శ్రీ వెలగా వెంకటప్పయ్య శ్రీ గూడపాటి కోటేశ్వర రావు గార్ల మృతికి సంతాప సభ

సరసభారతి ఈ రోజు 31-12-14బుధవారం సాయంత్రం అర్గంతలకు ఏ సి లైబ్రరీలో ప్రత్యెక సమావేశం జరిపి డా శ్రీ వెలగా వెంకటప్పయ్య గారు శ్రీ గూడపతి కోటేశ్వర రావు గార్ల మృతికి సంతాపం ప్రకటించి శ్రద్ధాంజలి ఘటించింది .సభాధ్యక్షునిగా నేను మాట్లాడుతూ ముందుగా వెలగా వారి బహుముఖీన సేవను ,ఉయ్యూరు సాహితీ మండలి నిర్వాహకులు శ్రీ గూడపాటి కోటేశ్వరా రావు గారిగురించి మాట్లాడాను .తర్వాత శ్రీ పెదప్రోలు విజయ సారధి శ్రీ సి హెచ్ భవానీ శంకరరావు ,శ్రీమతి మాదిరాజు శివలక్ష్మి ,శ్రీ వీరమాచనేని బాల గంగాధర రావు తమ ప్రసంగాలలో వారిసేవాలను ప్రస్తుతించారు .వారిద్దరి ఆత్మలకు శాంతికలగాలని రెండు నిమిషాలు మౌనం పాటించాం .వారి చిత్రపటాలకు పూలు సమర్పించి నివాళులు అర్పించాము .నాప్రసంగా విషయాలు

శ్రీ వెలగా వెంకటప్పయ్య

గ్రంధాలయ శాస్త్ర పారంగత ,ఉత్తమ గ్రంధ పాలక ,బాల బంధు ,గ్రంధాలయ గాంధి ,గ్రంధాలయ బోధనాశాస్త్ర పితామహ నడిచే విజ్ఞానసర్వస్వం ,పలికే పుస్తకం అయిన డా .వెలగా వెంకటప్పయ్య గారు ఎనభై రెండవ ఏట 29-12-14-సోమవారం రాత్రి స్వగ్రామం తెనాలిలో మరణించారు .సాహిత్య అకాడెమీ అడ్వైజరీ బోర్డు సభ్యులుగా సాహిత్య అకాడెమీ మెంబర్ గా సేవలందించారు .ఇండియన్ లైబ్రరీ లేజిస్లేషన్ ,పబ్లిక్ లైబ్రరిలేజిస్లేషన్ దిన్యు మిలీనియం మోడల్ లైబ్రరి లేజిస్లేషన్ వంటి పుస్తకాలు రాశారు .వీరి గ్రంధాలు అమెరికాలోని వాషింగ్టన్ లైబ్రరీలో  భద్రపరచిగౌరవించారు .లైబ్రరీ టేర్మినాలజీ మీద రంగ నాధన్ డిక్షనరీ రాశారు. ఇరవై వ శతాబ్దపు తెలుగు వెలుగులు ను స్వీయ సంపాదకత్వం లో రెండుభాగాలుగా తెచ్చారు  వీటిని  పోట్టి శ్రీరాములు తెలుగు విశ్వవిద్యాలయం ప్రచురించింది .రష్యా ఆహ్వానం పై వెళ్లి లెనిన్ గ్రంధాలయ విధానం లైబ్రరి  సైంటిఫిక్  అండ్ టెక్నికల్ ఇన్ఫర్మేషన్ గ్రంధాలు రాశారు .తెలుగుప్రముఖుల జీవిత చరిత్రలను రాశారు .పౌర గ్రందాలయ చట్ట రూప శిల్పి .గ్రంధాలయ శాస్త్ర పాఠ్య గ్రంధ రచయిత .భారత గ్రంధాలయోద్యమం ,మార్చ్ ఆఫ్ లైబ్రరి సైన్స్ గ్రంధాలకు ఎడిటర్ గా ఉన్నారు .సామాన్య లైబ్రేరియన్ గా ప్రవేశించి వివిధ హోదాలలో సేవ చేశారు .

గ్రామీణ ఆటలు  బాలల కృష్ణ శతకం ,వేమన బొమ్మల శతకం ,బాలానంద బొమ్మల దాశరధీ శతకం సుమతీ సహ్టకం తెలుగు సామెతలు ,మన గ్రంధాలయాలు  గ్రంధా లయ సేవానిరతులు తలుగు ముద్రణ ,ప్రచురణ తెనాలి మహా వైభవం చక్రపాణి మొదలైన రచనలు చేశారు దాదాపు 60,000పేజీలు  రాశారు .ఎనభైకి పైగా గ్రంధాలు రచించారు .మూడు వందల వ్యాసాలూ రచించారు .అనేక ప్రత్యెక సంచికలను స్మారక సంచికలను సంపాదకత్వం లో వెలువరించారు .

వెలగా పై ప్రముఖులు గొప్ప ప్రశంసల జల్లు కరిపించారు.గ్రంధాలయోద్యమం లో నా వారసుడు వెంకటప్పయ్య అని  అయ్యంకి వారు ,ఆయన ఊపిరి ,ప్రాణం ఆహారం  గాలి అంతా గ్రందాలయమే అని ఆవుల సాంబశివరావు అన్నారు .గ్రంధాలయానికి మారుపేరు వెలగా అన్నారు శ్రీ నాగ భైరవ కోటేశ్వర రావు  నిర్వహణ దక్షత ఉన్నవాడు అని వావిలాల గోపాల క్రిష్నయ్య గారు సంచార గ్రంధాలయం అని రేడియో అన్నయ్య న్యాయ పతి రాఘవరావు గారు వెలగా లాఅందరూపని చేస్తే దేశం ఎప్పుడో బాగుపడేది అని పండిత గొర్రెపాటి వెంకట సుబ్బయ్య గారు కీర్తించారు .కృషి రూపెత్తిన రుషి  నవ్వే తెలుగు అక్షరం ,హిత ,మిత భాషి అని బాలసాహిత్య రచయిత్రి శ్రీమతి డి సుజాతా దేవి మెచ్చారు .సమాచార నిధి ,నడిచే విజ్ఞాన సర్వస్వం అని శ్రీ రావి నూతల శ్రీరాములు అన్నారు .

గ్రంధాలయోద్యమాన్ని ఆచరణ లోకి తెచ్చిన వారు వెలగా .అయ్యంకి ,సర్వోత్తమ రావు ,వావిలాల కోదాటి వంటి మొదటి తరం గ్రందాలయోద్యం నాయకులైతే రెండో తరానికి ముఖ్య ప్రతినిధి వెలగా .కోదాటి నారాయణ రాగారు గ్రంధాలయ చైర్మన్ గా ఉండగా ,తానూ సెక్రెటరీగా ఉండి పబ్లిక్ లైబ్రరీలతో బాటు ప్రైవేట్ లైబ్రరీలకూ ఆర్ధిక సాయం ప్రభుత్వం చేసేలాగా కృషి చేశారు.

కృష్ణా జిల్లా రచయితల సంఘం ఆధ్వర్యం లో 2013లో ఆలూరి బైరాగి స్మారక పురస్కారాన్ని పాతిక వేల రూపాయలను అందుకొన్నారు.విజయ వాడలో టాగూర్ గ్రంధాలయం ఏర్పడటానికి ప్రముఖ పాత్ర వహించారు .అదొక రిసెర్చ్ సెంటర్ గా మార్చారు. వివిధ గ్రందాలయాలావు ఉన్న రిసెర్చ్ పుస్తకాలను సేకరించి ఇక్కడ మూడు బీరువాలో భద్ర పరచారు .వెలగా వారి జీవితం పై శ్రీ పావులూరి శ్రీనివాసరావు గ్రంధం రాశారు. .పుస్తకానికి ప్ర్ప్రత్యామ్నాయం లేదని చెప్పేవారు . ఆయన చూడని పరిశీలించని పుస్తకమే లేదు అంటే అతిశయోక్తి కాదు .

ప్రముఖ గ్రంధాలను మైక్రో ఫిలిం లుగా తీయటం డిజిటలైజ్ చేయటం లో ముందడుగు వేశారు .ఆధునిక పద్ధతిలో గ్రంధాలను భద్రపరచే చర్యలు చేబట్టారు .బాలల రచయితల సంఘాన్ని స్థాపించి కార్య దర్శిగా పని చేశారు బాలల ఆకాడేమీలో సభ్యులుగా ఉన్నారు .జానపద సాహిత్యం లోనూ కృషి చేశారు .హాలంత శబ్దాలు ఇష్టపడే వారుకాదు డుము వులు చేర్చి రాయాలని చెప్పేవారు .పనికి రాని పుస్తకం  అంటూ లేదుఅనేవారు.ఇన్ని సుగుణాలున్న వ్యక్తీ నడిచే పుస్తకం పలికే గ్రంధం శ్రీ వెలగ వెంకటప్పయ్య గారు .

వెలగా వారికి ఉయ్యూరుకు గొప్ప సంబంధం ఉంది  .ఉయ్యూరులోఅమెరికా లోని  శ్రీమైనేని గోపాల కృష్ణ గారి భూరి ఆర్ధిక సహాయంతో ఏ సి లైబ్రరీ ఏర్పాటు చేయటానికి వెలగా వారి కృషి ఏంతోఉంది .ప్రతి నేలా వాచ్చి పని తీరును పర్య వేస్క్షించేవారు ఆనాటి జిల్లా గ్రంధాలయ చైర్మన్ గొర్రెపాటి గోపీ చంద్ గారితోను  యై విబి రాజేంద్ర ప్రసాద్ తోనూ వచ్చి. ఆ నిర్మాణ కమిటీ కన్వీనర్ గా నేను వారిని అప్పుడు కలిసి మాట్లాడేవాడిని. 2004జూలైలో లైబ్రరీ ప్రారంభోత్సవానికీ వచ్చి కార్యక్రమం నిర్వహించారు .తరచు  సభల్లో కలిసేవారు .రెండుమూడు సార్లు సరసభారతి సభలకు ఆహ్వానించినా రాలేదు .ఆలూరి బైరాగి అవార్డ్ ప్రదానం నాడు వెలగా వారిని సభకు పరిచయం చేసే అవకాశం నాకు కల్పించారు కృష్ణ జిల్లా రచయితల సంఘం వారు . సరసభారతి ప్రచురించిన పుస్తకాలన్నీ వారికి పంపేవాడిని. అందుకొని బాగుందని మెచ్చుకొంటూ జవాబు రాశారు ‘ .ఈ మధ్యనే ‘’పూర్వాన్గ్ల కవుల ముచ్చట్లు ‘’అందుకొని ఉత్తరం రాసి అభినందించి అయ్యంకి వారి పై సభ జరుపమని కోరారు .ఎందుకో చేయలేకపోయాం .

శీ గూడపాటి కోటేశ్వర రావు

గరిక పర్రు వాసి ఉయ్యూరు హైస్కూల్ విద్యార్ధి మొదటి ఎస్ ఎస్ ఎల్ సి బాచ్ వారు గూడపాటి .సాహితీ మండలిని మా గురువుగారు స్వర్గీయ లంకా బసబా చారి గారు పాతికేళ్ళ క్రితం ప్రారంభించినపుడు నాతోబాటు వ్యవస్తాపక సభ్యులు .నిత్య సాహితీ వ్యాసంగం అయన హాబీ .మంచిమనిషి క్షేత్రయ్య పదాలపై రసోల్లాసం రాశారు. నన్ను చదివిఅభిప్రాయం రాయమంటే ముప్ఫై  ఏళ్లక్రితమే రాశాను నాటకాలు  రాసి వేసి దర్శకత్వం చేసేవారు. రేడియోలో చాలా ప్రసంగాలు చేశారు .తామాషాగా మాట్లాడే నైజం .కుండ బద్దలు కొట్టినట్లు మొహమాటం లేకుండా మాట్లాడే వారు ద్వర్ది త్ర్యర్దికావ్యాలన్నా ,చేమకూర వేంకటకవి కవిత్వం అన్నా మహా మోజు .చేతిలో యాభై గ్రాముల క్రేన్ వక్కపొడి పొట్లం ఎప్పుడూ ఉండేది తానూ నములుతూ పక్కనున్న వారికీ ఆఫర్ చేసేవారు .సహృదయులు స్నేహ శీలి  .శ్రీ గూడ పాటి కోటేశ్వర రావు .ఈ ఇద్దరు లేని లోటు తీరనిదే .

2015 నూతన సంవత్సర శుభా కాంక్షలతో

మీ- గబ్బిట దుర్గాప్రసాద్ -31-12-14-ఉయ్యూరు