’గీర్వాణ భాషా వైభవం ‘’-4

’గీర్వాణ భాషా వైభవం ‘’-4

9- శ్రీమతి వారణాసి సూర్య కుమారి –మచిలీపట్టణం -9849812443

గీర్వాణ భాషా వైభవం

1-సీ –గీర్వాణ భాషలో గీతా మహాత్మ్యమున్ –పరమాత్మ బోధించె పార్థునకును

గీతాలాపనన్ గీతామృతమ్మును –గ్రోలినంతనె కల్గు మేలు మనకు

ఉపనిషత్సారమ్ము నుపదేశమున  గీత –సామాన్యులు తరియించ సాధనమ్ము

దైవ సన్నిధి చేరు త్రోవ ను’’ పదునెంది’’-అధ్యాయముల చూపు నదియె గీత

తే.గీ.-భక్తీ పారవశ్యమునొంది ప్రణతులనెడు-రీతి గీర్వాణ భాష పై ప్రీతి గొలుప

స్తోత్ర పారాయణ ము విన సొంపు గూర్చు –దైవ దత్తమగు వరమె దేవ భాష .

2-సీ-గీర్వాణ భాషను నేర్చుకొనిన మేలు –సకల పురాణముల్ చదువ గలరు

వేదసారమ్మునూ విదితమై సంస్కృత –పండితులనుపేరు బడయ గలరు

దేవ భాషను నేర్చి దివ్య తేజము నంది –ఆదర్శమూర్తులై అలరగలరు

శాస్త్ర విజ్ఞానమున్ సార్వజనీనతన్ –సర్వ సమర్ధులై సాగగలరు

తే.గీ.-ఉత్తమోత్తమ గ్రంధముల్ ఉదధి నురుకు –కెరటముల వలె నెల్లరి దరి జేర

తెలుగున కనువదించి యందించ గలరు –జన్మ సార్ధకంబై వారు ధన్యులగును .

3-సీ-పద్య మూలంబగు ‘’పదగతౌ ‘’సంస్కృత- ధాతువుపద్య పథమును నడుపు

నియమ బద్ధమగుచు నిర్ణీత పరిధిలో –హ్రుద్యమంబుగా సాగు పద్య లహరి

భాష యశ్వంబన  భావమ్ము రధమైన –ఛందో పధము సాగు సారధి కవి

యతియు ప్రాసలను సంస్కృత భూయిష్ట మౌ –పద్యముల వ్రాయు విద్య ఘనము

తే.గీ-వారసత్వమ్ము నబ్బిన వరమె మనకు –పద్య మన్న నతిశయోక్తి పదము కాదు

శోభ గూర్చెడు గీర్వాణ  శ్లోకములకు –తెలుగు పద్య రూపము నిచ్చు తెగువ వరమె.

4-సీ-సాహిత్య సంపద సంస్కృతమ్మునెతొలి-ప్రాడుర్భవి౦చ౦గ ప్రణతు లందె

ప్రాక్రుతుడైనను ప్రాచేతసుడు  వ్రాసె-ఆదికావ్యంబు రామాయణమ్ము

సంస్కృత కావ్యముల్ సంస్తవమ్మును చేసె-ప్రాజ్ఞు లు తెలుగున భాగ్య వశము

వ్యాస భారత భాగవతముల్ కవిత్రయం -పోతన వ్రాసిరి రపూర్వముగను

తే.గీ.-తొలుత మునులు పురాణముల్  పలురకములు –దేవ భాషను వ్రాసిరి దివ్యముగను

పిదప భవభూతి కాళిదాసేతరులు ను -విశ్వనాధాది విబుధులు వివిధ కవులు- కలము పట్టిరి భాషపై కాంక్ష తీర .

5-సీ.-సంస్క్రుతమును నేర్చు సంస్కృతి పెరిగిన –దేవనాగరలిపి తెలియవచ్చు

భాష యౌన్నత్యమున్ బాగుగా నెరిగిన –భాషాభిమానమ్ము పట్టు పెరుగు

తరచిన పూర్వ వృత్తాంతము లనెల్ల-మూలపు రాణి ప్రాముఖ్య మెరుగు

ఆ పుణ్య గాధల నద్భుతమగు పాత్ర-లాదర్శ ప్రాయమై యవధరి౦చు

తే.గీ.-రామ చంద్రుని వంటి కుమారు ననగ-సీత వలెసుగుణాల రాశి తనయగను

భారత లక్ష్మణుల వంటి సోదరులుగలుగ-కోరు కుందురు జనులెల్ల కుశల మరసి .

10-శ్రీమతి వడ్డాది లక్ష్మీ సుభద్ర –విజయవాడ -8885803170

గీర్వాణ భాష గొప్పతనం

1-మహర్షి వాల్మీకి రామాయణం కడు రమ్యం –దేశ విదేశాలలోఘన

తకెక్కి ,భారతీయుల గౌరవం ఇనుమ –డింప జేసిన సాహిత్యము .

2భారతీయుల సంస్కృతి ఆచార వ్యవహా –రము వ్యాసుని ఉపనిష-

తత్తులు,వేదములు అనుసరణీయము –ప్రపంచం లోగణుతి కెక్కె.

3- రసజ్ఞుల హృదయాలపై చిరు జ-ల్లులు కురిపించు మన

స్సుమై మరపించె దేవ భాష –సుధ లొలుకు కన్న తల్లి.

సశేషం

మీ-గబ్బిట దుర్గా ప్రసాద్-11-12-16- ఉయ్యూరు  .

 

 

 

.

 

 

 

 

 

 

 

 

 

About gdurgaprasad

Rtd Head Master 2-405 Sivalayam Street Vuyyuru Krishna District Andhra Pradesh 521165 INDIA
This entry was posted in పుస్తకాలు and tagged . Bookmark the permalink.

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s