సరసభారతి ఉయ్యూరు

శ్రీ నందుల అచ్యుత రామ శాస్త్రి గారి ‘’శ్రీరామోదాహరణము ‘’

తెలంగాణ కోదాడకు ప్రాంతానికి చెందిన ఈ ఆధునికకవి 2014 లో రామ ఉదాహరణ కావ్యం రాయటం ప్రశంసనీయం..ఉదాహరణ ప్రక్రియను దాదాపుగా అందరూ మరచిపోయిన ఈకాలం లో దానికి రామ తేజస్సు ,ఓజస్సు కలిగించారు కవి ధన్యుడు .ఈయన కోదాడలో ‘’శారదా సాహితీ సమాఖ్య ‘’నెలకొల్పి సారస్వత సేవ చేస్తున్నారు .ఇప్పటికి మూడు పుస్తకాలు రాశారు .తిమ్మరాజపురిలో వేంచేసి ఉన్న సీతారామ స్వామికి అంకితం చేశారు .

  ప్రధమా విభక్తిలో ‘’శ్రీ రాజిల్లెడు తమ్మరాఖ్య పురిలో చెన్నారు అత్యన్తమున్ –సారోదార కటాక్ష వీక్షణములన్ సర్వార్ధముల్ భక్తులం –జేరం జేయుచు గిల్బిష చ్చదములన్ చేదించుచు౦ బ్రోచు సీ-తారామా విముడెల్ల వేళల నమంద ప్రీతి మమ్మోముతన్ ‘’అంటూ శార్దూల౦ పై విహరించి స్వామికి అర్పించారు ..తర్వాత కలిక ,ఉత్కలిక  లు రాసి రామ చరిత్ర ప్రారంభించి ,ద్వితీయావిభక్తిలో శార్దూలం లో’దయాశాలి ,దమ్మర ధాము ‘’భక్తజన రక్షా దీక్షితుని నుతించి ,మళ్లీ కలిక ఉత్కలిక లలో శివ ధనుర్భ౦గం చెప్పి,తృతీయావిభక్తిలో ఉత్పలమాల అలంకరించి ‘’నీరేజ దళాక్షు చేతను హరి౦చు నఘౌఘము ‘’ఆని సంతృప్తి చెంది ,మళ్లీ యదా ప్రకారం కలిక ఉత్కలిక పేని ,పరశు రామ గర్వ భంగం చెప్పి చతుర్ధీ విభక్తిలో ఉత్పలమాల లో ‘’హరికి,కమనీయ దివ్య కార దండు నకై  దయాబ్దికయి తమ్మెర దామునికి కమోడ్పు చేశారు .

  మధురగగతి  రగడలో యధాప్రకారం కలిక ఉత్కలిక కూర్చి ,పంచమీ విభక్తిలో మహాస్రగ్ధర ‘’అనిమేషాస్వేద దృక్కాయముల బొదలు వారార్తి బ్రార్దిమ్పగా కుంభిని కౌసల్యా సుతుడై సీతారామ చంద్రుని గా సమస్త భక్తుల కోరికలు తీర్చాడు .ఇలా క్రమంగా  సప్తమీ  విభక్తి దాకా సాగించి ,,తర్వాత సంబోధణ ప్రధమా విభక్తిలో ‘’ద్వికంద క్రౌన్చాపద వృత్తం లో విజ్రుమ్భించి ,సార్వ విభక్తికం లో రాసి అన్కా౦కితం చేశారు .

స్తోత్ర మాలికలో శ్రీరామ స్తవం మహా భక్తిగా చేసి కైంకర్యం చేశారుకవి .పిమ్మట నీలగిరి స్థిత పట్టాభిరామ స్తుతి 34వృత్త పద్యాలలో చెప్పి ,మట్టపల్లి శ్రీ నారసింహ కరావలంబనస్తోత్రం చేసి ధన్యులై మనల్నీ ధన్యులను చేశారు .తర్వాత దశావతార రఘుపతి స్తుతి ,చంద్ర కళా అ౦బురుహ,తరల,ద్రువ కోకిల మొదలైన భిన్న వృత్తాలలో సొగసు గా సన్ను తించారు .చివరగా వేణు గోపాల దండకం రాసి అయిందని పించి ,తమ్మెర గ్రామం లో వెలసిన సీతా రాముని గురించి వివరించారు .ఇది నల్గొండ జిల్లా పురాతన ఆలయం .రెండు వందల ఏళ్ల ప్రాచీనాలయం ..ఇక్కడ శ్రీరామ పుష్కరిణి ఉంది.

కవి గారు తమ్మేరలో పుట్టి విద్యనేర్చి అనూచానంగా వస్తున్నా వైదిక వృత్తిలో జీవితం సార్ధకం చేసుకొంటూ,కృష్ణా నాదే తీరం లోని మట్టపల్లి క్షత్రం తో బాటు జిల్లా రాష్ట్ర స్థాయిలలో సాహితీ గోష్టులలో పాల్గొని ,,అవధానాలలో   పృ చ్చకుడై రాణింపు పొందారు .అచలాత్మజా స్తుతి వెంకటేశ్వర స్తుతి శతకం ,దశావతార రఘు స్తుతి ,రాశారు ముకుందమాల ,ఆంధ్రీకరించారు జీడికంటి రామ శతకం శ్రీ కృష్ణ దండకం ,మట్టపల్లి నరసింహ స్తుతి ,సింహగిరి వరాహ నరసింహ తారావళి అనేక శతకాలు రాసి స్వామికి నైవేద్యమిచ్చారు .బహుముఖ ప్రజ్ఞాశాలి .జ్ఞాన ధారతో సాహితీ లోకాన్ని తరి౦ప  జేస్తున్న భక్తకవి శ్రీ నందుల అచ్య్త రామ శాస్త్రి .

మీ- గబ్బిట దుర్గా ప్రసాద్ -7-10-24-ఉయ్యూరు      ,  

బ్రహ్మశ్రీ సాధు సుబ్రహ్మణ్య శాస్త్రి గారి తిరుపతి శ్రీ వే0 కటేశ్వర.7 వ భాగం.6.10.24.

శూద్ర క మహాకవి కృత నాటకం. మృచ్ఛ కటికం.2 వ భాగం.6.10.24.

అవనిగడ్డలో కృష్ణా జిల్లా రచయితల 16 వ సమావేశం ,శ్రీ మండలి కృష్ణారావు గారి 27 వ వర్ధంతి –పుస్తక సిరి -2

  ఆ  వేదికపై ముందు ఎడమవైపు కృష్ణారావు గారి బఫ్ట్ సైజ్ విగ్రహం ,ఎదురుగా ఉన్న గోడ మధ్య ఆయన నిలువెత్తు ఫోటో ,దాని చుట్టూ వివిధ సందర్భాలలో ఆయన చేసిన సేవాకార్యక్రమాలు ,ఆయా సమయాలలో విచ్చేసిన ప్రధాని ముఖ్యమంత్రి మొదలైన పెద్దలఫోటోలు ,కుడి ఎడమల గోడలపై జాతీయ నాయకుల ఆకర్షణీయ చిత్రాలు  ఒక పవిత్రత కర్తవ్య నిర్వహణ బోధ చేసేవి గా గాంధీ క్షేత్రం ఆనే పేరుకు తగినట్లు ఉన్నాయి .

1-  వేదికపై ఆవిష్కరింప బడిన పుస్తకం డా.మండలి బుద్ధ ప్రసాద్ రచించిన ‘’కృష్ణం వందే జీవనాధారం ‘’-కృష్ణా జిల్లా ప్రగతి-నా జ్ఞాపకాలు . ఇందులో కృష్ణా జిల్లాచరిత్ర   విహంగ వీక్షణం ,కృష్ణా డెల్టా చరిత్ర ,జిల్లా అభి వృద్ధి ,గాంధీ యుగం లో కృష్ణా జిల్లా ,స్వాతంత్ర్య ఉద్యమానికిఊపిరులూదిన బెజవాడ కాంగ్రేస్,మణి దీపాలు వెలిగించిన దివ్య సీమ విలువలకు పట్టం కట్టిన బందరు పత్రికా ప్రస్థానం,నదీ నాగరకతకు, గుర్తుగా వెలసిన కృష్ణా విశ్వ విద్యాలయం ,సాంస్కృతిక వారసత్వ వారధులు –కూచిపూడి కళాకారులు ,ప్రక్రుతి ప్రకోపం –మానవ స్పందన  ,తెలుగు జాతి ప్రకాశం ,తెలుగు భాషా వికాసం లక్ష్యంగా –కృష్ణా జిల్లా రచయితల సంఘం అనే 12 శీర్షికలతో జిల్లా సమగ్ర సమాచారం విహంగ వీక్షణం గా దర్శిస్తాం చదివి పొంగి పోయి పులకిస్తాం .విషయ సేకరణకు నివ్వేరపోతాం .అన్ని వ్యాసాలూ ఆణిముత్యాలే .’’కన్న బెన్న’’అయిన కృష్ణమ్మకు దివ్య ఆభారణాలే శోభాయమానాలే .

2-ప్రపంచ తెలుగు  రచయితల 5వ మహాసభలలో ప్రచురితమైన –గమ్యం –గమనం  వ్యాస సంకలనం2022 పుస్తకం.కృష్ణా జిల్లా రచయితల సంఘం పుస్తకం అంటేనే అదొక రిఫరెన్స్ గ్రంధం .ఎందరెందరో లబ్ధ ప్రతిష్టులైన రచయితల మేదో మధనం లో వెలువడిన వ్యాస నవనీటాలే పారిజాటాలే .అన్నీ అన్నే అనిపిస్తాయి .తీరిగ్గా ఓపిగ్గా చదివి మెదడుకు మేత నందించే విలువైన ఆకర గ్రంధం .చదివి ఆనంది౦చాలె  కానీ మాటలకు అందని మహితాన్విత గ్రంధం .తెలుగు భారతావతరణం ముఖ చిత్రం నన్నయ ,రాజరాజ నరేంద్రుడు లతో పరమ వైభవంగా దర్శన మివ్వటం అద్భుతం

3-ప్రముఖ కవి శ్రీ సరికొండ నరసింహ రాజు నాకు అందజేసిన ‘’తల్లడిల్లే తల్లి వేరు ‘’కవితా సంపుటి .సభలోనే చదివేసి నా అభిప్రాయాన్ని మెయిల్ ద్వారా కవి గారికి తెలియ జేసి ఆశ్చర్య పరచాను .ఇంటికి వచ్చి చూస్తె ఆపుస్తకం నాటో రాలేదు .ఎక్కడో మిస్ అయింది .అద్భుత కవిత్వం .’’మనం నదిగా మారాలి నదిగా ప్రవహించాలి ‘’అన్న లైన్ మాత్రం జ్ఞాపకం ఉంది .

4-డా.సి చెన్నకేశవ రాసిన ‘’శ్రీ వాణీ శతకం ‘’దీన్ని తనగురువు శ్రీ గరిమెళ్ల సోమయాజుల శర్మకు అంకితమిచ్చారు ఇప్పటికి శతాధిక శతకాలను పరిచయం చేశాను సరస భారతిలో .దీన్ని తాపీగా పరిచయం చేస్తాను .

5-మిత్రుడు తపస్వి  శ్రీ పంతుల వెంకటేశ్వర రావు ఈ జనవరిలో రచించిన ‘’వెంకటేశా నిన్ను వేడుకొందుదేవ  ‘’శతకం ను కూడా తర్వాత పరిచయం చేస్తాను

6-మిత్రుడు ,శ్రీ బుద్ధప్రసాద్  ఆస్థాన కవి  డా.గుడిసేవ విష్ణుప్రసాద్ రాసిన ‘’దీని తస్సాదియ్య-తెనుగు తెనుగు ‘’శతకం కూడా ఇతీవలిదే .దీన్నీ పరిచయం చేస్తా సావకాశంగా .

7-శ్రీ అక్కిరాజు భవానీ ప్రసాద్ గారి –కృష్ణా డెల్టా –పూర్వాపరాలు  వివరణాత్మకమైన చిరు పొత్తం

8-ఉదాహరణ వాజ్మయం ప్రక్రియలో శ్రీ నందుల అత్యుత రామ శాస్త్రి గారు రాసిన ‘’శ్రీ రామోదాహరణం ‘’.ఇది రామాభిరామం గా ఉంది ఆని  కితాబిచ్చారు డా ముదిగొండ శివ ప్రసాద్ .చదివి స్పందిస్తాను .

9-శ్రీ సుశర్మ 2016 లో రాసి ప్రచురించిన ‘’శ్రీ మట్టపల్లి లక్ష్మీ నరసింహ స్వామి దేవాలయచరిత్ర ‘’పరమ పావనం .పూజా విధానంతో సహా వివరంగా ,మంచి చిత్రాలతో సుందరంగా ఉంది .ఇది కూడా తాపీగా చదివి రాస్తాను .

ఈ విలువైన పుస్తకాలు  అవనిగడ్డ లో నాకు అందజేసిన కవులకు రచయితలకు ధన్యవాదాలు .

మీ –గబ్బిట దుర్గాప్రసాద్ -2-10-24-ఉయ్యూరు

అవనిగడ్డ లో కృష్ణా జిల్లా రచయితల సంఘం 16వ సమావేశం ,శ్రీ మండలి కృష్ణారావు గారి 27వ వర్ధతి –పుస్తక సిరి

కృష్ణా జిల్లా రచయితల 16వ సమావేశం శ్రీ మండలి కృష్ణా రావు గారి 27వ వర్ధంతి సందర్భంగా దివిసీమ అవని గడ్డలోఒక రోజు కార్యక్రమం గాసెప్టెంబర్ 29ఆదివారం జరిగింది .ఉ దయం కాఫీ  టిఫిన్లు తర్వాత కూచిపూడి సిద్ధేంద్ర కళాక్షేత్రం విద్యార్దినులచే ఆహ్వాన నృత్యం ఆకర్షణీయంగా జరిగింది .అసలు కార్యక్రమం ఉద్యమ 11గంటలకు శ్రీ గుత్తికొండ సుబ్బారావు అధ్యక్షతన ప్రారంభమైంది .శ్రీ మండలి బుద్ధప్రసాద్ తండ్రి గారి పేరా నెలకొల్పిన స్మారక సాహితీ  సేవా పురస్కారం శ్రీ అప్పాజోశ్యులసత్యనారాయణకు ,శ్రీయార్లగడ్డ లక్ష్మీప్రసాద్ బైరాగి కవి జ్ఞాపకార్ధం ఏర్పాటు చేసినకవితా  పురస్కారం శ్రీ బండ్ల మాధవరావు కు ,శ్రీ గుత్తికొండ సుబ్బారావు నెలకొల్పిన సాహితీ సేవా పురస్కారం శ్రీ పెనుగొండ లక్ష్మీ నారాయణకు ,,శ్రీ గోళ్ళ నారాయణరావు శ్రీ పోలవరపు కోటేశ్వరరావు పేరిట ఇచ్చే కదా సాహిత్య పురస్కారం శ్రీ రావులపాటి సీతారాం ,శ్రీ మార్తి పౌరోహితం లకు ఆచార్య ప్రతిభ నూతక్కి నెలకొల్పిన శ్రీ ముక్కామల నాగభూషణం పాత్రికేయ పురస్కారం శ్రీమతి బాలబాట కె ఎన్ వి రమణమ్మ కు ,శ్రీ వేములపల్లి కేశవరావు నెలకొల్పిన విశాల అనువాద  సాహిత్య పురస్కారంశ్రీమతి స్వాతి శ్రీపాదకు సభ్యుల హర్షధ్వానాల మధ్య ఒక్కొక్కరికి 10వేళ రూపాయలు జ్ఞాపిక వగైరాలతో ఘనం గా అంద జేశారు .పురస్కార గ్రహీతలు క్లుప్తంగా కృతజ్ఞతలు  తెలియ జేశారు .ఒక జడ్జి గారు ,బెజవాడ కేబి ఎన్ కాలేజి ప్రిన్సిపాల్ మొదలైన వారు ప్రసంగించారు .ఇద్దరూ సమయాన్ని లెక్క చేయకుండా ఎవరి దారిన వారు వారిష్టమోచ్చినంత సేపు మాట్లాడి సభ్యుల సహనాన్ని తీవ్రంగా పరీక్షించారు .విన్నవారు తక్కువ విసుక్కొన్న వారు ఎక్కువ .ఉదయం 9గంటలకు ప్రారంభించాల్సిన సభ 11కు మొదలై మధ్యాహ్నం 1గంట వరకు సా——–గింది . తత్ఫలితంగా 12 గం లకు జరగాల్సిన మొదటి సభ భోజనానంతర సభగా మార్చాల్సి వచ్చింది .అధ్యక్షులు సుబ్బారావు ‘’హెల్ప్ లెస్’’అయినట్లు అనిపించింది .

  భోజనాలు సభ భవనం దగ్గరలో ఉన్న బుద్ధ ప్రసాద్ గారింట్లో ఏర్పాటు చేశారు .పూర్ణం చక్రపొంగలి ,గారే ,పులిహోర ,పప్పు  కూర   గోంగూర చట్ని ,కారప్పొడి సాంబారు ,పెరుగు తో విందు కమనీయంగా ఉంది పదార్ధాలన్నీ శుచి రుచితో ఉవ్విల్లూరించాయి .పొందిన అలసట  తీరింది వడ్డించేవారు చాలా ఆప్యాయంగా ,మర్యాదగా వడ్డించారు .విందు ఇచ్చింది బుద్ధ ప్రసాద్ గారే అయినా వంట చేసిన వారిని ప్రత్యేకంగా అభినందించాలి .ప్రతి ఆటం బాగుంది మసాలా ,ఉల్లి వెల్లుల్లి లేవు .చాలాకాలానికి బయట భోజనం ఇవాళ ఆస్వాదించాను .బుద్ధ ప్రసాద్ గారికి ,వారి కి తోడ్పడిన వారికి ధన్యవాదాలు .అయితే దివి సీమ ప్రసిద్ధి అయిన అరటి పండు లేని లోపం కనిపించింది .

  మధ్యాహ్నం 2గం లకు శ్రీ పూర్ణ చంద్ అధ్యక్షతన  మొదటి సభ ‘’పర్యావరణ సదస్సు ‘’జరిగింది .శ్రీ అక్కినేని భవానీ ప్రసాద్ శ్రీమతి ఎస్ పిభారై ,శ్రీ గుడిసేవ విష్ణు ప్రసాద్ –కావ్యాలలో దివి ఉప్పెన ,శ్రీ చింతపల్లి వెంకట నారాయణ –కొల్లేరు ముంపు ,కావుల ప్రతి స్పందన ,శ్రీ అంగత వరప్రసాదరావు – జల విజ్ఞానం రచయితల పాత్ర  ,శ్రీ సరికొండ నరసింహరాజు –జలవనరుల వినియోగం ,రచయితల స్పందన అనే అంశాలపై పత్రసమర్పణ గా మాట్లాడారు .కాల స్పృహ తో మాట్లాడినవారు తక్కువే .ఇక్కడా పూర్ణచంద్ కూడా హెల్ప్ లెస్ అయారు .

  తర్వాత సాయంత్రం 4-30 కి జరిగిన సభలో డా గంధం సుబ్బారావు -50ఏళ్ల కాలం లో ప్రపంచ తెలుగు మహాసభ ల ప్రభావం ,డా రావి రంగారావు –వచన కవిత్వం లో ప్రక్రుతి వైపరీత్యాలు ,శ్రీ కల్లూరి శివ ప్రసాద్ –తెలుగు కధ –పర్యావరణ పరిజ్ఞానం ,శ్రీమతి  తేళ్ళఅరుణ –ప్రకృతి పరిరక్షణ మహిళలపాత్ర ,శ్రీ సవరం వెంకటేశ్వరరావు –చరిత్ర పుటలలో వరదలు ముంపులు ,పై సాధికార ప్రసంగాలు చేశారు .ఈ సభలో ఆత్మీయ అతిధి అయిన నేను ‘’ఇంతటి ముఖ్య సభ జరిపిన త్రిమూర్తులుశ్రీ బుద్ధ ప్రసాద్ శ్రీసుబ్బారావు శ్రీ పూర్ణ చంద్ లను మనసారా అభినందిస్తున్నాను .గత అయిదేళ్ళుగా ఆంధ్రప్రజలు అనుభవించిన భౌతిక మానసిక క్షోభ ఎన్నికల సునామీతో కోరుకొన్న ప్రభుత్వాన్ని తెచ్చింది .మళ్లీ శ్రీ కాకుళం లో శ్రే కృష్ణ దేవరాయ ఉత్సవాలు జరగాలి .శ్రీ బుద్ధప్రసాద్ కు తగిన గౌరవనీయ పదవి లభించాలి’’నా ప్రసంగం ముగించాను చెప్ప దలచుకున్నది క్రింద  తెలియ జేస్తున్నాను .

 .మన౦దరికి చక్కని సామాజిక స్పృహ బాధ్యత ఉండాలి .మహాభారతం లో పాండవులు ద్వైత వనం లో ఉన్నప్పుడు ధర్మరాజుకు ఒక కల వచ్చింది .అందులో అక్కడి మృగాలన్నీఆయనతో ‘’మీరు నిత్యం మమ్మల్ని వేటాడుతూ చంపేస్తున్నారు మాజాతులన్నీ నశించి పోయి బీజ మాత్రంగా ఉన్నాము .కనుక మీరు వేరే చోటుకు వెళ్ళిపోతే హాయిగా ఊపిరి పీల్చుకొంటాము ‘’ఆని విన్నవించాయి .అంతే మర్నాడు ఉదయం పాండవులు ద్వైతవనం ఖాళీచేసి వేరే చోటికి వెళ్ళిపోయారు .దీనికి భారత పద్యం –‘’ద్వైత వనంబున ధర్మరాజుం డొకనాడు నిద్రి౦పగా తద్వనీ చరంబు ‘’

.భాగవతం లో బాలకృష్ణుడు గోప గోపికలతో  చెట్ల గొప్పతనాన్ని గురించి వివరిస్తూ –

‘’అపకారంబు చేయ వెవ్వరికి ,నేకాంతం బుల నుండు .నా తప శీతాదుల వర్ష వారణములై ,త్వద్గంధనిర్వాసభ స్మపలాశాగ్ర కుసుమ చ్ఛాయా ఫల శ్రేణి చే –నుపకారంబులు సేయు నర్ధులకు ,నీయుర్వీజముల్ గంటిరే ‘’ఆని గొప్ప పర్యావరణ స్పృహ కల్పించాడు పోతనామాత్యుడు .

‘’భూమి నాదన్న భూమి ఫక్కున నవ్వు ‘’అన్నాడు వేమన ..కొరవి గోపరాజు రాసిన సింహాసన ద్వాత్రి౦శిక లో ‘’చింతలేని మనుజుడు లేడు .చింతకు సరి గలదే లోక చింతా మణీ ‘’అన్నాడు .సవరం చిన నారాయణ నాయకుడు కువలయాశ్వ చరిత్ర లో ‘’పక్షులను మానవ చతుర్వర్ణ వ్యవస్థత తో పోల్చాడు .గోనయామాత్యుడు ‘’సస్యానందం ‘’కావ్యమె రాశాడు .

 వేదాలలో ఆకాశం తండ్రి భూమి తల్లి అంతరిక్షం కుమారుడు ఆని చెప్పి మనం ఎంత బాధ్యతతో మెలగాలో చెప్పారు .వీటిని రక్షించకపోతే మన వ్యవస్థ నాశనమౌతుంది అనిభావం .ఇంగ్లీష్ లో Rancor prime అనే రచయిత’’  వేదిక్ ఈకాలజి ‘’పుస్తకం రాశాడు .సహజ శక్తులు భగవంతుని వ్యక్తీకరణాలు వాటిని గౌరవించాలి .భూమిపై ఉన్న అందమైన వాతావరణాన్ని మనిషి కలుషితం చెయ్య కూడదు .అలెక్జాండర్ Von Humb0dt ను’’ ఈకాలజి పిత’’ అంటారు .అందుకే మానవాళ్ళు ‘’ఈశా వాస్య మిదం సర్వం యత్ క౦ చన జగతిం జగత్ ‘’ఆని నొక్కి చెప్పారు .

ఇది గాంధీ క్షేత్రం కనుక మహాత్ముడు చెప్పిన మాట జ్ఞాపకం చేస్తాను –జాతీయత భౌతికసరిహద్దుగా కంటే సాంస్కృతిక జాతీయత –కల్చరల్ నేషనాలిటి రావాలి ,కావాలి .

సభలో సనిదపలు –

1-దివి ఉప్పెన పై ‘’కొయ్యగుర్రం ‘’దీర్ఘ కవిత రాసి అవార్డ్ పొందిన శ్రీ నగ్నముని వేదికపై ఉండటం ఆయన మాట్లాడటం  ని౦డుదనంగా ఉంది

2-శ్రీఅక్కిరాజు సుందర రామ శర్మ అద్భుత పద్య గానం తన్మయులను చేసింది .

3-30ఏళ్ళు బొబ్బిల్లపాడు సర్పంచ్ గా ఏకగ్రీవంగా ఎన్నుకోబడి ప్రజాహిత కార్యక్రమాలు చేస్తూ ,నాటక నటుడుగా గొప్ప పేరు పొందిన శ్రీ బొబ్బిళ్ళ సాయిగారు వృద్ధాప్యం జయించి చక్కని పంచకట్టు తో సభకు రావటం సభా గౌరవాన్ని కల్గించింది .నిండుదనాన్ని చేకూర్చింది వారు వేదికపై లేకపోవటం నిరాశ కలిగించింది .4-కవి సమ్మేళనం నిర్వహించిన శ్రీ చలపాక ప్రకాష్ ,శ్రీ శిఖామణి గార్లు సార్ధకత కల్పించగా ,కవి మిత్రులు ఉత్సాహంగా పాల్గొన్నందుకు అభినందనలు .

5–శ్రీ బుద్ధ ప్రసాద్ గారి సాహిత్య రాజకీయ వారసునిగా కుమారుడు ఛి వెంకట్ రాం  పరిచయ వేదిక గా కూడా సభ  భాసించింది ఆని పించింది .

6-వేదికపై ఆవిష్కరింపబడిన పుస్తకాలు ,అక్కడికి వచ్చిన కవులు అందించిన పుస్తకాలనే నేను శీర్షిక లో ‘’పుస్తక సిరి ‘’అన్నాను రేపు వీటి గురించి తెలియజేస్తా .

7–సభా ప్రాంగణం లో టాయిలెట్స్ పై శ్రద్ధ వహించకపోవటం నిర్వహణ లోపభూయిష్టంగా ఉండటం, ఉన్న టాప్ లోంచి నీరు ధారాళంగా రాకుండా కొద్ది కొద్దిగా రావటం చాలా మందికి ఇబ్బంది కలిగించింది .వీటిని చెప్పుకోలేరు కదా .అయినా నేను అక్కడ ఉన్న పెన్నులు పుస్తకాల ఇంచార్జికి  కంప్లెయింట్ చేయించా .

.మీ- గబ్బిట దుర్గా ప్రసాద్ -1-10-24-ఉయ్యూరు

జె౦ద్ అవస్తా  పండితుడు , మహా వ్యాకరణ విధ్వంసుడు,  బహుభాషా వేత్త , న్యాయవాది – శ్రీ  వేదం  వేంకటాచలం గారు

  ద్రావిడ  బ్రాహ్మణులు  వెంకటరమణ శాస్త్రి  లక్ష్మమ్మ దంపతులకు  తృతీయ పుత్రుడుగా  గోదావరి జిల్లా  కోడూరు  గ్రామంలో  18  64 లో జన్మించారు  విద్వత్ కవి సుప్రసిద్ధ  విద్వత్ కవి  కళా ప్రపూర్ణ  వెంకటరాయ శాస్త్రి  సోదరు  తండ్రి విశాఖపట్నంలో  నార్మల్ స్కూల్లో  ఆంధ్ర పండితులుగా ఉండేవారు.  మూడు నాలుగు తరగతి  హై స్కూల్ లోనే  చదివి ,  తర్వాత  అక్కడ హిందూ హైస్కూల్  లో కొంతకాలం  చదివి  కళా ప్రపూర్ణ  వద్ద  విద్యాభ్యాసం చేశారు  తర్వాత  1878  బిఏ పరీక్షలో   సంస్కృతంలో  రాజభాని జిల్లాలోనే  ప్రధములుగా వచ్చారు . విజయనగరం మహారాజా  550  బహుమతి550రూపాయలు పొందారు .  1886లో  టౌన్ ఇన్నీస్ పేట  హై స్కూల్  ప్రధాన ఉపాధ్యాయుడు  పరీక్షలు  రెండవ గ్రేడ్ ప్లీడర్ పరీక్షలు ఉత్తీర్ణుడై  కావలికి  13 కిలోమీటర్ల దూరంలో ఉన్న  మల్లయ్య పాలెం లో  తన తండ్రి వందన  అక్కడికి దగ్గర్లో  ఉండాలని  కావలికి వచ్చి  రెండేళ్లు   వచ్చి  రెండేళ్లు  న్యాయవాద వృత్తి  ప్రారంభించి  జీవితాంతం  అక్కడే గడిపారు .

వెంకటా చలం గారి  ధారణాశక్తి  అత్యద్భుత౦.  ఏ భాషలో అయినా  ఒక సత్కావ్యాన్ని  ఒక్కసారి  చదివితే  అది కంఠస్థంపోయేది .స్వయంకృషి చేత  గ్రీకు  లాటిన్  ఇంగ్లీష్  ఫ్రెంచ్  అరబిక్  పర్షియన్,ఇటాలియన్ జర్మన్ ,అరెబిక్ జంద్,ఈజిప్షియన్ ,అస్సీరియన్  పాశ్చాత్య  భాషలనునేర్చి  తొమిది నేర్చి   భారతీయ భాషలైన  సంస్కృత  తెలుగు  అరవం  కన్నడ  మలయాళం  మహారాష్ట్ర  హిందీ  ఉర్దూ  గుజరాతీయ భాషలు   చదివి  సమగ్రమైన  పాండిత్యం సాధించారు .పారశీక ముఖ్య గ్రంథమైన ‘’జంద్ అవెస్తా ‘’ను   వీరు  వేదంలాగా  స్వయంగా  స్వరయుక్తంగా  గానం చేయగలరు

   ప్రాచీన  భూగోళం శాస్త్రం  ప్రాచీన  చరిత్ర లో  శ్రద్ధాసక్తులు ఎక్కువ . తన  విరామ సమయాలలో  పై విషయాలు పై  పరిశోధన చేస్తూకాలం గడిపారు . వీరి రచనలు ముద్రితాలు,  అముద్రితాలు ఉన్నాయి .ముద్రిత రచనలతో   మైథాలజికల్  ఇన్వెస్టిగేషన్ అండ్ ది ఆర్యన్ హైపాధిసిస్ ,’’  అడ్వెంచర్స్  ఆఫ్ ది  గాడ్ ఆఫ్  మధుర ,  భరత వర్ష,ఆర్యావర్త,  ది తమిల్స్ త్రీ తౌసండ్ యియర్స్ ఎగో,పోస్ట్ మోడరన్ లైఫ్ ఇన్యేన్శేంట్ ఇనీజిప్శియన్ బిలీఫ్ , సనాతన ది సనాతన ధర్మ ఆఫ్  హిందూ  మ్యారేజ్, ది సెవెన్  ద్వీపాస్ ఆఫ్ ది పురాణాస్ ,ఇయర్ మెజర్మెంట్  ఇన్ ఏన్సెంట్ టైమ్స్,  నోట్స్  ఆన్ ది  ప్రిలిమినరీ  చాప్టర్స్  ఆఫ్ మహాభారత , బీయింగ్  యాన్ అట్టెంప్ట్  టు సెపరేట్   ది జెన్యూన్ ఫ్రం ది స్పూరియస్ .

  వెంకటాచలం గారి ఆంధ్ర రచనలలో’’కతిపయ శబ్దార్ధ స్వరూప విచారం’’  అనే శీర్షికపై  వ్యాసాలు .అముద్రిత రచనలు – రచనలు  రామాయణ విమర్శ  లలితా సహస్రనామ  భాష్యం ,అమర కోశ వ్యాఖ్య  మొదలైనవి. 

గంభీర రూపంలో  ఉండే  వీరు  సచ్ఛీలురు,  సత్య సంధులు ,  మొహమాటం లేనివారు . న్యాయవాద వృత్తిలో  నీతికి  నిజాయితీకి  వెంకటాచలం గారికి  వెంకటాచలం గారే  సాటి . సత్యదూరమైన  కేసు  ఎన్నడు  చేపట్టలేదు . కఠినంగా పాటించ కాలనియమాన్ని  పాటించారు . 1931లో 67వ ఏట ఈ పుంభావ సరస్వతి  మరణించారు.

ఆధారం – ఆచార్య గుర్తి వెంకటరావు గారి వ్యాసం .వీరి గురించి వికీ పీడియాలో లేకపోవటం దురదృష్టం .ఫోటో కూడా దొరకలేదు .

మనవి –ఈ వ్యాసం ఇవాళే మొదటి సారిగా ‘’స్పీచ్ టైపింగ్ ‘’లో రాశాను .ఈ విధానం నాకు నేర్పిన మ అబ్బాయి శర్మకు ,కంప్యూటర్ ఘనాపాటి శ్రీ రహ్మనుద్దీన్ షేక్ గారికి ,ఇందులో మెళకువలు నేర్పిన మా  మనవరాలు రమ్యకు అభినందనలు .

మీ –గబ్బిట దుర్గాప్రసాద్ -28-9-24-ఉయ్యూరు 

శ్రీ అక్కిరాజు రమా పతి రావు ( మంజు శ్రీ) గారి సంపాదకత్వం లో వెలువడిన ప్రసిద్ధ రచయితల ప్రశస్త వ్యాస సంకలనం.సాహితీ వైజయంతి.19 వ భాగం.27.9.24

భట్ట నారాయణ కవి కృత నాటకం వేణీ సంహారం.19 వ భాగం.27.9.24.

శ్రీ సువర్చలాన్జనేయస్వామి దేవాలయం లో నవరాత్రి ప్రత్యెక కార్యక్రమం శ్రీ సువర్చలాన్జనేయస్వామి దేవాలయం లో నవరాత్రి ప్రత్యెక కార్యక్రమం 
–ఆశ్వయుజ శుద్ధ పాడ్యమి గురువారం 3-10-24నుండి శుద్ధ దశమి శనివారం 12-10-24 వరకు ఉయ్యూరు శ్రీ సువర్చలా౦జ నేయస్వామి ఆలయం లో ప్రత్యెక పూజలు నిర్వహింపబడతాయి .  ప్రతిరోజుసాయంత్రం 6-30నుండి శ్రీ సువర్చలాంజనేయస్వామి వారలకు అష్టోత్తర శత నామ పూజ ,శ్రీ లలితా పరమేశ్వరి అమ్మవారికి నిత్యం నూతన వస్త్రధారణ ,అలంకారం అష్టోత్తర పూజ జరుగుతుంది .తర్వాత నైవేద్యం హారతి ,మంత్ర పుష్పం ,తీర్ధ ప్రసాద వినియోగం జరుగుతాయి .9-10-24 బుధవారం మూలా నక్షత్రం నాడు శ్రీ సరస్వతీ దేవి అలంకారం ,విద్యార్దులచే  సరస్వతీ మాతకు పూజ జరుగుతుంది .12-10-24- శనివారం -శమీ పూజ జరుగుతుంది .  భక్తుల౦దరు పాల్గొని కార్యక్రమాన్ని దిగ్విజయం చేసి స్వామి వారల అమ్మవారి కృపకు పాత్రులు కావలసినదిగా విజ్ఞప్తి .గబ్బిట దుర్గాప్రసాద్ -ఆలయ ధర్మకర్త మరియు భక్త బృందం 25-9-24-ఉయ్యూరు 

కేసరి గారి ‘’గృహ లక్ష్మి స్వర్ణ కంకణ ‘’‘’పురస్కారం పొందినకవయిత్రి –కవితా విశారద శ్రీమతి గుడిపూడి ఇందుమతీదేవి

1889లో గుంటూరు లో శ్రీ మతుకు మల్లి నారా హర్యాక్ష శాస్త్రి ,శ్రీమతి అనంత లక్ష్మి దంపతులకు జన్మించింది ఇందుమతీ దేవి

విజయవాడలో శ్రీ గుడిపూడి రామారావు గారిని వివాహమాడి స్థిరపడింది .పడవ ఏటనే కవితలు రాయటం ప్రారంభించింది .నీతి తారావళి ,తరుణీ శతకం,సీతారాముల పాటలు ,మంగళాద్రి శతకం ,రాజేశ్వరి శతకం ,అంబరీష విజయం మొదాలైనవి పట్టు విడవకుండా రాసి మంచి ప్రసిద్ధి పొందింది .ఆమె రచనలు నీతి బోధించేవిగా ,ప్రబోదాత్మకంగా నైతిక విలువలు పెంచేవిగా ఉంటాయని  ప్రముఖ బాలసాహిత్య కర్త గ్రంధాలయ ఉద్యమ నాయకులు శ్రీ వెలగా వెంకటప్పయ్య రాశారు .

అన్నవరం జమీందారు శ్రీ మంత్రి ప్రగడ భుజంగరావు గారు ఇందుమతీ దేవిని ఆహ్వాని౦చి  ఆస్థానం లో ఘన సన్మానం చేశారు .తర్వాత ప్రసిద్ధ పత్రికా సంపాదకులు శ్రీ కె.ఎన్ . కేసరి తాము స్థాపించి అందజేస్తున్న గృహలక్ష్మి స్వర్ణ కంకణం ణు ఇందుమతీదేవికి అందించి సత్కరించారు   .

ఇందుమతీ దేవికి కవితా విశారద ,మధుర కవయిత్రి బిరుదులూ లభించాయి .1960ఆగస్ట్ 16న విజయవాడలో ఇందుమతీదీవి షష్టి పూర్తి మహోత్సవం శ్రీమతి చుండూరు కనకలక్ష్మమ్మ గారి అధ్యక్షతన కన్నుల పండువుగా జరిగినట్లు వెలగా చెప్పారు .సన్మాన సంచిక కూడా ప్రచురించారు .

ఇంతకంటే వివరాలు దొరకలేదు ఆమె ఎప్పుడు చనిపోయారో కూడా తెలియదు .

మీ –గబ్బిట దుర్గా ప్రసాద్ -24-9-24-ఉయ్యూరు .

డా.నాగ సూరి వేణు గోపాల్ సంపాదకత్వం లో వెలువడిన – గాంధీ యే మార్గం.3 వ భాగం.24.9.24.