గుణశేఖర్‌ దర్శకత్వంలో అనుష్క ప్రధాన పాత్రలో రూపొందుతున్న ‘రుద్రమదేవి’ చిత్రంలో రానా ముఖ్య పాత్ర పోషిస్తున్నారు. నిడవర్ద్యపురం (నిడదవోలు) యువరాజు చాళుక్య వీరభద్రుడిగా రానా కనిపించబోతున్నారు. డిసెంబర్‌ 14న రానా పుట్టిన రోజు సందర్భంగా ఆయనకు సంబంధించిన ఫస్ట్‌లుక్‌ను విడుదల చేశారు. దేశంలోనే తొలిసారిగా స్టీరియోస్పోపిక్‌ త్రీడీ విధానంలో ఈ చిత్రాన్ని గుణశేఖర్‌ తెరకెక్కిస్తున్నారు. భారీ వ్యయంతో రూపొందుతున్న ఈ చిత్రంలో అల్లు అర్జున్‌ గెస్ట్‌ రోల్‌ కూడా బాగా ఉపయోగపడేలా కనబడుతుంది. ఈ చిత్రం ప్రస్తుతం గ్రాఫిక్‌ వర్క్స్‌ పూర్తిచేసుకుంటోంది.