హిమాలయ యోగుల దివ్య భావనలు మన ముఖం చూసి ఎవరైనా గుర్తిస్తారు .కాని ఋషుల ముఖం ఇక్కడ కనిపించదు .అది భగవంతుని లో వుంటుంది .ఇక్కడ వుండేది భగవానుని పాదాలు మాత్రమే .అందుకే మహర్షులకు పాద నమస్కారం చేస్తారు .సన్యాసికి లోకం వెలుపల ఆత్మ జ్ఞానం కలిగితే ,సంసారికి లోకం లోనే కలుగు తుంది మోక్షం పొందిన ఆత్మకు జీవిత చక్రం తిరుగుతూ వున్నా ,కర్మ బంధం అంటాడు .ఆధ్యాత్మిక శక్తి ప్రతి గుండె లోను నిరంతరం ప్రవహిస్తూనే వుంటుంది .సరైన విధం గా ఉపయోగిస్తే ,నిస్వార్ధత ,ప్రేమ సంకల్పం ,దైవ భక్తీ ద్వారా ఆ శక్తి పెరుగు తుంది .గడచినా వంద ఏళ్ళలో ఈ నేలపై జన్మించిన వారిలో శ్రీ రమణ మహర్షి అత్యున్నతులు అన్నారు .సర్వేపల్లి రాదా కృష్ణ పండితులు . కాశ్మీర్ లో యేసు క్రీస్తు తపస్సు చేశాడట .ఒక రష్యన్ రచయిత ”the unknown life of Jesus Christ ”అనే పుస్తకం లో రాశాడు .ఆయన తపస్సు చేసిన చోటును కాష్మీరీలు గుర్తించి చూపిస్తారు .ఆయన ధరించిన దుస్తులు కాశ్మీరి దుస్తులే .ఆయన తలకట్టు శైలి కాష్మీరీయులది ఆయన చేసిన అద్భుతాలు హిమాలయ యోగులు చేసినవే .ఆయన వున్న ప్రాంతాన్ని ”తఖ్త్ ఏ తావూస్ ”అంటారు .అంటే మహనీయులున్న చోటు అని అర్ధం .పదమూడవ ఏట నుంచి ముప్ఫయ వఏడు వరకు క్రీస్తు కాశ్మీరు లోనే ఉన్నాడట . సోక్రటీసుకు విషం ఇచ్చి తాగమంటే ”దీన్ని దేవుడితో పంచుకో వచ్చా ?విషం ఋషిని చంపలేదు .కారణం ఋషి వాస్తవం లో జీవిస్తాడు .వాస్తవం శాశ్వత మైంది ”అని నవ్వుతు విషాన్ని తాగే శాడు హిమాలయాల లోని ”గంగోత్రి ”ని హంసల దీవి అంటారు. క్రిష్ణాశ్రం అనే హిమాలయ యోగి హిమాలయాల్లో ఒంటికి బట్టలు లేకుండా ,చెప్పులు లేకుండా ఒట్టి కాళ్ళతో హిమాలయాలన్నీ తిరిగాడు .స్వామి రామ తీర్ధ ఇరవై వేల అడుగుల ఎత్తు వరకు ఎక్కాడు .ఋషీ కేష్ లో ఒక సారి పైనుంచి అయిదు వందల అడుగుల కిందకి జారి పడి నిల దోక్కుకొని నిలిచాడు . బుద్ధిని బాహ్యం గా కేంద్రీక రిస్తే ”త్రాటకం ”అంటారు .అంతర్ముఖం చేస్తే ఏకాగ్రత అంటారు . అఘోరీ బాబా బద్రి నాద్ దగ్గరుండే వారు .చనిపోయిన శవాన్ని ఆయన వండారు తినటానికి .అది అద్భుతమైన తియ్యని పదార్ధం గా మారి పోయిందట.ఒక బందా రాతిని పంచదార గా మార్చిన మహాను భావులాయన . మరణ సమయం లో ఒక యోగిని చేసిన మంత్రోచ్చాటన ఆమె చనిపోయిన తర్వాత కూడా ఆ గుహలో మారు మోగటం స్వామి రామ తీర్ధ చూశారట. భారతి అంటే అర్ధం –భా అంటే విజ్ఞానం –రతి అంటే ప్రేమికుడు .అంటే విజ్ఞాన ప్రేమికుడని. భావం . తెనాలి రామ లింగడు ”నేను పోతే మొక్షానికే పోతాను ”అన్నాడట .అందరు నోరు వెళ్ళ బెట్టారట అర్ధం కాక .అప్పుడు ఆయనే దాని అర్ధం చెప్పాడు .నేను అనే భావం పోతే అంటే వదిలించు కుంటే వచ్చేది మోక్షమే కదా అదీ వికట కవి గడుగ్గాయి తనం .. మాయ అంటే అర్ధం –యః –అది ,మా –లేనిది అంటే లేనిది ఉన్నట్లుగా కనిపిమ్పజేసేదే మాయ .”ఘటిత ఘటనా పటీయసీ మాయా ” సీతా దేవి లంకలో అశోక వనం లో నే వుంది అంటే శోక౦ లేని చోట వుంది అని అర్ధం .దానినే బ్రహ్మీస్థితి అంటారు ”బ్రహ్మవేద బ్రహ్మా భవతి ”బ్రహ్మం ను తెలుసుకున్న వాడు బ్రహ్మమే అవుతాడు అని భావం . వరాహం కూడా దేవుడు తన లాగే ఉంటాడు అనుకొంటు౦దిట .”ద్రుష్టి జ్ఞాన మయం కృత్వా పశ్యేత్ బ్రహ్మ మయం జగత్ ”. ఇవి మంచి ముత్యాలు .ఏరి మీ కోసం ఉంచాను .వాటిని హాయిగా చదివి ఆనందించండి మీ– గబ్బిట దుర్గా ప్రసాద్ –06 -07 -11 క్యాంపు –బెంగళూర్ .