మునులని ,వారి తపోగ్ని రాక్షసులకు తాపం కలిగిస్తుందని వారిని బాధించటం వల్ల రావణుడు పతనం కొని తెచ్చుకోన్నాడని బోధించాడు మాల్య వంతుడు .రామునితో సంధి చేసుకొమ్మని రావణుని తల్లి కైకసి ,’’అవిద్ధుడు ‘’అనే ముసలి మంత్రీ హితవు చెప్పారు .వినలేదు .వినాశ కాలే విప రీత బుద్ధి అంటే ఇదే .

               పాదాల్లో పద్మ రేఖలున్న స్త్రీలు సామ్రాజ్యాధి పతుల భార్య లవుతారని హస్త సాముద్రికం చెప్పాడు వాల్మీకి .పుష్పక విమానం విధవలను తీసుకొని పోదు అనే విషయం విమాన రహస్యం .భరద్వాజుడు విమాన శాస్త్రాన్ని రచించాడని మనకు తెలుసు .దీన్ని జర్మన్ ,జపాన్ దేశాల వారు తీసుకొని వెళ్ళి ,విమానాలు తాయారు చేశారని మన వాళ్ళ నమ్మకం .కుంభ కర్ణుడు నీతులు బోధిస్తుంటే నిండా మునిగిన రావణుడు నీతులతో చర్చించే సమయం కాదని తన తెలివి తక్కువ ,భ్రాంతి వల్ల లోపాలు చేశానని ఇప్పుడు కర్తవ్యమేమిటో ఆలోచించమని దశగ్రీవుడు అనటం తక్షణ కర్త్వవ్య బోధ యే.జరిగి పోయిన్దాన్ని గురించి నిర్ణయం తీసుకొనే సమయం లో ఆలోచిస్తూ కాలం వృధా చెయ్య రాదనీ అందరు గుర్తిన్చుకోవాల్సిన విషయం .అతని తప్పుల్లో  అందరికి బాధ్యత ఉంది..ఎలా అతడిని బైట పడేయ్యాలో ఇప్పుడు సూచించాలి .లక్ష్మణ మూర్చ సందర్భం గా రామ విలాపం లోనీ ఉచితానుచితాలను చిలుకూరు వారు చక్కగా చిలికి విశ్లేషించారు .ఆదిత్య హృదయాన్ని అతి తక్కువలో అందులోని ఆంతర్యాన్ని సూక్క్ష్మం గా చెప్పటం విశేషం .బాగుంది .

         ప్రేమించే గుణం లేని రాజుతో యుద్ధానికి పోవటం సైనికులు ఇష్టపడరని కనుక యుద్ధ ము లో పాల్గొనే వానర వీరులను ముందే సత్కరించమని రాముడు విభీషణుడికి చెప్పి చేయించాడు .ఇది త్యాగానికి తగిన గుర్తింపు నివ్వటమే .అందుకే మన ప్రభుత్వం వీర ,శౌర్య చక్ర,పరమ వీర చక్ర పురస్కారాలిచ్చి సత్కరిస్తోంది .సైనికులను సంతోష పరుస్తున్నారు .అయోధ్యకు వెళ్తూ శ్రీ రాముడు భరద్వాజ మహర్షి ని సందర్శించి తాను వెళ్ళే దారిలో వృక్షాలు అన్నీఅకాలం లో కూడా సమృద్ధిగా ఫలాల నివ్వాలని ,పుష్ప  ఫల భరితం గా ఉండాలని కోరాడు .ప్రజా క్షేమం అడుగుడుగునా రాజు కర్తవ్యం అని తెలియ జేసే సంఘటన .రాముని తరఫున రాజ్యం చేస్తున్న భరతుని కాలం లో అన్నీ పది రెట్లు అభి వృద్ధి చెందాయట .అది విని అందరు ఆనంద బాష్పాలు రాల్చారట .తన పై ఉంచిన బాధ్యతలను భరతుడు ఎంత సక్రమం గ నిర్వర్తిన్చాడో ,ఎంత నియమ బద్ధం గా పరి పాలన నిర్వ హించాడో మనకు తెలుస్తుంది .ఇదంతా తన గొప్ప కాదని రామ భద్రుని ప్రభావమే నని అతి వినమ్రం గా భరతుడు చెప్పటం అతని సుగుణ సంపత్తిని రెట్టింపు చేస్తుంది .

             సశేషం –మీ –గబ్బిట దుర్గా ప్రసాద్ –10-1-13—ఉయ్యూరు 

About the Author Sri Venkateswarlu

This slideshow requires JavaScript.

 ఇన్నాళ్ళకు ఈ నెల ఆరవ తేది ఆది వారం హైదరా బాద్ లో ఉషా మయూరి సినిమా హాల్లో సాయంత్రం ఆరు గంటల ఆట కు మా పెద్దబ్బాయి శాస్త్రి ‘’మా మిదునానికి ’’ ఈ మిధునం సినిమా చూపించాడు .అందులో కొన్ని సన్నీ వేశాలు అచ్చం గా నేను ఇంట్లో ప్రవర్తించే తీరు లో ఉన్నాయని ,అంత కట్టే కొట్టే లా ప్రవర్తించటం,కొడుకుల్నించి ఫోన్లు వస్తే వాళ్ళమ్మకు ఇచ్చేయటం తమకు అనుభవమే నని ,తనకు మా కోడలు సమత కు నచ్చిందని , మేము కూడా చూడాలని,తాను ఇప్పుడు రెండో సారి చూస్తున్నానని  పట్టు బట్టి సినిమా చూపించాడు ..అక్కడ అందరు వృద్ధ మిదునాలే కని పించాయి . .హాలంతా నిండి పోవటం నాకు మహా ఆశ్చర్యాన్ని కల్గించింది .కాదు ఆనందాన్ని కూడా పంచింది .ప్రేక్షకులు ఎంత మెచ్చుకోక పోతే ఇంత మంది వస్తారు ?అందుకని ప్రేక్షక దేవుళ్ళను  మనసారా అభి నందిస్తున్నాను .ఇది ప్రేక్షకులు అందించిన గొప్ప విజయమే నని పించింది .తెల్ల జుట్టు వాళ్లను  హాలుకు తీసుకొచ్చిన నల్ల జుట్టు వాళ్ళు కొందరు ఉండటం విశేషమే .ఇది ‘’మన అమ్మా నాన్నల సినిమా ‘’అని యువత ఎగబ డటం లేదు కాని ఇది మన సినిమా అని మాత్రం వృద్ధులు అనుకొని చూడ టానికి బాగానే వస్తున్నారు .ఇలా ఉన్నామని  అనుకొనే వారు ,ఇలా ఉంటె బాగుంటుందను కొనే వారు ,ఇలా ఉండ బోతున్నాం అనుకొనే వారు ,మన వాళ్ళందరూ ఇలా ఉంటె మహా బాగుంటుంది అను కొనే వారు ఈ సినిమా చూసే వాళ్ళల్లో ఉన్నారు .మూడో వారం లో ఇంత మంది జనం ఈ ఆర్ట్ ఫిలిం లాంటి సినిమాకు రావటం గొప్ప విషయమే నని పించింది .

          ఇప్పుడు సినిమా లోనిఅసలు విశేషాలను తెలియ జేసే ప్రయత్నం చేస్తాను .అసలు మిధునం కధను అత్యద్భుతం గా రాశారు శ్రీ రమణ .దాన్ని అంత అద్భుతం గా తెరకెక్కించాలని భరణి చేసిన ప్రయత్నమే ఇది .అంతా పూర్తి సంతృప్తి ని కల్గించక పోవటం నిరాశే మిగి లించింది ..కధలో ఎన్నో మార్పులు చేశాడు భరణి .అవి కధా గమనాన్ని పెంచేవి గా ఏమీ లేవు ..హార్ట్ ఫుల్ గా ఈ సినిమా తీద్దామని ,ఆర్ట్ ఫిలిం గా మలిచి సత్తా చూపించుకోవాలని అనుకొని తీరా  ‘’డిం షో ‘’గా నిలబెట్టాడు .అదే పెద్ద లోపం .ఫోటోగ్రఫీ మిధునం దంపతులు ఎంతో ఆశగా పెంచుకొన్న తోటలోని పువ్వులా గువ్వలా ,మొక్కలా, తీగెలాఅందాలను ఆర బోయాల్సింది పోయి చీకటి గుయ్యారం గా తయారు చేశాడు .ఆ సోయగాల సౌరు ఆనందించ లేక పోతాం . అదే బాధ కల్గిస్తుంది .చాయాగ్రహణం ఇషాన్ ఆర్యా ఫోటోగ్రఫీ లా ఉంటె కన్నుల నిండా వెన్నెలే ,ఆనందపు  విన్దులే గా ఉండేవి అది కోల్పోయాం..అదే విచారం నూటికి నూరు శాతం మార్కులు కొట్టేయ్యాల్సింది పోయి పాస్ మార్కులతో సంతృప్తి పడాల్సి వచ్చింది .బహుశా ఇంకా భరణి తాను తీసిన ‘’సిరా ‘’బాటిల్ లోనుంచి ,‘’,గ్రహణం ‘’నుంచి దూరం కాలేక పోయాడని పిస్తుంది .అడే తీరు లో తీసి ఫోటోగ్రఫికి మార్కులు తెచ్చుకోలేక పోయాడు .

          అయితే –శబ్ద గ్రహణం మాత్రం నూటికి ఇన్నూరు మార్కులు పొందింది .అద్భుతం అత్యద్భుతం అని పిస్తుంది .వీణా పాణి సంగీతం సమ కూర్చాడని పించలేదు .అసలు కధలో కలిసి పోయిందని పిస్తుంది .హాట్స్ ఆఫ్ టు’’సంగీతవాణి , పాణి –వీణా పాణి ‘’.జేసుదాస్ పాడిన మిధునం టైటిల్ సాంగ్ అర్ధ వంతం గా ,వీనుల విందుగా ,ఉన్నది .కొన్ని మాటలు శబ్దాలు వెనుక నుంచి విని పించటం మరి గొప్ప ప్రయోగం .నిజం గా అభి నందనీయ మైన విషయం ..జొన్న విత్తుల కాఫీ దండకం నాకేమి కొత్తకాదు ,ఆయన బానే పాడాడని పించింది ..

          నటన విషయానికి వస్తే లక్ష్మి నటన నిజం గా సూపర్బ్ .అవధులకు మించి నటించి ‘’నట లక్ష్మి ‘’అని పించింది .ఆంగ్ల మాధ్యమం లో చదూకున్న అమ్మాయి అచ్చ తెనుగుకు పట్టం కట్టింది ..హావ భావ ప్రకటనలు మహా ముచ్చటగా ఉన్నాయి .చిలిపితనం ,గడుసు తనం ,ఆరిందాతనం ,ఉత్తమా ఇల్లాలు లక్షణం ,అందమైన కాపురానికి అందమైన గోపుర శిఖరం గా ఆమె నటన ఉంది. .అయినా ఆమె పాత్ర చిత్రీకరణ లో ఇంకా లోపం ఉందని పించింది .ఇంకా చేయగల చెవ ఉన్న నటి లక్ష్మి .రా బట్టాల్సిన నటన చాలా ఉందని పిస్తుంది .నూటికి రెండొందల మార్కులు కొట్టేస్తుంది లక్ష్మి .

                బాలు విషయానికి వస్తే అంతా తెచ్చి పెట్టుకోన్నట్లుంది ..నటన కన్నా డైలాగ్ డెలివరి బాగుంది .ఆయన ముఖం చూడ కుండా సంభాషణలు వింటే బాగా ఉండేది అని పిస్తుంది .కష్టపడ్డాడు .పీపా లా ఉన్నా పాకాడు ,గెంతాడు ,పరిగెత్తాడు చిలిపి తనం చూపించాడు .,అంతా ఏదో లా ఉంది..నేను ఇచ్చే మార్కులు యాభై శాతమే .

              మొక్కలు ,పూయటం కాయటం ,తీగెలు పాకటం పిందే,,కాయా,ఫలం కని పించింది అని మీడియా ఊదర కొట్టింది కాని అదేమీ ఇందులో కన్పించవు .కాయలు చూపినంత మాత్రాన అవి ఆ చెట్టువే నని నమ్మేంత గా లేక పోవటం వింత .అసలు ఆ చెట్ల లో ఆ మిధునం ప్రతి చేట్టులోను తమ సంతానాన్ని చూసుకొని వారిని గురించి వాటిని గురించి చెప్పుకొంటూ హాయిని , ,నిండైనన సంతృప్తి కరమైన జీవితం సా గించారు  .ఆ అను భూతిని మనం కధ చదువుతుంటే కలిగిస్తారు చూస్తుంటే ఇంకా గొప్ప భావన రావాల్సి ఉంది .అది రాక పోవటం అసలు కధకే దెబ్బ అని పిస్తుంది .కధ చదివి సినిమా చూసిన వారికి కళ్ళు ఏ మాత్రం చమర్చవు .చివ్వర మూడు నిమిషాల్లో లక్ష్మి చూపిన నటన ను చూసి నప్పుడు తప్ప .అదే పెద్ద లోపం .ఆర్ద్రత తో నిండిన మనస్సు తో కన్నీళ్లు కారుస్తూ హృదయం ద్రవించి పోతుంది మనమందరం ఆ కధ లో లీన మై పోతాం .ఆ మమైకత్వం సినిమా లో లేక పోవటం పెద్ద లోపమే .ఇక్కడ శ్రీ రమణ కు పూర్తీ అన్యాయమే జరిగింది ..

                       మిధునం తో నా సంబంధం

           దాదాపు ఇరవై ఏళ్ళ కిందట ‘’రచన ‘’మాస పత్రిక లోశ్రీ రమణ రాసిన ‘’మిధునం ‘’కధ చదివి ,ఆనంద పరవశత్వమే పొందాను .మళ్ళీ మళ్ళీ చదివాను .మా శ్రీమతి తో చది వించాను .ఆమె కూడా చాలా అనుభూతి పొందింది .ఎంతో మెచ్చింది .ఆ చెట్ల వాతావరణం మన ఇంటి వద్ద లేదు కదా అని బాధ పడింది .కాని ఇప్పుడు అనేక రకాల చెట్ల  శోభ అంతా మా ఆ వరణ లో నిండి కళ్ళకు విందు చేస్తున్నందుకు మహా ఆనంద పడుతోంది .ఆ తర్వాతప్రముఖ చిత్ర కారుడు బాపు గారు ఈ కధను స్వహస్తాలతో రాయగా మళ్ళీ పుస్తక రూపం లో వస్తే ,ముచ్చట పడి మళ్ళీ చదివాను .శ్రీ కొమ్మూరి వేణు గోపాల రావు గారు మరణించటానికి కొద్ది రోజుల ముందు ఆయన మచిలీ పట్నం లో శ్రీ రావి రంగా రావు గారు నిర్వ హించిన కధా సదస్సులో పాల్గొన్నారు సభాధ్యక్షులు గా ప్రముఖ కధా రచయిత శ్రీ వీరాజీ వ్యవహరించారు .మరో ప్రముఖ కధా రచయిత శ్రీ కాటూరు రవీంద్ర త్రివిక్రమ్ గారు మొదలైన వారందరూ ఉన్నారు .నేనూ సదస్సులో పాల్గొన్నాను .కధ ల విషయం అంతా మాట్లాడిన తర్వాతా అధ్యక్షుడిని నాకు అయిదు నిముషాలు మాట్లాడే అవకాశం ఇమ్మని కోరాను .ఇచ్చారు .అయిదారు నిమిషాలలో శ్రీ రమణ రాసిన ‘’మిధునం ‘’కధ గురించి హైలైట్ చేసి మాట్లాడాను .ఆ కధ ప్రతి తెలుగు వాడి కధ అని దాన్ని ముద్రించి ప్రతి తెలుగు వాడింట్లో పంచి,చదివించి  ఋణం తీర్చుకోవాలని చెప్పాను .అంత మంచి కధ ఆ మధ్య రాలేదని అన్నాను వీరాజీ ,కొమ్మూరి, త్రివిక్రమ్ గార్లు ఎంతో మెచ్చుకొన్నారు నన్ను .ఆ విషయాన్ని అక్కడే మర్చి పోయాను ..తర్వాతమూడు రోజుల కు రవీంద్ర త్రివిక్రమ్ గారు ఫోన్ చేశారు నాకు .కొమ్మూరి గారు నేను మిధునం పై మాట్లాడి మెచ్చిన తీరు ను శ్రీ రమణ గారికి ఫోన్ లో తెలియ జేశారని .,ఆయన ఎంతో ఆనంద పడ్డారని త్రివిక్రమ్ గారికి తెలియ జేశారట .ఆయన నాతో ఫోన్ లో ఈ విషయం చెప్పి నన్ను అభి నందించారు .దాదాపు ఏడాది క్రితం తెన్నేరు వాసి  మాకు ఆత్మీయ మిత్రులు శ్రీ దేవి నేని మధు సూదన రావు గారు తమ స్నేహితుని వివాహ సందర్భం గా ‘’మిధునం ‘’కధ ను ముద్రించి వివాహానికి వచ్చిన వారందరికి ఉచితం గా పంచి పెడుతూ నాకొక కాపీ పంపారు .మేమిద్దరం మళ్ళీ మహదానందం గా చదివి చలించి పోయాం .ఆ మిదునాన్ని మనసారా అభి నందించాం . .ఆ కధను నేను చదువుతూ వాయిస్ రికార్డర్లో రికార్డు చేశాను .చివరి పది నిమిషాలు నా కళ్ళ వెంట దారా పాతం గా ఆనంద బాష్పాలు కారి పోతూనే న్నాయి కళ్ళు తుడుచుకుంటూ గద్గదం గా అలానే చదివి పూర్తీ చేశాను .దాన్ని mp3లో నిక్షిప్తం చేసి సాహితీ బంధువులందరికీ పంపాను ..అది విని చాలా మంది తమ పరిస్తితి నా లా నె ఉందని కన్నీళ్లు ఆపు కో లేక పోయామని మెయిల్స్ రాశారు .ఫోన్లూ చేశారు .అంతటి ప్రభావాన్ని కలిగించిన కధ శ్రీ రమణ కద – మిధునంమిధునం .ఇలా మనల్ని కది లించలేక పోయిందే సినిమా అని మాత్ర్తం బాధ ఎక్కువ గానే ఉంది.

                   మిధునం లో పద నిసలు

          చిన్న ధియేటర్లు ‘’లో బడ్జెట్’’ సినిమాలు ఆడటానికి సహకరించటం లేదని రామోజీ హాలు కనుక నె ఇక్కడ ఈ సినిమా ఇంత కాలం ఆడుతోందని ఈ క్రెడిట్ అంతా రామోజీ రావుదే నని నాతో చూసిన వారు అన్నారు .టికెట్ కూడా యాభై రూపాయలే అత్యధికం గా ఉండటం కూడా బాగా ఆడటానికి వీలవుతోందని అంత మాత్రం చేత సౌకర్యాల కేమీ లోపం లేదని అన్నారు ..ఈ విషయం లో శ్రీ రామోజీ రావు ను అభి నందిన్చాల్సిందే అందరం .నిర్మాత ఆనంద రావు గారికి కూడా ఈ సినీమా నడక ఆనందాన్ని కల్గించే ఉంటుందని అనుకొంటున్నాను .దర్శకుడు భరణి సాహసానికి ,ఒక మంచి తెలుగు సినిమా తీసి అంతర్జాతీయం గా తెలుగు వాడి సత్తా ను ప్రపంచానికి చాటాలి అన్న తపన ఫలించిందనే అనుకొంటున్నాను .భరణి తన శక్తి సామర్ధ్యాలన్ని ఒలక పోశాడు .స్వయానా రచయిత అవటం ,దర్శకుని గా రాణించటం తానూ గొప్ప కారెక్టర్ నటుడవటం కలిసి వచ్చింది .ఇలాంటి ఇంకో సినిమా తీసే ధైర్యం వచ్చి ఉంటుంది ..అయితే పేపర్ వాళ్ళు బాగా బూస్ట్ ఇస్తున్నారనే మాట కూడా విని పించింది ..

మిధునం పై మధనం  మిధునం మన తెలుగు సినీ బావుటా ను ఆకాశ మంత ఎత్తుకు ఎగరేయాలని  ఆశిస్తూ –సెలవ్ –

మిధునం పై మధనం –ఈనాడు సినీ రివ్యు

                   మీ –గబ్బిట దుర్గా ప్రసాద్ –9-1-13-ఉయ్యూరు

 స్వర్గీయ శ్రీ తిరుమల రామ చంద్ర శత జయంతి సభ

   విజయవాడ లో ఈ నెల ఒకటవ తేది నుండి పదకొండవ తేది వరకు 24వ పుస్తక మహోత్సవం జరుగుతోంది .నిన్న అంటే ఎనిమిదో తారీఖు మంగళ వారం సాయంత్రం నేను చూడ టానికి వెళ్లాను .నాకు కావాల్సిన పుస్తకాలు కొనుక్కొన్న తర్వాత‘’నండూరి రామ్మోహన రావు వేదిక ‘’పై జరిగిన సాహిత్య కార్యక్రమాలను చూశాను .మొదట బాల సాహిత్యం పై జరిగిన సభకు గ్రందాలయోద్యమ వృద్దు శ్రీ వెలగా వెంకటప్పయ్య అధ్యక్షత వహించగా విజయవాడ ఆకాశ వాణి ఇన్చార్జి డైరెక్టర్ శ్రీమతి మున్జలూరి కృష్ణ కుమారి,శ్రీ తుర్ల పాటి కుటుంబరావు  వగైరాలు వక్తలు గా పాల్గొన్నారు .బాల సాహిత్యం అనుకోన్నంతగా రావటం లేదని ,చదివే వారు తగ్గి పోయారని అందరు అన్నారు ..తుర్ల పాటి మాట్లాడుతూ అయిదు సి.లు పిల్లల్ని నాశనం చేస్తున్నాయన్నారు అవి సినిమా ,క్రికెట్ ,చానెల్ ,కంప్యుటర్ ,కార్టూన్ లని చెప్పారు .నేషనల్ బుక్ ట్రస్ట్ అధినేత కూడా సభలో పాల్గొన్నారు ..దీని తర్వాత జరిగిన సభ చిరస్మరణీయం గా ఉంది.

24 వ పుస్తక ప్రదర్సన విజయవాడ

                       సాహితీ మేరువు తిరుమల రామ చంద్ర

            తిరుమల రామ చంద్ర గారి శత జయంతిని పురస్కరించుకొని గొప్ప సభ జరిగింది .దీనికి అధ్యక్షత వహించింది రామ చంద్ర గారి కుమారుడు శేష సాయి గారు .వక్తలుగా రామ చంద్ర గారి అమ్మాయి ఆముక్త మాల్యద ,శ్రీ పుట్ట పర్తి నారాయణా చార్యుల వారి కుమార్తె ప్రఖ్యాత రచయితా విశ్లేషకు రాలు సప్త గిరి చానల్ కు ఎన్నో ఎపి సోడ్లులను నిర్మించిన శ్రీ మతి పుట్ట పర్తి నాగ పద్మిని గార్లు .రామ చంద్ర గారి పెద్దమ్మాయిరజని  ని కూడా ఆహ్వానించారు కాని ఆమె రాలేక పోయింది .

           తిరుమల శేష సాయి మాట్లాడుతూ తమ తండ్రి గారు అనుక్షణంసాహిత్యానికి అంకితమై పని చేశారని పొట్టకూటి కోసం ఆయన చేబట్టని ఉద్యోగం లేదని వారి ‘’హంపీ నుండి హరప్పా దాకా ‘’పుస్తకం లో ఆయన కలుసుకొన్న వివిధ వ్యక్తుల ప్రభా వాలను వివరించారని ఎక్కడ వసతి దొరికితే అక్కడ ఉన్నారని కష్టాలకు బాగా అలవాటు పడ్డ జీవితం ఆయనది అన్నారు .ఒక సారి పంజాబ్ లో ఒక సిక్కు గృహస్తు ఇంట్లో రామ చంద్ర బస చేసి నప్పుడు వారు ఆవ  తో చేసిన మిఠాయి ఆయనకు పెట్టారని దాన్ని తిని ఎలా తయారు చేశారో తెలుసుకోన్నారని తాను ఇదివరకే ఆవ తో స్వీట్లు చేస్తారని రాసిన దాన్ని గురువు మాన వల్లి రామ క్రిష్నయ్య గారు కాదని ఆక్షేపించారని వెంటనే ఆ ఇంటి వారి నడిగి వారుపెంచిన  ఆవ మొలకలను గురువు గారికి పోస్ట్ లో పంచ్పించారని చెప్పారు .ఏదైనా తనకు కాని కుటుంబ సభ్యులకు కాని కష్టం వస్తే ‘’ఇంకెంతకాలం రా ‘’ఆరు నెలల్లో ‘’అన్నీ సర్దుకుంటాయి రా ‘’అని అందర్ని ఓదార్చే వారని ఆరునెలల గడువు తో ఆయన సంతృప్తి చెందే వారని తెలియ జేశారు .రామ చంద్ర సుమారు 75దాకా పుస్తకాలు రాశారని ,గమ్యం లేని జీవితమే చాలా భాగం గడిపి చివరకు ప్రాకృత భాషా ధ్యయనాన్ని చేసి ఒక సుస్తిర స్థానం సంపాదిన్చుకోన్నారని చెప్పారు .అవన్నీ ముద్రణ పొంది యేన లేని కీర్తిని తెచ్చాయన్నారు ..ఆయన ను ఎవరైనా  ఏది నీకు ఇష్టం అంటే ‘’ఆకలి ‘’అనే వారని ,ఎంత సంపాదించినా ఆ రోజుల్లో వచ్చే జీతాలు కడుపు నింప లేక పోయాయని అందుకనే ఆకలి అనే వారని చెప్పారు .ప్రేక్షకుల కళ్ళల్లో కన్నీరు కారింది ఈ మాట వింటుంటే ..తామంతా తమిళ దేశం లో నె పుట్టి పెరిగినా తమ ఇంట్లో చక్క గా తెలుగే మాట్లాడుకోవటం తమ తండ్రి గారిచ్చిన సంస్కారం అన్నారు .ఒక తెలుగు బహిరంగ సభలో పాల్గొనడం అందునా తెలుగు లోనే మాట్లాడటం తనకు లభించిన మహత్తర అవకాశం అని పొంగి పోయారు .నిర్వాహకులకు కృతజ్ఞతలు తెలిపారు ..సాయి గారు చక్కని తెలుగులో ప్రసంగించి తమ హృదయాన్ని బాగా ఆవిష్కరించారు .

తిరుమల రామ చంద్ర గారి అమ్మాయి శ్రీ మతి ఆముక్త మాల్యద తండ్రి తో తనకున్న జ్ఞాపకాలను నేమరేసుకొన్నారు .రాత్రి ఏ వేళచూసినా రామ చంద్ర గారు ఏదో చదువుతూనో రాస్తూనో కని పించే వారని జీవితం బోర్ గా ఉంటోందని తాము అన్నప్పుడల్లా ‘’బోర్ కే బోర్ కొట్టేట్లు ప్రవర్తిన్చాలమ్మా ‘’అని సలహా చెప్పేవారని చెప్పారు .ఎంత దూరమైనా కాలి నడకనే వెళ్ళే వారని ,వాహనాల్లో వెళ్ళటానికి ఇష్టపడే వారు కాదని అన్నారు .తమ తండ్రి గారి మీద ఇంతటి ఆప్యాయతా ,ఆదరణా ,ఆరాధనా ఇక్కడి వారు చూపిస్తున్నందుకు తామెంతో గర్వ  పడుతున్నామని,అంతటి తండ్రికి సంతానం అయి నందుకు గర్వం గా ఉండని  , చెమ్మగిల్లిన నయనాలతో ఆముక్త మాల్యద అన్నారు .

           శ్రీమతి పుట్ట పర్తి నాగ పద్మిని అద్భుత ప్రసంగాన్ని చేశారు .తమ ‘’అయ్య’’పుట్ట పర్తి వారిని ,చిన్నయ్య అని తాను ఆప్యాయంగా పిలుచుకొనే ‘’తిరుమల రామ చంద్ర ను తెలుగు సాహిత్యం లో రెండు మేరు పర్వతాలనీ రెండు మహా సాహితీ సిన్దువులని పేర్కొన్నారు .ఇద్దరు జీవితం లో నిలకడ లేని జీవితాలనే గడిపారని రామ చంద్ర గారి తల్లి గారు బంధు జనం ఆయన్ను అతి గారాబం గా ,అతి ప్రేమ గా పెంచారని ,చూశారని అది ఆయనకు వెగటు పుట్టి వారికి దూరం గా వెళ్ళి పోయి స్వతంత్ర జీవనం సాగించారని చెప్పారు .తమ అయ్య దీనికి విరుద్ధం అని ఆయన తల్లి గారు చిన్నతనం లోనే చని పోవటం వల్ల ఆదరించే వారు లేక ఇంటికి దూరమయ్యారని ,స్వేచ్చా , ,విసృమ్ఖలత తో కొంత ఇబ్బంది పడ్డారని గుర్తు చేశారు .నారాయణా చార్యులు గారు కూడా అనేక సాహితీ ప్రక్రియలు చేబట్టి అనేక పోకడలు పోయి ,దేనిలోనూ స్తిరం గా ఉండలేక పోయారని చివరికి భక్తి ఒంట బట్టి దాని అంతు చూశారని తులసీ రామాయణాన్ని రాసి మంచి పేరు తెచ్చుకోన్నారని ,ఆచార్యుల వారి సకలోహ సర్వస్వమే ‘’శివ తాండవం ‘’అని అది వారి ‘’మాగ్నం ఓపస్ ‘’అయిందని దానితో వెనక్కి తిరిగి చూడలేదని ,ఆయన భాషా పాండిత్యం అందరికిరికి అబ్బుర పరచేదని ,పీఠాది పతులప్రశంశాల నందు కొని అనేక భాషలలో అపార పాండిత్యాన్ని సాధించి ‘’సరస్వతీ పుత్రులు ‘’అని పించుకోన్నారని గుర్తు చేశారు .ఈ ఇద్దరు మొదట్లో ను చివర్లోను ఒకే పద్ధతిలో చరించటం యాదృచ్చికం అన్నారు .రామ చంద్ర గారు ఏదైనా కొత్త విషయం కని పిస్తే దాన్ని నేర్చుకొనే దాకా వదిలి పెట్టరని అన్నారు .ఒక సారి కాశీ లో ఒక అస్సామీ ఆయన కలప వ్యాపారం లో మెళకువలు నేర్పుతాను అని చెప్పి నాలుగు రోజుల్లో వస్తానని ఇంటికి వెళ్ళిన వాడు నేల రోజులకీ పత్తా లేక పోతే ,ఆ నేల రోజులు ఆయన కోసం నిరీక్షిస్తూ తినటానికి తిండి కూడా లేక రెండు పూటలా కడుపు నిండా గంగా జలాన్ని త్రాగి బ్రతికిన పిచ్చి మారాజు చిన్నయ్య అనీ చెప్పారు .ఈ మాట అంటుంటే ఆమె కళ్ళు దారా పాతం గా కన్నీరు వర్షించాయి .అన్నీ తెలుసుకోవాలనే తపనతో ఒక సరి ‘’కొంచెం మందు ‘’కూడా పుచ్చుకోన్నారని,ఇది తెలిసిన గురువు గారు వేటూరి ప్రభాకర శాస్త్రి గారు ‘’పెళ్ళాం ,పిల్లా పీచు ,సంసారం ఉన్న వాడివి ,ఇలా సాహసాలు చేస్తే బతుకులు  బజారు పాలౌతాయి జాగ్రత్త ‘’అని హెచ్చరించారని అప్పటి నుండి ఇలాంటి సాహసాలు చెయ్య లేదని గుర్తు చేశారు                    .         

                చిన్నయ్యకు తమ అయ్యగారి ‘’శివ తాండవం ‘’అంటే మహా ప్రీతీ అని అయ్య పాడగా అనేక సార్లు విన్నా తను కనిపించి నప్పుడల్లా తనతో ఒక్క సారైనా పాడించుకోకుండా ఉండే వారు కాదని చెప్పి అందులో నుండి కొంత భాగంఅద్భుతం గా పాడి మంత్ర ముగ్ధుల్ని చేశారు .ఆశైలి అనితర సాధ్యం అని గుర్తు చేశారు .  ఇది వారి సాహితీ మిత్రత్వానికి గొప్ప చిహ్నమని అన్నారు .తిరుమలకు ,పుట్టపర్తి వారికి ఇద్దరికీ విశ్వనాధ సత్యనారాయణ గారు అమిత అరాధ్యులని వారిని గురించి ప్రసంగం లేకుండా వారిద్దరూ ఉండలేరని గుర్తు చేసుకొన్నారు .వారిద్దరి రచనల్లో విశ్వనాధ వారి ప్రస్తావన చాలా చోట్ల కని పించటం విశేషం అన్నారు .విశ్వనాధకు తమ అయ్యకు జరిగే వాదోప వాదాల్లో తమ తల్లి గారు మధ్య వర్తిత్వం వహించటం ,ఆమె తీర్పును వారిద్దరూ గౌరవించటం తనకు తెలుసుననీ అన్నారు .తన రచనలకు రామ చంద్ర ఎంతో సహకారం అందించారని ముఖ్యం గా తుంగ భద్రా నదీ పావనోదకాలలో అనేక ఔషధ గుణాలున్నాయని తాను విని వాటిని వివరించమంటే చిన్నయ్య చక్కగా కూర్చుని తాను రాసుకొన్న నోట్సు దగ్గర పెట్టుకొని బోధించి మార్గ దర్శనం చేశారని ఆ రుణాన్ని తానేన్నటికి తీర్చు కోలేని రుణ గ్రస్తను అని  అన్నారు .అలాగే తాను హిందీ ,తెలుగు రామాయణాల తులనాత్మక పరిశీలన చేసి సీతా దేవి పాత్ర పై ప్రత్యెక ద్రుష్టి తో రిసెర్చ్ రచన చేస్తున్నప్పుడు పుట్ట పర్తి  వారు హిందీ రామాయణాల సారాంశాన్ని అరటి పండు ఒలిచి చేతిలో పెట్టి నంతా తేలిగా వివరించి తన శ్రమ తగ్గించారని చెప్పారు .

        శాలి వాహన గాదా సప్త శతి ,బసవేశ్వర పురాణం అయ్యను చిన్నయ్యను గొప్పగా ప్రభావితం చేశాయని ,రామ చంద్ర గారి హంపీ నుండి హరప్పా వరకు అనే జీవిత చరిత్ర రాహుల్ సాంకృత్యాయన్ రాసిన ‘’ఓల్గా సె గంగా ‘’కు ఏమా త్రం తక్కువ కాదని ఎన్నో చారిత్రాత్మక ,ఆధ్యాత్మిక సాంఘిక భౌతిక ,రాజకీయ పరిస్తితులను కళ్ళ కు కట్టి నట్లు రాసి, చిన్నయ్య గొప్ప సాహితీ ప్రస్తానం సాగించారని మనల్ని వారితో పాటు తిప్పుతూ ఆ ప్రదేశాలను మనుష్యులను చూపిస్తూ అనుభూతి కలిగిస్తూ విజ్ఞానం పంచుతూ సాగే మహా రచన అని వివ రించారు .చిన్నయ్యకు కనీసం షష్టి పూర్తీ కాని సప్తతి కాని ,సహస్ర మాస చందనోత్సవం కాని జరక్క పోవటం ఎవరూ దానికి పూనుకోక పోవటం  తనకు ఆశ్చర్యాన్ని బాధను కల్గిన్చాయని ఒక  సాహితీ మేరువు కు మనమిచ్చే మర్యాద ఇదేనా ‘అని ఆమె ఏడ్చేసి ప్రేక్షకులకు కన్నీరు తెప్పించారు .ఈ సభలో పాల్గొనడం తన అదృష్టమని బెజవాడ తో తనకు ఎంతో ఆత్మీయ అను బంధం ఉందని చెప్పారు .’’మన లిపి పుట్టు పూర్వోత్తరాలు ‘’సాహితీ సుగాతుని స్వగతం ‘’‘’మొదలైన తిరుమల వారి రచనలన్నీ ఎంతో లోతైన పరిశోధనా ,పరిశీలన తో రాసిన రిసెర్చ్ వర్క్ లాంటివే నని అవి సులభ శైలిలో రాసి చదువరులకు మనస్సుకు హత్తు కోనేట్లు చేసిన వారి నేర్పుకు జోహార్లు అని ప్రసంగాన్ని గద్గద కంఠం తో ముగించి అందరి ప్రశంశలను అందు కొన్నారు శ్రీ మతి నాగ పద్మిని .నా మటుకు నేను ఒక గొప్ప అను భూతి ని పొందాను .రామ చంద్ర గారన్నా ,పుట్ట పర్తి  వారన్నా అమిత ఆరాధన ఉన్న వాడిని .నాకు గొప్ప మానసికా నందాన్నిచ్చింది ఈ సభ .జనాన్ని కదిలించి రామ చంద్ర పై మహా భిమానాన్ని పెంచి సార్ధక మైంది .ఈ సభలో అమెరికా నివాసి అక్కడ తెలుగు భాషా సంస్కృతులకు సేవ చేసిన తొలి తరం తెలుగు సేవకుడు ,నిత్యం ఏదో రాస్తూ అనేక పుస్తకాలను ప్రచురిస్తూ హాస్యానికి పెద్ద పీట,వేసినవాడు , తానా ,ఆటా లకు సలహాదారు గా ఉండి వాటి వైభవానికి తోడ్పడుతూ ,తానూ అమెరికా నుండి వచ్చి ఒక సారి హైదరా బాద్ లో ‘’ప్రపంచ తెలుగు సభలు ‘’నిర్వహించి బాపు ,రమణ ల స్నేహ షష్టి పూర్తిని ఆ సభల్లో నిర్వ్హహించి ఘన సన్మానం చేసిన హూస్టన్ నివాసి శ్రీ చిట్టెన్ రాజు కూడా ఉండటం ఆయన నాగ పద్మినిని మనసారా కొనియాడటం ముచ్చటగా ఉంది .ఇండియాలో చిట్టెన్ రాజు గారి కార్యక్రమాలకు చేదోడు వాదోడు గా ఉంటూ తన స్వంత కార్యక్రమాలను చేబడుతున్న శ్రీ వంశీ రామ రాజు కూడా సభలో ఉన్నారు

                         సరస భారతికి ప్రశంశ

         సభ అయి పోగానే నేను నాగ పద్మిని గారి దగ్గరకు వెళ్ళి చాలా గొప్ప స్పూర్తి వంతమైన ప్రసంగం చేశారని అభి నందించి నా పేరు చెప్పగానే ‘’అమ్మమ్మా !మీరా దుర్గా ప్రసాద్ గారు ఎంత బాగా సరసభారతి బ్లాగ్ నిర్వ హిస్తున్నారండీ .నేను ఎప్పుడూ చదువుతూనే ఉంటాను ‘’అని మనస్పూర్తిగా ప్రశంశించి పక్కనే ఉన్న చిట్టెన్ రాజు గారితో ప్రత్యేకం గా ‘’వీరు దుర్గా ప్రసాద్ గారు సరస భారతి అనే బ్లాగ్ ను మహా గొప్ప గా నిర్వ హిస్తున్నారు ‘’అని ఆయనకు చెప్పటం ఆయన ఆనందం గా తన చేతుల్లోకి నా చేతులు తీసుకొని అభి నందించటం నాకు చిరస్మరణీయం .సరసభారతి నాగ పద్మిని గారి లాంటి వారిని అమితం గా ఆకర్షించి అభిమానుల్ని చేసి నందుకు మహదానందం గా ఉంది .మా ప్రక్కనే ‘’ప్రజాసాహితి’’ సంపాదకులు శ్రీ కొత్త పల్లి రవి బాబు ,ఆకాశ వాణి లో నాటక విభాగం లో చాలా కాలం పని చేసి అనేక నాటకాలను నిర్వహించిన శ్రీ పాండురంగ కూడా ఉండి ఆమె పొగడ్తను విని ఆనందించారు .’సరసభారాతికి నిన్న ఒక చారిత్రాత్మక మైన రోజు అని భావిస్తూ –సెలవ్

                మీ –గబ్బిట దుర్గా ప్రసాద్ –9-1-13-ఉయ్యూరు

శ్రీ రామ కృష్ణ తపోవనం నుండి శ్రీ చిలుకూరు వారి విజ్ఞప్తి

  ‘’మాండమహర్షి ‘’తపో బలం చేత నిర్మించ బడిన ‘’పంచాప్సరస సరస్సు ‘’నుండి సంగీతం అన్నికాలాల్లోను ఒకే రకం గా విని పించటం చాలా వింతగా ఉంది .చిలుకూరు వారికి ఆ సంగీతం ఎలా విన్పించిందో ,ఎవ్వరూ  చెప్పని విషయమే నని నాకు అని పించింది .మూజికల్ ఫౌంటేన్స్ ఇప్పుడున్నాయి .అప్పుడు వీటిలో మహర్షి పేరు మీదుగా‘’మాండ లీన్ వాయిద్యం విని పించేదేమో ?14వేల మంది రాక్షసుల్ని ముహూర్త కాలం లో చంపేసిన శ్రీ రాముని కోదండ పాండిత్యానికి ,ఆనందం ,ఆశ్చర్యం,సంభ్రమం  ముప్పిరి గోనగా రాముడిని ఆప్యాయం గా సీతా సాధ్వి కౌగిలించుకోవటం ,ఆమెకు రామ చంద్రుని పై ఉన్న ఆరాధనా భావానికి పరాకాష్ట..ఆ సుఖం భర్తకు దేని వల్లా లభించదు .,తృప్తి నివ్వదు .ఔచిత్యపు హద్దులో జరిగిన మాధుర్య సంఘటనం ఇది .

           సీతా పహరణం తర్వాత విరహం తో వేదన చెందే రాముడు సకల జీవ రాశిని భస్మం చేస్తానని అనటం శోకానికి పరాకాష్ట ,ఉన్మత్త ప్రేలాపనే .ఇక్కడ ఉచితానుచితాలు కన్పించవు .’’నారాచం ‘’అంటేనే బాణం .ఇక్కడ చిలుకూరు వారు‘’నారాచ బాణాలు ‘’అనె మాట ను  ప్రయోగించారు .అవి ఇంకో రకమైన బాణాలా ?పోరాబడ్డారని పించింది ..లక్ష్మణుడు అన్నను అనునయిస్తూ ,హితం చెబుతూ ఆయనలో దుఖం చేత అణగి ఉన్నజ్ఞానాన్ని మాత్రమె మేల్కొల్పుతున్నానని ,తాను చెప్పేవన్నీ పూర్వం అన్నగారు తనకు చెప్పినవే నని ,అవి హిత వచనాలే అని అనటం లో సుమిత్రా నందనుడిలో హుందా తనం ,ఆరిందా తనం ,కర్తవ్య బోధ ప్రస్పుటం గా కన్పిస్తాయి .సీతాదేవిని రావణుడు ఆహరించిన ముహూర్తం ‘’వింద’అనె పేరు కలిగిందని ,ఆ సమయం లో పోగొట్టుకొన్నది ,తిరిగి యజమానికి తప్పక లభిస్తుందని జ్యోతిశ్శాస్త్ర రహస్యాన్ని తెలియ జేశాడు మహర్షి వాల్మీకి .’’వంచులక పక్షి ‘’ఆపు లేకుండా కూయటం శుభ సూచకమే నని ,’’జయమ్ము నిశ్చయమ్మురా ‘’అని పించటం పక్షుల కూతల్లో శుభాశుభాలు తెలియ జెప్పే పరి భాష ఆనాడు వాడుక లో ఉన్నట్లు తెలుస్తోంది . కదల లేని వారిని చంపటం ,యజ్న పశువును చంపటంఅంత నింద్యం అని కబంధుని విషయం లో రాముడు అనటం యజ్ఞాలలో అప్పుడు పశు హింస లేదనే అని పిస్తుంది . ,

        కిష్కింధ కాండ –రుష్య మూక పర్వతం పై నిద్రిస్తూ కల గన్న వాడికి ఆ కల యదార్ధం అవుతుందని ,పాపాత్ముడు ,దురాచారుడు దాన్ని ఎక్క లేరు అనటం స్థల మహాత్మ్యమే .వాలి  నాలుగు సముద్రాల్లలో వాలి ,సంధ్యోపాసన చేసే వాడు అన్న దానికి వివరణ గా సూర్యోదయానికి పూర్వమే పశ్చిమ సముద్రం నుండి తూర్పు సముద్రానికి ,దక్షిణ సముద్రం నుండి ఉత్తర సముద్రానికి వెళ్ళి సంధ్యా వందనం చేస్తాడని వెంకటేశ్వర్లు గారు చెప్పిన వివరణ చక్క గా సమన్వయము తో కుదిరింది .వాలి అడిగిన ధర్మ సందేహాలకు రాముడు దొంగను శిక్షించిన వెంటనే వాడి దోషాలన్నీ నశిస్తాయని ,శిక్షించక పోతే ఆ పాపం దొంగల కంటే రాజునే ఎక్కువ గా బాదిస్తుందని ,అందుకే పూర్వం మాంధాత చక్ర వర్తి ‘’శ్రమణకుడు ‘’అనే వాడు చేసిన మహా పాపానికి ఘోరమైన శిక్ష అనుభ విన్చాల్సి వచ్చిందని యుక్తి యుక్తం గా ధర్మ బోధ చేశాడు .’’దేవ సఖ  పర్వతం ‘’దాటితే వచ్చే 100యోజనాల ఎడారి రాజస్థాన్ ఎడారా ?అని సందేహం వస్తుంది .’’వైఖానస సరస్సు ‘’అవతల ఉన్న చీకటి ప్రదేశం లో స్వయం ప్రకాశులైన దేవతలు ,సిద్ధులు ,తమ దేహం నుండి ప్రసరించే కాంతి తో   తపస్సమాది లో ఉండటం ఆశ్చర్యకరం గా ఉన్నా ,అసాధ్యం కాదు ,సంభవనీయమే నని పిస్తుంది .ఎనిమిది బుద్ధి గుణాలు ,నాలుగు బలాలు ,పద్నాలుగు సద్గుణాలను సూక్ష్మం గా వివరించిన తీరు ముచ్చటగా ఉండి .అందరు చదివి తెలుసుకో తగ్గవి .

            సశేషం –మీ గబ్బిట దుర్గా ప్రసాద్ –9-1-13-ఉయ్యూరు 

 About the Author Sri Venkateswarlu

ఐరిష్ అస్తిత్వ రచయిత్రి మేరియా ఎడ్జివర్త్

ఐరిష్ అస్తిత్వ రచయిత్రి మేరియా ఎడ్జివర్త్

 చిలుకూరు వారి వచన వాల్మీకి రామాయణం -2

శ్రీ రామ కృష్ణ తపోవనం నుండి శ్రీ చిలుకూరు వారి విజ్ఞప్తి

   బాలకాండ-ఆ నాడు సాంప్రదాయానికి విరుద్ధం గా యాగాలను నిర్వహించేవారు .తర్వాత బ్రహ్మ రాక్షసులై ,యాగ విధ్వంసం చేశారు .రాక్షసులు ఎక్కడి నుండో ఊడి పడరు .మనలోని అవ్యక్త శక్తులే ఆరూపం గా వ్యక్త మౌతాయి .అశ్వమేధం లో యజమాని భార్య ,కోన ఊపిరితో ఉన్న అశ్వాన్ని ,మూడు బంగారు సూదులతో గుచ్చగానే అది చని పోయేది అన్న వివరణ అవసరమైనదే. యాగం పై ఉన్న అపోహను పోగొట్టేది .జాంబ వంతుడు బ్రహ్మ దేవుడు ఆవలించిన ముఖం లో నుంచి జన్మించటం తెలియ దగిన విషయం .అందుకె  ఆయన వానర సేనకు గొప్ప సలహా దారు ,పెద్ద దిక్కు అవగాలిగాడు .మన్మధుడు కాలి బూడిద అయిన దేశం అంగ దేశం అయింది అన్న విషయం తెలియ దగింది .విశ్వా మిత్ర మహర్షి శ్రీ రామునికి ఇచ్చిన ‘’గాంధర్వ మానవాస్త్రం ‘’విచిత్ర మైనదే .కావాలని రామునికి దీన్ని అనుగ్రహించాడు మహర్షి .ఇచ్చిన వాటికి కృతజ్ఞత తెలుపుతూ ,స్మరించి నప్పుడు మాత్రమె వచ్చి సహాయం చేయమని అంత వరకు మనస్సులో మెదులుతుతు ఉండమని కోరటం ‘’రాముని బుద్ధి మంత తనం ‘’వామన జన్మ ద్వాదశి నాడు శ్రవణా నక్షత్త్ర ములో చంద్రుడు ఉన్న అభిజిథ్ నక్షత్రం  అని అదే వామన జయంతి అని అందరికి తెలియని విషయాన్ని ఎరుక పరచారు .

             పార్వతీ పరమేశ్వరుల రహస్య క్రీడను అడ్డు కొన్న దేవతలకు సంతానం కలగదని అమ్మ వారి శాపం ,భూదేవి కూడా తనకు సంతానం కలుగ కుండా చేసి నందుకు ఆమెకు బహు భత్రు త్వాన్ని ,పుత్ర సంతానలేమి కల్గించటం లో ,ఎంత మహిమాన్వితు లైనా ,తమకు కలిగిన బాధను తట్టుకో లేరని ,ఎదుటి వారికీ అలంటి బాధలు రావాలని కోరుకోవటం ఒక వింత నైజం గా కన్పిస్తుంది .ఇక్కడే పార్వతీ దేవి కూడా దీనికి ఏమీ అతీతం కాదని అని పిస్తుంది .భూ భారాన్ని మోసే ‘’విరూపాక్ష దిగ్గజం ‘’,అలసట కలిగి నప్పుడు తలను కదిలిస్తే ,భూ కంపాలు కలుగుతాయని అనటం లో భూ కాలుష్యం ప్రమాదం అనే హెచ్చరికి ఉంది .క్షీర సాగర మధనం లో జన్మించిన 60కోట్ల మంది అప్సరసలను దేవ ,దానవులేవరూ వివాహం చేసుకోవటానికి ముందుకు రాక పోవటం వాళ్ళ వారంతా వేశ్యలైనారని చెప్పటం లో ఇన్ డైరెక్ట్ గా వివాహ వ్యవస్థ అవసరాన్ని చెప్పకనే చెప్పి నట్లయింది ఒక రకం గా వారు సమాజం లో డ్రైనేజి వ్యవస్థ గా ఉండిపోవాల్సి వచ్చిందన్న సత్యం కని పిస్తుంది .

             ఇంద్రునికి మేష వృషణాల ను అమర్చటం వల్ల ,ఆ నాటి నుండి పితృ దేవతలు వృషణాలు లేని గోర్రేలనే భుజించారు .ఇదులో అవయవాల ట్రాన్స్ ప్లాంటేషన్  శాస్త్రం ఆనాడే అమల్లో ఉందని అర్ధమవుతుంది .ఈ రోజుల్లో మాంసం తినే వారికి గొర్రె వృషణాలు మహా ప్రీతీ పాత్రం అని వింటున్నాం .విశ్వా మిత్రుడు తన కుమారుల్ని యాగ పశువులు గా ప్రాణ త్యాగం చేయమని కోరితే ,వారందరూ తిరస్కరించగా ,వారిని అధమ జాతి మానవులు గా పుట్టమని శపిస్తాడు .ఆ జాతుల్లో ‘’అంధక ,ముష్టిక ‘’జాతులున్నాయి .అంధ జాతే ఆంద్ర జాతి అనే కధనం ఉంది .ఇది అంత సవ్యం గా లేదనుకొని వెంకటేశ్వర్లు గారు దాన్ని వదిలేశారు .గరళం తో కలిసి పుట్టిన వాడు సాగరుడు అవటం ,శాప జలం చేత కల్మషుడు అయిన వాడు కల్మష పాదుడు అవటం వ్యుత్పత్తి వ్యక్తీకరణాలు .భగుడు ఉత్తరా నక్షత్రం తో కూడిన రోజు వివాహానికి మంచి రోజు అని ,భగుడు సంతాన ప్రదాత అన్న మహర్షి జ్యోతిశ్శాస్త్ర పాండిత్యాన్ని వెలికి తీసి చూపారు .శ్రీ రాముని చేతిలో గర్వం ఖర్వం అయిన పరశు రాముడు రాత్రి పూట తాను భూమి పై ఉండ రాదనీ ,తన గమనానికి సహకరించే పాదాలపై బాణ ప్రయోగం చేయ వద్దని దశరధ రాముడైన  కళ్యాణ రాముడిని కోరుకోవటం మనకు కొత్త విషయం గాస అని పిస్తుంది .

           అయోధ్యకాండ –కోరికలతో కూడిన వ్యసనాలను ,క్రోధం  తో వచ్చే వ్యసనాలకు హెచ్చరిక గా మంచి వివరణ నిచ్చారు రచయిత .శ్రీ రామ పట్టాభి షెక ముహూర్తాన్ని సభలో ప్రకటించిన దశరధ మహా రాజు కీడు ను శంకిస్తాడు .ఇది ఆయన మనో వ్యాకులతకు అద్దం  పట్టు తుంది .రాబోయే అనర్దానికి సూచన కూడా .అలాగే రాముడు లక్ష్మణునితో తాను రాజ్యాభి షెకానికి అంగీకరించటం ,లక్ష్మణుడి కోసమే నని ,భోగాలు ,రాజ్య ఫలం లక్ష్మణుడు అనుభవించాలని తన మనో భావం అని తెలియ జేయటం లో రామునికి ఉన్న భ్రాత్రు ప్రేమ కు నిదర్శనం  గా ఉంది మంధర ను ‘’యతో జాతా‘’అని వాల్మీకి సంబోదిన్చాడని ,అంటే –‘’అడ్రెస్ లేనిది ‘’అని చక్కని వివరణ నిచ్చారు వెంకటేశ్వర్లు గారు .’’అలర్కుడు‘’అనే రాజు తనను యాచించిన ఒక గుడ్డి బ్రాహ్మణుడికి నేత్ర దానం చేశాడు .కనుక రామాయణ కాలం  లోనే ‘’నేత్ర దాన ప్రక్రియ ‘’ఉంది అని గ్రహించాలి .రాముడు పూసుకొన్న చందనం ‘’వరాహ రక్తం ‘’లా గా సుగంధాన్ని వేద జల్లుతోంది అన్న కొత్త విషయం తెలిపారు .అంటే వరాహ రక్తం అంత పరిమళ భరితం గా ఉంటుందని మనకు తెలియని విషయాన్ని రచయిత తెలియ జేశారు .

             వన వాసానికి వెళ్ళే ముందు రాముడు దాన ధర్మాలను విపరీతం గా చేశాడు .’’క ఠ.కలాప శాఖ ‘’కు చెందినబ్రాహ్మణులు ‘తీపి పదార్ధాలు బాగా తింటారని ,వారికి వేదాధ్యయనం తప్ప వేరొక పని  చేత కాదని కనుక వారికి కావలసిన సమస్తము సమ కూర్చమని తమ్ముడు లక్ష్మణుడిని రాముడు ఆదేశిస్తాడు .నిరంతర వేదాధ్యయ నం జరగాలి అని శ్రీ రామ చంద్రుని కోరిక అని ,వైదిక ధర్మ రక్షణ అందరి కర్తవ్యమని ఇందులోని సారాంశం .అసమన్జసుడి దురాగతాన్ని ప్రజలు రాజైన సగరునికివిన్న వీస్తే ,ప్రజా క్షేమం కోసం తన కుమారుడిని ,వాడి భార్యా పిల్లల్ని దేశం నుంచి కట్టు బట్టలతో బహిష్క రించి ప్రజా క్షేమం రాజు తక్షణ కర్తవ్యమ్ గా చేశాడు .ఆదర్శ ప్రాయు డైనాడు .ఇదీ ప్రజా భీష్టాన్ని నేర వేర్చటం అంటే .ఇవాళ మన నాయకులు వాళ్ళ కొడుకులు ,అల్లుళ్ళు ,బామ్మర్దులు ,వందిమాగధులు బంధు గణం అధికారాన్ని అడ్డం పెట్టుకొని చేయని దుష్క్రుత్యం లేదు .,ప్రజా పీడనా లేదు .ప్రజలు ఎంత మొత్తుకొన్నా వారికి చీమ కుట్టి నట్లుకూడా ఉండదు .ఇదీ మన ప్రజాస్వామ్యం .వారిని వెనకేసుకొచ్చి ఇంకా నెత్తికి ఎత్తు కొంటూ ‘’బె బె‘’అని మనల్నే ఎక్కి రిస్తున్నారు .వీటికి కోర్టులే శరణ్యం అయ్యాయి అందులోంచి ఫలితం తేలటా నికి ఏళ్ళూ ,పూళ్ళూ పడుతుంది .రాజ రిక వ్యవస్థ లో తక్షణ న్యాయం జరిగేది అని అని పిస్తుంది మనకు .వ్యవస్థ ఎంత పతనమైనదోఅర్ధమవుతుంది .ఆదర్శం అటకెక్కింది .అన్యాయం చంక నేక్కింది .ఇలాంటి ఎన్నో విషయాలు శ్రీ చిలుకూరు వెంకటేశ్వర్లు గారు మనకు తెలియ జేసి మార్గ దర్శనం చేశారు .

                  సశేషం

                మీ—గబ్బిట  దుర్గా ప్రసాద్ –4-1-13-కాంప్ –హైదరా బాద్

About the Author Sri Venkateswarlu

చిలుకూరు వారి వచన వాల్మీకి రామాయణం

శ్రీ రామ కృష్ణ తపోవనం నుండి శ్రీ చిలుకూరు వారి విజ్ఞప్తి

మనిషికి పుట్టగానే డబ్బు సంపాదన యావ ఉండటం సహజం .ధనాన్ని ఎన్ని రకాల వీలైతే అన్ని రకాల సాధించి ,అష్టైశ్వర్యాలతో తుల తూగాలని కాంక్ష  ఉంటుంది .దాన్ని సార్ధకం చేసుకోన్న్న వారెందరో మనకు తెలుసు .ఆ డబ్బును కొందరు సంఘ ప్రయోజనాల కోసం ధారాళం గా ఖర్చు ఠా అలాంటి అరుదైన మనిషి -మనీషిగా ఎదిగిన వారు బ్రాహ్మణులు అయిన శ్రీ చిలుకూరు వెంకటేశ్వర్లు .గారు.

శ్రీ చిలుకూరు వెంకటేశ్వర్లు గారు మా ఉయ్యూరు దగ్గర తోట్ల వల్లూరు లో నోరి వారింట జన్మించారు .తర్వాత చిలుకూరు వారికీ దత్తత వెళ్లారు .మద్రాస్ చేరి పెయింట్  వ్యాపారం లో, ,ఫైనాన్స్ లో ,రియల్ ఎస్టేట్ లో పిచ్చగా సంపాదించారు .అరవైఏళ్ళ దాకా ధన యావ తప్ప రెండోది ఆయనకు తెలీదు .అప్పుడు ఆయన జ్ఞాన నేత్రం తెరుచుకోంది..జీవిత గమ్యాన్ని మార్చుకోవాలన్న ఆలోచన కలిగింది .తన డబ్బు ,సంపదా అంతా కొడుకులకు, వారికి దక్క వలసినది అంతా న్యాయం గా పంచేసి ,  ,తనకు వచ్చిన దానిలో చెన్నై లోని శ్రీరామ కృష్ణా మ ఠంకు చాలా భాగం రాసిచ్చి , ,అక్కడే తపోవనం లో సాధారణ జీవితాన్ని ,ధ్యాన దీక్ష ,సాహిత్య రచన తో గడుపుతూ శ్రీ రామ కృష్ణ పరమ హంస వారి దివ్య బోధా ప్రచారం కోసం పుస్తకాలను రాసి ప్రచురిస్తున్నారు .భాగవతాన్ని వచనం గా సరళ శైలిలో రాశారు .భగవద్గీత ను పదవ తర గతి విద్యార్ధులను  దృష్టిలో ఉంచుకొని ,వారికి అర్ధమై,అందే తీరులో శ్రీ పరమ హంస గారు చెప్పిన కధలను జోడిచి ,మనస్సుకు హత్తుకొనే రీతిగా రాసి ,విద్యార్ధులకు రామ కృష్ణ మిషన్ ద్వారా ఉచితం గా అంద జేశారు .తరువాత విద్యా రన్యస్వామి రచించిన శ్రీ శంకర విజయాన్ని అతి సుందర సుస్పష్ట తెలుగు వచనం గా అనువదించి ఇనుప గుగ్గేల్లను తీపి మిఠాయి చేసి అందించి ఏ కొద్ది మంది మాత్రమే  బాగా సంస్కృత ప్రావే న్యం ఉన్న వారికి మాత్రమె అర్ధమయ్యే విద్యారణ్య బోధనలను ,జన సామాన్య్లకు చేరువ చేసి సంచలనం సృష్టించారు ., , మంచి పేరూ  పొందారు .వాల్మీకి రచించిన శ్రీ మద్రామాయణాన్ని అత్యంత మెలకువ తో సులభ శిలిలోవచనం గా  రెండు భాగాలుగా అనువదించి ,మహర్షికి గొప్ప నీరాజనం ఇచ్చారు .ఎప్పుడో డెబ్భై ,ఎనభై ఏళ్ళ క్రితంమహా పండితులు ,మంత్ర ద్రష్ట ,అనేక ఆద్యాత్మిక గ్రంధ రచయిత అయిన  స్వర్గీయ జన మంచి శేషాద్రి శర్మ గారు రచించిన ‘’శ్రీ రామావతార తత్త్వం ‘’ను మళ్ళీ ఎవరు పునర్ముద్రించని కారణం గా వెంకటేశ్వర్లు గారు-శ్రీ  శర్మ గారి విధానం లోనే ఇంకా సులభ గ్రాహ్యం గాఅనేక విశేషాలతో ,పూర్వా పరాలతో గొప్ప సమన్వయ ద్రుక్పధంత్తో  రాసి ఆస్తిక జనానికి మహాద్భాగ్యాన్ని కల్గించారు .మా రెండో కోడలు ఇందిరకు ఆయన తాత గారు .నా అడ్రెస్ వారు సంపాదించి వారు ప్రచురించిన పుస్తకాలన్నీ పోస్ట్ లో పంపారు .అన్నీ చదివి ,వారికి వివరం గా నా అభిప్రాయాలను లేఖ ద్వారా తెలియ జేశాను .అప్పుడప్పుడు ఫోన్ లో మాట్లాడే వారు మన సరసభారతి ప్రచురించిన పుస్తకాలన్నీ వారికి పంపాను .చదివి స్పందించేవారు .ఇలా మా సాహిత్య బాంధవ్యం ఏర్పడింది .ఇప్పుడు నేను 7-4-2011 నవారికి రాసిన వారి వచన రామాయణ విశేషాలను మీ అందరికి అంద జేస్తున్నాను .About the Author Sri Venkateswarlu

శ్రీ మద్రామాయణం

వాల్మీకి కృత రామాయణానికి శ్రీ చిలుకూరు వెంక తెశ్వార్లు గారు చేసిన అను వాదం సరళం గా ,సహజం గా ,స్న్దరం గా ,నిసర్గ రమణీయం గా ఉంది .మంచి ముద్రణా ,అందమైన ముఖ చిత్రం తో సర్వాంగ సుందరం గా పుస్తకం హస్త భూషణం గా ఉంది .మొత్తం మీద ఒకే ఒక అచ్చు తప్పు కానీ పించింది అంటే ముద్రణ విషయం లో ఎంత జాగ్రత్త తీసుకొన్నారో అర్ధమవుతుంది ‘’మరి ఎలా రామాయణమ్మన్నచో ‘’అనుకొన్న విశ్వ నాద సత్య నారాయణ గారి మార్గం లోనే వీరూ ఆలోచించారు .ఆయన అనుభవ సారాన్ని ఇమిడ్చి రచించటం హర్షనీయం ,ఆనంద దాయకం .దగ్గర కూర్చో పెట్టుకొని ,ఆప్యాయం గా చక్కగా చిక్కగా కదా చెప్పి విని పించి నట్లు గా,హాయిగా  ఉండటం విశేషం ..కధా గమనానికి అవసర మయాన వాటినే గ్రహిస్తూ ,అతిగా ఉండే వర్ణనల జోలికి పోకుండా ,ప్రతి వాక్యం చదవాలి చదివి అందులోని సారాన్ని తెలుసు కోవాలన్న ధ్యేయం తో సాగిన రచన .సాంప్రదాయ రచనగా ,ఆర్ష ధర్మ వ్యాప్తి గా రాశారు .శ్రీ పరమహంస ల అవ్యాజ కరుణా రసం వీరిపై సంపూర్ణం గా ఉంది .అందుకే రచన హృద్యమైంది .ఎక్కడా సందిగ్ధత లేదు .సారళ్యం సర్వదా కానీ పిస్తుంది .మహర్షి వాల్మీకి రామాయణాన్ని హృద్గతం చేసుకొన్నారు కనుక ,ఆ భావ వ్యాప్తి అంత సులభ తార మైంది వెంకటేశ్వర్లు గారికి .మనసారా అందరు అభి నందిన్చాల్సిన ప్రయత్నం .

అగ్ని శర్మ అత్రి మహర్షి ప్రేరణ చేత తపస్సు చేసి ,వాల్మీకి మహర్షిగా అవత రించటం,ఆది కవి అయి ,ఆది కావ్య మైనశ్రీ మద్రామాయణాన్ని   రాయటం  మనసుకు హత్తుకొనే రీతిలో రాశారు .ఈ నాడు విప్ల వాత్మకం గా భావించే ‘’Fraternity of mankind ,world citizenship,human dignity concern for society ,nationalism ‘’అన్నభావాలను రామాయణం లో అడుగడుగునా దర్శన మిస్తాయని చిలుకూరు వారు తమ ప్రస్తావన లోపెర్కొనటం సముచితం చక్కని ప్రాతి పదిక కూడా.ఈ మొత్తం భావ వ్యాప్తియే రామాయణం.రాముని మార్గమే కాదు సీత మార్గమే కాదు మానవాళి ప్రయాణ మార్గాన్ని సూచించాడు మహర్షి వాల్మీకి కవి .అలాగే రాముడు మానవ మాత్రుడి గానే వ్యవహరించటానికి తన ‘’మాయ ‘’ఏ తనను ఆవహించాలని కోరుకోవటం వల్లనే అన్న విషయం సరిగ్గా సరిపోతాయి .యుద్ధ కాండ చివరలో దేవత లంతా శ్రీ రాముడిని శ్రీ మహా విష్ణువే అని ప్రస్తు తిన్చితే రాముడు మాత్రం తాను దశరధ  పుత్రుడినే  అనటం ,రామాయణ ఆత్మను ప్రదర్శింప జేయట మే..మానవుడు అనుకొంటే అన్నీ సాధించగలడు అని స్పష్టం గా తెలియ జేయట మే ఈ మాటల్లోని పరమార్ధం.అందుకే ‘’మనుష్యుడిల మాహాను బావుడే ‘’అన్నాడు ఆధునిక కవి .

సశేషం

About the Author Sri Venkateswarlu

మీ –గబ్బిటదుర్గా ప్రసాద్ –3-1-13—కాంప్—హైదరాబాద్

మిధునం పై మధనం –ఈనాడు సినీ రివ్యు

సాహితీ బంధువులకు -ఈ నాడుపత్రిక  సినిమా విభాగం లో  మిధునం పై మంచి సమీక్ష చేశారు .అందులోని ముఖ్య విషయాలు వారి మాటలు ,నా మాటల మేళ వింపు తో  మీకోసం –

                       కాశీ తీర్ధ పూజా విధి

    తీర్ధ యాత్ర ,దేవయాత్ర ,గురు యాత్ర అని మూడు రకాల యాత్రలున్నాయి .స్నాన ప్రధానంగా పుణ్య నదీ ప్రవాహాలున్న చోట్లకు వెళ్లటం తీర్ధ యాత్ర..దేవతా ప్రధానం గా ఉన్న క్షేత్ర దర్శనం దేవ యాత్ర .పరబ్రహ్మోప దేశం ,పంచాక్షరీ మంత్రోప దేశం పొంది వేద శాస్త్ర ఇతిహాస గ్రంధాలలోని జీవనో ద్దారక ,జన్మ తరణ సంబంధిత సూక్ష్మ ధర్మ విశేషాలను బోధిస్తూ సన్మార్గం లో నడిపే సద్గురు దర్శన ,సేవనం ,,పూజనంతో  కాలం గడి పితే గురు యాత్ర .

           సద్గురు కటాక్షం ద్వారా తప్ప జ్ఞాన ప్రాప్తి లభించదు .జ్ఞానం లేక పోతే దైవం ,దేవతా స్థలం ,తీర్ధ ,క్షేత్ర యాత్రల గురించి అవగాహన ,శ్రద్ధా ,విశ్వాసం ఏర్పడవు .అందరికి చివరి కాలం లో గురు యాత్ర కావాలి .గురు యాత్ర వల్ల సర్వ యాత్ర సంపూర్ణం గా  పుణ్య ఫలం లభిస్తుంది సర్వ తీర్ధాలలో ప్రయాగ శ్రేష్టం .ఆ ప్రయాగ జలం కాశీ లోనీ గంగా జాలం పంచ గంగా ఘాట్ లో కలుస్తుంది .సమస్త క్షేత్రాలలో, దేవ యాత్రలలో ముఖ్య మైనది కాశీ యాత్ర .కాశీ యాత్ర చేసి వచ్చిన వారు కాశీ పూజ లేక తీర్ధ పూజ చేస్తారు .కాశీ తీర్ధ పూజా విధానం తెలుసు కొందాం

                       కాశీ గంగోదకాన్ని మూడు రాగి కలశాలలో నింపి సీల్ వేసి తెచ్చుకోవాలి ఆ నీటిలో ప్రయాగ సంగమ నీరు ,పంచ గంగానీరు ,మణి కర్ణిక నీరు తప్పక కలపాలి ..ఈ మూడూ కలిసిన జలాన్నే రాగి చెంబుల్లో పోసి సీల్ చేయించి ఇంటికి తెచ్చుకోవాలి .ఇంటి వద్ద ఈ మూడు కళాశాలకు భక్తీ తో పూజ చేయాలి .ఒక ఏడాది లోపు ,లేదా తొమ్మిది నెలల లోపు ,,లేక తొంభై రోజుల లోపు రామేశ్వరం వెళ్ళి ,ఒక కలశం లోనీ నీటిని అక్కడి పూజారికిఇచ్చి రామేశ్వర జ్యోతిర్లింగం పై గోత్ర నామాలు చెప్పించి ,అభిషేకం చేయించాలి ..తర్వాతా రామేశ్వరం లోనీ ఇసుకను ఒక డబ్బాలో పోగు చేసి ,ఏడాది లేక తొమ్మిది నెలలు ,లేక తొంభై రోజులు లోపల ,మళ్ళీ కాశీ చేరి ,ప్రయాగ సంగమ స్థలం లో రామేశ్వరం లోనీ ఇసుకతో శివ లింగాన్ని ఒక పాత్రలో చేసి పూజించి ,దక్షిణ ,వస్త్రాలతో పాటు ఆ పాత్రను దానం చేయాలి .ఆ సేతు శివ లింగాన్ని నిమజ్జనం చేయాలి .

         రెండవ కలశం లోనీ తీర్ధ జలాన్ని పూజ చేసిన తర్వాతా విప్పి ,అందరికి ప్రోక్షణ చేయాలి .తీర్ధం గా కూడా గ్రహించాలి .యజమాని మూడవ కలశం లోనీ తీర్ధాన్ని పూజా గదిలో జాగ్రత్త గా భద్ర పరచి రోజు పూజ చేయాలి .ఆ నిండు కలశం లో కాశీ తీర్ధం మూడు చుక్కలు కలుపు కొని ,తర్వాత దేవుళ్ళను కడగాలి .రోజూ పూజ లో ఉపయోగించాలి .పండుగ రోజుల్లో ,పర్వ కాలాలలో ,గ్రహణ సమయం లో స్నానం చేసే టప్పుడు ఆ జలాన్ని మూడు చుక్కలు కలిపి స్నానం చేస్తే కాశీలో స్నానం చేసిన ఫలితం వస్తుంది .

          తూర్పు లేక పడమర వైపు చుట్టూ స్థలం వదిలి తొమ్మిది ఫీట్ల స్థలాన్ని ఆవు పేడ ,ఆవు మూత్రం ,గంగాజలం తో శుద్ధి చేసి ,అయిదు రకాల రంగులతో ముగ్గు లు వేయాలి .ఆ ముగ్గుల్లో‘’కాశీ విశ్వేశ్వరాయ నమః ‘’అనే అక్షరాలూ కూడా ముగ్గు తో రాయాలి .సరి పడ బల్ల పీటా వేయాలి .ముగ్గు పై ఒక తెల్ల వస్త్రాన్ని మూడు వరుసలుగా పరవాలి .దాని పై తొమ్మిది కిలోల శుభ్రం చేసిన బియ్యాన్ని పోయాలి ..ఆ బియ్యం మధ్య అయిదు పావు సేర్ల బియ్యం ఉడికే ఇత్తడి కలశాన్ని సున్నం రాసి అయిదు పోగుల దారానికి మామిడాకు ,లేక తమల పాకు ను మడిచి కట్టి కలశానికి అయిదు చుట్లు చుట్టి ,,పసుపు ,కుంకుమ తో అయిదు బోట్లు పెట్టి ,అలంకరించాలి .ఈ కలశాన్ని నీతితో నింపాలి .పంచ పల్ల వాలు   అంటే అయిదు రకాల చిగురు టాకులచిన్న కొమ్మలనుదగ్గర గా చేర్చి పచ్చని బట్టతో కట్టి ,కలశం లో ఉంచాలి దాని పై పెద్ద కొబ్బరి కాయను ,అడ్డం గా యజమాని వైపు ముఖం ఉన్దేట్లుఉంచాలి .చుట్టూ ఎనిమిది దిక్కులా ,రెండు తమల పాకుల్లో వక్కలు ,కర్జూర,బాదం వేయాలి .ఈశాన్యం లో నవగ్రహాలను కూడుక లో అమర్చాలి .ఆగ్నేయ ,నైరుతి ,వాయవ్య ఈశాన్య కోణాలలో వరుసగా అష్ట భైరవులను ,56వినాయకులను ,ద్వాదశాదిత్యులను ఏర్పాటు చేయాలి .వీటిలో వక్కలు కర్జూరం ఉంచాలి .ఉత్తరం లో నవ దుర్గలను ,గంగా దేవి మణి కర్ణికా లను ,తూర్పున ఏకాదశ రుద్రులను ,శివలింగాలను ,దక్షిణం లో దండ పాణి ,కాశీ గుహ భావానీలను ,బిందు మాధవుడిని ,పడమరగంగా ఘట్టాలను అమర్చాలి ఇరవై అయిదు కుడుకలు ,రెండు వందల ఎనిమిది పోకలు ,అన్నే కర్జూరాలు ,నూట ఎనిమిది తమల పాకులు కావాలి తొమ్మిది పోగులతో కూడిన కంకణాలను సిద్ధం చేసుకోవాలి .మండపాన్ని కొబ్బరి అరటి లతో అలంకరించాలి మామిడి తోరణాలు కట్టాలి .బంధువు లందర్నీ ఆహ్వానించాలి పైన ఉన్న అందరి దేవతలను ఆహ్వానించి యదా శక్తి గా పూజ చేసి నైవేద్యం పెట్టి హారతివ్వాలి ప్రదక్షిణ నమస్కారం చేయాలి ..ఈ కింది స్తోత్రం చెబుతూ సాష్టాంగ నమస్కారం చేయాలి

‘’జన్మ కారణ మైన కర్మకు –జన్మ మే లేని విధముగా –కర్మ భూమి లో వాసి కెక్కిన శర్మ భూమియే కాశి క్షేత్రము

పంచ భౌతిక దేహమిదియే –పంచ ప్రాణాత్మకము ఇదియే –పంచ క్రోశము తిరిగి నంతనె –పంచ ముఖు నె చేరులే

శక్తి తో అనురక్తి వీడి –యుక్తి తో ఆసక్తి వదిలి –అవి ముక్తమునే గాన్చుమా –ముక్తి పదవినే పొందుమా

ఆశా పాశము ద్రెంచుమా –ఆశను దాసిగా జేయుమా –క్లేశములే యెడ బాపుమా –కాశీ వాసము నీయుమా

దేవ దానవ మానవాళికి –దివ్య ధామము ,పాప నాశము –కవి కేదారుని ప్రాణ సమము –భువి లో వెలసిన భవు నివాసము ‘’

వారణా సీకీ జై –శ్రీ కాశీ విశ్వనాధ భగవాన్ కీ జై అని బిగ్గర అనాలి .

‘’హర హర మహాదేవ సాంబా –కాశీ విశ్వనాధ గంగా –మహాదేవ మహాదేవ విశ్వనాధ శివ శివ

మహా కాల మహా కాల రక్ష హర హర –హర సాంబ హర సాంబ సాంబ  సాంబ హర హర

హర శంభో హర శంభో శంభో శంభో హర హర అని అయిదు సార్లు అనాలి .

 కాశీ అన్న పూర్ణా విశాలాక్షీ సమేత విశ్వేశ్వర భగవాన్ కీ జై ,గంగా మాతకు జై అని గట్టిగా నినాదం చేయాలి .పరమేశ్వరార్పణం అని అక్షతలు నీరు వదలాలి .తొమ్మిది మంది దంపతులకు భోజనం పెట్టాలి

  ఈ విధంగా , విధి విధానం గా పూజ చేసిన వారికీ సర్వ తీర్ధ స్నాన ఫలం ,సమస్త క్షేత్ర దర్శన ఫలం ,కాశీ నివాస ,యాత్రా సంపూర్ణ ఫలం లభిస్తాయి 

              నాతో పాటు మీరందరూ కాశీ యాత్రలో సుమారు నలభై అయిదు రోజులు పాల్గొన్నందుకు ”శుభం భూయాత్ ”–స్వస్తి 

            శ్రీ కాశీ ఖండం సర్వం సంపూర్ణం

             మీ –గబ్బిట దుర్గా ప్రసాద్ —2-1-13-ఉయ్యూరు 

  కాశీ ఖండం –44

                        శ్రీ కేదారేశ్వర మహాత్మ్యం

ఒకసారి పార్వతి దేవి భర్త అయిన పరమశివుని కాశీ క్షత్రం లో కేదార ఖండ విశేషాలను తెలియ జేయమని కోరింది .అప్పుడు శివుడు ఈ విధం గా చెప్పాడు .పూర్వం ఉజ్జయిని పట్టణం లో ఒక బ్రాహ్మనుడుండేవాడు .ధర్మ పత్ని తో సహజీవనం చేస్తున్న దరిద్రుడు .పుత్ర సంతానం లేదు మహా కాలుడిని  భక్తితో సేవిస్తున్నాడు .కొంత కాలానికి ఈశ్వరానుగ్రహం వల్ల పుత్రోదయం జరిగింది ఆబాలుడికి వసిష్టుడు అని పేరు పెట్టారు .ఎనిమిదో ఏట ఉపనయనం చేశారు .రోజు దశ సహస్ర గాయత్రి జపం చేసే వాడు వసిష్టుడు .అకస్మాత్తుగా తల్లి మరణించింది ..మరో ఏడాదికి తండ్రిని కోల్పోయాడు .వికల మనస్కుడైన ఆ బాలుడు మంచి గురువును అన్వేషించి పరమార్ధ జ్ఞానం పొందాలని భావించాడు .

          కాశీ క్షేత్రానికి చేరాడు .అక్కడ గంగా స్నానం విశ్వనాదాది దేవతా సందర్శనం  చేశాడు .హిరణ్య గర్భుడు అనే గురువు అనుగ్రహం పొందాడు .పంచాక్షరి దీక్ష పొందాడు .అచంచల భక్తీ తో విశ్వనాధుని కొలుస్తున్నాడు .శివుడే గురువు ,గురువే శివుడు అనే భావం కలిగింది .ఒక రోజు గురువు తనకు కేదార క్షేత్రం దర్శించి కేదా రేశ్వరుడిని కనులారా చూచి ధన్యం కావా లని ఉందని చెప్పాడు .అలాంటి క్షేత్రానికి తానూ చూడాలని ఉందని శిష్యుడన్నాడు .ఇద్దరు కేదారం బయల్దేరి వెళ్లారు .

    ‘’కేదారే ఉదకం పీత్వా –పునర్జన్మ న విద్య తే ‘’అనే కేదారఖండ గ్రంధ ప్రమాణం గా తీసుకొని ‘’రేత కుండం ‘’లోనీ అద్భుత మహిమాన్విత జలాన్ని స్వీకరిస్తే పునర్జన్మ ఉండదని గ్రోలారు .కేదారేశ్వర దర్శనం చేసి జన్మ చరితార్ధం చేసుకొన్నారు .కేదారేశుని చూస్తుండి పోయిన గురువు కన్నుల లో నుంచి జ్యోతి బయటకు వచ్చి ఆకాశమార్గం లోకి వెళ్లటం,దివ్య విమానం లో దేవతలు వచ్చి ఆయన్ను తీసుకు వెళ్లటం  అందరు గమనించారు .శిష్యుడు వశిష్టుడు గురువు గారి అంత్య క్రియలను భక్తితో విధి విధం గా  చేశాడు .కాశీ చేరి గురువు గారి ఆదర్శాలను అమలు చేయటానికి పీఠాన్ని అధి రోహించాడు .

      నిత్య గంగా స్నానం విశ్వనాధ దర్శనం పరమశివ ధ్యానం తో కాలం గడిపాడు .అనుక్షణ దైవనామ జప తపాల తో జీవితాన్ని అర్ధ వంతం గా కోన సాగిస్తున్నాడు .శివుడు పరమ ప్రీతీ చెంది దర్శనమిచ్చాడు .వరం కోరుకో మన్నాడు అప్పుడు వసిష్టుడు ‘’దేవా !ఎక్కడో హిమాలయాలలో నువ్వు ఉంటావు .నీ దగ్గరకు వచ్చి దర్శనం చేసుకో లేని వా రెందరో ఉన్నారు .కనుక కేదార ,విశ్వనాధ జ్యోతిర్లింగాలు రెండు కలిసి కాశీ లో నె ఉండేట్లు నీవు కరుణిస్తే నీ భక్తులు ధన్యు లవుతారు ‘’అని కోరాడు /.ఆతని కోరిక ను నేర వేరుస్తాను అని శివుడు అన్నాడు ‘’నీ కోసం ఏదీ కోరుకో కుండా ,అందరికోసం కోరావు చాలా సంతోషం .నీ ముక్తి నీ స్వాధీనం ‘’అన్నాడు ..హిమాలయం లోనీ సర్వ తీర్ధాల గౌరీ కుండం హంస తీర్ధం మొదలైన వాటి శక్తు లన్ని వశిష్ట నివాసం దగ్గరున్న ‘’హర పాప హ్రద ‘’తీర్ధం లో నిక్షిప్తం అవుతాయి .అరవై నాలుగు కళల్లో ఒక్క కళ ను మాత్రమె కేదార క్షేత్రం లో నిలిపి మిగిలిన సర్వ కళలను  కేదార్ ఘాట్ ఒడ్డున ఉన్న కేదారేశ్వరునిలో లీన మాఎట్లు చేసి భక్తుని కోరిక తీరి కాశి లో కేదార క్షేత్రం వెలిసింది ..కేదార్ ఘాట్ స్నానం ,కేదారేశ్వర దర్శనం ,స్పర్శనం పరమ పుణ్య ప్రదం .ఇక్కడ పితృ కర్మ చేస్తే 101తరాల వారు తరిస్తారు .చైత్ర బహుళ చతుర్ధి నాడు ఉప వాసం ఉండి మూడు పూటలా మూడు పుక్కిల్ల కేదార్ జలాన్ని సేవించిన వారు శివైక్యం చెందు తారు .కేదారేశ్వరునికి ఉత్తరం లో చిత్రాన్గాదేశ్వరుడు ,దక్షిణం లో నీల కంఠుడు ,వాయువ్యం లో అమ్బరీకేశ్వరుడు ,అక్కడే ఇంద్రద్యుమ్నేశ్వరుడు ,దీనికి దక్షిణం లో కాలన్జేశ్వరుడు ,చిత్రాన్గాదేశ్వరుని ఉత్తరాన క్షేమేశ్వరుడు,కేదారేశ్వరుని పరి వారం గా ఉండి భక్తుల కోర్కెలు తీరుస్తారు

 ‘’కేదారేశ్వర లింగస్య –శ్రుత్వోత్పత్తిం చ యో నరః –శివలోక మావా ప్నోతి –విశ్వాపో జాయతే క్షణాత్ ‘’

          ఈ కధ విన్నా చదివినా ముక్తి పొందటం ఖాయం

                            సశేషం

                 కొత్త ఏడాది శుభ కామనలతో

         మీ—గబ్బిట దుర్గా ప్రసాద్ –1-1-2013 –ఉయ్యూరు

సాహితీ బంధువులకు -నూతన సంవత్సర శుభా కాంక్షలు -ఇప్పుడే హేచ్ .ఏం,.టి.వి.లో మాజీ ప్రధాని పి.వి.నరసింహా రావుగారి కి  హంసా ఇండియా ,మరియు హైదారా  బాద్ మీడియా హౌస్ లు సంయుక్తం గా నిర్వ హించిన”మన పి.వి కి మన నివాళి ” అనే తొలి స్మారక ఉపన్యాస కార్య క్రమం లైవ్ చూశాను .ముఖ్యం గా కే.రామ చంద్ర మూర్తి గారి పూనిక ,చొరవకు అభినందనలు .గవర్నర్ శ్రీ నరసింహం గారు చాలా గొప్ప గా పి.వి.ఘనకీర్తిని కీఎర్తించారు .మాటలన్నీ మనసు లోతు నుండే వచ్చాయి .ఆ తర్వాత కీలక ఉపన్యాసం చేసిన రాష్ట్ర పతి ప్రణబ్ ముఖర్జీ చాలా స్పూర్తి దాయక ప్రసంగం చేశారు .నర సింహా రావు గారి బహు ముఖీన ప్రజ్ఞా ,పాటవాలను వెలికి తీశారు .ఆర్ధిక ,విదేశీ విధానాలలో ఆయన చొరవ ,పంజాబ్ లో శాంతి నేల కొల్పటం ,సంస్కరణలకు పెద్ద పీట వేయటం నేమరేసుకొన్నారు .ఆయన తో తాను చాలా సన్నిహితం గా పనిచేయటం తన అదృష్టం అన్నారు .పి.వి.మీ తెలుగు సాహిత్యం లో మేరు పర్వతం .మిగిలిన ప్రపంచ భాషలన్నీ ఆయనకు వాచో విదేయాలు .బహు గ్రంధ కర్త .మంచి వక్త .మెజారిటి లేని కాంగ్రెస్ ను ఒడి దుడుకులు లేకుండా ప్రభుత్వాన్ని ఏర్పరచి సాఫీ గా నడి పించటం ఒక్క ప్.వి.కే చెల్లు బాటయింది .ఆనాటి ప్రధమ ప్రధాని ఆర్ధిక శాఖ ను నిర్వహించ టానికి సి.డి.దేశ్ ముఖ ను  మంత్రి వర్గం లోకి తీసుకొని సాహసం చేస్తే ,మళ్ళీ అదే పద్ధతిలో పి.వి.గారు మన్మోహన్ సింగ్ ను తీసుకొని వచ్చి ఆర్ధిక సంస్కరణలకు రాచ బాట వేశారు .ఇవ్వాళ మనం 2gదేశాల సరసన కూర్చున్నాము అంటే అది పి.వి.చలవే అని విస్పష్టం గా తెలిపారు .సంస్థా గతం గా కాంగ్రెస్ కు ఆయన చేసిన సేవలు మరచి పోలేనివి .అని తన ప్రసంగ పాఠాన్ని పక్కన పెట్టి  ,extempor గా అనర్గళం గా ప్రణబ్ దాదా మాట్లాడటం ఎంతో గొప్ప గా ఉంది .మనస్సంతా పి.వి.ని నింపుకొని మాట్లాడారు ముఖర్జీ సాబ్ .తన ప్రసంగ పాఠాన్ని కార్య కర్తలకు అందజేసి వెళ్తానని చెప్పారు ప్రెసిడెంట్ ముఖర్జీ .నిజం గానే ఇది ఘన నివాళి అని పించింది .సోనియా ,మన పి..వి.నిఅన్ని రకాల అవమానాలు చేసినా ఆంధ్రులం మనం నోరు మూసుకు కూర్చున్నాం .మన శాసన సభ్యులు ,పార్ల మెంట్ సభ్యులు అవమానాన్ని దిగ మింగుకొని ఏమీ చేయలేని అచేతన స్తితిలో ఇంత కాలం ఉండి పోవటం తెలుగు జాతికి అత్యంత అవమానం .ఇంకో రాష్ట్రం వారెవ్వరూ ఇంత నిర్లజ్జగా ఒక మహా నాయకుడిని ఆవ మానిస్తుంటే ఊర్కోరు .తగిన బుద్ధి చెప్పి అన్ని రకాలా అంటే రాజ కీయం గా నైనా దెబ్బ తీస్తారు .కాని మనం నిర్వీర్య్లమే అయాం .యే కొద్ది మందో ఆయన్ను మనస్పూర్తిగా శ్లాఘించిన వారున్నారు .వారైనా ఉన్నందుకు అభి నందనాలు .ఇలాంటి సమయం లో ప్రెసిడెంట్ పదవి లో ఉన్న ఒక గొప్ప వ్యక్తీ వచ్చి ,ఈ సభలో పాల్గొని పి.వి.ప్రతిభా పాటవాలను ప్రజ్ఞా నైపుణ్యాన్ని  మనస్పూర్తిగా శ్లాఘించటం నాకు సాహసమే నని పించింది .ఇన్నాళ్ళకు ఒక మంచి పని జరిగింది అందరికి అభినందనాలు హేమ్ .టి.వి.అధినేత రామ చంద్ర మూర్తి గారిని మనసారా అభి నందిస్తున్నాను –మీ దుర్గా ప్రసాద్ 

— 

 ఊసుల్లో ఉయ్యూరు -50 (చివరి భాగం )

                వీళ్ళూ మా వాళ్ళే

ఊసుల్లో ఉయ్యూరు లో ఎంతో మందిమా ఊరి  ప్రముఖులను ,మా బంధు గణాన్ని,మాఊరి సంబరాలను వృ త్తుల్నీ ,కళలను ,పండుగలను అన్నీ నాకు గుర్తున్నంత వరకు రాశాను .రాస్తూ పోతుంటే ఎన్నో ఉంటాయి .ఎక్కడో అక్కడ ఫుల్ స్టాప్ పెట్టాలి  .కనుక ఈ ఎపిసోడ్ తో స్వస్తి పలుకు తున్నాను .దీనిలో మా ఊళ్ళో మాకు నిత్యం కన పడ్డ వారు ,ఏదో కొంత వారిలో మాకేదో ప్రత్యేకత కని పించిన వారు ,నవ్వించే వారో లేక మేం వారిని చూసి నవ్వినా వారో ,ఉంటారు .వారినేవరినీ కించ పరచే ఉద్దేశ్యం కాదు .వారిని గుర్తించిన వారు ఉండరని  వారు కూడా అందరికో  కొందరికో  దృష్టిలో పడిన వారే నని తెలియ జేస్తూ ‘’వీళ్ళూ మా వాళ్ళే ‘’అన్నాను .

          గుండు అంజయ్య గారు అని ఒక షావుకారు గారుందే వాడు .లావు మనిషి .పెద్ద పొట్ట .ఊర తాతయ్య గారి మామ గారు ..డబ్బు పెట్టు బడి అంతా ఆయనదే ననే వారు బుర్ర మీసాలు .చిన్న తుండు కట్టుకొని అరుగు మీద కూర్చుని చుట్ట తాగుతూ దారిన పోయే వారిని పలకరిస్తూ బూతు  మాటలంటూ ,అని పించుకొంటు ఉండే వాడు .తాతయ్య గారి అబ్బాయి మల్లి కార్జున రావు(ఊర మల్లి ) ను దత్తత చేసు కోన్నాడని మొదట్లో గుండు అంజయ్య గారి పేరే లైసెన్సు తీసుకొని కొత్త వ్యాపారం ప్రారంభించి ఆ తర్వాతా తన పేర మార్చుకున్నట్లు జ్ఞాపకం .’’ఇహి ఇహి ‘’అని నవ్వుతు మాట్లడే వాడు .అందరితోను చలోక్తులేసి నవ్వుతు నవ్వించే వాడు

          ఇవాళ పట్టాభి స్వీట్స్ అన్న దుకాణం అసలు యజమాని కూడా చాలా లావుగా పంచె చొక్కాతో నుదుట నామం తో ఉండేవాడు .అప్పటికే స్వీట్ షాప్ బాగా నడిపే వాడు .మంచి పెరేఉండేది .తన వ్యాపారం గొడవే తప్ప మిగతా వాటిలో జోక్యం ఉండేది కాదు

             బూర గడ్డ బసవయ్య గారు కూడా గొప్ప వ్యాపారి .రావి చెట్టు బజార లో చెట్టుకు ఎదురుగా ఇల్లు .వద్డీ వ్యాపారం బాగా చేసే వాడని అనే వారు .లుంగీ తో పైన కాశీ తువ్వాలతో వీధి అరుగు మీద కూర్చునే వారు .వ్యవహారానికి ప్రసిద్ధి అనుకొనే వారు .ఊరిలో పెద్ద మనిషి గా చెలామణీ .వాళ్ళ అబ్బాయి నాగేశ్వర రావు ఉయ్యూరు సెంటర్ లో కొట్టు పెట్టాడు మంచి సరుకు కోసం అక్కడికే వెళ్ళే వాళ్ళం .

              వెంట్ర ప్రగడ భోగేంద్రుడు అనే వ్యాపారి చాలా పెద్ద కిరాణా షాప్ ను నిర్వ హించే వాడు .ప్రక్క గ్రామాల నుండి వచ్చి సరుకు కొనుక్కునే వారు నాణ్యమైన సరుక్కు భోగేన్ద్రుడే చిరునామా .బాగా సంపాదించాడు .ఉయ్యూరు కిరాణాషాపుల్లో మకుటం లేని మహా రాజు గా వెలిగాడు దాదాపు పదిహేనేళ్ళు .ఆ తర్వాత ఏమయిందో పూర్తిగా డౌన్ అయింది వ్యాపారం .ఒకబ్బాయి నాకు హైస్కూల్ లో క్లాస్ మేట్ .కాని ఆడ పిల్లలకు పెళ్ళిళ్ళు కూడా చేయలేక పోయాడు మగపిల్లలకు చదువు అబ్బలేదు వ్యాపారం ,ఆస్తి అన్నీ పోయాయి .దివాలా తీశాడు పాపం .

  మిఠాయి రాఘవులు మా నాన్న శిష్యుడు .మొదట్లో మిఠాయి దుకాణమే .భారీ మనిషి పంచె లాల్చీ తో ఉండే వాడు .తర్వాత కట్టెల దుకాణం శివాలయం ఎదురు గా స్వంత స్తలం లో పెట్టాడు మాకు అక్కడే ఖాతా .అప్పు తో తెచ్చుకొని తీరుస్తుందే వాళ్ళం .పెద్ద పెద్ద బొగ్గుల బస్తాలు కొనే వాళ్ళం బస్తా రెండు రూపాయలే తర్వాతా పెరిగి పోయింది .నుదుట సన్నని నామం పెట్టె వాడు .నవ్వుతు పలకరించే వాడు అతని  భార్య సన్నగా ,పొడుగ్గా ఉండేది .అతను చని పోయినా అక్కడే కొనే వాళ్ళం తుమ్మ కట్టలే కొనే వాళ్ళం

             శివ రామయ్య అనే ఆయన సెంటర్ లో కట్టెల దుకాణం నడిపాడు సన్నని మనిషి పంచె చొక్కా వేసే వాడు .అప్పు పెట్టి నాన్న టైం నుండి అక్కడే కొని జీతాల్లో డబ్బులు ఇచ్చే వాళ్ళం మంచి వాడు కమ్మ వారు .తర్వాత రంపం మిల్లు దగ్గరే తుమ్మ పోరాట్లు కొనే వాళ్ళం .నిలిచి కాలేవి అంతా బొగ్గే .భలే లాభ సాటి గా ఉండేది

          తాడేపల్లి ఖాదర్ అని ఒక వైశ్యుడు నాకు క్లాస్ మేట్ .అతని తండ్రి పెద్ద బానలాంటి పొట్టతో పొట్టిగా ఉండేవాడు గోచీ పోసి పంచె  మోకాళ్ళకు పైగా ఉండేట్లు కట్టే వాడు .పొగాకు వ్యాపారం చేసే వాడు .ఎవరితోను మాట్లాడే వాడు కాదు ఖాదర్ ఆర్ .ఎస్.ఎస్.లో ముఖ్య కార్య కర్త .తర్వాత పిండి మర పెట్టాడు

      నెప్పల్లి మల్లికార్జున రావు అనే కమ్మాయన నాన్నకు సహాధ్యాయి కాంగ్రెస్ నాయకుడు .బట్టల వ్యాపారం చేసే వాడు అప్పుడు ఆయనే పెద్ద వస్త్ర వ్యాపారి .ఆయన షాపు ఇల్లు ఇప్పుడు లక్ష్మీ టాకీస్ ఎదుట ఉండేది .ఆయన కొట్లోనే ఇంటికి కావలసిన బట్టలన్నీ కొనే వాడు మా నాన్న .ఆయన కూతురు మా రెండో అక్కయ్య దుర్గ కు క్లాస్ మేట్ .ఆయన ఖద్దరు పంచె ,లాల్చీ ఉత్తరీయం తో నె ఎప్పుడూ ఉండే వాడు ముఖాన నిలువు యెర్ర బొట్టుండేది .వాళ్ళబ్బాయి గాంధి నేను ఉయ్యూరు హైస్కూల్ లో పని చేస్తున్నప్పుడు శిష్యుడు .గొప్ప వాలీ బాల్ బాడ్ మింటన్ ఆట గాడు .మేస్టర్ల తో కలిసి ఆడే వాడు ఆడించే వాడు మల్లికార్జున రావు గారు కాకాని వెంకట రత్నం గారికి దగ్గరి వాడు .ఉయ్యూరు రాజకీయం లో ఆయన మాట చెల్లు బాటయ్యేది

           వెంట్ర ప్రగడ రామ బ్రహ్మం వడ్డీ వ్యాపారి .రాజా గారి కోటను కొన్న డబ్బున్న షావుకారు .తాకట్టు పై డబ్బు అప్పిచ్చే వాడు .లావు పొట్ట తో కదలటం కష్టం గా ఉండే మనిషి .జనాలతో డబ్బు సంబంధాలే తప్ప మిగిలిన వేమీలేవు .వాళ్ళ తమ్ముడు  కుటుంబ రావు .ఈయనకు పూర్తీ వ్యతి రేకం మోటార్ సైకిల్ మహా వేగం గా ,లాఘవం గా నడిపెవాడని పేరు .ఆ వేగానికి మా ఊళ్ళో ఒక కధ చెప్పే వారు .ఒక సారి ఏదో పని మీద అన్న ను ఎక్కించుకొని కుటుంబ రావు మోటార్ సైకిల్ పై బందరు బయల్దేరాడు .పెద్ద వాడు అన్న ఉన్నాడని కొంచెం నెమ్మదిగా నె తోల్తున్నాదట .’’ఎరా తమ్ముడూ !నువ్వేదో బాగా స్పీడ్ గా నడుపుతావని అందరు అంటారు ఇదేనా స్పీడు ?’’అన్నాడట .ఇంకే ముంది తమ్ముడు రెచ్చి పోయాడు .పామర్రు దగ్గర వెనక్కి తిరిగి చూస్తె అన్న కని పించాలేదట .దారిలో ఎక్కడో ఆ స్పీడ్ కి పడి పోయాట్ట .మళ్ళీ వెనక్కి వెళ్ళి చూస్తె నడుం విరిగి రోడ్డు మీద పది ఉన్నాడు  రామ బ్రహ్మం .అప్పటి నుండి ఆయన నడుం పట్టేసి, లేవ లేక పోయే వాడు వాళ్ళ అబ్బాయిలే డిబి.ఆర్ ‘’బట్టల దుకాణం నడుపుతున్నారు .

        కోలచల చలపతి మా కంటే పెద్ద వాడు మంచి మాట కారి వ్యవహార దక్షుడు ,రాజకీయం బాగా తెలుసు .మా వార్డు మెంబరు .నా ట్రాన్స్ ఫర్ కోసం ఎప్పుడూ సహాయం చేసే వాడు బండ బూతులు ధారాళం గా వచ్చిన వాడు .అవసరాన్ని బట్టి వాటిని ఉపయోగించే వాడు .వాళ్ళ ఇంట్లో ఉసిరి చెట్టుకింద కార్తీక వన సమారాధన చేసే వాడు మమ్మల్ని పిలిచే వాడు ఇంటిల్లి పాతీ వెళ్ళే వాళ్ళం యెర్రని మనిషి వెడల్పు ముఖం ఎప్పుడు గ్లాస్కో లుంగీ చొక్కా  తో ఉండేవాడు ఒక రకం గా నాకు ‘’గాడ్ ఫాదర్ ‘’అసలు పేరు వెంకటా చల పతి

                 గోవింద రాజు సత్యం –పొడుగ్గా యెర్ర లుంగీతో చొక్క తో ఎర్రగా ఉండే వాడు మంచి మాటకారి చలపతికి స్నేహితుడు బంధువు .వ్యవసాయం చేసే వాడు ఉయ్యూరు శివాలయం లో హరికధలుఏర్పాటు చేసిన ఘనుడు చాలా ఏళ్ళు అద్భుతం గా నిర్వ హించాడు .తక్కువ వయసు లోనే చని పోయాడు .

          యన మండ్ర సు బ్రహ్మణ్యం కొద్దిగా గుర్తు .కుటుంబయ్య గారి అబ్బాయి మా ఇళ్ళ దగ్గర ఉండే వాడు .ఆర్ ఎస్ .ఎస్ మనిషి .బాగా బలిస్టుడు ,గొప్ప తిండి పుష్టి కల వాడని చల పతే చెప్పే వాడు .దానికి ఒక విషయం చెప్పేవాడు .అతన్ని తద్దినం రోజున బ్రాహ్మ నార్తానికి పిలిస్తే ,చేసిన వన్నీ తినేసి గిన్నెలు ఖాళీ చేసే వాడట .ఇంట్లో వాళ్ళకోసం మళ్ళీ వండుకో వాల్సి వచ్చేదట .తక్కువ వయసులోనే చని పోయాడు వాళ్ళ అన్నయ్య పేరయ్య గారు కే;సి.పి.లో ఉద్యోగి మాకు కాఫీ పొడి పంచదార స్టోర్స్ నుండి తెచ్చి పెట్టె వాడు తమ్ముడు సత్య నారాయణ తెలుగు పండిట్ మంచి  వక్త .తండ్రి పేరయ్య గారు బలే సరదా మనిషి .నవ్వ కుండా మాటలతో నవ్వించే వాడు .పెద్ద పొట్ట అన్గోస్త్రం తోనే ఉండే వాడేప్పుడు ,యాయ వారం చేసే వాడు

     గోవింద రాజుల శ్రీ రామ మూర్తి గారు ఊళ్ళో పెద్ద మనిషి నిజాయితీ పరుడు వ్యవసాయం చేసే వారు స్తితి పరుడు .అందరికి తలలో నాలుక .ఉయ్యూరు శివాలయం ఈవిధం గా అభి వృద్ధి చెందింది అంటే ఆయన పుణ్యమే నిర్మాణ కమిటీ అధ్యక్షుడి గా ఉండి అందరి వద్దా చందాలు వసూలు చేసి అనేక మంది దేవతల ప్రతిష్టలు చేయించారు .దీనికి చల పతి ,ఆయన తమ్ముడు సత్యం కూడా బాగా తోడ్పడ్డారు .

         వారణాసి సదాశివ రావు గారు మేజిస్ట్రేట్ గా బందరు లో పని చేశారు ..వితరణ శీలి .వ్యవహార దక్షుడు .సహస్ర ఘటాభిషేకం వేద సభలు ,నిర్వహణ లో ముందుండే వారు .వీరికి సాయం మా నాన్న గారు, చోడవరపు చంద్ర శేఖర రావు ,మా మామయ్య గంగయ్య గారు ,బావ మరిది ఆదిరాజు నరసింహా రావు మొదలైన వారు

           చెరుకు పల్లి నరసింహ శాస్త్రి గారు నాన్న గారికి గురువు .వృద్దు .భార్య అన్న పూర్ణమ్మ గారు .పార్వతీ పరమేశ్వరులు గా ఉండే వారు .నృసింహ జయంతి బాగా చేసి బ్రాహ్మణు లందరికి సంతర్పణ చేసే వారు .చెవులకు బంగారు పోగులు .దబ్బపండు ఛాయా .ఎత్తరి మనిషి .తల ఊగుతూ ఉండేది .శాస్త్రాలు ,వేదం బాగా చదివిన వారట .చాలా మంది ఆయనకు శిష్యులున్నారు మా మామయ్యతో సహా .

            సూరి శోభనా చాల పతి గారిల్లు మా ఇంటికి ఎదురిల్లె ఉదయం సాయంత్రం వీధి అరుగు మీద కూర్చొనే వారు ఒక కన్ను మూసి మాట్లాడటం ఆయనకు అల వాటు .మా  స్నేహితుడు సూరి నరసింహా నికి అన్నయ్య .కాంగ్రెస్ వాడు .గాంధీ గారు ఉయ్యూరు వచ్చినప్పుడు ఈయనే అందరికి వాళ్ళ ఇంట్లో వంట చేయించి అస్పృశ్యతను పాటించ కుండా భోజనాలు పెట్టారని చెప్పుకొనే వారు .నేను మా తమ్ముడు మోహన్ అంటే మహా ప్రేమ చూపించే వారు .ఆ రోజుల్లో మేమిద్దరం ఒకే రక మైన డ్రెస్ వేసే వాళ్ళం ఆయన కంట పడితే ‘’ఒర్ నాయన్నాయన!ఈ ఊరి వాళ్ళ కళ్ళు మంచివి కావు మీకు దిష్టి తగుల్తుంది అలా ఒకే రక మైన బట్టలు వేసుకోకండి నాయనా “’అని చెప్పే వారు.ఆయన మాట మేము పాటించాం .ఆయన కుమారుడే ‘’గోవా వీరుడు రామం ‘’అనే సూరి సీతా రాం .

          సూరి బుచ్చి రామయ్య గారు నరసింహం తండ్రి. మా చిన్నప్పుడే ఆయనకు ఎనభై ఏళ్ళు ఎలిమెంటరి స్కూల్ హెడ్ మాస్టర్ చేసి రిటైర్ అయారు .రెండో భార్య మంగమ్మ గారు నరసింహానికి తల్లి.కంది పచ్చడి బాగా చేసేది .వాళ్ళింట్లో పచ్చడి చేస్తే మాకు తప్పక పంపించేది ‘’దుర్గా ప్రసాదూ ‘’అని ఆప్యాయం గా పలకరించేది  శోభనా చలపతి గారు మొదటి భార్య కొడుకు .‘నరసింహం ఇంటి పక్కనే సూరి వెంకటప్పయ్య గారుండే వారు .వాళ్ళబ్బాయే పార్ది మేష్టారు .ఈయనా ఎక్కడో మేస్టేరి  చేసి రిటైర్ అయారు .భార్య అన్న పూర్ణమ్మ గారు దొడ్డ ఇల్లాలు

     సుబ్రహ్మణ్యం అని విశ్వ బ్రాహ్మణుడు మంచి బంగారు నగలు చేసేవాడు .మా చిన్నప్పటికే చాలా పెద్ద వాడు .నీరు కావి పంచ కట్టు కొని చొక్కా తో వచ్చే వాడుఇంటికి. నమ్మ కస్తుడు .ఆయనకు బంగారమిస్తే భయమే ఉండేదికాదని అందరి అభిప్రాయం .చెవులకు పోగులు కిందికి జారిపోతున్న కళ్ళ జోడు దానికి చెవులకు తాడు  కింది చూపు .తల ఊగుతూ ఉండేది .కాని అదే బజారు లో ఇంకో విశ్వ బ్రాహ్మనుడుండే వాడు .పేరు ఉమా పతి .రాత్రిళ్ళు రామ భజన చేసే వాడు. కాని బంగారం ఇస్తే అసలు వచ్చేది కాదు కల్తీ బంగారం తో చేసి తిప్పి తిప్పి విసుగు వచ్చిన తర్వాతా ఇచ్చే వాడు అతని మోసం బయట పడి అరెస్ట్ కూడా చేశారు దుకాణం ఎత్తేసి బెజ వాడ పోయాడు .మేమూ ఆయన చేతిలో మోసపోయాం .ఇక్కడే చేవూరి కనక రత్నం గారు గొప్ప హరికధకుడు ఉండే వాడు .ఉయ్యూరు లో పేరు లేదు కాని బందరులో బ్రహ్మ రధం పట్టే వారు ఒళ్లంతా బంగారం తో పట్టు పంచె శాలువా తో ఉండే వాడు .బంగారం పనీ చేసే వాడు .’’పెళ్ళి కొడుకు ‘’అని పిలిచే వారు .కాని కొడుకులుచేతికి అంది రాలేదు వైభవం అంతా పోయింది చాలా దీనం గా బతికాడు చివరి రోజుల్లో .

       వెన్న పూస సుబ్బమ్మ –అనే ఆవిడ తండ్రి దగ్గర ఉండి వెన్నా ,నెయ్యి వ్యాపారం చేసేది వీసేలకు వీసేలు వెన్న కొనే వాళ్ళం అప్పు పెట్టటం తీర్చటం .జీతం దానికే సరిపోయేది ఆమె పెంపుడు కొడుకే మండా వీర భద్ర రావు మా ఆంజనేయ దేవాలయం నిర్మాణానికి నాకు గొప్ప గా సహకరించాడు .నేను వెనక్కి తగ్గి నప్పుడల్లా నాకు స్పూర్తినిచ్చే వాడు .ఊళ్ళో ఎంతో మంది ధనికులున్నా అతన్నే నేను నమ్మి నిర్మాణం అప్పగించాను .నిజాయితీకి మారు పేరు .ఆర్ ఎస్ .ఎస్ వర్కర్ .నిదానస్తుడు .అలాగే లంకా సంజీవ రావు గారు విద్యుత్ శాఖ లో ఉద్యోగం చేసి రిటైర్ అయ్యారు .ఆయనా నేను వీర భద్ర రావు కాలికి బలపం కట్టుకొని తిరిగి ఆలయం నిర్మించటానికి కృషి చేశాం వారిద్దరూ లేక పోతే నిర్మాణం విషయం లో నేను ముందుకు వెళ్ళే వాణ్ణి కాను సంజీవ రావు గారు గొప్ప అ హనుమద్ భక్తుడు .మా ఇద్దరినీ ఎప్పుడు హెచ్చ రించి పని చేయించే వాడు ఈ ఇద్దరు స్వర్గస్తులయారు .

                ఆముదం వ్యాపారం  అమోఘం గా చేసిన వాడు నూనె చంద్రయ్య .ఇంటి పేరు తేలేదు .ఎర్రగా నుదుట యెర్రని నిలువు బొట్టు గోచీపోసి తెల్ల పంచ తెల్ల చొక్కా తో వచ్చే వాడు , చేతిలో ఒక డబ్బా దానిలో కోల పాత్రలు ,తుడుచుకొనే గుడ్డ ,చేత్తో ఇంకో డబ్బా అందులో ఆముదం నూనె దానికి ఒక నాజిల్ తో ప్రత్యక్షం .మంచి ఆముదం అమ్ముతాడని పేరు ఎక్కడో విదేశం లోను వంట వాడిగా పని చేశాడని మైనేని గోపాల కృష్ణ గారు చెప్పారు తెలగ కులస్తుడు ..అయితే కాకాని వెంకట రత్నం గారి కాంగ్రెస్ సభలకు ఉప్మా చేయటం నాకు తెలుసు. బాగా రుచిగా చేసే వాడు .ఆదినారాయణ అనే మా స్నేహితుడు తీసుకొని వెళ్ళే వాడు తర్వాతపూర్తీ గా వంట చంద్రయ్య అయ్యాడు బాగా పేరు తెచ్చుకొన్నాడు .వాళ్ళబ్బాయి కూడా దీనిలోనే ఉన్నాడు చంద్రయ్య మాట కొంత యాస గా తమాషా గా ఉండేది .అలానే ఆముదం అమ్మే వైశ్యుడు ఒకాయన  సీతా రామయ్య ఉండే వాడు ఇళ్లకు వచ్చి ఆముదం పోసే వాడు .తర్వాతా ఆముదం అమ్మకాలు తగ్గితే ఇడ్లీ ళు ఇంటింటికి తెచ్చి అమ్మే వాడు .తర్వాతా మిగిలిన నూనెలూ వేరిద్దరూ అమ్మే వారని విన్నాను .

          సీతం రాజు సత్య నారాయణ గారు ‘’ఆంధ్రా  టై ప్ ఇన్స్టిట్యుట్ ‘’పెట్టి టైపు షార్ట్ హాండ్ వేలాది మందికి నేర్పించి ఉద్యోగా వకశాలు కల్పించిన ముందు చూపున్న మనిషి .ఎర్రగా గ్లాస్కో పంచె ఖద్దర్ లాల్చితో ఉండే వారు .కొంచెం చిరుబురులాడే తత్వమే అయినా మంచి ఆలోచనా పరుడు బ్రాహ్మణ సంఘాన్ని చావ కుండా కాపాడిన వాడు. నేనూ మా తమ్ముడు కూడా ఆయన శిష్యులమే .

             కొబ్బరి తోట దగ్గర తల్లా  వఝల సూర్యం అనే ఆయన బాగా బలిష్టుడు మినీ భీముడి లా ఉండేవాడు.స్వంత ఇల్లు ఉండేది కొడుకు రాజా అతని అన్న రాజేంద్ర మాతో చదువు కొన్నారు సీతం రాజు కోటేశ్వర రావు గారి ప్రైవేట్ లో చదివే వారు .సూర్యం గారికి పాపం పిచ్చి ఎక్కింది .మా చిన్నప్పటి నుంచి అంతే .లావు పాటి గొలుసులతో ఇంట్లో కట్టేసే వారు .అయినా తెంపుకొని బజార్లోకి వచ్చే వాడు బాగా తిట్టే వాడు .పాపం ఆయన్ను మళ్ళీ ఇంట్లోకి తీసుకు వెళ్లటం బ్రహ్మ ప్రళయం అయ్యేది .విధి కృతం .

               వెంట్ర ప్రగడ మాణిక్యం, వెంకటేశ్వరు తల్లి కొడుకులు .మా ఇంటికి ముందు ఇల్లు వెన్న పూసవ్యాపారం ,మాణిక్యం మడికట్టుకోనేది .దేవర పల్లి పుట్టిన ఊరు .అక్కడి నుంచి వెన్న డబ్బాలతో వచ్చేది వీళ్ళ దగ్గరే కొనే వాళ్ళం పద్దు రాయటం తీర్చటం వీసె రెండు రూపాయలే వెంకటేశ్వర్లు చిల్లర దుకాణం కూడా నడిపాడు ..సరుకులు అక్కడే .పద్దు పుస్తకం ఉండేది .వచ్చి నప్పుడు డబ్బు ఇచ్చే వాళ్ళం .అడిగే వాడు కాదు .పద్దు పుస్తకం ఉంటె అప్పు ఎక్కు వచేస్తామని పుస్తకం తీసేసి డబ్బు ఇచ్చి కొనటం మొదలు పెట్టాం .అప్పుడు డబ్బు విలువ తెలిసింది .ఇంట్లో గేదెలు, పాలు ఉన్నా, వెన్న కొనే వాళ్ళం అదే తమాషా .వీళ్ళపక్కనే వెంట్ర ప్రగడ పిచ్చయ్య ఇల్లు సాహసానికి మారు పేరు .ఎక్కడైనా దొంగతనాలు జరిగినా, అగ్ని ప్రమాదాలు జరిగినా ఈ బక్క పలుచటి మనిషి పరిగెత్తుకొని వెళ్ళి సాయం చేసే వాడు వైశ్యుడు అయినా  భయం యే కోశానా లేని వాడు .ఎప్పుడు తెల్ల లుంగి తెల్ల చొక్క తో ఉండే వాడు గెల్లి వాళ్ళ బట్టల కొట్లో గుమాస్తా చేశాడు .వీళ్ళ ఇంటి  పక్కనే వెంట్ర ప్రగడ సాంబయ్య గారిల్లు .మాంచి మాట కారి ,నల్ల గా బారుగా ఉండే వాడు వెంకటరత్నం గారి అబ్బాయి తండ్రి బంది పోటు దొంగలను మా తాతయ్య నరసింహం గారు సింగిరి శాస్త్రి గార్లతో కలిసి ఎదిరించారట . సాంబయ్య గారు ఒట్టిపిరికి .ఎవరైనా డబ్బు అప్పు అడిగితే రేపు మాపు అని తిప్పేవాడు విసుగొచ్చి వాడు మానేయాల్సిందే

                 పామర్తి సీతా రామయ్య గారని శాయి పురం ఆయన మా ఇళ్లకు ప్రతి వారం వచ్చే వాడు మాటల పోగు మా నరసింహం తాతకు అంతే వాసి .ఆయనా సీతం రాజు లక్ష్మీ నారాయణ గారు, తాతయ్య అనేక ఊళ్లు తిరిగి చందాలు పోగు చేసి కనక వల్లి లో మా మామయ్యా వాళ్ళు ప్రతిష్టించి నిర్మించిన శివాలయ నిర్మాణానికి ఎంతో తోడ్పడ్డారు .ఉయ్యూరు అంటే వాం వాటర్ కు ప్రసిద్ధి .కంతేటి విశ్వనాధం తయారు చేసే వాడు కడుపు నొప్పికి గొప్ప వైద్యం మంచి వ్యాపారం దానితో చేశాడాయన ..కాటూరు రోడ్డులో పొగాకు ముసలయ్య కు వడ్ల మర ఉండేది నీర్కావి పంచె చొక్కా మీసాలు యెర్ర బొట్టు తో ఉండేవాడు .మిల్లు బాగా నడిచేది .ఆదిరాజు చంద్ర మౌళీశ్వర రావు గారి దంపుడు మిల్లు కంతేటి వారి అతుకుల మిల్లు ప్రసిద్ధి చెందాయి ఉమా ప్రెస్ స్తాపించి ప్రింటింగ్ ను ఉయ్యూరు లో మొదలు పెట్టిన వారు చంద్ర మౌళీశ్వర రావు గారు .వాళ్ళ అబ్బాయిల్లో రాధుడు నా క్లాస్ మేట్ .ఆనంద మోహన్ సినీ డైరెక్టర్ .కృష్ణ మోహన్ స్టేజి నటుడు .

          చివరి గా మా నరసింహం  తాత గురించి రాస్తున్నాను .మా అమ్మకు బాబాయి నల్లగా తుమ్మ మొద్దు రంగు .విభూతి ,రుద్రాక్షలు నుదుట కుంకుమ బొట్టు మోకాలి పైకి పంచె చొక్కా .అసలు వేసే వాడే కాదు .మద్రాస్ వెళ్ళినా యే ఊరేల్లినా చొక్కా ఉండేది కాదు .చూస్తేనే వణుకు పుట్టించే వాడు వేదం బాగా నేర్చిన వాడు పరీక్షించే సత్తా ఉన్న వాడు వ్యవహార దక్షుడు .లా పాయింట్లు బాగా తెలిసిన వాడు .మా చిన్నపటికే చాలా  ముసలి వాడు నా  ఉపనయననానికి ఉన్నాడు కోర్టుకు వెళ్తే గెలవటమే .మా నాన్న హిందూ  పూర్ లో పని చేస్తుంటే ,ఇంటి వ్యవహారాలు అ గ్రహారం వ్యవహారాలూ ,ఇక్కడి పొలం వ్యవహారాలూ అన్నీ ఆయనే చూసే వాడు .నిక్కచ్చి అయిన మనిషి.బండ బూతులు కూడా తిట్టే వాడు .తురకం బాగా మాట్లాడే వాడు .మా అమ్మను ‘’అమ్మాయ్ ‘’అని మా మామయ్యను ‘’అబ్బాయ్ ‘’అని ప్రేమ గా పిలిచే వాడు .మా కొంపా గోడు నిలిచి ఇప్పటికి ఇలా ఉన్నాము అంటే ఆయన చలవే .

        ఇలా తవ్వుకొంటు పోతుంటే జ్ఞాపకాల పాతర లో ఏదో ఒకటి దొరుకు తూనే ఉంటుంది .వీరందరూ మా పై ఏదో విషయం లో ప్రభావం చూపిన వారే అందుకే వారిని స్మరించాను అది నా ధర్మం, కర్తవ్యమ్ గా భావించాను .కనుక‘’ఎందరో మహాను భావులు –అందరికి వందనములు ‘’అని ముగిస్తున్నాను .

           ఏదో ఆషామాషీ గా ‘’ఊసుల్లో ఉయ్యూరు ‘’మొదలు పెట్టి రాయటం ప్రారంభించాను .ఒక ప్రణాళిక లేదు .జ్ఞాపకం వచ్చిన విషయాలను రాశాను. నా జ్ఞాపక శక్తి పై నాకే అను మానం .అందుకే సంవత్సరాలు డేట్ల జోలికి పోలేదుఎక్కువ గా .వీటిని చదువుతూ నన్ను ప్రోత్స హించిన వారు శ్రీ మైనేని గోపాల కృష్ణ గారు .కొంత అదనపు సమాచారం కూడా వారు నాకు అందించారు .అలాగే ఇంకా ఆసక్తితో చదివి నన్ను ప్రోత్సహించిన వారు ప్రఖ్యాత ఆర్ధిక శాస్త్ర వేత్త శ్రీ ఆరిక పూడి ప్రేమ్  చంద్ గారు .బాగున్న వాటి పై వెంటనే స్పందించే వారు .నన్ను ‘’మేస్టారూ ‘’అని సంబోధిస్తూ ఎత్తు పీట మీద కూర్చో పెట్టి మెయిల్స్ రాస్తారు .మెచ్చుకొంటారు తగ్గిన సమాచారాన్ని అందిస్తారు .ఇవి రాస్తూనె ఉండండి .పుస్తక రూపం లో తెస్తే బాగుంటుంది అన్న సూచనా చేశారు నేను అక్టోబర్ లో అమెరికా నుండి తిరిగి వచ్చి హైదరా బాద్ నుండి వారితో మాట్లాడి నప్పుడు .అది కాలం తేల్చాల్సిన సంగతి ఇన్ని అంటే యాభై ఎపి సోడ్ లు నేను రాస్తానని ఊహించనే లేదు .అలా నడిచి వెళ్ళి పోయాయి కంప్యూటర్ ముందు కూచోటం , రాయటం ప్రారంభించటమే. విషయాలు అలా తామర తంపర  గా దొర్లు కొచ్చాయి భగ వత్ సంకల్పం అని అనుకొంటాను .

               ‘’ఊసుల్లో ఉయ్యూరు ‘’అనే ఈ యాభై వ్యాసాల పరం పరను నా  శ్రేయోభి లాషి,ఆత్మీయులు, మా ఉయ్యూరు వాసి ,ఉయ్యూరు అంటే తీరని అభిమానం ఉన్న శ్రీ ఆరిక పూడి ప్రేమ చంద్ గారికి సవినయం గా అంకితమిస్స్తున్నాను .

             సమాప్తం

           నూతన సంవత్సర శుభా కాంక్షలతో

              మీ –గబ్బిట దుర్గా ప్రసాద్ –31-12-12-

  కాశీ ఖండం -43

                           సప్తర్షి యాత్ర

  ప్రతి నెల పంచమి తిది నాడు సప్తర్షి యాత్ర చేస్తే ధర్మబుద్ధి ,వృద్ధి అవుతుంది .

జంగం వాడీ దగ్గర కశ్యాపెశ్వరుడు  ,కాదయాకీ చొక్ వద్ద అత్రీశ్వరుడు (ఇప్పుడిది లేదు ),నాగ కూపం దగ్గ్గర మరీచీశ్వరుడు ,గోదేలియా కాశీ నరేష్ సమీపం లో గౌత మేశ్వరుడు ,మణికర్ణికా స్వర్గ ద్వారం వద్ద పులస్త్యేశ్వరుడు ,సంకట ఘాట్ వద్ద వసిష్టేశ్వరుడు ,,అరున్ధతీశ్వర దర్శనం తో సప్తర్షి యాత్ర పూర్తీ

                           నవ దుర్గా యాత్ర

             ప్రతినెలా అష్టమి లేక నవమి తిధులలో ఈ యాత్ర చేయాలి తొమ్మిది రోజుల్లో తొమ్మిది దుర్గ లను సందర్శించాలి ఇదే చండీ యాత్ర అనీ అంటారు

 వరుణా నది ఒడ్డున –శైల పుత్రీ దుర్గా దేవి ,పంచ గంగా ఘాట్ వద్ద –బ్బ్రహ్మ చారిణీ దుర్గా దేవీ ,చందూకీ వద్ద –చిత్ర ఘంటా దుర్గా దేవి ,దుర్గా కుండం అంటే ప్రసిద్ధి వద్ద –కూష్మాండ దుర్గా దేవి ,జిత పురా లో స్కంద మాతా లేక వాగీశ్వరి దుర్గా దేవి ,ఆత్మ వీరేశ్వర మందిరం లో కాత్యాయినీ దుర్గా దేవి ,కాళికా గల్లి లో –కాల రాత్రీ దుర్గా దేవి పంచ గంగ దగ్గర మహా గౌరీ దుర్గా దేవి లేక మంగళ గౌరీ దుర్గా దేవి ,సంకట దేవి, దుబులా వాలాలో సిద్ధి ధాత్రి దుర్గా దేవిల సందర్శనమే నవ దుర్గా యాత్ర .

                      ఏకా దశ మహా రుద్రులు

శివుడికి పద కొండు సంఖ్య చాలా ఇష్టమైనది .పద కొండు సార్లు రుద్ర మంత్రాలతో అభి షెకిస్తి మహా ప్రీతీ చెందుతాడు .కనుక ఏకాదశ రుద్ర దర్శన ,ప్రార్ధన ,పూజలు శివసాయుజ్యాన్నిస్తాయి

ఇసర్ గంగీ జాగేశ్వార్ –అగ్నీద్రేశ్వర లింగం ,ఔసాన్ గంజ్ లో ఊర్వశీశ్వర లింగ్సం ,విశ్వనాధుని దగ్గర హనుమాన్ మందిరం లో నాకు లేశ్వర లింగం ,కాశీ పురా రాజా బెంతియా ఆవరణ లో ఆశాఢేశ్వర లింగం ,రాజా దర్వాజా లో భార భూతేశ్వర లింగం ,కొనా బజార్  లో –లాంగీశ్వర లింగం ,బోలా లో ఉన్న త్రిపురాన్తకేశ్వర లింగం ,సాఖీ వినాయకుడి దగ్గరున్న –మనః ప్రకామేశ్వర లింగం ,కాళికా గల్లీ లో ప్రీతీ కేశవర లింగం ,మదాలసేశ్వర లింగం ,దుర్గా కుండం దగ్గర–తిల వర్నేశ్వర లింగ దర్శనమే ద్వాదశ మహా రుద్రా దర్శనం

                            వార యాత్రలు

ఆదివారం –సూర్య యాత్ర –లోలార్క ,ఉత్తరార్క ,సామ్బాదిత్య ,ద్రౌపదాదిత్య మయూఖాదిత్య ,ఖఖో లాదిత్య ,అరునాదిత్య ,వ్రుద్దాదిత్య ,కేశవా దిత్య ,విమలాదిత్య ,గంగా దిత్య ,యమాదిత్య లను శాస్తి సప్తమి ,లేక ఆదివారం చేస్తే పద్మక యోగం లభిస్తుంది

సోమ వారం –జ్ఞాన వాపీ స్నానం చంద్రేశ్వర దర్శనం చేయాలి సోమవారం ,అమా వాస్య కలిస్తే సోమవతీ అమా వాస్య అంటారు 

 మంగళ వారం –దుర్గా దేవి భైరవుడు ,వందీ దేవి ,అంగారకేశ్వర ,హనుమాన్ లను దర్శించాలి

అష్ట భైరవులు –హనుమాన్ ఘాట్ లో రురు భైరవ ,దుర్గాజీ ఆవరణ లో –చండా భైరవ ,వృద్ధ కాళేశ్వర్ వద్ద –అసితాంగా భైరవ ,ప్రసిద్ధం లో –కపాల భైరవ ,కామక్షా లో –క్రోధ భైరవ ,భీమ చండీ దగ్గర –ఉన్మత్త భైరవ ,త్రిలోచన గంజ్ వద్ద–సంహార భైరవ ,కాశీ పురాలో –భీషణ లేక భూత భైరవ లను దర్శిస్తే యే భయమూ ఉండదు .

 బుధ వారం –బుదేశ్వర లేక ఆత్మా వీరేశ్వర దర్శనం అధిక ఫలితాన్నిస్తుంది .బుధ వారం అస్టేమి  తిదితో కలిస్తే విశేషం

గురువారం –శుక్రేశ్వర దర్శనం చేయాలి .కాని ఇప్పుడు అందరు శ్రీ మహా లక్ష్మీ ,సంకట దేవి ,వాగీశ్వరీ దేవి లను శ్రావణ శుక్ర వారం దుర్గా దేవిని దర్శించి తరిస్తున్నారు .

శని వారం –విశ్వనాదాలయం దగ్గరున్న శనైస్చర్య దర్శనం చేయాలి శని వారం ప్రదోష కాలం లో త్రిలోచన కామేషుని ,నక్షత్రేశ్వర దర్శనం పుణ్యం

 సూర్య ,చంద్ర గ్రహణాల సమయం లో గంగా స్నానం స్నానం మోక్ష దాయకం .ఈ శ్లోకాన్ని చదువు కోవాలి

‘’కురుక్షేత్ర సమా గంగా –యత్రా కుత్రావ గాహితా –కురుక్షేత్రా ద్దశ గునా –యాత్ర విందయె న సంగాతః

తస్మాత్ సహస్ర గుణ ప్రోక్తా –యాత్ర పశ్చిమ వాహినీ –తస్మాత్ సహస్ర గుణితా –కాశ్యాం ఉత్తర వాహినీ ‘’

           దశాశ్వ మేధ ఘాట్ లో యమునా ,గంగా సంగమం జరుగుతుంది .మణి కర్ణికా కుండం లో బ్రహ్మ నాశం నుండి బ్రహ్మ ద్రవ జలం గోముఖీ ద్వారా వస్తుంది .దత్తాత్రేయ మందిరం అడుగు నుండి బయల్దేరి గంగలో కలుస్తుంది పంచ గంగా ఘాట్ లో గాభాస్తేశ్వర లింగం అడుగు నుండి ఒక జల ధార వచ్చి లీన మవుతుంది అదే కిరణా నదీ అంశ అంటారు .

                     సశేషం

              నూతన సంవత్సర శుభా కాంక్షలతో

                –మీ –గబ్బిట దుర్గా ప్రసాద్ -31-12-12-ఉయ్యూరు 

ఊసుల్లో ఉయ్యూరు -49

          మా ప్రాంతం లో అరుదై పోయిన వృక్ష సంపద

   మా చిన్న తనం లోమా ఉయ్యూరు , పరిసర ప్రాంతాలలో  ఉన్న అనేక జాతుల వృక్షాలు , పూల మొక్కలు ఆకుకూరలు ఔషధీయ మొక్కలు కంచే మొక్కలు ఇవాళ కలికానికి కూడా కని పించాకుండా పోయాయి .బహుళ అంతస్తుల భవనాల వల్ల పెరటి మొక్కలూ కరువైనాయి .ఇంటికి రక్షణ గా ఉండే అనేక రకాలైన కంచే మొక్కలు అసలు కని పించటమే లేదు .అన్నీ జ్ఞాపకం లేవు కాని జ్ఞాపకం ఉన్న సుమారు నలభై  రకాలను మాత్రమె ప్రస్తావిస్తున్నాను..ఈ పరిస్తితి అన్ని ప్రాంతాలలోను ఉండి ఉండ వచ్చు .నేను మా ప్రాంతం లో గమనించిన వాటినే దృష్టికి తెస్తున్నాను .

        మా చిన్నప్పుడు మెయిన్ రోడ్డు మీద ఎత్తైన లావు పాటి వ్రుక్షాలున్దేవి .వాటికి పొడవైన,లావైన  గోధుమ రంగుకాయలు వేలాడుతూ ఉండేవి .ఆకాలాలో ఏనుగు లపై వచ్చే రాజు గారు వారి సైన్యం విశ్రాంతి తీసుకోవ టానికి ఈ చెట్లు ఉపయోగ పడే వట .ఏనుగు లకు ఎండ వడ తగల కుండా ఇవి కాపాడేవి అందుకని వీటిని ‘’ఏనుగు ల వడ చెట్లు‘’ అనే వారు .కొందరు కొంటె కొనంగులు ఆ మూడు మాటలను కలిపి బూతు అర్ధం సృష్టించే వారు .బెజవాడ బందరు రోడ్డంతా ఈ చేట్లున్దేవి చల్లని నీడకివి ప్రత్యేకం వెడల్పు ఆకులు విస్తరించి గుబురుగా ఉండే కొమ్మల తో మార్గ గాములఅలసట తీర్చేవి అవి దాదాపు యాభై ఏళ్ళ నుంచి అసలు కని పించటమే లేదు

              అలాగే జువ్వి చెట్లు ,మర్రి చెట్లు ,రావి చెట్లు కూడా దారి వెంబడి ఉండి బాట సారులపాలిటి కల్ప వృక్షాలు గా ఉండేవి .మర్రి పళ్ళు ఎర్రగా పండి మహా ముచ్చటగా ఉండేవి .మర్రి చెట్టుకు ఊడలు దిగి బాగా విస్త రించేది మద్రాస్ లోనీ అడయార్ మర్రి వృక్షం యాత్రీకులకు సందర్శనీయం .పక్షులకు మంచి ఇష్టమైన ఆహారం ఆకులు వెడల్పుగా సందులేకుండా ఉండేవి .జువ్వి చెట్లు గొప్ప నీడ నిచ్చేవి .రావి చెట్ల పై పక్షులు గూళ్ళు కట్టుకొని హాయిగా యే చీకు చింతా లేకుండా ఉండేవి .తెల్ల వారుజ్హామున పక్షుల రొదలు కర్ణ పేయం గా విని పించేవి. కాకులు నిద్ర లేపేవి .రోడ్ల విస్తరణ ,కమ్యునికేషన్ సౌకర్యాలకోసం ఈ చెట్లనన్నిటి.ని ధ్వంసం చేశారు ..యే గంగానమ్మ గుడి దగ్గరో రచ్చ బండ దగ్గరో మనకు రావి చెట్టు కని పిస్తుంది .రావి దేవత తో సమానం .మర్రి ,రావి పెనవేసుకొంటే మహా పవిత్రం గా భావించే వారు  .అనంత పురం జిల్లాలో హిందూ పూర్ కు దగ్గర ‘’విదు రాశ్వద్ధం ‘’ప్రఖ్యాతి చెందింది .ఆశ్వత్తం  అంటే రావి. ఉయ్యూరు లో బజార్లు కూడా రవి చెట్టు బజార్ మరి కొన్ని ఊళ్ళలో మర్రి చెట్టు బజార్ ఉండేవి 

      మా ఇళ్ళల్లో తప్పకుండా బాదం చెట్టు పెంచటం అలవాటు గా ఉండేది .బాదం కాయ పండితే యెర్ర గా ఉంటుంది దాన్ని పై తోలు చక్క గా నమిలి మింగే వాళ్ళం మహా తియ్య గా ఉండేది .లోపల పొడవైన పప్పు భలే రుచి .పిల్లలకు ఆ రోజుల్లో బాల వర్ధక ఆహారం కూడా. బాదం పప్పు తినటం ఆ నాడు ఫాషన్.బాదం ఆకుల తో విస్తళ్ళు కుట్టే వాళ్ళు .అందరి భోజనాలు బాదం ఆకు విస్తల్లలోనే .ఆకులు పండ బారితే ఎర్రగా  చూట్టానికి బాగుండేవి .లేత ఆకులు నవ నవ లాడుతూ ముచ్చట గోలిపేవి .ఇప్పుడు ఎక్కడో తప్ప బాదం చెట్లు లేవు బాదం పప్పు బజార్లో కొని తినటం అలవాటైంది .అలాగే పిస్తా కూడా

         మా చిన్నతనం లో రబ్బరు చేట్లు అని ఇళ్లకు కంచే గా ఉండేవి .బాగా పెళుసైన ఓ మాదిరి వెడల్పు ఆకులతో , కాడలో చాలా సున్నితంగా ఉండేవి . .ఆకుల్ని చేత్తో పట్టుకొని మధ్యకు విరిస్తే చ ప్పుడయ్యేది అందులోంచి పాలు కారేవి .అందుకే దీన్ని రబ్బరు చెట్టు అనే వాళ్ళం .అంతే  కాని అసలు కేరళ లోనీ రబ్బరు చెట్టు కాదు .లతలా పాకేది దట్టం గా విస్త రించి పేద వాడికి దడి లాగాఉపయోగ పడేది . ..ఇప్పుడేక్కడా కని పించటం లేదు .ఎక్కడో పార్కుల్లో తప్ప .

         పూచిగ చెట్లు ఎక్కడ పడితే అక్కడ మోలిచేవి .వాటికి యెర్రని,ఆకు పచ్చని వెన్ను ఉండేది దాన్ని చివర తుంపి ఆటగాయి తనం గా అవతలి వాడికి తెలీకుండా వాడి వీపు మీద విసిరితే చొక్కాకు అంటుకు పోయేది .పూచిక చీపుళ్ళు బాగా వాడుక లో ఉండేవి వాటితోనే ఇంటి లోపల ఊడ్చే  వారు .కొబ్బరి చీపుల్లకు అసలు విలువే లేదప్పుడు .అందరు పూచిక చీపుల్లనే వాడే వారు .దాని పుల్లలు భలే సున్నితం గా మెరుస్తూ జారి పోయేట్లు బోలుగా ఉండేవి .ఇప్పుడు ఔట్ ఆఫ్ ఫాషన్ .అసలు దొరకటమే లేదు కుంచె చీపుళ్ళు వచ్చాక ఇవి కను మరుగైనాయి .అయితే వీటితో ఒక ఇబ్బంది ఉంది .పూచిక ముళ్ళు గుచ్చుకొని మహా బాధ పెట్టేవి .ఆ ముళ్ళు పోగొట్టేట్టు వాటిని బయట దులపటం ఒక ప్రహసనం ఇప్పుడు ఇంటి బయట ఊడవ టానికి కొబ్బరి ఈనెల  చీపుళ్ళు వచ్చాయి .కొంతకాల తాటాకు చీపుళ్ళు వాడే వారు .ఈత మండలతో చీపుళ్ళు చేసి పాలేల్లు ఊడ్చే వారు ఈత మండలను గుత్తిగా కర్ర చివర కట్టిఇంట్లో బూజు దులపటం ఆ నాడు సర్వ సాధారణం .ఈత చెట్లు ఎక్కడ పడితే అక్కడ ఉండేవి మా ఇంటి వెనక ఉన్న చామలి లో  అంతా ఈత పోదలే ఈత పళ్ళు మహా రుచి .ఈతాకు చాపలు నేసె వారు .వాటిని ఇళ్ళల్లో కంటే బయట కూర్చునేందుకు వాడటం సాంప్రదాయ కుటుంబాలలో ఉండేది ఇళ్ళల్లో తుంగ చాపలె వాడే వారు ..బహిర్భూమికిఈత చెట్లు మరుగ్గా బాగా ఉపయోగ పడేవి .ఊడవటానికి పోలి కట్టలు కూడా వాడే వారు పాలేల్లు రెండు చెట్ల తో దట్టమైన చీపిరి తయారు చేసే వారు . .పొలం లో ధాన్యం రాసిని పొల్లు, తాలు తప్ప,నుండి వేరు చేయటానికి బాగా ఉపయోగించేవారు పొలం గట్లఇంటి మీద దొడ్లో  విత్తనాలు వేసి వాటిని పండించే వాళ్ళు .ఆ తర్వాత కొను బడికి దొరికేవి .ఇప్పుడు కోన తానికీ అరుదై పోయాయి . కని పించటం లేదు .అలాగే ధాన్యం పండిన తర్వాతా మోపులు కట్టి,కుప్ప వేసే వారు.దాని పై మధ్య మధ్య గొబ్బి చెట్లు లేక మండలు పెట్టె వారు దిష్టి తగలకుండా  .కొంచెం నీలం రంగు పూలతో చిన్న ముళ్ళతో  చిన్న గా చేట్లుఉండేవి . పొలం గట్ల మీద మోలిచేవి ఇప్పుడవి లేవు .ఎక్కడైనా బాగా పల్లె టూళ్ళ ల్లో ఉన్నాయేమో తెలీదు

                 అలాగే ఖాళీ ప్రదేశాలలో దురద గొండి మొక్కలు బాగా మోలిచేవి .చిలిపి గా వాటి ఆకుల్ని జాగ్రత్త గా కోసి అవతలి వాడి చేతి కి ,వాడికి తెలీకుండా రుద్దే వాళ్ళం వాడు దురద గోక్కో లేక బాగా బాధ పడే వాడు అది తగిలిన చోట ఎర్రగా వాచీ పోయేది .ఇప్పుడు అది లేదు . .పల్లేరు చెట్లు కూడా బాగా ఉండేవి .కళ్ళకు చెప్పులు లేకుండా వాటి పై నడిస్తే యమ లోకం కని పించేది .పల్లేరు కాయల్ని వినాయక చవితి రోజు రాత్రి వేళ ఇళ్ళ పైకి విసరటంఒక ఆనవాయితీ.తెల్ల వారు ఝామున ఇళ్ళ నడకలో పోసేవారు పొరపాటున వాటి పైకాలు వేసి కుయ్యో మొర్రో అని అనుకుంటూ పోసిన వాడిని బండ బూతులు తిట్టే వారు అవి తిట్టించుకొనే వాడికి దీవెనలు గా భావించే వారు . .మా చామల్లో లో వెడల్పు గా దట్టం గా ఉండే చిన్న చెట్లు ఉండేవి .వాటికీ గుత్తులు గుత్తులుగా కాయలు చిన్నవి కాసేవి అ చెట్టు ఒక రకమైన వెగటు వాసన తో ఉండేది అది ఎందుకు ఉపయోగిస్తుందో తెలీదు కాని దసరాల్లో దీపం పురుగులు వేలాదిగా వస్తే వాటిని తట్టుకోవటానికి ఈ మొక్కల్ని ఇళ్ళల్లో ,గుళ్ళల్లో వేలాడ దీసే వారు అందులో చిక్కుకొని ఆ వాసన భరించ లేక చచ్చేవి. కాయలకు చారలున్డటం వీటి ప్రత్యేకత .ఇప్పుడుకాగితానికి నూనె రాసి వేలాడ దీసి దీపం పురుగుల ను అంటుకోనేట్లు చేస్తున్నారు .ఈ చెట్లూ ఆనవాలు లేవు .

     మా చామల్లో  లో కర్ర పెండలం పండించే వాళ్ళు .బాగా ఏపుగా ఎత్తు  గా పెరిగేవి కర్ర పెండలం తో సగ్గు బియ్యం తయారు చేసే వారని చెప్పుకొనే వారు .ఆ తర్వాత దాన్ని పంచ దార తయారీలోను వాడే వారని చదివా..ఇప్పుడు అసలు ఆ పంట మా ప్రాంతలో లేనే లేదు .అలాగే వెలగచెట్లు మా చేమలి లో ఉండేవి పూర్వం రాజులు ఏనుగులు గుర్రాలతో  వచ్చినప్పుడు వాటికి కట్టే సె వారట..వేలక్కాయలు ఎవరిష్టం వచ్చి నట్లు వాళ్ళు కోసుకొనే వారు .తుఫానుల్లో దారి వెంట చెట్లు ,ఈ వెలగచెట్లు అన్నీ పోయాయి ఇప్పుడు వెలగ పండు కావాలంటే బెజ వాడ మార్కెట్ లోనో శ్రీ శైలం లోనో, హైదరా బాద్ కోఠీదగ్గరో మాత్రమె దొరుకు తాయి . వెలగపచ్చడి అదుర్స్ .పెరుగులో కలిపితే మహా రుచి .వెలగ పండు గుజ్జు తీసి బెల్లం తో తింటే స్వర్గమే .అసలా వాసనే మహా గొప్ప .ఇప్పుడివి కనిపించటమే లేదు .

           ప్రతి ఇంట్లో రాచ ఉసిరి చేట్లున్దేవి .ఆ కాయలు తింటుంటే తియ్య తియ్యగా పుల్ల పుల్లగా బాగుండేవి .పిల్లలు బాగా ఇష్టపడే వారు .కాయలు గోలీకాయలంత ఉండి లోపలి చారలున్దేవి .ఉసిరి పప్పు నిలవ చేసుకొనే వారు వక్క పొడి బదులు ఉసిరి బద్ద బుగ్గన పెట్టు కొనే వారు .పైత్యాన్ని తగ్గించేది .పెద్ద ఉసిరి కొందరి దొడ్లోనే ఉండేవి ఈ ఉసిరి కిందే కార్తీక వన భోజనాలు చేయటం సంప్రదాయం .

          పూర్వం ఊరి చెరువు లన్ని తామర పూలతో కలవ పూలతో కళకళ లాడుతున్దేవి .తామ ర లక్ష్మీ ప్రదం దురద తామర కాదు మహా ప్రభో .తామర పూల వాసన ,కలువ పూల సౌరు మహాదా హ్లాదం .తామర తూడు ను మధ్య మధ్యలో తుంచి ఆ దారం తో పువ్వు కు దండ చేసే వాళ్ళం బలేగా  ఉండేది .తామర కాయలో తినే పదార్ధం ఉండేది మధురమే అది .ఇవాళ చేపల ,రొయ్యలా చెరువు లోచ్చిన తర్వాత ఈ చెరువులే లేవు. కొన్ని పల్లె టూళ్ళ లో ఇంకా తామర ,కలువ ఉండటం చూశా .తామరాకు ల్లో భోజనం కూడా చేసే వారు .అంతే కాదు బందరు హోటళ్ళలో తామరాకు లో నె టిఫిన్ పెట్టె వారు .కొంచెం వెగటు వాసనేస్తుంది .

             ప్రతి ఇంటా పత్తిచెట్టు ఉండేది కృష్ణ పత్తిశ్రేష్టం .దాని పత్తితో వత్తులు చేసుకొని నిలవ చేసుకొనే వారు. శ్రోత్రియులు పత్తి  తో దారం తీసి జంధ్యాలు తయారు చేసుకొనే వారు .ఇప్పుడీ చెట్లే ఎవరూ పెంచటంలేదు ఆముదం చెట్లు ప్రతి పెరడు లోను ఉండేవి .ఆముదం కాయలు తమాషా గా ఉండేవి .ఆముదం ఆకు వాపులకు గొప్ప వైద్యం .ఆకును వెచ్చచేసి నొప్పి ఉన్న చోట వేస్తె వాపు మటుమాయం .ముదం ఇచ్చే ఆముదం కను మరు గైంది .వైద్య ప్రక్రియ లో వాడే వన్నీ ఇంటి దొడ్లోనే పెంచుకొనే వారు .వారికే కాక ఇతరులకూ ఉపయోగ పడుతుందనే విశాల భావం ఆకాలం వారిది అలాగే నేపాల చెట్లూ వైద్యానికి పని కొచ్చేవి అవీ లేవు ఇంటికి దడి గా బాడిస  చెట్లు ఉండేవి దట్టం గా ఎత్తు గా పెరిగి రక్షణ నిచ్చేవి .పేద వారి కంచే బాడిస ఇప్పుడు చూపులక్కూడా  లేదు

           పున్నాగ చెట్లు ఎత్తుగా పెరిగేవి దాని పూలు గోట్టాల్లా తెల్లగా ఉండేవి భలే వాసన .అయితే పాములు వస్తాయని భయం .ఇప్పుడేవరు ఇళ్ళల్లో పెంచటం లేదు పూల మొక్కల్లో దేవకాంచన ,బిళ్ళ గన్నేరు మనోహరంమైన పూలు పూసేవి దొడ్లలో పెంచే వారు పూజా పుష్పాలివి ఇప్పుడు లేవు పచ్చ గన్నేరు పూలల్లో మకరందం మహా తియ్యగా ఉండేది .పూలు అందం గా ఉండేవి శివ విష్ణువులకు ఇష్టమైనవి .దేవాలయాల్లో, ఇళ్ళల్లో కూడా ఉండేవి కాని వాటి కాయల్లో ఉన్న గింజల్ని తిని ఆత్మహత్య చేసుకొనే వారు అందుకని పెంచటం మానె శారు .కృష్ణ తులసి ప్రతి ఇంట్లో ఉండేది తులసి వనాన్ని బృందా వనం అనే వారు తులసికి పూజ చేయకుండా స్త్రీలు యే పనీ చేయరు ఇప్పుడు కూడా ప్రతిఇంట్లో ఒక్క మొక్కైనా పెంచుతున్నారు తులసి దళాలు విష్ణువుకు మహా ప్రీతీ .

           పెరటి చెట్టు గా అవిసె ,తమ్మ చెట్లను పెంచే వారు అవిసె పూవు, కాయలు మంచి రుచికరమే కాక కొలెస్టరాల్ తగ్గిస్తుంది సంపూర్ణ ఆహారం అవిసె కు అగస్త్య అనే పేరుంది .అగస్త్య నక్షత్రోదయ వేళ అవిసె బాగా పూస్తుంది .భగవత్ ప్రసాదం గా ఆంజనేయుడు వానరు లందరికి అవిసె ఆకులు పెట్టి తిని పించాడు .అంటే అతి పవిత్రమైనదికూడా .తమ్మ కాయలతో పులుసు పెట్టికూర, ,పులుసుకూడా  చేస్తారు .పొడవుగా కొంచెం వెడల్పు గా ఆకుపచ్చ  గా కాయలు ఉంటాయి ఈ రెండు కను మరుగై పోయాయి

            పూలలో సంపెంగ అంటే ఇష్టం లేని వారుండరు .సంపెంగ పూలు ఎంత దూరానికి కూడా మంచి సువాసన వేద జల్లు తాయి విడి పోయినట్లుందే కొంచెం పెళుసు, పొడవు ఉన్న ఆకుల్లా గా ఉంటాయి బజారులో బాగా లభించేవి .పువ్వు వాడిపోయిన తర్వాతా చీరల్లో పెట్టి ఆ సువాసన చీరలకు  అంటేటట్లు  జాగ్రత్త  చేయటం తెలుగింట్లో ఉండి. గన్ధ ఫలి అంటారు దీనిపై కవులు పద్యాలూ చెప్పారు .ప్రస్తుతం సింహాచలం లో నే  లభిస్తున్నాయి ఇది వరకు బెజ వాడ బీసెంట్ రోడ్డు మీద కుప్పలు పోసి అమ్మే వారు .ఇలాగే కను  మరుగైన మరో  పువ్వు మొగలి పువ్వు .సముద్ర తీర ప్రాంతాలలో పెద్ద పొదల్లాగా పెరిగే చెట్టు .మాకు బందరు నుంచి మొగలి పొత్తులు వచ్చేవి .పైన ముళ్ళతో ఉన్న గరుకు  ఆకులు లోపల పసుపు పచ్చని పుప్పొడి తో గుత్తులు .మొగలి వాసన పాములకు ఇష్టం ‘’రగులుతోంది మొగలి పోద‘’పాట అందుకే వచ్చింది ఇప్పుడు బందర్లో కూడా చిరునామా దొరకటం లేదు బందరు వెళ్ళి నప్పుడల్లా కొనుక్కోస్తూ ఉండే వాడిని .వీటి ని కూడా వస్త్రాలలో పెట్టి ఆ సుగంధాన్ని కాపాడే వారు. సెంట్లు అత్తర్లు పెరిగిన తర్వాతా వీటి అవసరం పోయింది

          గానుగ లేక కానుగా చెట్లు కూడా రోడ్ల వెంబడి ఉండేవి ఇవి కనుమరుగైపోయాయి .తేలు కొండి కాయళు అని  చెట్లకు పెరిగేవి. కాయ చివర కొండి లాంటి ముల్లుఉండేది అదీ ఇప్పుడు లేదు .ఉమ్మెత్త ,చెట్లు గొట్టాల లాంటి పూలతో ,ముళ్ళ వంటి గుండ్రని కాయలతో కని పించేవి ఎక్కడ పడితే అక్కడ .వినాయక చవితి పూజకు  దీని పువ్వు, కాయలుఉపయోగిస్తారు . .గచ్చ పొదలు ప్రతి పల్లె టూల్లలో ఉండేవి వాటి కాయలే గచ్చకాయలు .స్త్రీలు ఇంట్లో గచ్చకాయల తో ఆడే వారు .గచ్చ కాయ ను కొద్దిగా అరగదీసి చర్మానికి తగిలిస్తే వేడి తగిలి చురుక్కు మనేది .అవతలి వాళ్ళను ఉడికిన్చాటానికి ఇలా చేసేవారు .ఉత్తరేణి మొక్కలు దొడ్లలో బాగా పెరిగేవి .దాని కాండం తో అందరు పండ్లు తోముకొనే వారు .ఔశదీయ విలువ లున్న మొక్క .వినాయక పూజ లో ఉత్తరేణికి ఎక్కువ విలువ ఉండేది .ఇదీ అలభ్యం గా నె ఉంది .గంజేరు కూడా ఇలా కను మరుగైంది .తెల్ల , ,యెర్ర గంజేరు అని రెండు రకాలు కూర చేసుకొని తినే వారు .

             శొంఠి, కరక్కాయ  ,సునాముఖి లను ప్రతి ఇంట్లోను ఉంచుకొనే వారు ఇవి మందులు గా ఉపయోగ పడేవి .కఫం దగ్గులకు మొదటి రెండు, విరేచన  కారి గా సునాముఖి ని వాడే వారు సునాముఖి చారు ఉదయమే తాగించే వారు .లోపల మురిగి పోయి ఉన్న చెడు అంతా ఝాడించిచి విరేచనాల ద్వారా కొట్టేసి కడుపు క్లీన్ చేసేది .కనీసం రెండు నెలలకో సారైనా ఈ చారు తాగించే వారు .ఇప్పుడు డాక్టర్లే వద్దు అంటున్నారు

          చిట్టింత పొట్టు అని అమ్మే వారు .పల్లె టూల్లలో ముఖ్యం గా మెట్ట ప్రాంతాలలో బాగా దొరికేది .దాని కూర మహా రుచి గా ఉండేది .ఎండు మిరపకాయలు వేయించి ఈకూరలో కొరికి తింటే భలే రుచిగా ఉండేది ఇప్పుడు కలికానికి కూడా కని పించటం లేదు .పొదల్లో బుడం దోసకాయలు కాసేవి చిన్నగా కోలగా ఆకు పచ్చ  చారలతో ఉండేవి. వీటిని కొని నిలువు ముక్కలు గా తరిగి,ఉప్పు ,కారం ,వాము కలిపి అందులో ఊర బెట్టి ఎండ పెట్టాలి .బాగా ఎండిన తర్వాతా నూనె లో వేయించి ఊరు మేరపకాయలలాగా కొరికి కూరల్లో నంచుకొనే వారు .ఇప్పుడసలు కని పించటంలేదు వీటినే బుడం బద్దలనే వారు  ఎండే దాకా కొంచెం చేదుగా ఉండి ఎండిన తర్వాతా రుచికరం గా ఉండేవి బుడం దోస బద్దలు

                 అలాగే పూర్తి  గా కను మరుగైంది .అత్తపత్తి .దాని ఆకులను తాకితే ముడుచుకు పోయేవి భలే సరదా గా ఉండేది .దొడ్లలో నీలం రంగు పూలతో పొడవైన కాయల తో ఉన్న చేట్లున్దేవి కాయలు ఎండి నల్ల బడితే ఎండకు కాని ,లేక నీటి తడి తగి లినప్పుడు కాని కాయలు నిలువుగా పగిలి భలే శబ్ధం చేసేవి .పేరు గుర్తుకు రాలేదు .వామింట చెట్టు కూడా ఇళ్లలో ఉండేవి దీని పసరు చెవిలో పోస్తే నొప్పి మాయమే .

          ఇలా ఎన్నో మొక్కలు ,వృక్షాలు మా ప్రాంతం లో లభించేవి అన్నీ మేము చూస్తుండగానే కను మరుగై పోయాయి .ఇవన్నీ ఔషధ విలువ లున్నవే నని ఆయుర్వేదం చెబుతోంది .గుర్తించి ,గుణాలు తెలుసుకొని వాడుకొంటే వైద్యుఅల తో పనేమీ ఉండదు బిళ్ళలు మింగటం అల వాటు పడ్డ జీవితాలు మనవి .అంత ఓపికా పికా ,తీరికా లేవు .మనకు .

              సశేషం –మీ –గబ్బిట దుర్గా ప్రసాద్ –30-12-12-ఉయ్యూరు

సాహితీ బంధువు లందరికి -2013నూతన సంవత్సర శుభా కాంక్షలు -పాత కేలండర్ ను మార్చటమే కాక ,పాత చెడు ఆలోచనలేమైనా ఉంటె చించేసి కొత్త మంచి ఆలోచనలను హృదయం నిండా నింపుకొని ముందుకు పయనిద్దాం కొత్త ఏడాది లో అందరికి శుభం ,అభి వృద్ధి కలగాలని ఆకాంక్షిస్తోంది సరస భారతి .సరస భారతి కి మీరు ఇస్తున్న ప్రోత్సాహానికి సదా కృతజ్ఞతలు .

The WordPress.com stats helper monkeys prepared a 2012 annual report for this blog.

Here’s an excerpt:

19,000 people fit into the new Barclays Center to see Jay-Z perform. This blog was viewed about 62,000 times in 2012. If it were a concert at the Barclays Center, it would take about 3 sold-out performances for that many people to see it.

Click here to see the complete report.