6-కవి ప్రశస్తి –పద్మభూషణ్ ఖాజీ నజ్రుల్ ఇస్లాం

అల్లాహు అక్బర్ –

అల్లాహు అక్బర్

ఇవాళ అల్లానుంచి వస్తున్నారు –

రహ్మత్ ,కౌతర్

వారిద్దరికీ అల్లా రక్షకుడు

ఈ విజయం వారిదే.

దేవుని అభీస్టానికిది విజయం

మన వ్యర్ధ కీర్తికి మాత్రం కాదు

ఇది విజయమే ,కానీ

అది ఏమాత్రమూ మెట్టు కాదు

పెద్ద బానిసత్వంఉపద్రవం నుంచి

మనం పైకి ఎగరా(దగా)లి .

 అంతటి విభజన ,అంతః కలహం

ఈర్ష్య ,అసూయ ,అత్యాశ ,అహంకారం

అన్నీ పరమాత్మ దయా వీక్షణం తో

తేలిగ్గా అదృశ్యమైపోతాయి .

మీరంతా కొత్త ప్రయాణీకులు

ఆ పరమాత్మఆజ్ఞకు బద్ధులు  

మీ అడుగుల జాడన నుసరించి

ఇక్కడికి స్వర్గ కాంతిపుంజం ప్రసరిస్తుంది .

అవును వస్తున్నారు పథికులు

కొత్తతరానికి చెందిన యువ యుద్ధ వీరులు

త్వరలోనే ప్రపంచ కస్టాలు ,బాధలు

వాళ్ళ పంజరం లో  బందీలై పోతాయి

ఆధారం –ఖాజీ నజ్రుల్ ఇస్లాం బెంగాలీ కవిత’’కబిర్ ప్రొషొస్తి’’.కి మొహమ్మద్ ఉమర్ ఖరీఫ్ ఆంగ్లాను వాదం.

 మీ-గబ్బిట దుర్గాప్రసాద్ -2-7-20-ఉయ్యూరు