తిట్లు కన్నీటి బొట్లు ఓట్లు
బెంబేలెత్తి పోతున్న దేశ ప్రధాని
గుజరాత్ ఎన్నికలలకు
పన్నిన సరి కొత్త వ్యూహం
మచ్చ లేని వారిపై బురద చల్లటం
తనను చ0పేందుకు పధకం సిద్ధం
అంటూ కన్నీటి బొట్లు రాల్చి
అవి ప్రవాహ వేగంతో కదిలిపోవటం
ఆక్రోశం ,ఆవేశం తో స్థాయి మరచి
నిందారోపణ చేయటం
”నీచే ” అన్న”అయ్యర్ని
ఉతికి పారేయటం
ఆవేశ కావేశా హావ భావాలతో
కారు మబ్బుల్ని సృష్టించటం
ఇవి ఓట్ల వర్షం కురిపిస్తాయని ఆశించటం
కన్నీటి బొట్ల ప్రవాహం లో ప్రతి పక్షం
దరీ దాపు లేకుండా కొట్టుకు పోయి
ఆమాద్మీ లంతా ఓట్ల జడివాన కురిపిస్తారని
అత్యాశ పడటం
అభివృద్ధి మాట మరచి
ఉచ్చ నీచాలు పక్కన బెట్టి
పక్క దేశం పాక్ నూ
ఇరికించటం
ఓటమి భయం తోనా
ఓట్ల సునామీ కోసమా?
ఇది ఈయనకే కాదు
మాజీ మహిళా ప్రధానికూడా
ప్రతి ఎన్నికకూ తన్ను చంపబోతున్నారని
ప్రచారం చేయటం చూసాం విన్నాం చదివా0
ఓట్లు దండుకోండి చేసిన మంచి చెప్పి- తప్పేమీ లేదు
అసత్యపు ఆరోపణ ,కల్ల బొల్లి ఏడుపు
ఎప్పుడూ ఫలితమివ్వదు
”చేసిన పుణ్యము చెడని పదార్ధము ”
అన్న కవి సూక్తి గుర్తించి ప్రవర్తించండి .
ప్రజలు బాగా తెలివైన వాళ్ళని గుర్తించండి
ఎవర్ని ఎప్పుడు ఎక్కించాలో ఎప్పుడు దింపాలో
నాడి తెలిసిన వాళ్ళు –
తస్మాత్ జాగ్రత జాగ్రత జాగ్రత .
మీ- గబ్బిట దుర్గా ప్రసాద్ -12-12-17- ఉయ్యూరు ,
—
సరసభారతి ఉయ్యూరు 
చాలా చక్కగా వర్ణించారు ప్రస్తుత స్ధితిని.
LikeLike