· మనమరుపు వెనుక మన వెండి తెరమహానుభావులు -386

· మనమరుపు వెనుక మన వెండి తెరమహానుభావులు -386

· 386-స్క్రీన్ ప్లే ,డైలాగ్ రైటర్ వాంటెడ్ ,జవాన్ దర్శకుడు –బి.వి.ఎస్.రవి .

· బి.వి.ఎస్ రవి (జననం 1974 జూన్ 22) తెలుగు చిత్రాలలో పనిచేసే భారతీయ స్క్రీన్ రైటర్, డైలాగ్ రైటర్. సన్నిహితులు మచ్చ రవిగా పిలుచుకునే బి.వి.ఎస్ రవి పూర్తిపేరు బాచిమంచి వెంకట సుబ్రహ్మణ్యం రవి.[2]

కెరీర్
పోసాని కృష్ణమురళికి సహాయ కథా రచయితగా శివయ్య, సీతారామరాజు, ప్రేయసి రావే, స్నేహితులు, అయోధ్య రామయ్యా, భద్రాచలం వంటి చిత్రాలకు బి.వి.ఎస్ రవి పనిచేసాడు. ఇక 2011లో వాంటెడ్ చిత్రానికి దర్శకుడిగా మారాడు. ఈ చిత్రానికి చక్రి సంగీతం అందించగా గోపీచంద్, దీక్షా సేథ్ ప్రధాన పాత్రల్లో నటించారు.

2012లో వివాదాస్పద హిట్ చిత్రం దేనికైనా రెడీకి ఆయన కథ అందించాడు. పూరి జగన్నాథ్‌తో కలిసి కెమెరామెన్ గంగతో రాంబాబు, ఇద్దరమ్మాయిలతో, దేవుడు చేసిన మనుషులు చిత్రాలకు సహ రచయితగా ఉన్నారు.

బి.వి.ఎస్ రవి సెకండ్ హ్యాండ్ చిత్రానికి నిర్మాతగా మారాడు. ఆయన తక్కువ బడ్జెట్‌లో చిత్రాన్ని దృశ్యపరంగా, సాంకేతికంగా అద్భుతంగా పూర్తి చేయడం ద్వారా తన నిర్వహణ, సృజనాత్మక నైపుణ్యాలను ఈ చిత్రంతో నిరూపించాడు.[3] తెలుగు చిత్ర పరిశ్రమలో సింగిల్ షాట్ సినిమాటోగ్రఫీ అనే కాన్సెప్ట్‌ను రూపొందించిన మొదటి నిర్మాత బివిఎస్ రవి గా గుర్తింపుతెచ్చుకున్నాడు.

రామ్ గోపాల్ వర్మ, పూరీ జగన్నాథ్, కృష్ణ వంశీ, రానా దగ్గుబాటి, అల్లు అర్జున్, రవితేజ, దిల్ రాజు, మోహన్ బాబు, మంచు విష్ణు, మంచు లక్ష్మీ ప్రసన్నలకు ఆయన సన్నిహితుడు.

ఫిల్మోగ్రఫీ
దర్శకుడిగా
Year

Title

2011

వాంటెడ్

2017

జవాన్

నిర్మాతగా
Year

Title

2013

సెకండ్ హ్యాండ్

నటుడిగా[మార్చు]
Year

Title idi ra BVS

2004

కేడీ నం:1

2005

శ్రావణమాసం

2005

అయోధ్య

2006

నాయుడమ్మ

2021

క్రాక్

స్క్రీన్ రైటర్‌గా
Year

Work

Notes

2021 – ప్రస్తుతం

ఏబుల్

టాక్ షో

2017

జవాన్

2015

డైనమేట్

2014

పాండవులు పాండవులు తుమ్మెద

2013

గౌరవం

2013

ఇద్దరమ్మాయిలతో

2012

దేనికైనా రెడీ

2012

కెమెరామెన్ గంగతో రాంబాబు

2012

దేవుడు చేసిన మనుషులు

2011

వాంటెడ్

2010

తకిట తకిట

2010

ఝుమ్మంది నాదం

2009

జయూభవ

2009

సలీం

2008

తులసి

2008

కింగ్

2008

పరుగు

2007

మున్నా

2007

అతిధి

2006

నాయుడమ్మ

2006

రామ్

2005

ధన 51

2005

నాయకుడు

2005

చక్రం

2005

అయోధ్య

2005

భద్ర

2003

సత్యం

2002

ఖడ్గం

2002

ఖైదీ బ్రదర్స్

2002

గర్ల్ ఫ్రెండ్

· 387-‘వాడుక భాషలో ‘’శ్రీ సత్యనారాయణ ‘’సినిమా నిర్మించి ,’ఆంధ్రా శాంతారాం‘’గా38 మంది నటులను పరిచయం చేసిననిర్మాత ,నటుడు,దర్శకుడు,ఎస్వి .రంగారావు మేనమామ –బి.వి. రామానందం

బి.వి.రామానందం (బయ్యపునీడి వెంకట రామానందం) తెలుగు సినిమా దర్శకుడు. ఇతను ఎస్.వి.రంగారావుకు తెలుగు సినిమాకు పరిచయం చేసిన వ్యక్తిగా సుపరిచితుడు. అనేక మంది నటులను సినీ పరిశ్రమకు పరిచియం చేసినజీవిత విశేషాలు
బయ్యపునీడి వెంకట రామానందం 1902 జనవరి 2న రాజమండ్రిలో జన్మించాడు. చిన్నతనంలో లలిత కళల పట్ల ఆకర్షితుడయ్యాడు. ఒకపక్క విద్యాభ్యాసం చేస్తుందగానే మరో పక్క నాటకాలలో నటించేవాడు. బెనారస్ లో ఎఫ్.ఏ పరీక్ష ఉత్తీర్ణుడైన తరువాత ఆగస్టు 1922లో వివాహం చేసుకున్నాడు. వివాహానంతరం ఏదైనా వ్యాపారం చేయాలనుకున్న సమయంలో మూకీల చిత్ర నిర్మాణం సాగుతుంది. చిన్నతనం నుండి కళా రంగంలో ఆసక్తి ఉండటంతో అతను సినిమా రంగంలోకి ప్రవేశించాడు. మొదట ఫిలిం పంపిణీ వ్యాపారాన్ని ప్రారంభించాలనుకున్నాడు. దీని కోసం కలకత్తా వెళ్ళి కొన్ని నెలల పాటు అక్కడే ఉండి ఫిలిం పంపిణీ వ్యాపారం జరిగే తీరుని పరిశీలించి ఒక అవగాహనకు వచ్చాడు. రాజమండ్రికి వచ్చి “రాధాకృష్ణ ఫిలిం డిస్ట్రిభ్యూషన్” పేరుతో ప్యాపారం ప్రారంభించాడు. అదే సమయంలో కలకత్తా నుండి వచ్చిన సి. పుల్లయ్య రాజమండ్రిలో ఆంధ్రా సినీటోన్ స్టుడియోను స్వాధీనం చేసుకొని ఆంధ్రా టాకీస్ పతాకంపై శ్రీ సత్యనారాయణ చిత్ర నిర్మాణం ప్రారంభించాడు. వాడుక భాషలో రూపుదిద్దుకున్న తొలి చిత్రం ఇది. రామానందం పుల్లయ్య వద్ద సహాయకునిగా చేరాడు. ఆ చిత్రానికి సహాయ దర్శకునిగా పనిచేసి అనుభవం సంపాదించుకున్నాడు.[1]

నిర్మాతగా
అతను చిత్ర నిర్మాణ రంగంలో ప్రవేశించాలనుకున్నాడు. అతను భారత లక్ష్మీ ఫిలిమ్స్ వారితో కలసి సక్కుబాయి సినిమాను నిర్మించాడు. అది 1935 మే 21న విడుదలైంది. ఈ చిత్రంలో 50 పాటలున్నాయి. ఈ చిత్రం ఘన విజయం సాధించింది. తానే రాధా ఫిలిం కంపెనీ చిత్రనిర్మాణ సంస్థను నెలకొల్పి 1935లో భక్త కుచేల సినిమాను నిర్మించాడు. బళ్లారి పండితుడు సుబ్రహ్మణ్య శాస్త్రి రాసిన నాటకం ఆధారంగా నిర్మించిన ఈ సినిమాలో భారీ సెట్స్ వేసి చిత్రీకరించాడు. ఈ సినిమా విజయవంతమైంది.

1938లో రవీంద్రనాథ్ ఠాగూర్ రాసిన నాటక ఆధారంగా కచ దేవయాని చిత్రాన్ని నిర్మించాడు. ఈ చిత్రానికి దర్శకత్వ భాద్యతలు కూడా నిర్వర్తించాడు. ఈ సినిమాకు సంజివని అనే పేరు కూడా ఉంది. కచదేవయాని ఇతివృత్తాన్ని ఆసక్తి కరంగా తెరపై మలచి దర్శకునిగా గుర్తింపు పొందాడు. 1939లో పాడురంగ విఠల సినిమాను నిర్మించాడు. ఈ చిత్రం కూడా విజయవంతమైంది.

రెండవ ప్రపంచ యుద్ధం ప్రారంభ సమయంలో అతను చిత్ర నిర్మాణాన్ని తాత్కాలికంగా ఆపుచేసి రాజామండ్రి చేరుకున్నాడు. ఆరేళ్ళ పాటు నిర్మాణం జోలికి పోలేదు. తరువాత మరల వరూధిని సినిమా నిర్మాణాన్ని మొదలు పెట్టాడు. అతను సేలంలో ఉన్న మోడరన్ థియేటర్స్ స్టుడియోలో ఈ చిత్రాన్ని నిర్మించాలనుకున్నాడు. ఈ సినిమాలో కథానాయకుని పాత్రకోసం తన మేనల్లుడైన ఎస్.వి.రంగారావును ఎంపిక చేసాడు. ఆ చిత్రంలో కృష్ణదేవరాయలు, ప్రవరాఖ్యుడు పాత్రలను ఎస్.వి.రంగారావు పోషించాడు. ఈ సినిమా 1947 జనవరి 11న విడుదలైంది. కానీ విజయవంతం కాలేదు. అతనికి ఆర్థికంగా నష్టం కలిగించింది. దీనితో సినిమా నిర్మాణానికి దూరంగా ఉన్నాడు.[2]

నటునిగా
అంతవరకు పౌరాణిక సినిమాలను తీసిన అతను తన పంథాను మార్చుకుని సాంఘిక సినిమాల నిర్మాణంపై దృష్టి సారించాడు. అలా గొల్లపిల్ల సినిమాను తీసాడు. యాదవ కులస్థులు అభ్యంతరం వల్ల ఆ చిత్రానికి పెంకి పిల్ల గా శీర్షికను మార్చారు. ఆ సినిమాకు దర్శకునిగానే కాక అందులో న్యాయమూర్తి పాత్రను పోషించాడు. ఆ సినిమా విజయవంతం కాలేదు.

అస్తమయం
అతను 1955లో జై వీర భేతాళ చిత్రాన్ని ప్రారంభించాడు. కానీ ఆ సినిమా పూర్తి కాకుండానే అతని ఆరోగ్యం దెబ్బతినడం మూలంగా 1955 అక్టోబరు 27న మరణించాడు.

· సశేషం

· మీ –గబ్బిట దుర్గా ప్రసాద్ -20-1-23-ఉయ్యూరు

Posted in సినిమా | Tagged | Leave a comment

‘’ఉత్కళ వ్యాసకవి’’ -ఫకీర్ మోహన్ సేనాపతి -3

‘’ఉత్కళ వ్యాసకవి’’ -ఫకీర్ మోహన్ సేనాపతి -3

ఉపాధ్యాయుడు రచయిత ప్రచురణకర్త

ఫకీర్ అదృష్టం పండి అతడు చదివిన స్కూల్ లోనే ఉపాధ్యాయుదిగాఉద్యొగ౦  లో చేరాడు .నెలకి రెండున్నర రూపాయలజీతం .మామ్మ పట్టరాని సంతోషం పొందింది .అతడు బోధించే తీరుకు మెచ్చి జీతం నెలకు నాలుగు రూపాయలు చేశారు .ఆనాటి పైసా ఇవాళ రూపాయి కంటే చాలా ఎక్కువే .భూగోళం బోధించటానికి మాప్స్ తానె తయారు చేసుకొనేవాడు .మూడవ ఏట లెక్కలు చెప్పమని కోరగా ఆల్జీబ్రా ట్రిగోనామెట్రి వగైరా స్వంతంగా నేర్చుకొని గొప్పగా బోధించాడు .ఓడ కూలి మహామహ  ఉపాధ్యాయుడయ్యాడు .లేక్కలేమిటి సాహిత్యమూ బోధించే స్థాయికి వచ్చాడు .అతని బోధన గొప్ప కీర్తి తెచ్చింది .ప్రధానోపాధ్యాయ పదవి ఖాళీ అయితే ఆలోచించకుండా మోహన్ నే నెలకు పది రూపాయల జీతానికి నియమించారు .అప్పుడే అతనికి యూరోపియన్ అధికారుఅల్తో మిషనరీ  వ్యవస్థతో మంచి పరిచయమేర్పడింది .కంపారటివ్ గ్రామర్ ఆఫ్ ఇండియన్ లాంగ్వేజెస్ రాసిన కలెక్టర్ జాన్ బీమ్స్ తో పెద్ద పరిచయమే ఏర్పడింది .బీమ్స్  ‘’మెమరీస్ ఆఫ్ ఎ బెంగాల్ సిటిజన్’’ అనే పుస్తకం రాసి అందులో సమకాలీన జీవితపు చీకటి వెలుగులన్నీ వర్ణించాడు .అప్పటికే బెంగాలీ హిందీ అస్సామీ నేర్చిన బీమ్స్ ఒరియాను ఫకీర్ మోహన్ వద్ద నేర్చుకొన్నాడు .బీమ్స్ గురించి రాస్తూ ఫకీర్ ‘’బీమ్స్ పదకొండు భాషలలో నిష్ణాతుడు .సమగ్ర భాషా వ్యాకరణం కోసం ఇన్ని భాషలు నేర్చాడు .వారానికి ఒక్కసారైనా మేము కలిసేవాళ్ళం .ఎప్పుడైనా రెండు రోజులు ఆలస్యంగా వస్తే ‘’బాబూ !ఎందు కింత ఆలస్యం చేశారు ?’’అని గౌరవంగా అడిగేవాడు .క్లిష్టమైన సంస్కృత శ్లోకాల వ్యాఖ్యానం ,’’రస కల్లోల ‘’అనే ఒరియా శాస్త్రీయ ప్రామాణిక గ్రంధం ,జన వ్యవహారంలో ఉన్న పాము,తే లు మంత్రాలు మామధ్య చర్చ లో ఉండేవి .అతని పరిచయం వలన పెద్ద పెద్ద బెంగాలీ ఆఫీసర్లు కూడా నన్ను అత్యంత గౌరవంగా చూసేవారు .ఒరిస్సాలో స్త్రీ విద్యకు ఒరియా భాషాభి వృద్ధికి నేను కృషి చేస్తున్నప్పుడు అతడి నుంచి గొప్ప సహాయం లభించేది .నా జీవితంలో వచ్చిన కష్టాలను ఎదుర్కోవటానికి బీమ్స్ ఎంతో సాయపడి అండగా నిలిచాడు .ఇప్పటికీ అతని ఆత్మశాంతికోసం రెండుపూటలా ప్రార్ధన చేస్తాను ‘’అని గొప్ప ఆరాధనా భావంతో రాసుకొన్నాడు .

  స్కూల్ లో పని చేస్తున్నప్పుడే దేశ భక్తుడిగా రచయితగా పండితుడిగా ప్రసిద్ధి పొందాడు .అతని నాయకత్వం లో ఆస్కూలు గణనీయ మైన అభి వృద్ధి సాధించి ప్రతి ఏడాదీ ప్రభుత్వ స్కాలర్ షిప్స్ ఆ స్కూల్ విద్యార్థులకే  కే ఎక్కువ గా వచ్చేవి .లెక్కలు హిస్టరీ జాగ్రఫీ, ట్రిగోనామెట్రి పాఠ్యపుస్తకాలు రచించి ప్రభుత్వ బహుమతులు పొందాడు .అతనికీర్తి ఒరిస్సా అంతటా వ్యాపించింది .ఒరియాలో సరైన పాఠ్య గ్రంధాలు లేవని బెంగాలీలు ఆక్షేపించేవారు .అది తొలగి౦చ టానికిఅత్యుత్తమమైన పాత్యపుస్తకాలు రాసి అందరి అభిమానం పొందాడు మోహన్ ..తన భాష ఘోషను ‘’ఎప్పుడైనా ఒక బెంగాలీపుస్తకం దొరికితే చదివి ఇలాంటి పుస్తకం నా ఒరియాలో ఎప్పుడు వస్తుందో అని ఎదురు చూసేవాడిని .నా గుండె రోదించేది .అప్పటినుంచి ఏపని చేస్తున్నా నా అంతరాన్తరాలలో ఒరియా  భాషాభి వృద్ధి గురించే ఆలోచనలు సుళ్ళు తిరిగేవి .ఒరియాలో నేను రచయితను కాగలనా అనుకొనేవాడిని .ప్రయత్నిస్తూ రాసినవాటిని బెంగాలీ ‘’సోమ ప్రకాష్ ‘’పత్రికకు పంపేవాడిని .అవన్నీ ప్రచురింప బడేవి .నాకు ఉత్సాహం వచ్చేది .మా వూళ్ళో కృష్ణలీల ఉత్సవానికి పాటలు రాశాను .వాటిని గాయకులూ మధురంగా పాడుతుంటే పరవశించేవాడిని .వచనంలోనూ ప్రయత్నించి ‘’ఒక రాకుమారుని చరిత్ర ‘’రాయగా మిత్రులు ఒరిస్సాకు అంతటికీ కటక్ లో ఉన్న ఒక మిషన్ ప్రెస్ కు పంపగా ,దాని ప్రచురణకు మూడు వందల రూపాయలు అవుతుందని ప్రెస్ వారు తెలియజేయగా ఆప్రయత్నం మానుకొన్నాను ‘’అని రాసుకొన్నాడు .

  ఆనాటి సామాన్య ఉత్కలుడు రాగాలతో పాడే పద కవిత్వాన్నే ఆన౦ దిందిచేవాడు .గద్యం అంటే భయపడేవాడు .ఒరియాలో అచ్చు వేయటానికి అతని మిత్రులు ఒక అచ్చుయంత్రం కొన్నారు .కటక్ లోకాకుండా రెండవ ముద్రణాలయం బాలాసోర్ లో స్థాపించాలని తెలిసిన వారందరి దగ్గర చందాలు వసూలు చేసి ,కలకత్తానుంచి యంత్రాలను ఎడ్ల బండీ మీద బాలాసోర్ కు చేర్చటానికి 22రోజులుపట్టింది .అ౦తా సిద్ధం చేసి ‘’సేనాపతి ముద్రణాలయం ‘’అని పేరుపెట్టి పని ప్రారంభించారు .కమీషనర్ తో సహా అనేకులు ప్రెస్ ఎలా పనిచేస్తు౦దో చూడటానికి వచ్చి అబ్బురపడ్డారు అభినందించారు సేనాపతినీ మిత్ర బృందాన్నీ .కమీషనర్ ఇతని సాహస ప్రయోగానికి మెచ్చి పది రూపాయలు నగదు బహుమతినిచ్చి సత్కరించాడు .అదే అతడి పెట్టుబడి అయింది .ప్రెస్ ఎత్తేసినప్పుడు అతనిభాగంతో లాభాలుకలిపి కమీషనర్ కు 30రూపాయలు ఇచ్చేశాడు సేనాపతి .

  ఫకీర్ పత్రికా ఉత్సాహం చూస్తె బెంజమిన్ ఫ్రాన్క్లిన్ గుర్తుకొస్తాడు . హెడ్ మాస్టర్ గిరీ చేస్తూ ,పుస్తకాలు రాస్తూ ముద్రిస్తూ ‘’బోధ దాయిని ‘’,బాలాసోర్ సంబంధ బాహిక ‘’అనే రెండు పత్రికలూ నడిపాడు .రాసేవాడూ అచ్చేసేవాడూ పంపిణీచేసేవాడూ , ఆర్ధిక స్థితి చూసేవాడు అన్నీ ఒక్కడే అయిన ఏక్ నిరంజన్ ఫకీర్ మోహన్ సేనాపతి మాత్రమె .

  సశేషం

 మీ- గబ్బిట దుర్గాప్రసాద్ -19-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

విజయ విలాసం.21వ భాగం.19.1.23.

విజయ విలాసం.21వ భాగం.19.1.23.

Posted in ఫేస్బుక్ | Leave a comment

ఆముక్తమాల్యద సాహిత్య,ఆధ్యాత్మిక సమీక్ష 11వ భాగం.19.1.23.

ఆముక్తమాల్యద సాహిత్య,ఆధ్యాత్మిక సమీక్ష 11వ భాగం.19.1.23.

Posted in ఫేస్బుక్ | Leave a comment

మనమరుపు వెనుక మన వెండి తెరమహానుభావులు -383

మనమరుపు వెనుక మన వెండి తెరమహానుభావులు -383

· 383-వెన్నెల ,ప్రస్థానం సినీ దర్శకుడు ,డాక్యుమెంటరి నిర్మాత –దేవ కట్టా

· దేవ కట్టా ఒక ప్రవాసాంధ్రుడైన సినీ దర్శకుడు, నిర్మాత, రచయిత. 2010 లో ఆయన నిర్మించి, దర్శకత్వం వహించిన ప్రస్థానం సినిమా అంతర్జాతీయ భారత చలనచిత్రోత్సవంలో, ఇండియన్ పనోరమా విభాగంలో ప్రదర్శనకు ఎంపికైంది.[1] ఈ సినిమా ఫిలిం ఫేర్ ఉత్తమ విమర్శకుల చిత్రంగా, నంది మూడో ఉత్తమ చిత్రంగా ఎంపికైంది.

వ్యక్తిగతం
దేవా కడప జిల్లా, జెట్టివారిపల్లి గ్రామంలో జన్మించాడు. తండ్రి పేరు నిరంజన్ నాయుడు. అతని కుటుంబం మద్రాసుకు తరలి వెళ్ళింది. దేవ అక్కడే పెరిగాడు. చెన్నై లోని సత్యభామ కళాశాల నుంచి మెకానికల్ ఇంజనీరింగ్ చదివాడు. తరువాత ఉన్నత చదువుల కోసం అమెరికా వెళ్ళాడు. డెట్రాయిట్ రాష్ట్రంలోని మిషిగన్ లో వేన్ స్టేట్ యూనివర్శిటీ నుంచి ఎమ్మెస్ చేశాడు. చదువైపోయిన తరువాత జనరల్ మోటార్స్ లో ఉద్యోగం చేశాడు.

నటనా రంగం
ఉద్యోగం చేస్తూనే సినిమాలకు సంబంధించిన కోర్సు చేశాడు. తరువాత అమెరికాలో భారతీయ విద్యార్థుల స్థితిగతులను ప్రతిబింబిస్తూ వలస అనే డాక్యుమెంటరీ చిత్రాన్ని రూపొందించాడు. అదే నేపథ్యంలో వెన్నెల సినిమాతో దర్శకుడిగా, రచయితగా తన ప్రస్థానం ప్రారంభించాడు.[2][3][4]

దర్శకత్వం వహించిన సినిమాలు
· వెన్నెల (2005)

· ప్రస్థానం (2010)

· ఆటోనగర్ సూర్య (2014)

· రిపబ్లిక్ (2021)

384-ఆర్కా మీడియా వ్యవస్థాపకుడు ,పల్లకిలో పెళ్ళికూతురు ,బాహుబలి ,మర్యాద రామన్న సినీ సహనిర్మాత –దేవినేని ప్రసాద్
దేవినేని ప్రసాద్ ఒక ప్రముఖ సినీ నిర్మాత. ఆర్కా మీడియా వర్క్స్ సహ వ్యవస్థాపకుల్లో ఒకరు.[1][2] పల్లకిలో పెళ్ళికూతురు, పంజా, మర్యాద రామన్న, వన్స్ అపాన్ ఎ వారియర్, వేదం, బాహుబలి:ద బిగినింగ్ లాంటి సినిమాలకు సహనిర్మాతగా వ్యవహరించాడు.[3][4]
కెరీర్
2010 లో ఆయన నిర్మించిన మర్యాద రామన్న సినిమా నంది ఉత్తమ చిత్రం పురస్కారం అందుకుంది.[5] 2015 లో శోభు యార్లగడ్డతో కలిసి నిర్మించిన బాహుబలి చిత్రం భారతదేశంలో అత్యధిక వసూళ్ళు సాధించిన చిత్రంగా నిలిచింది.[6][7][8]

పురస్కారాలు
· బాహుబలి చిత్రానికిగాను జాతీయ ఉత్తమ చిత్ర పురస్కారం

· మర్యాద రామన్న సినిమాకు నంది ఉత్తమ చిత్ర పురస్కారం

· 2010 లో వేదం సినిమాకు ఫిలింఫేర్ దక్షిణాది పురస్కారం

ఆదాయపు పన్ను శాఖ దాడులు
నవంబరు 11, 2016 న ఆదాయపు పన్ను శాఖ బాహుబలి నిర్మాతలైన శోభు యార్లగడ్డ, దేవినేని ప్రసాద్, వారి సంస్థ యైన ఆర్కా మీడియా వర్క్స్ కార్యాలయాలపై సోదాలు నిర్వహించింది.[9]

· 385-దేవి ఫిలిమ్స్ నిర్మాత ,కధానాయకుడికధ ,నా దేశం ,కొండవీటి దొంగ హిట్ చిత్ర ఫేం –దేవి వర ప్రసాద్

· దేవీవర ప్రసాద్ తెలుగు సినీ నిర్మాత. దేవీఫిలింస్ బేనరు పై పలు విజయవంతమైన తెలుగు చిత్రాలు నిర్మంచాడు.

జీవిత విశేషాలు
అతను 1943 డిసెంబరు 6న విజయవాడలో జన్మించాడు. నందమూరి తారక రామారావు ప్రోత్సాహంతో సినీ పరిశ్రమలో అడుగు పెట్టాడు.

దేవి వర ప్రసాద్ తండ్రి తిరుపతయ్య సినిమా పంపిణీదారుడు అయిన ఎన్టీఆర్ కు సన్నిహితుడు. అతను ఎన్టీఆర్ యొక్క మూడు సినిమాలకు కూడా భాగస్వామి. ప్రసాద్ నందమూరి తారక రామారావు ప్రోత్సాహంతో సినీ పరిశ్రమలో అడుగు పెట్టాడు. నిర్మాతగా అతను ఎన్‌టిఆర్‌తో కథానాయకుని కథ, కేడీ నంబర్ 1, తిరుగులేని మనీషి, నా దేశం వంటి చిత్రాలను తీసాడు[1]. ఎన్టీఆర్ రాజకీయాల్లోకి అడుగుపెట్టిన తర్వాత దేవి వర ప్రసాద్ చిరంజీవితో సినిమాలు చేయడం ప్రారంభించాడు. చట్టంతో పోరాటం సగటు కంటే ఎక్కువగా ఉండగా కొండవీటి దొంగ, మంచి దొంగ పెద్ద విజయాలు సాధించాయి. ఘరానా మొగుడు బ్లాక్ బస్టర్‌గా మారింది. చిరంజీవి యొక్క టాప్ 5 సూపర్ డూపర్ హిట్స్‌లో ఈ చిత్రాన్ని పేర్కొనాలి. తరువాత అల్లుడా మజాకా చిత్రం కూడా మంచి కలెక్షన్లు సాధించి విజయాన్ని సాధించింది. అయితే తదనంతరం మృగరాజు టైటిల్‌తో గుణ శేఖర్‌తో దర్శకుడిగా దేవి వర ప్రసాద్ చిత్రం పూర్తిగా అపజయం పాలైంది. దేవి వర ప్రసాద్ యొక్క దాదాపు అన్ని ఆదాయాలు ఈ చిత్రంతో కొట్టుకుపోయాయి.[2] ఆ తర్వాత అతను చిరంజీవితో సినిమా చేయడానికి చాలా ప్రయత్నాలు చేశాడు. మృగరాజుతో ప్రతిదీ కోల్పోయినందున, చిరంజీవి తనపై దయ చూపవచ్చని ఆతను భావించాడు. కానీ అది జరుగలేదు. తర్వాత ఆర్థికంగా బాగా చితికిపోయాడు. అతని చివరి సినిమా భజంత్రీలు కూడా అనుకున్న విజయం సాధించక ఇంకా ఆర్థిక నష్టాలను అనుభవించి అనారోగ్య పాలయ్యాడు.

సినిమాలు
భలే తమ్ముడు , కథానాయకుని కథ, భలేదొంగ, మంచి దొంగ, కొండ వీటి రాజా, అల్లుడా మజాకా, కేడీ నెంబర్ వన్, ఘరానా మొగుడు ,మృగరాజు, భజంత్రీలు, అమ్మ రాజీనామా వంటి విజయవంతమైన చిత్రాలు నిర్మించాడు.

మరణం
దేవి వర ప్రసాద్ కాలేయ సంబంధిత వ్యాధి, మధుమేహంతో బాధపడుతూ కిమ్స్ హాస్పిటల్లో చేరాడు. అతను 2010 డిసెంబరు 10 న మరణించాడు.[3]

సశేషం

మీ –గబ్బిట దుర్గా ప్రసాద్ -19-1-23-ఉయ్యూరు

Posted in సినిమా | Tagged | Leave a comment

’ఉత్కళ వ్యాసకవి’’ -ఫకీర్ మోహన్ సేనాపతి -2

’ఉత్కళ వ్యాసకవి’’ -ఫకీర్ మోహన్ సేనాపతి -2

3-పా౦డిత్యాభిలాష

 హుగ్లీ నది ఒడ్డున కలకత్తానగరం వెలసిన చోట ఒకప్పుడు జాబ్ చార్నాక్ గుడిసెలు లేవకముందే ,ఒరిస్సాలోని బాలాసోర్ లో రేవుపట్టణం ఉచ్చ దశలో ఉండేది .పదేళ్ళ ఫకీర్ మోహన్ ఆసాగర తీరం లో గతవైభవానికి కల్లోల సాగర తరంగాలకు ,ప్రళయ భీభత్సానికి నిలువెత్తు నిదర్శనాలుగా రచనలు చేశాడు .బాలాసోర్ పోర్ట్ గురించి ‘’అది సౌభాగ్యమైన వర్తక కేంద్రం .రోజుకు అయిదారు వందల నౌకలు వస్తూ పోతూ ఉండేవి .ఒరిస్సా ఉప్పును రంగూన్,కొలంబో మొదలైన చోట్లకు ఎగుమతి చేసేవి .స్టీమర్లు ఇంకా రాలేదు .ఓడలకు ఆరు నుండి పన్నెండు తెరచాపలు౦డేవి .అవి త్రికోణ, చతురస్రాకారంగా ఉండేవి .తెరచాపలు పెద్దవైతే తుఫానులలో ఓడలు తలక్రిందులయే ప్రమాదం ఉంది. .చిన్న తెరచాపలైతే అసలు ప్రయాణానికి వీలే ఉండేదికాదు .మా నాన్న ,పెదనాన్న ఓడ గుత్త దార్లుగా జీవనోపాధి పొందారు .వ్యాపారులు ఈ గుత్దార్లద్వారానే సరుకు పంపటం జరిగేది .కేన్వాసు తెరచాపలు కుట్టటానికి మా ఇంటి నిండా కుట్టు పని వారు ఉండేవారు .అది మాకు మంచి లాభ సాటి గా ఉండేది ‘’అని రాశాడు .

 ఉప్పునీటి వజ్రాలు

బాలాసోర్ లో కూలిగా మోహన్ చేరేనాటికి ఆరేవు వైభవం చాలాభాగం కాలగర్భం లో కలిసే పోయింది .అందుకే పెదనాన్న ఉప్పు శాఖలో అతడిని చేర్చాడు .పెద్దవాడయ్యాక రేవు  వైభవం  పూర్తిగా పోయాక ,నికృష్టంగా మారటం చూసి వ్యధ చెందాడు .బాలాసోర్ పోర్ట్ ఇండియాలోనేకాక ప్రపంచమంతా పేరు మోసింది .డచ్, స్పానిష్ , ఫ్రెంచ్  ఇంగ్లిష్ వారు బెంగాల్ లో స్థిరపడటానికి ముందు బాలాసోర్ లో వ్యాపార కేంద్రాలు ప్రారంభించారు .ఒకప్పుడు మహా రద్దీగా ఉన్న నదీ కేంద్రం ఇప్పుడు స్మశాన స్తబ్దత తో ఉంది ,అడవులతో కప్పబడిపోయింది .ఒడ్డుమీదబురదా ఇసుకా తప్ప ఏమీలేవు కనుక చూడటానికి కూడా ఎవరూ పోరు .బియ్యం ,బట్టలు కంటే, ఇక్కడినుంచి ఉప్పు ఎక్కువగా రవాణా అయ్యేది .ఆపట్టణ వైభవం అంతా ఉప్పు వల్లనే .బాలాసోర్ కి ఉత్తరాన సువర్ణ రేఖ దగ్గర నుంచి దక్షిణంలో ధమ్ర లోని మహానది దాకా విపరీతంగా ఉప్పు తయారయ్యేది

  ప్రభుత్వం ఉప్పును స్వాధీనం చేసుకోవటం

ఉప్పు పరిశ్రమను నిషేధిస్తూ ప్రభుత్వం ఉత్తర్వు జారీ చేసింది .దీనితో బాలాసోర్ కేకాక యావత్తు ఒరిస్సాకు తీవ్ర నష్టం కలిగించింది .ఒరిస్సా భాగ్యదేవత అక్కడినుంచి లివర్ పూల్ ,ఇతర ప్రాంతాల్లో స్థిరపడింది .ఒరిస్సాకు పట్టిన ఈ దుర్గతిని ఫకీర్ మోహన్ జీర్ణించుకోలేక పోయాడు .ఉప్పు జాతీయ పరిశ్రమ కావాలని ఆతర్వాత యాభై ఏళ్ళకు గాంధీ ఉప్పు సత్యాగ్రహం చేశాడు .ఫకీర్మోహన్ ‘’మా ఉప్పు మళ్ళు మట్టిని ఇచ్చి ఇతర దేశాలనుంచి బంగారం తెచ్చుకోనేవారు .ఇప్పుడు పాశ్చాత్యుల వస్తువులకోసం బంగారాన్ని ధారపోస్తున్నారు .బాలాసోర్ ఒక్కటేఅప్పుడు ఏడాదికి 9లక్షల మణుగుల ఉప్పు తయారు చేసేది .ఒరిస్సాలో ఓడల మీద తిరిగే ‘’కై బర్తులు ‘’కు ఆధునిక నౌకా శాస్త్రం లో ప్రవేశం కలిగించి ఉంటె ,ఈ నాడు ఉప్పు వర్తకం ఎంత ఉచ్చదశలో ఉండేదో ?’ ఆనాడు రైల్వే లో ఒక్కవొరియన్ కూడా ఉద్యోగం సంపాది౦చుకోలేకపోయాడు .వ్యవసాయమే ఆధారమైంది .అయినాసాగుభూమి చాలాతక్కువే .అని బాధ పడ్డాడు .

  అవిరామ విజ్ఞానాన్వేషి

  ఉప్పు శాఖలో పని చేస్తూ ఫకీర్ బెంగాలీ పర్షియన్ సంస్కృతం అక్కడి ఉపాధ్యాయులవల్ల నేర్చాడు .మన శ్రీకాకుళం లోని టెక్కలి లో కూడా కొంతకాలం ఉన్నాడు .అప్పుడు ఆయనకు యాభై ఏళ్ళు ఉన్నా ,ఒక తెలుగు పండితుని కుదుర్చుకొని తెలుగు నేర్చుకున్నాడు .ఆయనకు23ఏళ్ళు వచ్చేదాకా ఇంగ్లీష్ లో ఒక్క అక్షరం కూడా రాదు .కానీ అప్పటికే బాలాసోర్ మిషినరి స్కూల్ లో ప్రధాన పండితుడు .ఇంగ్లీష్ రాకపోయినా పట్టణం లో మంచి గుర్తింపు ఉండేది .అతని సహజ మేధకు విదేశీయులు అబ్బురపదేవారు .ఒకసారి ఒక యూరోపియన్ అధికారి చీదరించటం వలన తక్షణం రాజభాష ఇంగ్లీష్ నేర్చుకోవటం మొదలుపెట్టి డిక్షనరీ సాయంతో అరేబియన్ నైట్స్ ,రాబిన్సన్ క్రూసో ,లాల్ బెహారీ డే రాసిన ‘’బెంగాల్ పెజెంట్ లైఫ్ ,ఇంగ్లిష్ బైబిల్ చదివాడు .

   విద్యలో వింత

బాలాసోర్ లో ఉప్పు శాఖ మూసేశాక ,15ఏళ్ళ ఫకీర్ ను ఎవ్వరూ పట్టించుకోలేదు .ఉద్యోగంకోసం కాలికి బలపం  కట్టుకోనితిరిగాడు .ఉద్యోగం రాకపోయినా వక్తిత్వం ఏర్పడింది .పెంచిన నాయనమ్మకు కూడా చెప్పకుండా బాలాసోర్ లోని మిషినరి స్కూల్ లో  చేరాడు .అప్పటిదాకా అర్ధనగ్నపు బట్టలే శరణ్యం .చొక్కాకూడా ఉండేదికాదు .పెదనాన్న కొడుకు నిత్యానందం మాత్రం ఖరీదైన శాటిన్ బట్టలతో బడికి వెళ్ళేవాడు .మోహన్ పట్ల ఆ కుటుంబం లో అసూయా అల్పత్వం పెరిగిపోయాయి .లాంతర్ దగ్గర చదువుకొనే పెదనాన్న కొడుకు మోహన్ కు అక్కడ చదువుకొనే అవకాశం ఇచ్చేవాడు కాదు .అందుకే పట్టుబట్టి స్కూల్  లో చేరాడు .

 అక్కడ చరిత్ర భూగోళం లెక్కలు మొదటి సారి చూడగానే పరవశించిపోయాడు .ఆంగ్లకవి కీట్స్ మొదటిసారిగా ‘’చాప్ మన్స్ హోమర్ ‘’ చదివినప్పుడు పొందిన ధ్రిల్ పొందాడు ఫకీర్ .అతడి మేదకు వినయానికి నిజాయితీకి ఉపాధ్యాయులు సంతోషించారు కానీ ఈ దురదృష్టవంతుడు నెలకు కట్టాల్సిన పావలా జీతం కూడా కట్టలేకపోయాడు .మామ్మ వత్తిడివలన పెదనాన్న ఒక ఏడాది జీతం కట్టినా ,రెండో ఏడు మొండికేసి కట్టనన్నాడు .ఆరు నెలల నిరాశా నిస్పృహలు తర్వాత చదువు మానేశాడు .

  విద్య పరిపూర్తి

 విషయాలన్నీ తెలుసుకొంటున్న నాయనమ్మ అతడితో ‘’చదువుకోసం ఎందుకు అంత ఆరాటం ?కొంచెం ఆగు నీ అంతట నువ్వే ఎంతడబ్బు సంపాదిస్తావో చూడు ‘’అని ధైర్యం చెప్పేది .ఆ నిష్కల్మష ప్రేమ హృదయ దీవనే ఫలించింది .

  సశేషం

మీ –గబ్బిట దుర్గా ప్రసాద్ -18-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

విజయ విలాసం. 20వ భాగం.18.1.23.

విజయ విలాసం. 20వ భాగం.18.1.23.

Posted in ఫేస్బుక్ | Leave a comment

ఆముక్త మాల్యద సాహిత్య ఆధ్యాత్మిక సమీక్ష. 10వ భాగం.18.1.23.

ఆముక్త మాల్యద సాహిత్య ఆధ్యాత్మిక సమీక్ష. 10వ భాగం.18.1.23.

Posted in ఫేస్బుక్ | Leave a comment

‘’ఉత్కళ వ్యాసకవి’’ -ఫకీర్ మోహన్ సేనాపతి

‘’ఉత్కళ వ్యాసకవి’’ -ఫకీర్ మోహన్ సేనాపతి

మాయాధర్ మాన్ సిన్హా ఇంగ్లీష్ లో రాసిన దానిని శ్రీమతి సి.ఆన౦దారామం తెలుగులోకి అనువదించిన ‘’ఫకీర్ మోహన్ సేనాపతి ‘’పుస్తకాన్ని కేంద్ర సాహిత్య అకాడెమి 1979లో ప్రచురించింది .వెల-రూ .2-50.

1-మల్లికాషార్ మల్లులు

ఫకీర్ మోహన్ ఒరిస్సాలోని ‘’పైక్ ఖందాయత్ ‘’తెగ కు చెందినవాడు .ఈ వంశం వారు స్వతంత్ర హిందూరాజులవద్ద సేనాధిపతులుగా ఉంటూ ,పదవులనుబట్టి మల్ల ,సింహ ,భుజబల ,బలయరి సింహా ,శత్రుసాల ,దళ బెహరా  వంటి గౌరవ బిరుదులు పొంది అవే వంశనామాలుగా చేసుకొన్నారు .

  సేనాపతులు

ఫకీర్ మోహన్ పూర్వీకులు మొదట మల్లురు మాత్రమె .వీరు కటక్ జిల్లా కేంద్రపారా ప్రాంతం నుంచి బాలాశోర్ పట్టణ ప్రాంతానికి ,మల్లికాపూర్ ప్రాంతానికి చేరి సేనాపతులయ్యారు .ఫకీర్ పూర్వీకులలో అయిదవ తరం వాడు’’ హనుమల్లు’’ కేంద్ర పారా లో తండ్రి తాత ల కొద్దిపాటి జమీన్ భూములు అనుభవిస్తూ ఉండేవాడు .దురదృష్టవశాత్తు అతడి ఆస్తిపాస్తులు కరిగిపోగా ,యోధుడు కావాల్సి వచ్చింది .శివాజీ తలిదండ్రులు అహ్మద్ నగర సుల్తానుల సేనలలో ఉద్యోగాలు సంపాది౦చు కొన్నట్లు ,హనుమల్లుకూడా ,ఆప్రాంతాలను ఆక్రమించే మరాఠీల వద్ద ఉద్యోగం పొంది శక్తి సామర్ధ్యాలతో ఎదిగి అత్యున్నత స్థాయి పొందాడు  .అతని సేవలకు ప్రీతి చెందిన మరాఠీ గవర్నర్ అతడికి ‘’సేనాపతి ‘’బిరుదునిచ్చి గౌర వించి బెంగాల్ ,ఒరిస్సా సరిహద్దు లో ఉన్న ఒకసైనిక దుర్గం సంపూర్ణ బాధ్యతలు అప్పగించాడు .అతని తర్వాత ఆవంశం వారంతా వరుసగా సేనాపతు లయ్యారు .కానీ వారి ఇళ్ళలో జరిగే వివాహాది కార్యక్రమాలలో మాత్రం ‘’మల్ల ‘’అనే వంశ నామాన్నే వాడుతారు .

  నానమ్మ

మరాఠా ల నుండి బ్రిటిష్ వారు ఒరిస్సాను స్వాధీనం చేసుకోకపూర్వం 1803లో హనుమల్లు కు తర్వాత మూడవ తరం వాడైన కుశామరా ,అతడి ఇద్దరుకొడుకులు  భార్య ను వదిలి తక్కువ వయసులోనే చనిపోయాడు .ఆ వితంతువు పేరే ‘’కుచిలాదే’’.ఈమె ప్రభావం ఫకీర్ మోహన్ పైన ఎక్కువ .ఫకీర్ రచనలలో ఆమె నిస్వార్ధ సేవా పరాయణిగా కనిపిస్తుంది .ఆమె నిరాడంబరత వల్లనే బాలాసోర్ జిల్లాలోని తాతల నాటి ఆస్తులన్నీ కోల్పోయినట్లు ఫకీర్ పేర్కొన్నాడు .కుచిలాదే ఇద్దరు కొడుకులలో పెద్దవాడు పురుషోత్తం. చిన్నవాడు లక్ష్మణ్ చరణ్ .ఇతడి కుమారుడే ఫకీర్ మోహన్ సేనాపతి .కానీ పూరీ యాత్రకు వెళ్లి తిరిగి వస్తూ  భువనేశ్వర్ లో  లక్ష్మణ్ కలరాసోకి చిన్నతనం లోనే చనిపోయాడు . అప్పటికి ఫకీర్ వయసు ఏడాది ,అయిదు నెలలు మాత్రమె .అతని తల్లి తులసీ దే భర్త అకాల మరణం తట్టుకోలేక మంచమెక్కి ,మరో ఏడాదికి చనిపోయింది .బాధ్యత నిస్సహాయురాలైన  వితంతువైన నానమ్మ మీదనే పడింది.

2-అశ్రద్ధ చేయబడిన శిశువు

ఆస్తులన్నీ హారతి కర్పూరమై పోగా ,బీదరికం లో మగ్గుతూ నాయనమ్మ తండ్రిలేని కొడుకులిద్దర్నీ ఎలా పెంచిందో దేవుడికే తెలియాలి .జీవితమంతా వాళ్ళకే ధార పోసి ఉంటుంది .యవ్వనం రాగానే వాళ్లకు పెళ్ళిళ్ళు చేసింది .కోడళ్ళు ఇంట్లో తిరుగుతూ ఉంటె ఆమె మనోవ్యధ కొంత తగ్గి ఉండచ్చు .కానీ ఈ ఆనందం కూడా ఎక్కువ కాలం లేదు ఆమె చిన్న కొడుకు ,కోడలూ కూడా అకస్మాత్తుగా చనిపోయి ఆమెకు భరించరాని శోకం కలిగించారు .అన్నిటికి తట్టుకొని బతికి బట్ట కట్టిన ఈ శిశువు ఫకీర్ మోహన్’’ ఉత్కళ వ్యాసుని’’గా కీర్తి పొందాడు .

  దేవత

‘’మా అమ్మా నాన్న చనిపోయిన ఏడెనిమిదేళ్ళ వరకు నేను రక్త విరేచనాలు ,నీళ్ళ విరేచనాలు ,మూల శంక మొదలైన రోగాలతో ఇరవైనాలుగు గంటలూ బాధ పడేవాడిని .మంచమే నాకు గతి .రాత్రిం బవళ్ళు నాయనమ్మ నా ప్రక్కనే కూర్చుని జాగ్రత్తగా చూస్తూ నన్ను కాపాడింది .అన్నేళ్ళు ఆమె నిద్రాహారాలు మాని మంచం పక్కనే కూర్చుని కంటికి రెప్పలాగా కాపాడి నన్ను బతికించింది ఆమె లేకపోతె నేను లేనే లేను ‘’అని ఆత్మకధ లో రాసుకొన్నాడు ..

  వ్రజ్ మోహన్ –ఫకీర్ మోహన్

  మనవాడి ఆరోగ్యం కోసం మామ్మ గారు మొక్కని దేవీ దేవత లేనే లేరు .కానీ ఫలితం కనిపించలేదు .ఆకాలం లో బాలాసోర్ లోని ముస్లిం ఫకీర్లు ఆర్తుల బాధలు నివారిస్తారనే పేరు బాగా ఉండేది .నిరాశలో ఉన్న బామ్మ మనవడిని ఆ ఫకీర్ లను ఆశ్రయించి తనమనవడిని వారికి  బానిసగా చేస్తానని మొక్కుకొన్నది .ఆతావీజు మహిమో ఏమోకానీ మనవాడి రోగం కుదిరి ఆరోగ్యం చేకూరింది .అప్పటిదాకా ఉన్న వ్రజ్ మోహన్ అనే అసలు పేరును ఫకీర్లకు కృతజ్ఞతగా ఆమె ఫకీర్ మోహన్ అని మార్చేసింది .అయితే ఆమెకు తన మనవడిని పీర్లకు  సమర్పించే దిటవు మాత్రం లేకపోయింది .మొహర్రం పండుగ ఎనిమిది రోజులు మాత్రం అతడిని రంగురంగుల చొక్కాలతో ,టోపీ, చేతికర్ర ,భుజం పై వ్రేలాడే రంగుల సంచి లతో అసలైనముస్లిం ఫకీర్ గా చేసి కొంత సంతృప్తి పడేది బామ్మ.ముఖానికి వీబూది పూసుకొని ఆఫకీరు వేషం తో పొద్దున్నే ఇల్లు వదిలి బయటికి వచ్చి వీధుల్లో తిరిగి సాయంత్రానికి మళ్ళీ ఇల్లు చేరేవాడు .తన జోలె లో పడిన దనం, ధాన్యం తో బామ్మ పీర్లకు పూజా తంత్రాలు చేసి నైవేద్యాలు పెట్టేది ఆ ఎనిమిది రోజులు .

 ఎవరికీ పట్టని బిడ్డ

 తండ్రి చనిపోవటంతో కుటుంబ బాధ్యత పెదతండ్రి పురుషోత్తం మీద పడింది .అతడే మల్ల వంశానికి అప్పుడు పెద్ద .రోగిష్టి మారి తమ్ముడిని సాకటం పురుషోత్తం దంపతులకు ఇష్టం లేకపోయింది .తిరస్కారం తో ఈస డించేవారు .ఈ స్థితిలో చిన్ననాటి చదువు సరిగా సాగలేదు .రోగం కుదిరి తొమ్మిదో ఏడు వచ్చేదాకా అక్షరాభ్యాసమే లేదు .పాతకాలపు వీధిబడిలో చేరి చదువు అయ్యాక పంతులుగారికి ఇంటిపని వంటపని వగైరాలలో సాయం చేసి ,ఇంటికి వచ్చినా పెత్తండ్రి రాతి గుండె కరిగేదికాదు .పంతులు చేతిలో తన పిల్లల్లాగా  ఫకీర్ దెబ్బలు తినటం లేదని బాధ పడేవాడు .పంతులుకు గొడ్డు చాకిరీ చేస్తూ సగం జేతమే ఇవ్వాల్సి వచ్చినా అతడు అదికూడా ఇచ్చేవాడు కాదు .పంతులు కూడా చేసేది లేక ఫకీర్ ను కారణం లేకుండానే ఒక రోజు బెత్తంతో విరగబాది పెత్తండ్రి సంతోషానికి కారకుడయ్యాడు. సాడిస్ట్ పెదనాన్న కు అప్పుడుకానీ ఈగో సంతృప్తిచెందలేదు .ఈ విషయం బామ్మకు తెలిసి ఆఘమేఘాలమీద బడికి వెళ్లి పంతుల్ని మాటలతో ఎడా పెదా వాయి౦ చేసింది  .

  చదువుపై మహా కోరిక ఉన్న ఫకీర్ సాయంకాలాలో మరో పంతులు దగ్గరకు వెళ్లి పర్షియన్ భాషలో నిష్ణాతుడయ్యాడు .దీన్నికూడా సహించలేక పోయారుపెత్తండ్రి దంపతులు. అసూయ బాగా వారిలో పెరిగిపోయింది .వీడిని ఎలాగైనా వదిలి౦చు కోవాలనుకొన్నా కుదరటం లేదు .తమ సంతానాన్ని మిషినరి స్కూళ్ళ  లోచదివిస్తూ ,ఇతడిని గాలికి వదిలేశారు ఆ దౌర్భాగ్యులు .ఆ కర్కోటకులు ఈ పదేళ్ళ పసివాడిని బాలాశోర్ రేవులో కూలివాడిగా కుదిర్చారు .

  సశేషం

మీ –గబ్బిట దుర్గా ప్రసాద్ -17-1-23-ఉయ్యూరు   

Posted in పుస్తకాలు, సమీక్ష | Tagged | Leave a comment

సరస భారతి 170 వ కార్యక్రమ౦గా సామూహిక సత్యనారాయణ వ్రతం

సరస భారతి 170 వ కార్యక్రమ౦గా సామూహిక సత్యనారాయణ వ్రతం

   సరసభారతి 170 వ కార్యక్రమంగా  మాఘ శుద్ధ అష్టమి 29-1-23 ఆది వారం (రధ సప్తమి వెళ్ళిన మర్నాడు )ఉదయం 9గం లకు  శ్రీ సువర్చలా౦జనేయ స్వామి దేవాలయం లో సామూహికంగా ఆవు పిడకలపై ఆవుపాలు పొంగించి పొంగలి తయారు చేయటం జరుగుతుంది .

  ఉదయం 9-30గం .లకు ఉచితంగా సామూహిక సత్యనారాయణ వ్రతం నిర్వహింప బడుతుంది .ఎలాంటి రుసుము  ఎవ్వరూ చెల్లించాల్సిన అవసరం లేదు .పూజా సామగ్రి అనగా  ఒక చిన్న తుండు గుడ్డ ,ఒక జాకెట్ ముక్క ,సత్యనారాయణ ,లక్ష్మీ దేవి ల వెండి విగ్రహాలు ,ఎరుపు ,పసుపు ,తెలుపు , నీలం  మొదలైన రంగు పుష్పాలు ,6కొబ్బరికాయలు ,కర్పూరం అగరు వత్తులు ,దీపారాధన ,నూనె, వత్తులు వగైరా  ఎవరికీ వారే తెచ్చుకోవాలి .ప్రసాదం మాత్రం ఆలయం తరఫున చేయించి అంద జేయబడుతుంది .

  వ్రతం లో పాల్గొను భక్తులు ముందుగా ఆలయ అర్చకస్వామికి తెలియజేసి ,పేర్లను నమోదు చేయించుకోవాలి .

        గబ్బిట దుర్గాప్రసాద్ –ఆలయ ధర్మకర్త ,సరసభారతి అధ్యక్షులు

                   17-1-23-ఉయ్యూరు 

Posted in సరసభారతి ఉయ్యూరు | Tagged | Leave a comment

విజయ విలాసం. 19వ భాగం.17.1.23.

విజయ విలాసం. 19వ భాగం.17.1.23.

Posted in ఫేస్బుక్ | Leave a comment

ఆముక్త మాల్యద సాహిత్య ఆధ్యాత్మిక సమీక్ష. 9వ భాగం.17.1.23

ఆముక్త మాల్యద సాహిత్య ఆధ్యాత్మిక సమీక్ష. 9వ భాగం.17.1.23

Posted in ఫేస్బుక్ | Leave a comment

రామస్వామి శతకం

  రామస్వామి శతకం

నరసింగు పాలెం వాస్తవ్యులు శ్రీ భల్లం పాలన్ రాజు కవి రామస్వామి శతకం రచించి ,ఆగిరిపల్లి వాస్తవ్యులు శ్రీ పొన్నం చలమయ్య ధన సహాయం చేత బెజవాడ శ్రీ వాణీ ముద్రాక్షరశాలలో 1929లో ముద్రించారు .వెల-తెలుపలేదు .’ఆగిరిపల్లి ధామ వర  ’రామా ,తారక బ్రహ్మమా ‘’అనేది శతకం మకుటం .ఆగిరిపల్లి లోని సీతారామ స్వామి పై రచించిన భక్తి శతకం ఇది .

  సూటిగా ఉత్పలమాలలో చలంయ్యగారిని కీర్తించాడు కవి .చలమయ్య గారు స్వామి దయతో ఆగిరిపల్లిలో గుడికట్టి అందులో సీతా  రామస్వామిని ప్రతిష్టించాను .ఆయనపై ఒక కృతి రాయమని కవిని కోరితే ఈశతకం రాశానని చెప్పాడు.తర్వాత చలమయ్య వంశ చరిత్ర 18పద్యాలలో రాశాడు .

  మొదటి శార్దూల పద్యం లో –‘’శ్రీ రమ్యంబగు రూప సద్గుణములన్ చెల్వొందు భూజాత శృ౦ –గారానంద మనప్రియుండ,బుధ సత్కారుణ్య సంధాన ,బల్-ధీర స్వాంత,త్రిలోకపాలక మమున్ దేవా కృపన్ బ్రోవు వి-స్తారం బాగిరిపల్లి వాస వర సీతారామ సద్బ్రహ్మమా ‘’. .తర్వాత శ్రీరామ జన్మకారణం,కౌశికు యాగ రక్షణం , ధరణీ జాత తో కల్యాణం ,రావణ సంహారం ,వాలి వధ చేసి సుగ్రీవునికి రాజ్యం ఇప్పించటం ,గుహుడి అనన్య రామభక్తి ,’’స్వాంతోచ్ఛిష్టములైన పండ్లునిడిన ‘’శబరికి మోక్షమివ్వటం ,,కాననం లో నారాయణ పుణ్య వార్తన కథలు వినటం ,శూర్పణఖ చుప్పనాతి తనం ,పొందిన పరాభవం ,మారీచ మద గర్వం అణచటం ,దుష్ట రావణుడు సీతాదేవిని అపహరించటం వాడితో యుద్ధం చేసి ‘’మర్మ స్థానములన్ చలింప పుడమి పై చేర్చటం ,రామునిపై సద్భక్తి తో ‘’సమీరానందనుడు విద్వాద్విశ్వ రూపం చూపగా ,శక్తినిచ్చి బంటుగా చేసుకోవటం ,’’వారాసిన్ గడు బాణ కోణ శిఖి చే వంచించి బిందోప మాకారం బందగ’’చూపిన భుజపరాక్రమం ,వారధి కట్టినప్పుడు ‘’’’ఉడుత విధ్యుక్త సత్కారమున్ కృపతో గన్గొని ,మోక్షమిచ్చిన దయా గుణం ,అన్నరావణుడికి నీతి చెప్పిన విభీషణుని చేరదీయటం ,’’ముని సంఘంబు  సురల్ ,నరుల్ మనముననన్ మోదంబు సంధిల్లుచున్ ‘’రావణ వధ చేయటం ,సీతను గౌరవంగా చేర్చుకొని  అయోధ్యకు వచ్చి పట్టాభి షేకం జరుపు కోవటం అనే రామకథను వర్ణించాడు కవి .

  ‘’సుగ్రీవా౦గదజాంబవంత హనుమచ్ఛూరుల్   ,సుశేషణాది శౌర్యాగ్రులను ‘’మోదం చెందగా బ్రోచాడు రాముడు .’’నీలాభ్రోపమ,సుందరాంగవిభవా ,నీరేజ పత్రా౦బకా –లాలిత్యంబగు పూర్ణ చంద్ర ముఖ దుర్వారాఘ విధ్వంసకా –భూలోకోన్నతిశౌర్యవర్తన మహాపుణ్య ప్రజానీక స-త్పాతాలాత్మాగిరి పల్లి ధామ వర సీతారామ సద్బ్రహ్మమా ‘’అంటూ చక్కని ధారతో పద్యాలు రాశాడు కవి .’’దుర్మానుష్య మదాంధకార రిపులున్ ,దోషాచరుల్ , దుర్గుణుల్-మర్మాత్ముల్ ,దురిత ప్రవర్తన జడుల్  ,మాయాసుర ద్వేష దు- ష్కరుల’’ను నాశనం చేసి ప్రజలనుకాపాడినవాడు రామప్రభువు.రామ పదాబ్జాలు మనసులో నిలుపుకొని ‘’రామారామా ‘’అంటూ నామోచ్చారం చేస్తే మోక్షమిస్తాడు .’’శ్రీరామా యను మంత్ర రాజము మదిన్ శీతాద్రి సత్పుత్రి హ్రుత్సారంబొప్ప జపించి శాశ్వత మహా సౌఖ్యాలు ‘’పొందింది .వాల్మీకి ధ్యాని౦చి జపించి’’ రామాయణం రాసి సౌఖ్యపదం పొందాడు .’’శ్రీరామార్పణమంటటంచు మది సంశీలంబు సద్భక్తి నింపార ‘’గాదాన ధర్మాలు చేస్తే బ్రోచే టి సకల సద్గుణాభిరాముడు రాముడు .లోకోక్తిని చక్కగా పద్యంలో ఇమిడ్చి చెప్పాడు కవి .

  దానధర్మాలు చేసిన౦త మాత్రాన మోక్షం రాదు రామనామ స్మరణ వల్లనే ముక్తి .’’రామా రాఘవ ,దాస పోషణ గుణా,రాజీవ నేత్రా ,సురా-భీమ ప్రౌఢిధనుర్ధురీణ,భుజ భూభ్రుద్వర్గ సంసేవ్య స-త్కౌమారాశ్రిత కల్ప భూజ వరదా కారుణ్య మౌనీ మనోద్ధామా ‘’అంటూ కండగల పద్యాలు చెప్పగల నేర్పున్నకవి ఎక్కడా ధార కుంటు పడదు .రామబాణ౦ లాగా సాగిపోతుంది మహావేగంగా పద్యం .  ‘’మీ బోటి బల్ సత్తామాత్రు నకంకిత౦బు నిడినన్ సారూప్య సాయుజ్య సంపత్తుల్ గూర్చి ,యఖండ సౌఖ్య పదమున్ సత్కారం ‘’చేస్తావు రామభద్రా అని మహాదానందంగా చెప్పాడు .

చివరి శార్దూలం లో కూడా తనగురించి కవి ఏమీ చెప్పుకోకుండా –

‘’నీవే తల్లివి దండ్రివిన్ ,గురుడవున్ ,నీవే సబంధుండవున్  -నీవే దాతవు,నీతిబోధకుడవున్ ,నీవే మహా దైవమున్ –నీవే తప్ప నితః పరుల్ గలరె నే నిన్నున్ మదిన్ నమ్మితిన్ –దైవాగ్రాగిరిపల్లి  ధామవర ,సీతారామ సద్బ్రహ్మమా ‘’     

  లోకం లోని భక్తీ శతకాలతో సరితూగేశతకం అనిపిస్తుంది ఈ శతకం .భక్తీ తాత్పర్యం రామనామ సంకీర్తనా మాధుర్యం అది అందించే మోక్షం ,సద్గుణ లక్షణాలు కలిగి ఉండమనే ఉద్బోధ ,దుర్మార్గం లో నడిచి పరందాముడికోపానికి లోని సద్గతి చేజార్చుకోవద్దనే హితవు అన్నీ గుది గుచ్చి రాసిన శతకం .కవి కృష్ణా జిల్లా వాడు కావటం ఆనందదాయకం .అందునా శ్రీ శోభనాచలేశ్వరస్వామి వెలసిన ఆగిరిపల్లిలోని సేతారామ స్వామిపై శతకం రాయటం మరీ సంతోషంగా ఉంది ఈ శతకాన్నీ కవినీ పరిచయం చేసిన అదృష్టం నాకు దక్కింది .భక్తీ శతకాలలో అగ్రశ్రేణి శతకాలలో ఒకటిగా నిలిచే శతకం ఇది .

కనుమ పండుగ శుభా కాంక్షలతో

 మీ –గబ్బిట దుర్గా ప్రసాద్ -16-1-23-ఉయ్యూ

Posted in పుస్తకాలు, సమీక్ష | Tagged | Leave a comment

విజయ విలాసం.18వ భాగం.16.1.23.

విజయ విలాసం.18వ భాగం.16.1.23.

Posted in ఫేస్బుక్ | Leave a comment

ఆముక్త మాల్యద సాహిత్య ఆధ్యాత్మిక సమీక్ష.8వ భాగం.16.1.23

ఆముక్త మాల్యద సాహిత్య ఆధ్యాత్మిక సమీక్ష.8వ భాగం.16.1.23

Posted in ఫేస్బుక్ | Leave a comment

అలనాటి అజ్ఞాత ప్రపంచ వాణిజ్య కుబేరులు -16(చివరి భాగం )

అలనాటి అజ్ఞాత ప్రపంచ వాణిజ్య కుబేరులు -16(చివరి భాగం )

16-లీవర్ హ్యూమ్

నిరుపేద లీవర్ హ్యూమ్ ‘’సన్ లైట్ సోప్ ‘’యజమాని అయ్యాడు .చదువులేదు బిరుదులూ రాలేదు .పోటీప్రపంచం లో యాడాదికి 50లక్షల పౌన్ల లాభం పొందిన సబ్బు కుబేరుడయ్యాడు .సరుకు నికార్సుగా తయారు చేసి అమ్మిన లాభమే ఇది ఇందులో షార్ట్ కట్స్ లేవు .ఇతని వ్యాపార రహస్యం ‘’స్పీడ్ ‘’.దివాలా లో ఉన్న కంపెనీలనుకొని లాభమార్గం లో పెట్టేవాడు .సరుకు అమ్మలేము అని భయపడే వాళ్ళంతా  క్యూ కట్టి లీవర్ దగ్గరకు వచ్చి ఏదో అతితక్కువధరకే అతనికి తమ కంపెనీలు అంట గట్టేవారు .అవన్నీ అతడికి బంగారు గుడ్లు పెట్టె బాతులవటం అతడి అదృష్టం.సబ్బుల పరిశ్రమనే నమ్ముకొని ఎదిగి కుబెరుడైనవాడు లీవర్ .సబ్బులకు పనికి వచ్చే కొవ్వు ఎక్కడ నాణ్యంగా తక్కువ ధరకు  వస్తుందో వెతికి తెలుసుకొని అక్కడి నుంచి తెప్పించేవాడు .కొవ్వుకోసం ఆఫ్రికాలో 80లక్షల పౌన్లు పెట్టుబడిపెట్టిన ధైర్యస్తుడు . తను తయారు చేసిన సబ్బు నాణ్యమైనదిగా  శుచి శుభ్రత ఉన్నదానిగా చేసి కస్టమర్లకు గొప్ప నమ్మకం కలిగించాడు .

  తన వర్కర్స్ ను కూడా కంపెనీ భాగస్వామ్యులను చేశాడు .లాభాలను వారికీ పంచిపెట్టాడు .ట్రేడ్ యోనియన్లమాట సోషలిస్ట్ లు చెప్పే మాటలకు విలువనిచ్చేవాడు .ఆతను చనిపోయే నాటికి లీవర్ కంపెనీలో 18వేల భాగస్వామ్యులు ,ఒక లక్ష అరవై వేలమంది షేర్ హోల్డర్స్ ఉన్నారు .సబ్బుల కంపెనీ వలన తన ఇంటికేకాదు రెండు లక్షల గృహాలకు కూడా సుఖం ,రక్షణ కల్పించాడు .అతడి విజయానికి కారణాలు -1-15 షిల్లింగుల ఆర్జనకోసం పది షిల్లింగులు ప్రకటనలకోసం ఖర్చు చేసేవాడు 2-అతడి కంపెనీకి డైరెక్టర్ల బోర్డ్ కాని ,కమిటీలుకని లేకపోవటం..కాన్ఫరెన్స్ లకంటే కార్యాచరణం మీదనే అతనికి నమ్మకం ఎక్కువ .ఎవరిమీదా ఆధారపడకుండా స్వేచ్చగా స్వతంత్రంగా వ్యాపార చేసిన మొనగాడు లీవర్ 3.ఏపని అయినా లార్జ్ స్కేల్ లో చేసేవాడు .తగ్గించటం కుదించటం అతడి డిక్షనరీలో లేనే లేవు .తన వ్యాపార రహస్యాన్ని అతడు ఒకకవి చెప్పిన కవితా సూక్తి గా ‘’నవలగల దానికంటే ,ఎక్కువ ముక్క నమిలెయ్యి ‘’అని చెప్పేవాడు .

  అతడిది ఎప్పుడూ ముందు చూపే .ఇతరులకు గరిక పోచగా కనిపించింది అతడికి అక్షయ వట వృక్షంగా కనిపించేది .

  లీవర్స్ బ్రదర్స్  కంపెనీ వారి ‘’సనలైట్ సబ్బు ‘’బట్టలు ఉతకటానికి అద్భుతంగా పని చేసేది .దీన్నే డిటర్జెంట్ సోప్ అనేవారు .ఇండియాలో హిందూస్తాన్ లీవర్స్ వారు తయారు చేసేవారు .తర్వాత లిక్విడ్ రూపంగా కూడా వచ్చింది

17-శాండర్స్ నార్వేల్

అమెరికాలో జన్మించిన  శాండర్స్ నార్వేల్ పేరు లండన్ ,పారిస్ వర్త క సంఘాల వారికి బాగా పరిచయం .1930లో అతడు రెమింగ్టన్ ఆరన్స్ కంపెనీ అధ్యక్షుడయ్యాడు .చిత్రకళపై ఉన్న అభిరుచితో పారిస్ వెళ్లి నేర్చి దాని అంతు చూద్దామనుకొన్నాడు కాని చేతిలో పైసా కూడా లేదు .పొట్ట పోసుకోవటానికి ఇనుప సామాను అమ్మే కంపెనీలో రవాణా గుమాస్తాగా చేరాడు  .ప్రతిభ చూపి కొద్దికాలం లోనే సేల్స్ మాన్ అయ్యాడు .28వ ఏట సేల్స్ మేనేజర్ అయ్యాడు .ఏడాదికి 2లక్షల పౌన్ల చొప్పున పదేళ్ళు దిగ్విజయంగా  అమ్మకాలు చేసి వృద్ధి చెందాడు .

 వస్తువు అమ్మాలంటే –వినటం చూడటం గుర్తుపెట్టుకోవటం ముఖ్యం అని చెప్పేవాడు .అంటే కొనే వారు చెప్పేది బాగా జాగ్రత్తగా వినాలి ,అలాంటి వస్తువులు తనదగ్గరేవి ఉన్నాయో తెలుసుకోవాలి ,ఆ ఖాతాదార్ల పేర్లు గుర్తు పెట్టుకోవాలి .అతడు ట్రావెలింగ్ ఏజెంట్ గా ఉన్నప్పుడు 75వేల రకాల ఇనప వస్తువుల కేటలాగ్ నుంచి కావాల్సినవి ఎన్నుకొని ,కొని అమ్మాలి .ఆ కేటలాగ్ బరువే 40పౌండ్లు ఉండేది .అంత పెద్ద దాన్ని ఎవరు ఓపికగా చదివి ఆర్డర్ చేస్తారు?అందుకని మొదట్లో మధ్యలో చివర్లో ఉన్నవాటిని గుర్తు పెట్టుకొని ఆర్డర్ ఇచ్చేవాడు .

  ఒక్కో నెలలో ఒక్కో వస్తువును అమ్మటం అతడి ప్రత్యేకత .అంటే ఏడాదికి 12రకాల వస్తువులను అమ్మేవాడు .వచ్చిన లాభాలలో 20శాతం వస్తు ఉత్పత్తి దారులకు ఇవ్వాలి అనేది అతడి నియం ..కొనాలని అనుకోన్నవారికే అమ్మటం అతడు చేసి అభివృద్ధిలోకి వచ్చాడు .పదేళ్ళు సంపాదించి ఇక డబ్బుపై వ్యామోహం చాలు అనుకొన్నాడు .తర్వాత తనకిష్టమైన చిత్రకళపై దృష్టిపెట్టాడు .కొద్దికాలానికే మొహం మొత్తింది .అమెరికాకు వెళ్లి మళ్ళీ వ్యాపారంలో బిజీ అయ్యాడు .

18.జే.ఎం డెంట్.

గ్రేట్ బ్రిటన్ కు పుస్తక ప్రచురణలో పేరు తెచ్చినవాడు .జె.ఎం డెంట్…1897లో ,తన 18వ ఏట లండన్ కు వచ్చాడు డెంట్.చేతిలో అప్పుడు ఎర్రని ఏగాని కూడా లేదు .పుట్టింది డార్లింగ్టన్లో..అతడి పదేళ్ళ వయసులో ఖాతాదార్లకు బాకీలు బాగా పెట్టి తండ్రి వ్యాపారం చితికి పోయింది .పది మంది సంతానం .ఇంతమందిని పోషించాలి కనుక డెంట్ పదవ యేటనే ఉద్యోగం చేయాల్సి వచ్చింది .కుంటి వాడు .చదువులో వెనకబడ్డాడు .సాయం చేయటాని తండ్రి తరఫున తల్లి తరఫునా ఎవ్వరూ లేరు .అతనిలో ఉన్నది పుస్తకాభిలాష ఒక్కటే .

  ఒక బుక్ బైండర్ వద్ద చిన్న ఉద్యోగంలో చేరి ,అక్కడే పని చేసి ,పరిచయాలు పెంచుకొన్నాడు .జార్జి గ్రాంట్ అనే మిత్రుడు .అతడు స్వయంగా బుక్ బైండింగ్ వ్యాపారం చేయటానికి 250పౌన్లు అప్పు ఇచ్చాడు .దానితో బుక్ బైండింగ్ షాప్ ,జె.ఎం.డెంట్ అండ్ సన్స్ పేరుతొ పుస్తక ప్రచురణ వ్యాపారం ప్రారంభించాడు .దురదృష్టం వలన ఆ షాప్ అగ్నికి ఆహుతైంది .ఇన్సూరెన్స్ వలన వచ్చిన డబ్బుతో తనకు అప్పు ఇచ్చిన మిత్రుడికి డబ్బు చెల్లిద్దామని వెడితే ,అతడు తీసుకోకుండా వ్యాపారం కొనసాగించమని సలహా ఇచ్చాడు .

  కొద్దికాలం లోనే డెంట్ పబ్లిషింగ్ కంపెని లండన్ లోనే అతి ముఖ్యమైనది అయింది .ఉత్తమ గ్రంధాలనే ప్రచురించేవాడు .’’ఎవిరీమాన్స్ లైబ్రరి ‘’పేరిట అతడు ప్రచురించిన పుస్తకాలు విశ్వ విఖ్యాతాలయ్యాయి .క్రమగా డబ్బుతోపాటు కీర్తి కూడా పెరిగింది .ప్రముఖ రచయితలతో పరిచయం కలిగింది .ఎనిమిది మంది సంతానానికి తండ్రి అయ్యాడు .అతడికి ఇటలీ అన్నా అభిమానమే. మొదటి ప్రపంచ యుద్ధంలో అతడి ఇద్దరుకొడుకులు వీర మరణం పొందారు .అయినా మనసు స్థిరంగా ఉంచుకొన్నాడు పేదవారికి తక్కువధరలో పుస్తకాలు అందించేవాడు .జీవితమంతా సాహిత్య  కవిత్వ గోష్టుల తో చరితార్దుదయ్యాడు

  డెంట్ 30-8-1849లో పుట్టి ,9-5-1926న 77వ ఏట మరణించాడు .ఎవిరిమాన్స్ లైబ్రరి తో ప్రపంచ ప్రసిద్ధుడయ్యాడు .అతని హాస్య చతురాలైన పరాక్సిజం కు అందరూ ఆకర్షితులయేవారు .పుస్తకాలను ప్రజల దగ్గరకు తెచ్చిన వాడు డెంట్ .మన యువభారతి ఇలాగే ‘’ఇంటింటా స్వంత గ్రంధాలయం ‘’పేరిటా చాలాసేవ చేసింది .ఏ పుస్తకమైనా వెయ్యి కాపీలు వేయటం అతడి ధైర్యం .లాభాలతో కోవెంట్ గార్డెన్ లో కొత్త ఫాక్టరీ, ఆఫీసు కట్టాడు .అతడు ప్రచురించిన వాటిలో –దిపిల్గ్రిమ్స్ రిగ్రేస్ ,అనే సి.ఎస్ లేవిస్ స్వీయ చరిత్ర ముఖ్యమైనది .

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

  సంక్రాంతి శుభా కాంక్షలతో

మీ –గబ్బిట దుర్గా ప్రసాద్ -15-1-23-ఉయ్యూరు   

Posted in పుస్తకాలు, సమీక్ష | Tagged | Leave a comment

విజయ విలాసం. 17 వ భాగం.15.1.23

విజయ విలాసం. 17 వ భాగం.15.1.23

Posted in ఫేస్బుక్ | Leave a comment

ఆముక్త మాల్యద .సాహిత్య ఆధ్యాత్మిక సమీక్ష. 7వ భాగం.15.1.23 గబ్బిట దుర్గా ప్రసాద్ ప్రసారమైన అంశం

ఆముక్త మాల్యద .సాహిత్య ఆధ్యాత్మిక సమీక్ష. 7వ భాగం.15.1.23 గబ్బిట దుర్గా ప్రసాద్ ప్రసారమైన అంశం

Posted in ఫేస్బుక్ | Leave a comment

సంక్రాంతి’ కూష్మాండ దానం 15.01.2023

సంక్రాంతి’ కూష్మాండ దానం 15.01.2023

https://www.youtube.com/post/UgkxyLBGXo41tC9O8C0c3DmsR7Bw4kfoqPpt

https://www.youtube.com/post/UgkxUB5MUwa24GurO4VU00UIvZfESQRZ5PxZ

Posted in సమయం - సందర్భం | Leave a comment

ఆముక్త మాల్యద సాహిత్య ఆధ్యాత్మిక సమీక్ష.6వ భాగం.14.1.23.

ఆముక్త మాల్యద సాహిత్య ఆధ్యాత్మిక సమీక్ష.6వ భాగం.14.1.23..

Posted in ఫేస్బుక్ | Leave a comment

వారణాసి వారి వాల్మీకి రామాయణ రహస్యాలు. 11వ చివరి భాగం.14.1.23. మనం

వారణాసి వారి వాల్మీకి రామాయణ రహస్యాలు. 11వ చివరి భాగం.14.1.23. మనం

Posted in ఫేస్బుక్ | Leave a comment

ఇవాళధనుర్మాసం చివరి రోజు భోగినాడు శాకాంబరీ పూజ 14.01,2023

ఇవాళధనుర్మాసం చివరి రోజు భోగినాడు శాకాంబరీ పూజ 14.01,2023

https://www.youtube.com/post/UgkxAZ7mt1R9zb-zm1kppk1mh23dWNyvAoUD

భోగినాడు హరిదాసు కు సత్కారం

https://www.youtube.com/post/UgkxhAt49zgC5oheCDV_4xtMNjshRa_O-cib

Posted in సమయం - సందర్భం | Leave a comment

తెలుగు భాషకు ఆద్యులు ‘’తెనుగోళ్ళు’’

తెలుగు భాషకు ఆద్యులు ‘’తెనుగోళ్ళు’’

 అంటూ అనేక ప్రాచీన శిలాశాసనాల అధ్యయనం ద్వారా –తెలుగు మూలాల అధ్యన సంఘం ‘’తెలుగు దివ్వె ‘’సంస్థ వ్యవస్థాపక అధ్యక్షుడు శ్రీ పి.వి.ఎల్ ఎం రాజు ,అధ్యక్షురాలు శ్రీమతి పిల్లి లక్ష్మీ తులసి పుస్తకం రాసి డిసెంబర్ 22న ప్రచురించారు .ఈ పుస్తకాన్ని నాకు కిందటి డిసెంబర్ లో జరిగిన ప్రపంచ తెలుగు రచయితల సంఘం సమావేశాల్లో ఎవరో ఇచ్చారు .అందులోని ముఖ్య విషయాలు మీకు అందిస్తున్నాను .

తొలి తెలుగు శాసనాన్ని కలమళ్ళ లో  ప్రతిష్టించిన వాడు ‘’రేనాటి చోళ ఎరికల్ ముత్తురాజు ధనుంజయుడు ‘’ఆయనకే ఈ పుస్తక౦  అంకితమిచ్చారు .తెలుగు అక్షర శిల్పి ముత్తురాజు అని డాక్టర్ వెలగా జోషి అన్నారు .ముత్తురాజు జీవిత చరిత్ర తెలుగు పాఠ్యాంశ౦ గా చేరింది .ముత్తురాజుల నాటి చారిత్రిక అంశాలపై ,ఆనాటి తెలుగు భాషా స్వరూపం పై అధ్యయన  ,పరిశోధనలు జరగాలి . కలమళ్ళ శాసనం ప్రస్తుతం ప్రొద్దుటూరు శ్రీ చెన్న కేశవ స్వామి దేవాలయం లో ఉన్న ఆరు శాసనాలలో ఒకటిగా గుర్తించారు .కందిమళ్ళ ,ఎర్రగుడిపాడు లలో తెలుగులో రాజశాసనాలు వేయించిన తొలి తెలుగు శాసనకర్త రేనాటి చోళమహారాజు నందివర్మ మూడవ కుమారుడు ‘’ఎరికల్ ‘’ముత్తురాజు ధనుంజయుడు .క్రీ.శ 575లో పై రెండు శాసనాలవలన నిజమైన తెలుగు భాషాయుగం మొదలైంది .మొదటి శాసనం కలమళ్ళ,రెండోది ఎర్రగుడిపాడు శాసనం .

  ఎరికల్ అంటే పిడుగు .రేనాటి రాజులకు ఇలాంటివి బిరుదులూ ఉండేవి .ముత్తురాజు అసలు పేరు .ధనుంజయుడు, ఎరికల్ అనేవి బిరుదులూ .రేనాటి చోళుల రాజ్యాన్ని ‘’చు –లి –యే’’అన్నాడు హుయాన్ సాంగ్ .ఆంధ్రప్రదేశ్ ప్రభుత్వం 2020లో 5వ తరగతి తెలుగు వాచకం ‘’తెలుగు తోట ‘’లో ‘’చదువు దా౦ –కలమళ్ళ శాసనం ‘’శీర్షికతో  పాఠ్యాంశ౦ గా చేర్చారు .

  తమిళనాడు లో తంజావూర్ రాజ ధానిగా పాలించినవాడు ధనంజయ ముత్తరాయర్ .ఆంధ్రలో ధనంజయ ముత్తురాజు మనవడు ఎరికల్ ముత్తురాజు పుణ్య కుమారుడు ‘’కనిపిస్తాడు తమిళనాడు పుదుక్కొట జిల్లా తిరుమేయం వద్ద ఉన్న భైరవన్ ఆలయం లోని శాసనం లో కువహన్ ముత్తురాయర్  తమ్ముడు యువరాజు పుణ్య కుమార్ ముత్తురాయర్ గా పేర్కొనబడినాడు .వారిద్దరి విగ్రహాలు శివాలయం లో ద్వారపాలకులుగా రాతి శిల్పాలు చెక్కబడ్డాయి .తమిళ ముత్తరాయర్ల పేర్లు, బిరుదులూ తెలుగువే .తెలుగు ప్రాంతం నుంచి తమిళప్రాంతానికి వలస వెళ్లి ఉంటారు .

  ఆచార్య ఖండవల్లి లక్ష్మీ రంజనం –‘’తెనుగు దేశమున బుట్టి ,తెనుగు దేశమున బెరిగి ,తెనుగు ముత్తురాజులై వెలసి ,తేనే మనస్కులై ,నేడు తెనుగు లంబాయే ‘’అన్నారు కవిత్వం లో .తెనుగు అనే పేరు ఎలా వచ్చింది ?తేన్+అగు =తెనుగు .తేన్ అంటే దక్షిణం .అంటే దక్షిణాది వారు త్రినగాలమధ్యది తెనుగు దేశం .

  మార్కండేయ పురాణం పైఅదారిటి ఉన్న ‘’పర్గీటర్’’-అందులోని ‘’తిలింగా కుంజరీ కచ్చా వాసాశ్చయేజనా-తామ్రపర్ణీత తధాకక్షిరితి కూర్మస్వ దక్షిణ’’లోని తిలింగా అంటే తెలుగు దేశాన్ని సూచిస్తుందని చెప్పాడు .తెలుగు దేశానికి త్రిలింగ దేశం ,వజ్రభూమి ,నాగభూమి ,అంజీర దేశం,వేంగి దేశం మొదలైన పేర్లున్నాయి .

 ప్రాచీన చోళులు ,ముత్తరాయర్ రాజులు ,కోలీలు ఒకే వంశానికి చెందినవారు .ముత్తరాచలే కోలీలు .ముత్తదాఅంటే గ్రామ రక్షకుడు లేక గ్రామాధికారి .వీరే ముదిరాజులు ,ముత్రాసులు అయ్యారు .శ్రీరంగం లోని వేయి స్తంభాల మంటపాన్ని ‘’ముత్తరాసన్ కోరాడు ‘’అంటారు .పళని లో పెద్దమంటపాన్నికూడా ఈ వంశపు రాజులే కట్టించారు .కృష్ణాజిల్లా పెనుగంచిప్రోలు శ్రీ తిరుపతమ్మ దేవాలయం శాశ్వత అర్చకులు ముదిరాజులే .తిరుమలలో శ్రీవారికి నిత్యం అభిషేక జలం అందిస్తున్న ‘’పాపనాశిని ‘’యొక్క ప్రతిరూపం కృష్ణాజిల్లాలో ముదిరాజ్ వంశం లో ‘’పాపమాంబ ‘’గా పుట్టి తిరుపతంబకు సేవలు చేసింది .తిరుపతమ్మ యోగాగ్నిలో దాహి౦ప బడినప్పుడు తనకు సేవలు చేసిన పాపమా౦బతో ‘’నీ సేవలు చిరస్మరణీయం ఆచంద్ర తారార్కం మీ వంశం వృద్ధి చెందుతూ తరతరాలుగా నన్ను అర్చిస్తారు అని చెప్పినమాటలను ‘’అమృత వాణి ‘’అంటారు .

తిరుపతి గ్రామదేవత ముదిరాజుల కులదేవత ‘’అంకాళమ్మ తల్లి ‘’.

  ముదిరాజ పట్టణం మదిరస్సా ,మద్దరాస అనే అపభ్రంశాలు పొంది , చివరికి మదరాసు అయింది .

  ఇలాంటి మ౦చి ఉపయుక్త సమాచార౦ తో ఈపుస్తకం కలర్ పేజీలతో అవసరైన శాసనాలు ,విగ్రహాలతో కను విందు చేస్తుంది .చాలా వ్యయప్రయాసలకు శ్రమకు ఓర్చి  విషయ సేకరణ చేసి ఆధారాలతో ఈ పుస్తకం రాసిన రచయితలకు అభినందనలు .

  మీ –గబ్బిట దుర్గాప్రసాద్ -13-1-23-ఉయ్యూరు–

Posted in పుస్తకాలు, సమీక్ష | Tagged | Leave a comment

అలనాటి అజ్ఞాత ప్రపంచ వాణిజ్య కుబేరులు -14

14-చార్లెస్ ముర్రే

అలనాటి అజ్ఞాత ప్రపంచ వాణిజ్య కుబేరులు -14

14-చార్లెస్ ముర్రే

 అమెరికాలోని డెట్రాయిట్ లో చార్లెస్ ముర్రే ఇన్స్యూరెన్స్ ఏజెంట్ .ఇన్సూరెన్స్ ఏజెంట్ లలో ప్రపంచ రికార్డ్ స్థాపించాడు హేన్రిఫోర్డ్ ఫోర్డ్ మోటార్ రాజుగా సుప్రసిద్ధుడు .ఇద్దరిదీ డెట్రాయిట అవటం విచిత్రం .వరసగా 101రోజులు రోజూ కనీసం ఒక్కరినైనా జీవిత బీమా లో చేర్చిన ఘటికుడు .ఇది వరల్డ్ రికార్డ్ ఇన్సూరెన్స్ చరిత్రలో .కానీ 102వ రోజు ఒక్క పాలసీకూడా అమ్మలేక పోవటం మరో విచిత్రం.

  ఎలా ఇలా పాలసీదార్లను చేర్చగలిగాడు ?అనేది మిలియన్ డాలర్ క్వస్చిన .దానికి అతడు చక్కని వ్యూహ రచన చేశాడు .తనకు అతిదగ్గర బంధువులు మిత్రుల లలో పాలసి తీసుకోగలవారి108 పేర్ల లిస్టు తయారు చేసుకొన్నాడు.తర్వాత వాళ్లకు పాలసి తతీసుకొనే వారి పేర్లను పంపమని ఉత్తరాలు రాశాడు .కొద్దిగా మాత్రమె అది ఉపయోగ పడింది .ఇలా లాభం లేదనుకొని స్వయంగా వాళ్ళను వెళ్లి కలిశాడు .వాళ్ళు పేర్లు సూచించారు .మర్నాడు కలవాల్సిన వారి గురించి ముందు రోజు రాత్రే ఆలోచించుకొని ఎలా వారితో మాట్లాడి ఒప్పించాలో ప్రణాళిక తయారు చేసుకొన్నాడు .ప్రతి గంట సార్ధకమైనదిగా భావించాడు .రోజుకు కనీసం ఎనిమిది గంటలు గరిష్టంగా పన్నెండు గంటలు ఆపనిలో ఉండేవాడు .ఆదివారాలలో సెలవు రోజుల్లో పని చేయకుండా ఉండటం ఒక పాలసిగా పెట్టుకొన్నాడు .

  ఒక రోజు ఉదయాన్నే తనకు పాలుపోసే బకరాను మాటల్లో పడేసి రెండు వందల పౌన్లకు  పాలసి అంటగట్టాడు .’’జీవిత బీమా వ్యాపారం లో ప్రతివాడు కొనుగోలు దారే ‘’అంటే కష్టమరే అనే వాడు .ఒక ఫాక్టరీ మాన్యు ఫాక్చరర్ కు పాలసి అమ్మాలని వెళ్లి ఆయన బిజీగా ఉండటం తో అక్కడి టైపిస్ట్ ను ముగ్గులో దించి పాలసి అమ్మేశాడు .పాలసి దారు కష్ట సుఖాలను ,ఆర్ధిక వనరుల విషయాలను సావకాశంగా వినేవాడు .వారికి లాభసాటి గా ఉన్న తగిన పాలసీ వివరాలు చెప్పి కొనిపించేవాడు .పాలసీదారులు బిజీగా ఉంటె వేరే వారిని కలిసి ఆసమయం వ్యర్ధంకాకుండా పాలసీ ని అమ్మేవాడు .తాను  వస్తే గృహస్తులు భయంతో పారిపోయే సీన్ ఏనాడూ అతడు కలిగించలేదు .అతన్ని నవ్వుతూ ధీమా గా భీమా కొనటానికే ఆహ్వానించేవారు .

  మొదట్లో ముర్రే రైల్వే స్టేషన్ లో  టికెట్లు అమ్మే వాడు. అక్కడ టికెట్లు పెద్దగా తెగేవికాదు .పనిలేక బోర్ కొట్టేది.ట్రేడింగ్ గురించిన పుస్తకాలు చదివి ఖాళీసమయాన్ని భర్తీ చేసుకొంటూ ట్రేడ్ సీక్రెట్స్ తెలుసుకొన్నాడు .తర్వాత లాభ సాటిది భీమా అని నిర్ణయించి ఏజెంట్ అయ్యాడు .రెండేళ్ళు ఇన్స్యూరెన్స్ కు సంబంధించిన పుస్తకాలన్నీ తిరగేసి అందులోని రహస్యాలు గ్రహించాడు .టిక్కెట్ ఇక్కట్లకు బై చెప్పి ఇన్సూరెన్స్ ఏజెంట్ అయ్యాడు .ఇందులో అతడు తన శక్తి సామర్ధ్యాలవలననే గొప్ప విజయం సాధించాడు .వేగంగా సూటిగా భీమా వ్యాపారాన్ని చేసి వరల్డ్ రికార్డ్ సాధించాడు .

15-యం.బీ.స్కాగ్స్

1930 నాటికి  40సంవత్సరాల యం.బీ.స్కాగ్స్,అమెరికా పడమటి భాగం లో  357 అనేక రకాలు అమ్మే దుకాణాలకు అంటే స్టోర్స్ కు యజమాని అయ్యాడు .1929నాటికి వీటన్నిటిలో 56లక్షల పౌన్ల విలువగల సరుకు అమ్మాడు .ఒక్కో కష్టమర్ కు సగటున ఎక్కువ సరకులు అమ్మినవాడుగా ప్రసిద్ధి చెందాడు .అందరు గొప్ప వాళ్లలాగా యితడు పుట్టు దరిద్రుడే .తండ్రి మతగురువు .జీతం అల్పం .12మంది సంతానమున్న బహు కుటుంబీకుడు .

  14ఏళ్ళకే స్కాగ్స్ సొంతంగా డబ్బు సంపాదించటం మొదలు పెట్టాడు .వారానికి ఆరు షెల్లి౦గుల జీతం తో ఒక గ్రోసరిషాప్ లో పనికి చేరాడు .19వ యేటస్వయంగా చిన్న దుకాణం స్వంతంగా ప్రారంభింఛి ఏడేళ్ళు దిగ్విజయంగా నడిపాడు .కొద్ది లాభం తోనే సరుకు అమ్మటంవలన వ్యాపారంలో పెద్దగా పీకింది ఏమీ లేదు .అయినా బతకటానికి ఇబ్బంది లేకుండా గడిచింది .

  తనది ఎడదుగు బొదుగు లేని  గొర్రెకు బెత్తెడు తోక జీవితం  అని గ్రహించాడు .ఎక్కువగా సరుకు అమ్మితేనే గిడుతుంది అని గ్రహించి ,ఒక తోట యజమాని వద్ద ఒక రైల్వే వాగన్ నిండా పీచ్ పళ్ళనుకొని,దానికి చెల్లించాల్సి డబ్బు తన దగ్గర లేకపోవటంతో ఏరోజు కారోజు అమ్మి  బ్యాంక్ చెక్ ద్వారా తోటయజమానికి పంపెట్లు ఒప్పందం కుదుర్చుకొని అమ్మటం ప్రారంభించి మాట నిలుపుకొన్నాడు .దుకాణానికి  సరుకు చేరకముందే తనదగ్గర పీచ్ పళ్ళు ఉన్నాయని కరపత్రాలు ముద్రించి పట్టణం అంతా ప్రచారం చేశాడు .కొట్టుకు చేరటం ఆలస్యం ఆవ్యాగన్ సరుకు నిమిషాలమీద అమ్ముడైపోయి ఆశ్చర్యం కలిగించింది .తోట యమాని  కి పూర్తీ డబ్బు చెల్లించి మరో మూడు వ్యాగన్ల పీచ్ పళ్ళను కొన్నాడు .అమ్మేశాడు .తర్వాత కాబేజిని కూడా ఇలాగే భారీగాకొని అమ్మాడు .ఇండియా రైల్ వ్యాగన్ కంటే అమెరికా రైల్ వ్యాగన్ నాలుగు రెట్లు పెద్దది కనుక అతడు ఎంత సరుకు అమ్మేవాడో ఊహిస్తే గుండె జలదరిస్తుంది .కొద్దికాలానికే వారానికి 600పౌన్ల అమ్మకానికి యజమాని అయ్యాడు .

  ఎక్కువ షాపులు వుంటే ఇంకా  ఎక్కువ అమ్మచ్చు అనుకొని షాపు లను కొనటం మొదలుపెట్టి వ్యాపారం వేగంగా  పెంచాడు .అతడి వ్యాపరరహస్యాం లార్జి స్కేల్ లో సరుకు ఉత్పత్తి దారుల దగ్గరే కారు చౌకగా కొనటం తగినంత లాభంతో అమ్మటం .ఇది బాగా క్లిక్ అయింది .దుకాణం నిండా సరుకు ఉంటె కష్టమర్లు హాపీ ఫీలై వచ్చి కొంటారు అనే గొప్ప నమ్మకం ఆతనిది .అదే పాటించి గ్రోసరీ  కుబేరుడయ్యాడు  .బాక్స్ ల నిండా సరుకు కనపడాలి అప్పుడే కొనే వారికి అట్రాక్షన్ అంటాడు .దుకాణం వెనక తూచటానికి కాటా ఉంటుంది .సరుకును పోట్లాలుకట్టికానీ,సంచుల్లో పోసి కాని అందజేసేవాడు .షాప్ మధ్యలో వివిధరకాలైన సరుకు గుట్టలుగుట్ట లుగా ఉంటుంది .

  తక్కువ ధరకు ఎక్కువ వస్తువులను కొనటం స్కగ్స్ ఖాతాదార్లకు నేర్పాడు .చిల్లర వ్యాపారం అతడి కంటికి ఆనలేదు .కొడితే ఏనుగు  కుంభ స్థలాన్నే  కొట్టాలి అనేరకం .లాట్ లు లాట్లుగా కొనటం లాట్లుగా మ్మటమ తడికి కలిసి వచ్చింది .ఆ షాప్  లోని తాజాసరుకు పరిమళానికి అతడు పొంగిపోఎవాడు .అందుకే 1930 నాటికి 357 షాపుల ఓనర్ అయ్యాడు .అతడి ప్రతిషాప్ లో గంటకు రెండు పౌన్ల కాఫీ పొడి తయారవ్వాల్సిందే .ఆకాఫీ వాసనకు వినియోగదార్లు ఫిదా అయిపోవాల్సిందే .కాఫీపొడి కొని తీసుకొని వెళ్లి మాంచి కాఫీ తాగాల్సిందే. సరుకుల కమకమ్మని సువాసనతో అతడు ఖాతాదార్లను విశేషంగా ఆకర్షించాడు .

  ఇంత వ్యాపారం చేసిన స్కాగ్స్ పెద్దగా చదువుకోలేదు .మేధావికూడా కాదు అతడిది ఉక్కు సంకల్పం .సాధారణ బట్టలే ధరించేవాడు .అతడి టోపీ గుడ్డతో తయారైన మామూలు దే .అతడి విజయానికి అనుసరించి పద్ధతులు –తాను  అమ్మగాలిగిన దానికంటే ఎక్కువ సరుకు కొనటం ,దాన్ని పూర్తిగా అమ్మేయటం ,దుకాణంలో సరుకు లేదు అనే మాట ఉండకుండా చూడటం ,ఒకరకంగా పచ్చి సరుకు వ్యాపారం తో ప్రారంభించి  అపర కుబెరుడైనాడు స్కాగ్స్ .

  అసలుపేరు మెరియన్ బార్టన్ స్కాగ్స్ .5-4-1888లో అమెరికలో పుట్టి 8-5-1976న 88వ ఏట చనిపోయాడు ఇవాల్టి సూపర్ మార్కెట్ కు మార్గదర్శి .సేఫ్ వె స్టోర్స్ అతనివల్లనే ఏర్పడ్డాయి .వీటినే స్కాగ్స్ కాష్ స్టోర్స్ అంటారు .వాల్ స్ట్రీట్ కు ఎక్సిక్యూటివ్ అయ్యాడు .

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

Posted in పుస్తకాలు, సమీక్ష | Tagged | Leave a comment

ఆముక్త మాల్యద సాహిత్య ఆధ్యాత్మిక సమీక్ష. 5వ భాగం.13.1.23

ఆముక్త మాల్యద సాహిత్య ఆధ్యాత్మిక సమీక్ష. 5వ భాగం.13.1.23

Posted in ఫేస్బుక్ | Leave a comment

వారణాసి వారి వాల్మీకి రామాయణ రహస్యాలు.10వ భాగం.13.1.23.

వారణాసి వారి వాల్మీకి రామాయణ రహస్యాలు.10వ భాగం.13.1.23. వారణాసి వారి వాల్మీకి రామాయణ రహస్యాలు.10వ భాగం.13.1.23.

Posted in ఫేస్బుక్ | Leave a comment

సరస భారతి 169 వ కార్య క్రమం గా త్యాగరాజ 175వ ఆరాధన ఉత్సవం

సరస భారతి 169 వ కార్య క్రమం గా త్యాగరాజ 175వ ఆరాధన ఉత్సవం

https://www.youtube.com/post/UgkxsOB0AQrdJj_rGL8eaNxEakVtP4fBnzaq

https://www.youtube.com/post/Ugkx_M38vSc0xVAAzabH43KzLcl8WI5PjeS4

Posted in సరసభారతి ఉయ్యూరు | Tagged | Leave a comment

అలనాటి అజ్ఞాత ప్రపంచ వాణిజ్య కుబేరులు -13

13-టిమోతి ఈటన్

అలనాటి అజ్ఞాత ప్రపంచ వాణిజ్య కుబేరులు -13

13-టిమోతి ఈటన్

 బ్రిటిష్ కామన్ వెల్త్ రాజధాని లండన్ .కెనడా కామన్ వెల్త్ దేశం .రాజధానిలో కాకుండా కెనడా లో ఉన్న కిరాణాషాప్ కామన్ వెల్త్ దేశాలలో ఉన్న అన్ని షాపులకంటే అతిపెద్దది దాని ఓనర్ టిమోతి  ఈటన్..అతని హెడ్ ఆఫీసులు టోరెంటో,విన్నీ పెగ్ నగరాలలో 62 ఎకరాలలో ఉన్నాయి .అందులో పని చేసే ప్రతి మేనేజర్ డైరెక్టర్ అభిమానపూర్వకంగా నియమింపబడిన వారే .తెలివి తేటలతో ఎదిగి పైకొచ్చిన వారు .

   ఈటన్ పుట్టిపెరిగింది అల్ష్టర్ లో .దాన్ని వదిలి టోరెంటో వెళ్లి 1869లో మొదటి దుకాణం పెట్టాడు .పెట్టిన వేళా విశేషం మంచిదవటం తో  ఇక వెనక్కి తిరిగి చూడాల్సిన పని లేకపోయింది .వినియోగదారులకు వస్తువు నచ్చక పొతే డబ్బు వాపస్ ఇచ్చేవాడు .ఒకటే ధర .బేరం లేదు .కాష్ కే అమ్మేవాడు .అప్పు లేదు .కొనమనిని ఎవర్నీ బతిమిలాడటం లేదు .వస్తువు గుణాలను హైపర్ చేసి అమ్మకూడదు అనే నియమాలు పెట్టుకొని వ్యాపారం చేసి ఆకర్షించాడు .ఇవాళ సామ్స్,వాల్ మార్ట్, కే మార్ట్ ,జేసిపెన్నీ మొదలైనవి అనుసరిస్తున్న నియమాలు ఆనాడే ఈటన్ అమలు చేశాడు .మిగిలిన వర్తకులు అతడు స్వప్నాలలో విహరిస్తాడని ఎద్దేవా చేసేవారు .ప్రజ్ఞాశాలి అవటంతో ప్రతివారం ఏదోఒక కొత్త దనాన్ని ఆలోచించి ఆచరణలో పెట్టేవాడు .

  ఖాతాదారులను మాటలతో మోసం చేస్తే ఊరుకొనేవాడు కాదు .ఒకసారి .తన సేల్స్ మాన్ ఒక బట్టను గురించి ఖాతాదారుకి  అది పూర్తిగా ఊలు తో నేసింది అని చెబుతుండగా విని వెంటనే ‘’కాదు అందులో సగమే ఊలు మిగిలింది కాటన్ ‘’అని నిజాయితీగా చెప్పాడు .ప్రకటనలు రాసేవాడు ఆవస్తువుల్ని నిశితంగా పరీక్షించి నిజాలు మాత్రమె రాయాలని సుగ్రీవాజ్న గా చెప్పేవాడు .ఏది ప్రకటించినా ఎక్కడా అతి ఉండరాదు అనే నియమం పాటించాడు .ఆ షాప్ లో ఒక రిసెర్చ్ సెల్ కూడా ఏర్పాటు చేశాడు .వస్తువులను క్షుణ్ణంగా పరిశీలించి లోపాలు చెప్పటం దాని పని .పరిశోధకశాఖ వారే కాక ఈటన్ కూడా అప్పుడప్పుడు పరిశోధించేవాడు .తప్పు చీటీ అంటిస్తే పీకేసి సరైనది  అంటింవాడు .వస్తువు నిజస్వరూపమే ప్రదర్శించాలి,అందర్నీ న్యాయంగా సంతృప్తి పరచాలి  అనేది అతడి వ్యాపార సిద్ధాంతం.

  ఒక సారి ఒక బ్రాంచ్ షాప్ లోతప్పుడు వాల్ పోస్టర్లు అంటించ గా అతడు గమనించి వెంటనే పీకేయించి సరైనవి  అంటించేట్లు  చేశాడు .సూపర్ వైజింగ్ లో అతడివి డేగ కళ్ళు .ఇలాంటి తప్పులు సరి చేయటానికి ఎంతడబ్బు ఖర్చు అయినా వెనక్కి తగ్గేవాడుకాడు .నాణ్యత విషయం లో రాజీ లేనే లేదు .ఈ షాప్ కు అనుబంధంగా ఒక హోటల్ నడిపాడు ఈటన్.రోజుకు అయిదువందలమందికి పైనే అందులో భోజనం చేసేవారు.ఇక్కడా శుచి శుభ్రత నాణ్యత లేక్ ప్రాధాన్యం ..ప్రతి  ఏడాది 600పేజీల కేటలాగ్ ముద్రించేవాడు .అనేక బట్టలమిల్లులకు అతడు యజమాని .రెడీమేడ్ వస్త్రాల ఫాక్టరీలు కుట్టుపని దారం ,ఎంబ్రాయిడరీ ,కకొయ్యసామాను ,వాసన ద్రవ్యాలు ,మందులు ,స్కూల్ బుక్స్ ,సబ్బుల తయారీ ఫాక్టరీలు కూడా అతనికి ఉన్నాయి .

  నికార్సైన వస్తు ఉత్పత్తికోసమే ఫాక్టరీ పెట్టేవాడు .నాణ్యమైన సరుకు తయారు చేసి అమ్మాలి అనేదే అతడి ధ్యేయం .తృప్తి అనేది కొనేవాడికి, అమ్మేవాడికి ఉండాలని ఆరాట పడేవాడు .రొక్కానికి అమ్మటమేకాక అరువుకు కొనాలంటే ఖాతాదారు అతని షాపులో కొంత డబ్బు పెట్టుబడి పెట్టాలి .దానికి న్యాయమైన వడ్డీ ఇచ్చేవాడు .ఇన్ని రకాలైన వ్యాపారాలను  18మంది సభ్యులు కల సలహా సంఘం పర్యవేక్షిస్తుంది  కంపెనీ మేనేజర్లు బాలట్ పద్ధతిలో ఈ సలహా సంఘ సభ్యులని ఎన్నుకొంటారు .ఈసంఘం నెలకు రెండు సార్లు సమావేశం జరుపుతుంది .సలహాలివ్వటమే దీనిపని. వాటిని డైరెక్టర్ తీసుకొని అమలయెట్లు చూస్తాడు .ఈటన్ 1907లో చనిపోయాడు .

  ఈటన్ 1834మార్చి లో ఉత్తర ఐర్లాండ్ లో పుట్టి ,31-1-1907లో 73వ ఏటచనిపోయాడు .20వ ఏట అక్కడి నుండి కెనడాలోని ఒంటారియో కి వచ్చి స్థిరపడ్డాడు .మెయిల్ ఆర్డర్ ,కేటలాగ్ లను మొట్టమొదట ప్రవేశ పెట్టినవాడు ఇతడే .రెండవ ప్రపంచ యుద్ధకాలం లో ఈటన్ కంపెని లిమిటెడ్ లో 70వేలకు పైగా ఉద్యోగులున్నారు .డిపార్ట్ మెంటల్ స్టోర్ కు ఆద్యుడు కాకపోయినా ,మొదటి రిటైలర్ కాకపోయినా కెనడాలో రిటైలింగ్ బిజినెస్ లో  రివల్యూషన్ తెచ్చాడు .కెనడాలోని  సర్కచేవాన్ నగరానికి అతని స్మృత్యర్ధం ఇటోనియా అని పేరు పెట్టారు .అలాగే టిమోతి ఈటన్ బిజినెస్ అండ్ టెక్నికల్ ఇన్ ష్టి ట్యూట్ వంటికి అతనిపేర వెలిశాయి .

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

సశేషం

త్యాగరాజ ఆరాధనోత్సవ శుభా కాంక్షలతో

మీ –గబ్బిట దుర్గా ప్రసాద్ -12-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

ఆముక్త మాల్యద సాహిత్య ఆధ్యాత్మిక సమీక్ష. 4వ భాగం.12.1.23.

ఆముక్త మాల్యద సాహిత్య ఆధ్యాత్మిక సమీక్ష. 4వ భాగం.12.1.23.

Posted in ఫేస్బుక్ | Leave a comment

వారణాసి వారి వాల్మీకి రామాయణ రహస్యాలు. 9వ భాగం.12.1.23.

వారణాసి వారి వాల్మీకి రామాయణ రహస్యాలు. 9వ భాగం.12.1.23.

Posted in ఫేస్బుక్ | Leave a comment

’పద్య తేకువ ‘’గల కవి డా. టేకుమళ్ళ ఖండకావ్యం

’పద్య తేకువ ‘’గల కవి డా. టేకుమళ్ళ ఖండకావ్యం
డా టేకుమళ్ళ వెంకటప్పయ్య నాకు మంచి మిత్రులు .రాజమండ్రిలో నాకు విహంగ వెబ్ మహిళా మాసపత్రిక వారు పురస్కారం అందించినప్పుడు పరిచయమయ్యారు .ఆయనతోపాటే శ్రీ గౌరి నాయుడుకూడా .టేకుమళ్ళ వారి పరిచయం క్రమ౦గా వర్ధిల్లింది .సరసభారతి కవిసమ్మేళనాలలో,కృష్ణా జిల్లా రచయితల సంఘ సమావేశాల్లో ,శ్రీసువర్చలాన్జనేయస్వామి దేవాలయంలో జరిపే సంగీత సద్గురు త్యాగ రాజస్వామి ఆరాధనలలో  ఈ సాహితీ బంధం మరింత బలపడింది .పొట్టిగా ,అమాయకంగా కనిపించే ఆయన ఒక విద్యార్ధి అనుకొన్నా .రెండేళ్ళ క్రితమే తెలిసింది ఆయన డాక్టరేట్ అని ,బహు గ్రంథ  కర్త అనీ  .అప్పటిదాకా ‘’ఏమయ్యా’’ అని పిలిచినవాడిని సిగ్గు తెచ్చుకొని’’ ఏమండీ’’అని గౌరవంగా స౦బోధిస్తున్నాను ..వారి శ్రీమతి శ్రీమతి చిదంబరి గారు గొప్పసంగీత విదుషీ మణి.మా త్యాగరాజ స్వామి ఆరాధన ఉత్సవాలలో పాల్గొని పంచ రత్నకీర్తనలను  అన్నమయ్య పదాలను  శ్రావ్యంగా గానం చేసి అలరిస్తారు. ఆజంట ‘’సాహిత్య సంగీత  జంటస్వరం’’ .
  ఈ మధ్య టేకుమళ్ళ కవి నాకు వారు రాసిన  కొన్ని పుస్తకాలు ఇచ్చారు .వాటి జోలికి ఇప్పటిదాకా పోలేదు .ఇప్పుడు కంటికి ఆయన ఖండకావ్యం ‘’సామాజిక సమస్యలు ‘’కనిపించింది .దానిపై స్పందించే ప్రయత్నం చేస్తున్నాను .కంటి నుంచి కన్నీరు కారుతున్న అర్ధవంతమైన ముఖ చిత్రం ,వెనుక ఈ కావ్యంపై సర్వశ్రీ బేతవోలు ,చక్రాల ,పాలపర్తి ,పూర్ణచంద్ ల అభిప్రాయాలు అందంగా కూర్చారు .ఇందులో అష్టాదశ  శీర్షికలున్నాయి కాదు కాదు సమస్యలున్నాయి .ఈపుస్తకం 2017 డిసెంబర్ లో వెలువడింది .ప్రతి శీర్షిక లో ఆసమస్యపై  ఉపోద్ఘాతం కూడా రాశారు కవి .చక్రాలవారు మా సరసభారతి పురస్కారం గ్రహించినప్పుడు వెంకటప్పయ్యగారు మాఇంటికి వచ్చి వారితో పరిచయం పెంచుకొని పద్య మెళకువలు అన్నీ తెలుసుకొన్నానని వినయంగా నాతో అన్నారు .
మొదటిది –కార్మిక సంక్షేమం –మా దేశం లో ఫాక్టరీలు పెట్టండి అని ప్రాధేయ పడి పెట్టించే ప్రభుత్వాలు కార్మిక సంక్షేమం పై శ్రద్ధ పెట్టటం లేదని కవి బాధపడ్డారు ‘’-నేత లందరి లక్ష్యమ్ము మేతకాగ –దేశమేగతి కేగునో తెలియరాదు ‘’అన్నారు .హక్కులున్నాయి లొంగకు అని హితవు చెప్పారు కార్మికులకు .కృషికి ఫలితం తప్పక దక్కుతుంది .’’కృషి యే రక్ష’’అని  భరోసా ఇచ్చారు .తర్వాత జలవనరుల గురించి చెబుతూ ‘’జలము వ్యర్ధంబు జేయంగ జాతి నలిగి-కష్టనష్టముల పాలగు కరవు హెచ్చు ‘’అని ప్రబోధించారు .వృద్ధాప్యం లో తల్లి కొడుకు కోసం ఎదురు చూస్తూ కొడుకు జపమేచేస్తూ ,చివరికి డాలర్ మత్తు లో ఉన్న కొడుకుసమయానికి రాక కట్టే  గా మారి పొతే ,కడ చూపుకు  దక్కక ,ఊరి జనం ఆమె కొంగున దాచిన డబ్బు ఇవ్వగా కుప్పకూలాడు వాడు –‘’కోట్లకు లభించునే తల్లి దీవెనల్ ‘’అన్నారు కవి .అన్నదాత ఆత్మహత్యలు చేసుకొంటే ‘’భావితరపు జనుల బ్రతుకు లుడుగు ‘’అని ఏలినవారిని నిలదీశారు.యుక్త వయసులో ఉక్తంకాని నిర్ణయాలతో పెళ్ళిళ్ళు చేసుకొని ,చిక్కుల వలయాలలో చిక్కి చిన్న గొడవలే పెద్ద గాలివానలై కాపురాలు కూలి పోతున్నాయి ఇప్పుడు .ఎవరిపంతం వారిది –‘’మిన్నగు దారిలో మిగుల మెలగు తీరున సర్ది చెప్పరే ‘’అని పెద్దలకు సూచించారు .యువత చెడు అలవాట్లకు బానిసలై భవిష్యత్తు పోగొట్టుకొంటున్నారు .దీనితో జాతి నిర్వీర్యమౌతోంది –‘’భారత ఖండంపు పరువంత భంగ మవదా?అని ప్రశ్నించారు .
  సమాజ శ్రేయస్సే తన కర్తవ్యమ్ అన్నారు ‘’చిన్ననా మనసు చిగురించు    వేళలో –చెత్త నాటదగదు చిత్తమందు –పరుల కష్టమందు బాగును గొరెడు –బుద్ధి నేర్పవలయు ‘’అని పెద్దలకూ సుద్దులు చెప్పారు .తెలుగు పరిరక్షణచేయమని యువతను ఉద్బోధించారు .బుల్లి తెరకు సెన్సారు బోర్డ్ లేదు ‘’అందుకేదేశ సంస్కృతితిక్లేశం చెందుతోంది ‘’అని మాధనపడ్డారు .భారత ఖండం అంటే భాగ్యాలమూట.చీర సొగసు చూడ తరమా అని మెచ్చి ‘’చీర కురి పోసి యుసురును చెడి వదలు ‘’ అనీ అభాగ్య చావుకు నిట్టూర్చారు .జడ అల్లటం నేర్పు .-జడ యల్లినయపుడే దాని ‘’జాణ’’ న సబబౌ ‘’అన్నారు .ధనుర్మాస విశిష్టపై పద్యాలు రాసి మనకవి ప్రథమ బహుమతి పొందిన పద్యాలూ ఇందులో శోభతో చోటు చేసుకొన్నాయి .పోలవరం –పుణ్య వరం అంటూ ‘’నదుల సంధాన కర్తగా నాందిపలికి –
  భరత ఖండంబు నెల్లను భవ్యరీతి –కొత్త పుంతలు ద్రొక్కించె గూర్మి మీర –పోలవరమేను మనకెల్ల పుణ్యవరము ‘’.ఒకే అక్షరం గురువుగా ఉండే ‘’వ్యాసేంద్ర ఛందస్సులో వ్యాస వైభవం వర్ణించారు .చివరగా వివేకాన౦దుడు యువతకు చేసిన కర్తవ్య బోధను తెలియజేస్తూ –‘’మాత పితల సేవె మహితాన్వితంబని –చాటి చెప్పవలయు జగతి యందు –ధనము కన్న ఘనము తల్లిదండ్రులనుచు –విశద పరచ  వలయు విశ్వ మెల్ల ‘’అని అర్ధవంతంగా ఖండకావ్యాన్ని  ముగించారు .
పద్యాలు  ధారాపాతంగా ప్రవహించాయి .ఆలోచనామృతాన్ని పంచాయి .కంద గలపద్యకవిత్వంతో ఈ ఖండకావ్యం కలకండ కావ్యమైంది .
  మీ –గబ్బిట దుర్గా ప్రసాద్ -11-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

-శ్రీ సువర్చలాంజ నేయ స్వామి దేవాలయం లో సంగీత సద్గురు శ్రీ త్యాగరాజస్వామి ఆరాధనోత్సవం

-శ్రీ సువర్చలాంజ నేయ స్వామి దేవాలయం లో సంగీత సద్గురు శ్రీ త్యాగరాజస్వామి ఆరాధనోత్సవం

సరసభారతి 169వ కార్యక్రమ౦గా 12-1-2023 పుష్యబహుళ పంచమి గురు వారం సంగీత సద్గురు శ్రీ త్యాగరాజస్వామి వారి 175 వ ఆరాధనోత్సవం నిర్వహింప బడును .సంగీత సాహిత్యాభిమానులు విచ్చేసి జయప్రదం చేయ ప్రార్ధన .

కార్యక్రమం

12-1-22 –గురు వారం సాయంత్రం -6గం .లకు త్యాగరాజస్వామి పటానికి అష్టోత్తర పూజ

సాయంత్రం 6-30 కు డా .టేకుమళ్ళ వెంకటప్పయ్య-నెల్లూరు గారిచే –‘’త్యాగరాజు గారి ‘’రామ భక్తి సామ్రాజ్యం ‘’ –ప్రసంగం .

సాయంత్రం 7 గం .లకు –త్యాగరాజస్వామి పంచరత్న కీర్తనలు గానం

పాల్గొను వారు –1-శ్రీమతి జోశ్యుల శ్యామలాదేవి –సరస భారతి గౌరవాధ్యక్షులు

2-శ్రీమతి టేకుమళ్ళ చిదంబరి –ప్రముఖ సంగీత విద్వా౦సు రాలు ,ఎ గ్రేడ్ రేడియో, టివి ఆర్టిస్ట్-నెల్లూరు

3-శ్రీ రొయ్యూరు సురేష్ –సంగీత విద్వాంసులు, వ్యాఖ్యాత –విజయవాడ

4-శ్రీమతి గూడ మాధవి –సంగీత౦ టీచర్ –ఉయ్యూరు

5- శ్రీమతి పి.పద్మజ –ఔత్సాహికగాయని –ఉయ్యూరు

6-శ్రీమతి సీతంరాజు మల్లిక –ఔత్సాహిక గాయని –ఉయ్యూరు

7-కుమారి నాగ వెంకట అమృత వర్షిణి –వర్ధమాన గాయని-ఉయ్యూరు

8-శ్రీమతి మాదిరాజు శివలక్ష్మి –సరసభారతి –కార్యదర్శి

మొదలైనవారు

సంక్రాంతి శుభా కాంక్షలతో

గబ్బిట దుర్గాప్రసాద్ –సరసభారతి అధ్యక్షులు -11-1-2023

Posted in సరసభారతి ఉయ్యూరు | Tagged | Leave a comment

అలనాటి అజ్ఞాత ప్రపంచ వాణిజ్య కుబేరులు -12

12- ఫ్రాంక్ మెక్ విల్లీ

అలనాటి అజ్ఞాత ప్రపంచ వాణిజ్య కుబేరులు -12

12- ఫ్రాంక్ మెక్ విల్లీ

చిల్లరగా చెప్పులు అమ్మి లక్షలు సంపాదించిన వాడు ఫ్రాంక్ మెక్ విల్లీ .అమెరికాలో 250 చెప్పుల దుకాణాలకు యజమాని .స్కాట్ లాండ్ దేశస్తుడు గట్టి శరీరం .పొడుగ్గా ఉంటాడు 1930లో 70ఏళ్ళు నిండినా ఇ౦కా ఆరొగ్య౦గా బలంగా దృఢంగా ఉన్నాడు .అత్యంత దరిద్ర కుటుంబం లో పుట్టాడు. అతడికి ఎవ్వరూ సహాయం చేయలేదు .జీవితం లో మూడో వంతు దరిద్రుడుగానే బతికాడు .12ఏళ్ళ వయసులో ఒక లాయర్ ఆఫీస్ లో వారానికి 12 షిల్లింగుల జీతం తో గుమాస్తాగా చేరాడు .పొట్టగడవటానికి అది చాలక ,ఒక టోపీల షాప్ లో కూడా పని చేశాడు .వారం జీతం అ౦టేఅసహ్య౦ పుట్టి ,పనికి ఇంత అయితే బాగుంటుంది (కాంట్రాక్ట్ పధ్ధతి )అనిపించి కష్టపడి పని చేసి వారానికి 8పౌన్లు సంపాదించాడు .

   కొంత డబ్బు సమకూడ గానే స్వంతంగా వ్యాపారం ప్రారంభించాడు .మొదట గుడ్ల వ్యాపారం, తర్వాత పడమరకు వెళ్లి పశువుల వ్యాపారం చేశాడు .కానీ మనసులో ఎప్పుడూ చెప్పుల జోళ్ళే  మెదిలేవి .అతని కోరిక తీరి ఒక చెప్పుల కంపెనీలో అకౌంటెంట్ గా ఉద్యోగం వచ్చింది .అప్పుడు చెప్పులు తయారు చెయటానికి ఎంతఖర్చవుతుందీ,అమ్మితే వచ్చే లాభం ఎంత అని బాగా గ్రహించాడు .తర్వాత జొళ్ళ కంపెనీ ఏజెంట్ అయి ఊరూరూ తిరిగి అమ్మేవాడు .ఈ వ్యాపారం లో రహస్యాలు గుట్టు మట్టులు అన్నీ గరహించాడు  .

  స్వంతంగా జోళ్ళ షాపు పెట్టాలని నిర్ణయించి 34వ ఏట యజమాని వద్ద రెండు వేల పౌన్లు అప్పుచేసి చెప్పుల షాప్ పెట్టాడు .అదే అతని 250దుకాణాలకు నాంది అయింది .మొదటి షాప్ ను అందంగా అమరికగా డాబు గా ఏర్పాటు చేసి కష్టమర్లను విశేషంగా ఆకర్షించాడు .షాప్ ముందు భాగం లో పెద్ద పెద్దఅద్దాలు,ఐమూలలుగా ఏర్పరచి ,ఏమూల నుంచి చూసినా షూస్ స్పష్టంగా కనిపించేట్లు చేశాడు .ఈ షాప్ బాగా క్లిక్ అవగా మరో నాలుగు షాపులు తెరిచాడు .తర్వాత 250షాపులు స్థాపించాడు అన్ని షాపులలో మగవారి చెప్పులు బూట్లు మాత్రమె అమ్మటం మరో విశేషం .

  అతడి షాపులు మూడు రకాలు .మొదటిరకం లో చాలా విలువగల వాటిని అమ్మేవాడు .రెండవరకం లో మధ్యరకం రేట్ల జోళ్ళు అమ్మేవాడు .మూడవ రకం షాపులలో పేదలకు అందుబాటులో ఉండే రేటు 16 షిల్లింగుల జోళ్ళు అమ్మేవాడు .1928నాటికి అన్ని దుకాణాల లో మొత్తమ 40లక్షల పౌన్ల జోళ్ళు అమ్మి రికార్డ్ సృష్టించాడు .అతడి చెప్పుల రిపేర్ షాప్ ప్రపంచం లోని అన్ని రిపేర్ షాపులకంటే అతి పెద్దది .ఒక రకంగా అదొక ఫాక్టరీ అనచ్చు .రిపేర్ లకు పెద్దగా డబ్బు తీసుకొనే వాడు కాదు.కష్టమర్ శాటిస్ఫాక్షన్ అనేదే ముఖ్యం .

  మేనేజర్లకు  మెక్ విల్లీయే స్వయం గా ట్రెయినింగ్ ఇచ్చేవాడు .వాళ్ళతో కలిసి పని చేస్తూ ఉత్సాహపరచేవాడు .చెప్పులు కుట్టటం లో తన నైపుణ్యాన్ని వారికి కుట్టి చూపి తెలియజేసేవాడు .షూ బాక్స్ లను అతడు తెరవ గలిగినంతతేలికగా ఎవరూ తెరవ  గలిగే వారు కాదు. అతడి లాఘవం అంత గొప్పది .ప్రతి శనివారం పని వారితో భేటీ అయి సలహాలిస్తూ వారిని కంపెనీలో భాగస్వాములే అనే భావాన్ని హృదయాలలో నాటే వాడు .మేనేజర్లకు తరచుగా విందులు ఇచ్చేవాడు .హెన్రి షాపు లోని జోడు అంటే ఇక వెనక్కి తెరిగి చూసుకోనక్కర్లేదు అనే నమ్మకం కలిగించాడు నాణ్యత కు ప్రాదాన్యమిచ్చాడు .’’నమ్మకమే వ్యాపారానికి మూలం .షాప్ యజమాని మంచితనమే వ్యాపార విజయానికి మూల సూత్రం ‘’అని బోధించేవాడు ‘ప్రపంచ చిల్లర జోళ్ళ వర్తకులలో హెన్రి మాక్ విల్లి అద్వితీయుడు .ఎంత డబ్బు సంపాదించాడో లెక్కే లేదు .అందులో ప్రతి షిల్లింగ్ న్యాయంగా సంపాది౦చిందే .నిజంగా అతడు ‘’షూ కింగ్ ‘’

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

సశేషం

మీ –గబ్బిట దుర్గాప్రసాద్ -11-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

ఆముక్త మాల్యద సాహిత్య ఆధ్యాత్మిక సమీక్ష. 3వ భాగం.11.1.23.

ఆముక్త మాల్యద సాహిత్య ఆధ్యాత్మిక సమీక్ష. 3వ భాగం.11.1.23.

Posted in రచనలు | Leave a comment

వారణాసి వారి వాల్మీకి రామాయణ రహస్యాలు.8వ భాగం.11.1.23

వారణాసి వారి వాల్మీకి రామాయణ రహస్యాలు.8వ భాగం.11.1.23

Posted in ఫేస్బుక్ | Leave a comment

సోమేపల్లి వారి రెండో తరం కవి’’ వశిష్ట’’ విశిష్ట కవితా పత్రాలే ‘’ఆకురాలిన చప్పుళ్లు’’

సోమేపల్లి వారి రెండో తరం కవి’’ వశిష్ట’’ విశిష్ట కవితా పత్రాలే ‘’ఆకురాలిన చప్పుళ్లు’’

 శ్రీ సోమేపల్లి వెంకటసుబ్బయ్యగారు ఆంధ్రప్రదేశ్ రచయితల సంఘం అధ్యక్షులు కవి విమర్శకులు వితరణ శీలి ,యువకవులకు వెన్నుదన్ను ,కథకులకు కొంగు బంగారం .వారి కుమారుడే ఈ వశిష్ట .అయిదేళ్లనుంచి కవితా వ్యవసాయం చేసి ఆపంటను ఇప్పుడు ‘’ఆకు రాలిన చప్పుడు ‘’కవితాసంపుటిగా వెలువరించాడు .తండ్రికి తగ్గ తనయుడనీ అనిపించుకొన్నాడు .ఈ కవితలు కొన్ని  వెబ్ పత్రికలలో,వార్తా మొదలైన పత్రికలలో  ప్రచురితాలు .ఇది 42కవితల దొంతర .అందులో ‘’స్వ ‘’లు రెండు .ఇంగువ కట్టిన గుడ్డ కనుక కవితా పరిమళం చక్కగా గుబాళించింది .

  కవితలలో పదాల పోహలింపు పసందుగా ఉంది .అతనిది అసంబద్ధ అంతర్ముఖం ,సందర్భ బహిర్ముఖం అనిత్య వేదనం నిత్య సంఘర్శణ౦ .ఇప్పటికి మట్టి ముద్ద.కాలం జరిగాక తవ్వి చూస్తె –శిలగా మిగులుతానో –శిల్పమై ఎదురొస్తానో ,శిలాజంగా దొరుకుతానో ?’’అనుకొన్నాడు .అలాగే ‘’తూటాలకు అంటిన మరకల్లో –నాదంటూ ఓ నెత్తుటి చుక్క ఉంటుంది –పారే ఉప్పునదులలో నాదీ ఒక పాయ ఉంటుంది –నవ్వే పెదవులలో నాదంటూ ఒక కారణముంటుంది ‘’అని మమైక్యమై చెప్పాడు .’’వీధి దీపం వెలుతురుకు దారి చూపిస్తుంది ‘’అనటం అద్భుత ప్రయోగం .కన్నీళ్లు చావుకీ బతుక్కీ సాక్షులు  అంటాడు ఆరితేరిన ఆత్రేయ లాగా .’’మనిషి గుండెల్లో క్రిమి జోరబడిదేశం గుండెకు పుండు పడింది’’ వ్యష్టి సమష్టి అన్యోన్యత కు నిదర్శనం ..పిట్టకథలవిన్న  పిల్లి ,పక్షి అయిఎగిరిపోవాలని పించిందట. ప్రశ్న జ్ఞాపకం పాఠం ఆలోచనకు విప్లవం .కళల హంతకుల వలన తలో, గోడో పగలాల్సిందే అన్నాడు యువకవి .కలలో ఇటుక అవ్వాలనుకొంటే గోడకు ఓ పగులేర్పడాలి ట.

  చెట్టుకు పూసిన ఎండు మొలకల్లాంటి పిట్ట గూట్లో –ఫ్రీ కానుకలు పెట్టక్కర్లేదు –కొమ్మను కొట్టకుండా ఉంటె చాలు ‘’అని నేటి సామాజిక స్థితిని ఎన్నికల వాగ్దానాల్ని ఎండకట్టాడు.మనువు వేర్లను కూడా తగల పెట్టేద్దాం అన్నాడు .’’గుండె తొలవటం అమ్మతనం ‘’అని కమకమ్మగా చెప్పాడు .అంతా  శూన్యమయ్యే లోగా –కొంచెం కొంచెంగా నైనా బతుకు నింపుకోవాలి ‘’అని మంచి సలహా ఇస్తాడు ..అర్ధం చేసుకోవటానికి అమ్మనో నాన్ననో అవాలి అని తపిస్తాడు .ఏం చేస్తున్నావు నువ్వు అని అడిగిన ప్రశ్నను అడిగిన మనస్సాక్షితో కలిపి సామూహికంగా ‘’ప్రతి నిత్యం హత్య చేయటం –ఇదంతా –తామరాకు పై రక్తపు బిందువు తీరు ‘’అని కొత్తగా ఊహించి చెప్పాడు .మరో సూక్తి ముక్తావళి –‘’మనల్ని మనం వెతుక్కోవాలంటే –మనల్ని మనం కోల్పోతూ౦డాలి ‘’.వెళ్ళే దారిని అడుగులకు చెప్పద్దు అన్నాడు ఎందుకుష ?తప్పించుకోలేని దృశ్యాల్ని తొక్కు తాయి కనుక –‘’

  ఇలా నూతన భావాలతో పద బంధాలతో ఆలోచనాత్మకంగా ,విశ్లేషణాత్మకంగా  ఈ ఆకులు నినదిస్తూ లోవెలుగులను ప్రసరిస్తున్నాయి .వర్దిష్ణు డైన యువకవి వశిష్ట  తన స్వంత గొంతుక తో బాగా దూసుకు వస్తున్నాడు .అతడికి అన్నిటా విశిష్ట విజయం  కలగాలని కోరుతున్నాను .

మాన్యులు సోమేపల్లి వారు నాకు ఈపుస్తకం పంపి నందుకు ధన్యవాదాలు .

  మీ- గబ్బిట దుర్గాప్రసాద్ -10-1-22-ఉయ్యూరు 

Posted in పుస్తకాలు, సమీక్ష | Tagged | Leave a comment

అలనాటి అజ్ఞాత ప్రపంచ వాణిజ్య కుబేరులు -11 హెన్రి డబ్ల్యు .ఎ.డిటర్ డింగ్

అలనాటి అజ్ఞాత ప్రపంచ వాణిజ్య కుబేరులు -11

11-హెన్రి డబ్ల్యు .ఎ.డిటర్ డింగ్

1937మే 23 చనిపోయిన  జాన్ డేవిసన్ రాక్ ఫెల్లర్  అమెరికా ఆయిల్ కింగ్ అయితే , హెన్రి డబ్ల్యు .ఎ.డిటర్ డింగ్ ఆసియా, ఐరోపా ఖండాల నూనె మారాజు .ఒక రకంగా ఈ ఖండాల రాక్ ఫెల్లర్ .డచ్ వారి తెలివి తేటలన్నీ పుణికి పుచ్చుకొన్నవాడు .కష్టజీవి .రాయల డచ్ షెల్మేక్స్ ఆయిల్ కంపెని చైర్మన్ .ఇంగ్లాండ్ దేశం లో స్థిరపడ్డాడు .అతడు ఏకంగా 125 ఆయిల్ కంపెనీలకు మకుటం లేని మహారాజు .ప్రపంచం లోని ప్రసిద్ధ 12మంది వర్తక ప్రముఖులలో ఒకడు.జీవిత ప్రారంభం లో పెన్నీకి కూడా ఠికాణా లేని నిరుపేద .అతని ఆస్తి పనిలో మెలకువ, శౌర్య ధైర్యాలు మాత్రమె .ఆం ష్టర్ డాం లో ఒక మారుమూల వీధిలో పుట్టాడు .తండ్రి ఓడ కెప్టెన్ .హెన్రి మొదటి ఉద్యోగం ఒక బ్యాంకి లో ఉత్తరాల బట్వాడా .

  ఆ బ్యాంక్ లో ఎదుగు బొదుగులోని ఆఉద్యోగం లో తన 22వ ఏడు వరకు పని చేశాడు .తర్వాత తెలుసుకొన్నాడు తన తెలివి తేటలకు ఆఉద్యోగానికి ఏమీ సంబంధం లేదని ,తాను  స్వంతంగా వ్యాపారం చేయగలనని నమ్మకం కుదిరింది. అంతే  ఆ ఉద్యోగం వదిలేశాడు .నెదర్లాండ్స్ ట్రేడింగ్ కంపెనీలో ఉద్యోగం పొందాడు .ఇది ఈస్ట్ ఇండియా కంపెనీ లాంటిదే .అతడిని డచ్ వలస రాజ్యాలలోజూనియర్ క్లెర్క్  ఉద్యోగం లో కంపెని నియమించింది.తన ప్రజ్ఞా పాటవాలు చూపించటం ప్రారంభించాడు .పై అధికారులిచ్చిన పనికంటే ఎక్కువ చేసేవాడు .తాను కంపెని జీతగాడిని అనే దృష్టి తోకాక ,కంపెనీ భాగస్వామిని అనే దృష్టితో పని చేశాడు .ఈ గుణాన్ని మెచ్చి కంపెని అతడిని సేల్స్ మాన్ ని చేసింది .అప్పటి నుంచి నక్కను తొక్కినట్లు అదృష్టం తేనే తుట్టేలా పట్టింది ‘

  రెండేళ్లలో రాయల్ డచ్ ఆయిల్ కంపెని  సేల్స్ మేనేజర్ అయ్యాడు .వెంటనే ప్రపంచ సేల్స్ మెన్ జాబితాలో ముందువరుసలో చేరాడు .ప్రత్యర్ధి గ్రూప్ ఖాతాదారులను ఆకర్షించటం అతడి ప్రత్యేకత .దీనితోనే కంపెనీ మూడు పూలు ఆరు కాయలుగా వృద్ధి చెందింది .కొత్త ఖాతాదారులను బాగా ఆకర్షించేవాడు .అలాంటి నమ్మకస్తులకు బేరల్ ఆయిల్ చాలా చౌకగా అమ్మేవాడు .ఆయిల్ బిజినెస్ లో ఆనాడు అతడికి పోటీ లార్డ్ కౌడ్రే .క్వాడ్రే అనుకొంటేఆయిల్ కింగ్  రాక్ఫెల్లర్ అంతటి వాడు అయి ఉండేవాడు .తెలివిగా హెన్రి క్వాడ్రే కు ఒక్కసారిగా 150లక్షల పౌన్లు ఇచ్చి, ఆయిల్ బిజినెస్ నుంచి తప్పుకోనేట్లు చేసి పోటీ లేని ఆయిల్ కింగ్ అయ్యాడు  .

  లార్డ్ బియర్డ్ తో కలిసి షెల్ ఆయిల్ కంపెనీని తన ఆయిల్ కంపెనీలో చేరేట్లు చేశాడు .1930లో జర్మన్ ఆయిల్ కంపెనీలను కూడా తన స్వాధీనం లోకి తెచ్చుకొనే ప్రయత్నం చేశాడు .ఆయిల్ ఉత్పత్తి చేసే 5రిఫైనరీలకు వలస రాజ్యం లో వెయ్యి యకరాలస్థలం లో ఉన్న నూనె గనులకు  అతడు యజమాని అయ్యాడు .1930కి 62ఏళ్ళు వచ్చాయి .తల నెరిసింది కళ్ళు నల్లబడ్డాయి ,చర్మకాంతి తగ్గింది .అతనిది సింహపు పోకడ. అవసరమైతే నాలుగడుగులు ముందుకు దూసుకు వెళ్ళగలడు .కాదంటే రెండు అడుగులు వెనక్కి వెళ్లి సింహావలోకనం చేసుకొని మళ్ళీ దూకగలడు .వ్యాపార వ్యాప్తి అతడి ప్రధాన లక్ష్యం .  హెన్రి ఆఫీస్ లండన్ లోఅయిదవ అంతస్తు లో  ఉంది .అతని చుట్టూ రౌండ్ టేబుల్ ఎప్పుడూ బిజీగా ఉంటుంది .పారశీక దేశం లో తప్ప ప్రపంచం లోఆయిల్ ఉన్న అన్ని దేశాలలో అతని కంపెనీకి ఆస్తులున్నాయి . ఆఫీసు గదిలో ప్రపంచ పటం గోడకు వేలాడుతూ ఉంటుంది. అతని అకౌంట్ ఉన్న బ్యాంకి చాలా దగ్గరే .

  62ఏళ్ళ కితం ఆం ష్టర్ డాంలో ఒక మారుమూల వీధిలో ,ఒకచిన్న గుడిసెలో అత్యంత పేదరికం తో గాలికి తరచూ ఆరిపోయే కొవ్వొత్తి వెలుగులో ప్రపంచ యాత్రలకు సంబంధించిన పుస్తకాలు చదువుతూ ఉండేవాడు .గుమాస్తా గా జీవితం ప్రారంభించి ,నూనె పరిశ్రమకు సంబంధించిన పుస్తకాలు చదివి ఆశాస్త్రంలో విజ్ఞానం స్వయంగా  సాధించి ,అతడు ఆసియా ఐరోపా ఖండాల ఆయిల్ కింగ్ అయ్యాడు .

  హెన్రి 19-4-1866లో జన్మించి 4-2-1939 న మరణించాడు .రాయల్డచ్ పెట్రోలియం కంపెని ఎక్సి క్యూటివ్ .36ఏళ్ళు జనరల్ మేనేజర్ .రష్యాలోని అజర్ బైజాన్ లో ఉన్న తన ఆస్తులను రష్యా జాతీయం చేయటం చేత రష్యా అంటే విపరీతమైన కోపం .సర్వేట్టా, సెయింట్ మారిట్జ్ ,స్విట్జర్లాండ్ లలోకూడా హేన్రికి ప్రాపర్టీస్ ఉన్నాయి .డిటర్ డింగ్ అంత్యక్రియలను నాజీ ప్రభుత్వం అత్యంత గౌరవంగా నిర్వహించింది .దీనికి కారణం అతడు NSDAP కి ముఖ్య ఫైనాన్షియర్అవటం ,నాజీ ప్రభుత్వాన్ని సమర్ధించటం .

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

 సశేషం

మీ –గబ్బిట దుర్గా ప్రసాద్ -10-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

ఆముక్త మాల్యద సాహిత్య ఆధ్యాత్మిక సమీక్ష.2వ భాగం.10.1.23. గ

ఆముక్త మాల్యద సాహిత్య ఆధ్యాత్మిక సమీక్ష.2వ భాగం.10.1.23. గ

Posted in ఫేస్బుక్ | Leave a comment

వారణాసి వారి వాల్మీకి రామాయణ రహస్యాలు. 7వ భాగం.10.1.23

వారణాసి వారి వాల్మీకి రామాయణ రహస్యాలు. 7వ భాగం.10.1.23

Posted in ఫేస్బుక్ | Leave a comment

విద్వాన్ రెండుచింతలవారి ‘’రాజతరంగిణి ‘’పద్యకావ్యం

విద్వాన్ రెండు చింతలవారి ‘’రాజతరంగిణి ‘’పద్యకావ్యం

విద్వాన్ రెండు చింతల లక్ష్మీ నరసింహశాస్త్రి ఎం .ఎ .గారు కాశ్మీర కవి పండితుడు కల్హణుడి ‘’రాజతరంగిణి ‘’ని పద్యకావ్యంగా మలిచారు .వీరి కుమారుడు శ్రీ రఘుప్రసాద్ డిసెంబర్ 17న హైదరాబాద్ లో జరిగిన మా మనవడు సంకల్ప్ వివాహానికి వచ్చి తమ తండ్రి గారు 1956లోనే రాసిన  ‘’సప్తమ తరంగ ఉత్తరార్ధం’’పుస్తకాన్ని నాకు అందించి ,అభిప్రాయం తెలియజేయమని కోరారు .ఇవాళ వీలుకుదిరి చదివి రాస్తున్నాను .

  శాస్త్రిగారితో పరిచయం సుమారు 40 సంవత్సరాల పూర్వం నేను ఉయ్యూరు హైస్కూల్ లో సైన్స్ మేస్టార్ గా ఉన్నప్పుడు  జరిగింది .అప్పుడు మా సైన్స్ రూమ్ మాకు సాహితీ క్షేత్రం .నెలకు ఒకటి రెండు సాహితీ కార్యక్రమాలు నా అధ్వర్యంలో జరిగేవి .అప్పుడు శాస్త్రిగారు ఆకునూరు జూనియర్ కాలేజిలో తెలుగు పండితులు వారితోపారు శ్రీ సుబ్బరాయశాస్త్రి గారు కూడా అక్కడే తెలుగు పండిట్ గా ఉండేవారు .మేము ఈ ఇద్దరు కవిపండితులను ఆహ్వానించి  విశ్వనాథ వారి కల్పవృక్షం పై ప్రసంగం ఏర్పాటు చేశాం .ఇద్దరూ అద్భుతంగా ప్రసంగించి మమ్మల్ని అలరించారు .ఉగాది కవి సమ్మేలనాలలోకూడా పాల్గొని కమ్మని కవిత్వం వినిపించేవారు .రెండు చింతలవారు ఉయ్యూరులోనే మా బజార్లోనే కాపురం ఉండేవారని గుర్తు . తరచూ కలుసుకోనేవారం. తమ రచనలు నాకు ఇచ్చారు కూడా .అవి ఇప్పుడు ఎక్కడున్నాయో చెప్పలేను .ఇప్పుడు వారికుమారుడు ఈ పుస్తకం ఇవ్వటం తో పాత జ్ఞాపకాలు అన్నీ సుళ్ళు తిరిగాయి . శాస్త్రిగారు ప్రధమ తరంగం ను 1969లో ,ద్వితీయం 1972లో అనువదించారు .ముద్రణ వ్యయం పెరగటంతో అచ్చు వేయకపోయినా మిగిలిన భాగాలు అనువదిస్తూనే ఉన్నారు .ఆంద్ర ప్రదేశ సాహిత్య అకాడెమి వారి ఆర్దికసాయంతో సప్తమతరంగ పూర్వార్ధం19977లో ప్రచురించారు .ఉద్యోగ విరమణ తర్వాత తృతీయ చతుర్ధ తరంగాలు కూడా అనువదించి సాహిత్య అకాడేమి వారిచ్చిన పాక్షిక ఆర్ధికంతో తృతీయాన్ని ,తిరుమల దేవస్థానం వారి ఆర్ధికం తో నాల్గవ,అయిదవ తరంగాలను ప్రచురించారు .ఈలోపు ఉత్తరభాగ ప్రతులన్నీ అయిపోగా పునర్ముద్రణకు నడుం కట్టాల్సి వచ్చింది .ఈ తరంగానికి ముందుమాట ఆచార్య దివాకర్ల వేంకటావధాని గారు రాశారు .ఈకవి తమకు ఆప్త మిత్రులని ,రసభరితంగా ఈ కావ్యం రాశారని ,శైలి సరళ సుందరమని ,మూలభాగం పూర్తిగా రావటానికి పంచపదులు షట్ప దులు రాశారని ,చక్కని ధారాశుద్ధి ఉందని ,ప్రారంభం లో హర స్తుతి కవి భక్తికి నిదర్శనమని ,కల్హణ కవిపై రాసిన పద్యాలు శ్లాఘ్యాలని ,ఆరు 8తరంగాలను కూడా తెలిగించి ముద్రించాలని,వచనకవిత్వం విచ్చలవిడిగా సాగే ఈ రోజుల్లో ఛందస్సహిత మాహాకావ్యాన్ని ఇంత ప్రౌఢ సుందరంగా రచించి శాస్త్రిగారు ప్రజలకే కాక ప్రభుత్వానికీ మాన్యులయ్యారని కీర్తించారు

 ఇందులోని కధ-కలశుని పాలనలో ప్రజలు సుఖ శాంతులతో ఉన్నారు అయినా ఆయనమనసుకు శాంతిలేదు కొడుకు శ్రీహర్షుడి తో కలహం మొదలైంది .అతడిని దారిలోకి తేవటానికి విశ్వ ప్రయత్నం చేశాడు .చివరికి కారాగారం లో బంధించాడు కూడా .విషాన్నం పెట్టి చంపే ప్రయత్నమూ చేశాడు తండ్రి .ఎలాగో తప్పించుకొనే ప్రయత్నాలు చేస్తున్నాడు  కొడుకు .తండ్రీ కొడుకుల దుస్థితి చూసి తల్లి తట్టుకోలేక చనిపోయింది .తండ్రికూడా మనో వ్యాధితో మరణించాడు .

   హర్షుడిని కాశ్మీరం రాజుకాకుండా చేయాలని అతని సోదరులు ప్రయత్నించారు అందులో ఉత్కర్షుడు లోహార దేశ రాజు కలశుని సామంతుడు .తండ్రి చావువార్తవిని కాశ్మీరాన్ని ఆక్రమించటానికి రాజధానికి వచ్చాడు.  కానీ ప్రయత్నాలు ఫలించలేదు .కలశుడికి పద్మ శ్రీ అనే రాణి వలన పుట్టిన విజయుడు హర్షుని వైపు చేరాడు.శ్రీనగర్ నుంచి శత్రువులను పారద్రోలి హర్షుడిని రాజు చేయాలనుకొన్నాడు .అలా జరగాలంటే హర్షుడిని చెరనుంచి తప్పించాలి కనుక శ్రీనగర్ ను కాల్చేస్తానని  బెదిరించాడు .ప్రజలు వాడు అన్నంత పనీ చేస్తాడేమో అని భయపడి హర్షుడిని వదిలేశారు .ప్రజలు అతనిపై భక్తీ విశ్వాసాలు ప్రకటించి రాజును చేశారు .

  రాజుగా హర్షుడు ఎన్నో మార్పులు తేవాలని ప్రయత్నించాడు .కాని అవి వ్యతిరేక ఫలితాలిచ్చాయి అలజడి హత్యాకాండ పెరిగాయి .వాటిని అణచ లేకపోయాడు హర్షుడు .జనులలో ,పరిజనం లో అసంతృప్తి పెరిగింది. నమ్మిన వారే అతన్ని మోసం చేశారు .జ్ఞాతి ,పినతండ్రి అయిన మల్లునితో వివాదం వచ్చి,అతడు చనిపోతే అతడికోడుకులు ఉచ్చలుడు సుస్సలుడు హర్షుని పై పగ పెంచుకొని చంపటానికి, రాజ్యాన్ని కాజేయటానికి ప్రయత్నాలు చేశారు .కొందరు వారికి అండగా నిలిచారు .వారందర్నీ ఓడించటానికి హర్షుడు సర్వ శక్తులు ధారపోశాడు .కానీ విధి ప్రతికూలంగా ఉండటం తో భార్యాపిల్లలు మరణించి ఆత్మ రక్షణ కోసం ప్రయాగుడుఅనే అనుచరుడి సహాయంతో ఒక సన్యాసి ఆశ్రమం చేరి నా, శత్రువులు వెతుక్కొంటూ వచ్చి నిర్దాక్షిణ్యంగా హర్షుని చంపేశారు .గుణవంతుడైనా నిరాశాపూరిత జీవితం గడిపి చనిపోయిన హర్షుని కరుణామయ వృత్తాంతమే ఈ ఉత్తరభాగం లోని కథ.

  కవిగారు మొదట సిద్దేశ్వర దేవుని-‘’శ్రీ సిద్దేశ్వర దేవు గొల్తు వరడున్ జిత్తాన మోదంబుతో –వాసిం గాంచిన దైవమున్ విమల దీవ్యత్క్రుష్ణ వేణీ,నిరా-యాస ప్రాప్త  జలాభి షిక్తము ,జటా న్యాస్తేందుఖండంబు, కై –లాసా హార్య నివాసమున్ పరమమౌ బ్రహ్మంబు మమ్మేలుతన్ ‘’అని

 ప్రార్ధించి ,తర్వాత కామాక్షీదేవిని స్తుతించి పిమ్మట కల్హణ పండితుని శ్లాఘించారు –

‘’గీర్వాణ భాషలో సర్వం సహా నేత్రు –చారిత్రమే కవీశ్వరుడు వ్రాసే –పాన్దిత్యగారిమలో బాణిని ముఖ  మహా –సూరి వర్యుల  కీడు .జోడేవండు-మధురార్ధ శబ్ద గు౦భనమున కెవ్వాని-సూక్తి వైచిత్రి తానూతగోమ్మ –వ్యంగ్య వైఖరియు ,సత్యాలాప నియమంబు –సమత బాతిమ్చేనే సజ్జనుండు –ఆ మహానీతి నిధికి గుశాగ్ర బుద్ధి –కావని సురవంశ జలధి శశా౦కునకు  -చంపక ప్రభు కుమార సంతతికి ని –ప్రమాదమున జేయుచున్నాడ బ్రణతి శతము’’

 కళ్యాణ శబ్దాన్ని ‘’కల్హణ అనే ప్రాక్రుటంగా మార్చి నవాడు ఆయన .బాణ బిల్హన ముఖ్య పూర్వకవి వరుల  దండి భామః ముఖ్య విద్వాద్వారులను గురుస్థానం లో నిల్పి నూతనమైన కృతికి నిర్మాత అయ్యాడు కల్హణుడు అన్నారు కవి .348పద్యాల కావ్యం ఇది 347వ పద్యం లో హర్షుని మరణం దయనీయంగా వర్ణించారు-

‘’జనపతి ఈక్రియన్ సకల సంపదలున్ వేలివోవ ,ప్రాణముల్ –తనువును వీడిపోవ వసుదాస్తలిపై మిగిలేన్ తదీయ మౌ –గునమది యొక్కటే ,పరులకున్ సయితమ్ము వచింప దగ్గదా  ,-తని యశమొక్కటే ,చిరత దాల్చు తదీయ చరిత్ర మొక్కటే .

చివరి చంపకమాల పద్యం లో కవిగారు –‘’ఇది రఘురామ భక్తీ మది నేర్పాడ శ్రీ నరసింహ శాస్త్రి చే ,-ముదమున నాంధ్ర భాష జనముద్దుగ వ్రాయ బడ్డ కావ్యమున్ –మొదలిటి నుండి ఏడవది ,పూర్వము కల్హణ పండి తే౦ద్రు చే –త్రిదశ సరస్వతిన్ వెలసి దీప్తి వహించిన రాట్తరంగిణిన్’’.

శాస్త్రి గారి కుమారులు తామూ పట్టువదలని విక్రమార్కులు లాగా తండ్రి గారి కవితా కీర్తిని దశ దిశలా వ్యాపించే ప్రయత్నం చేస్తున్నందుకు అభినందనలు ముఖ్యమ్గాఏ పుస్తకాన్ని నాకు ఇచ్చిన రఘు ప్రసాద్ బహుశా నా శిష్యుడుకూడానేమో .ఆశీస్సులు .

 మీ- గబ్బిట దుర్గాప్రసాద్ -9-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

అలనాటి అజ్ఞాత ప్రపంచ వాణిజ్య కుబేరులు -10 జాన్ ఎఫ్ . స్టీవెన్స్

అలనాటి అజ్ఞాత ప్రపంచ వాణిజ్య కుబేరులు -10

10-జాన్ ఎఫ్ . స్టీవెన్స్

కెనడా –ఫసిఫిక్ రైల్ రోడ్ ,,గ్రేట్ నార్దర్న్ రైల్ రోడ్ ,పనామా కాలువ నిర్మించిన  ఘనుడు జాన్ ఎఫ్ . స్టీవెన్స్ .కొండల్ని వంతెనలతో కలపటం ,కొండల చుట్టూ దారి చేయటం,,కొండల్ని తొలచటం తో రైలు మార్గాలు ఏర్పాటు చేసిన మేధావి .దక్షిణ అమెరికాకు ఉత్తర అమెరికాకు  మధ్య పనామా కాలువ తవ్వి అట్లాంటిక్ ,ఫసిఫిక్ మహా సముద్రాలను కలిపిన చరిత్ర ఆయనది .అతడు ఆనాడు తన ఆలోచనలతో నిర్మించిన ఈ మార్గాలే ప్రపంచ వాణిజ్యాలకు గొప్ప సౌకర్యం కలిగింది డూర తీరాలను చేరువ చేసిన ఘటికుడు .పనామాకాలువగుండా రోజూ వేలకొలది నౌకలు నిరంతరం ప్రయాణం చేస్తున్నాయి .ఆయన చేసిన పై మూడు పనులు మహత్తర కార్యాలు .చరిత్రలో సువర్ణాక్షరాలతో లిఖింప దగినవి .

    1930నాటికి స్టీవెన్స్ వయసు 75.  అయన నిండు 40ఏళ్ళ వయసులో తన తీవ్రమైన ఒత్తిడి పనులలో ప్రతినెలా ఏదో ఒక తీవ్రప్రమాదానికి గురి అవుతూనే ఉండేవాడు .ఒక్కోసారి ప్రతిరోజూ ప్రమాదాల పాలయ్యేవాడు .వీటి నన్నిటిని అధిగమించి మొక్కవోని ధైర్య సాహసాలతో కర్తవ్య దీక్షతో అంకితభావం తో తన నిర్మాణ కార్యక్రమాలు దిగ్విజయంగా పూర్తి చేసేవాడు .బద్ధకం అంటే ఏమిటో జీవితకాలం లో ఎప్పుడూ ఎరుగని వాడు .ఎప్పటికప్పుడు కొత్త పనులు నెత్తికి ఎత్తుకోనే వాడు .అవి పూర్తయ్యేదాకా నిద్రపోయేవాడు కాదు .అంతగా కష్టపడి పని చేయటం ఏమానవమాత్రుడికైనా అసాధ్యమే .ప్రపంచంలోని ఇంజనీర్లకు ,రైల్వే మెన్ కు అతడి పేరు సుపరిచితమే .వారందరికే కాక అందరికి అతడు ప్రాతస్మరణీయుడే.

  మొదటి ప్రపంచ యుద్ధ సమయం లో స్టీవెన్స్ కు చాలా కష్టమైన పని  అంటే సైబీరియన్ రైల్వేయాజమాన్యం అప్పగించారు .1920 వరకు ఆ రైల్వే మీద రైళ్ళు నడవటానికి తగిన బందో బస్తు చేశాడు .కానీ బోల్షి విజం ఉవ్వెత్తున వచ్చి సైబెరియాను ము౦చేసినప్పుడు  సైబీరియన్ రైల్వే యాజమాన్యానికి గుడ్బై చెప్పాడు .అతడి కలలు పండటానికి కుటుంబం లో అంత ఆర్ధికం కాని ప్రోత్సాహం కానీ లేవు .తండ్రి చిన్న టౌన్ దగ్గర ఉండే పేద రైతు .ఊళ్ళో ఉన్న బడిలో చేరి యేవో నాలుగు ముక్కలు చదువు నేర్చుకొన్నాడు .కాలేజి గుమ్మం తొక్కని వాడు .  పెరిగి పెద్ద వాడయ్యాక వృత్తి విద్యకు సంబంధించిన పుస్తకాలు పత్రికలూ చదివి జ్ఞానం పెంచుకొన్నాడు .పగలంతా ఒళ్ళు వంచి పని చేసి ,అర్ధరాత్రిదాకా చదువుకొనేవాడు .అతడి జీవితం లో ఒక గొప్ప మార్పు 1882లో జరిగింది ..మానిటొబా గుండా ,,కొండలమీద కెనెడియన్ ఫసిఫిక్ రైలు మార్గం నిర్మించే పనిలో చేరాడు .ఇదొక చాలెంజ్ వర్క్ .కెనెడియన్ ప్రభుత్వం రైల్వే వారికి ‘’10ఏళ్ళలోపు ఈ రైల్వే లైన్ నిర్మిస్తే 50లక్షల పౌన్ల డబ్బు ,2కోట్ల ఎకరాల భూమి ఇస్తాం .గడువు లోపల నిర్మించకపోతే మీకు వచ్చేది ఇచ్చేదీ ఏమీ ఉండదు ‘’అని ఖచ్చితంగా చెప్పింది .రైల్వే కంపెనీ స్టీవెన్స్ ను పిలిచి ‘’కెనడియన్ ఫసిఫిక్ రైల్వే నిర్మాణం మొత్తం నీ చేతుల్లో పెడుతున్నాం పూర్తీ బాధ్యత నీదే ఆ గడువు లోపు దాన్ని పూర్తి చేసి అప్పగించు ‘’అన్నది .క్షణం కూడా ఆలోచించకుండా ఒప్పుకొని ,వెంటనే పని ప్రారంభించాడు .6నెలలలో విన్నీ పెగ్ పడమటి వరకు వెయ్యి మైళ్ళ   రైల్వే లైన్ నిర్మించాడు..3వేల అడుగుల ఎత్తులో ఉన్న కనుమలను వంతెనలతో కలిపాడు .కొన్ని పర్వతాలను  తొలిచి లైన్ నిర్మించాడు .కొన్ని పర్వతాలకు ప్రదక్షిణ మార్గంగా రైల్వే లైన్ నిర్మించాడు .దాదాపు ఇచ్చిన పని అంతా పూర్తి చేసి చివరి రైలు పట్టాలను ఫసిఫిక్ సముద్ర తీరం లో వాంకోవర్ లో వేశాడు .ఇచ్చిన గడువు లో సగంకాలం లోనే అంటే 5ఏళ్ళకే కెనెడియన్ ఫసిఫిక్ రైల్వే లైన్ పూర్తీ చేశాడు .అప్పుడు ప్రఖ్యాత కెనడా నాయకుడు జే.హిల్  మన స్టీవెన్స్ కు కబురుపంపి ,అభినందించి ,అతడికే గ్రేట్ నార్దరన్ రైల్వే లైన్ నిర్మాణం కూడా అప్పగించాడు .

   ఈ కొత్త రైల్వే లైన్ కూడా కొండలమీదుగా పోవాల్సిందే .అగస్త్యుడు వింధ్య పర్వతాన్ని వంగెట్లు చేసినట్లు ఇంద్రుడు వజ్రాయుధంతో కొండల్ని పర్వతాన్ని పిండి పిండి చేసినట్లు గ్రేట్ నార్దరన్ రైల్వే లైన్ నిర్మాణం కూడా అనుకొన్న సమయంకంటే ముందుగా విజయవంతం గా నిర్మించి అప్పగించాడు .తర్వాత పనామాకాలువ నిర్మాణం కూడా అతనికే అప్పగించారు .దానినీ చాలెంజ్ గా తీసుకొని సక్సెస్ ఫుల్ గా నిర్మించి ప్రపంచాన్నిఆశ్చర్య పరచాడు .ఆధునిక ప్రపంచంలో ప్రయాణం సుఖంగా ,సురక్షితంగా చేసిన వారిలో స్టీవెన్స్ వ్రేళ్ళమీద లేక్కపెట్ట వలసిన వారిలో ఒకడు .మహా సముద్రాలమధ్య ఉన్న అడ్డంకులను అతి తేలికగా తొలగించగలిగాడు .కొండంత భారాన్ని మోస్తున్నా చెరగని చిరునవ్వుతో అందర్నీ ఆకర్షించేవాడు. గర్వం లేని మనిషి .సాధు స్వభావంగల పెద్దమనిషి అతడు .

   స్టీవెన్స్ సాధించి అద్భుత విజయాలకు తీపి గుర్తుగా ఉత్తర అమెరికాలో ఒక ఎత్తైన పర్వత శిఖరం పై అతని బ్రహ్మాండమైన కాంశ్య విగ్రహం స్థాపించి ఋణం తీర్చుకొన్నారు .అతడి భౌతిక దేహం కొండల్ని పిండిచేస్తే  ,కాంశ్యదేహం కొండల నెత్తిపై కెక్కి స్పూర్తి కలిగిస్తూ ఆదర్శంగా నిలిచింది .

  అసలు పేరు జాన్ ఫ్రాంక్ స్టీవెన్స్.25-4-18న అమెరికాలోని మైన్ రాష్ట్రంలో వెస్ట్ గార్దినర్ లో పుట్టాడు .90వ ఏట 2-6-1943న నార్త్ కరోలిన సదరన్ పైన్స్ లో  చనిపోయాడు .పనామా కాలువ పనిలో ఉండగా ప్రెసిడెంట్ రూజ్వెల్ట్ కు ఒక సూచానా చేశాడు  Stevens took a number of steps to make the Canal Zone livable for American workers. He improved the food supply and set about a massive project of building worker housing. Most important, he was instrumental in persuading President Theodore Roosevelt of the feasibility of a high-level canal using a combination of locks and a dammed lake. The sea-level canal favoured by a majority of the commission’s members would have required moving additional massive amounts of earth and rock, would have cost more, and would have taken longer to complete. Roosevelt’s resolution of this question in Stevens’s favour permitted work to proceed toward a specific goal.

  కాని అధిక శ్రమ చేయలేక 1907 ఏప్రిల్ లో ఆపనికి స్వస్తి చెప్పాడు .కారణాలు పర్సల్ అన్నాడు

 .1917లో రష్యాలో ఇంపీరియల్ ప్రభుత్వ పతనం తర్వాత అక్కడి ప్రొవిన్షియల్ ప్రభుత్వం అమెరికా ప్రెసిడెంట్ విల్సన్ ను రవాణా సౌకర్యాలు కలిగించమని కోరితే స్టీవెన్స్ ను పిలిచి అతడి ఆధ్వర్యం లో రైల్వే ఎక్స్పర్ట్ ల బృందాన్ని రష్యాకి పంపి అక్కడి రైల్వే సిస్టం ను గాడిలో పెట్టించారు .ప్రొవిజనల్ ప్రభుత్వం కూలిపోయాక స్టీ వెన్స్ పని కూడా రద్దు అయింది ఆప్రభుత్వం లోని వార్ డిపార్ట్ మెంట్ అతడికి ‘’డిష్టింగ్విష్డ్ సర్విస్ మెడల్ ‘’అందించింది .తర్వాత ఇంటర్ అల్లైడ్ టెక్నికల్ బోర్డ్ అధ్యక్షుడయ్యాడు .తర్వాత కన్సల్టింగ్ ఇంజనీర్ గా అమెరికా ప్రభుత్వానికి సాయం చేశాడు .అతనికి ఫ్రాన్క్లిన్ ఇన్ ష్టిట్యూట్ ఆఫ్ ఫ్రాన్క్లిన్ మెడల్ అంద జేసింది అమెరికా ప్రభుత్వం .

  ఆధారం –ఆంద్ర భూమి సంపాదకులు శ్రీఆండ్ర శేషగిరి రావు రాసిన ‘’వాణిజ్య పూజ్యులు ‘’పుస్తకం .

సశేషం

మీ –గబ్బిట దుర్గా ప్రసాద్ -9-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

ఆముక్త మాల్యద.సాహిత్య ఆధ్యాత్మిక సమీక్ష. 1వ భాగం.9.1.23.

ఆముక్త మాల్యద.సాహిత్య ఆధ్యాత్మిక సమీక్ష. 1వ భాగం.9.1.23.

Posted in ఫేస్బుక్ | Leave a comment

వారణాసి వారి వాల్మీకి రామాయణ రహస్యాలు.6వ భాగం.9.1.23.

వారణాసి వారి వాల్మీకి రామాయణ రహస్యాలు.6వ భాగం.9.1.23.

Posted in రచనలు | Leave a comment

సంస్కృతం నేర్చు కో౦డి ‘’

సంస్కృతం నేర్చు కో౦డి ‘’

అంటూ విద్యావారధి డా .నిష్ఠల సుబ్రహ్మణ్యం(శాస్త్రి ) గారు కిందటి నవంబర్లో  పుస్తకం రాసి ప్రచురించి నాకు పంపారు .శాస్త్రిగారు సంస్కృత ఆంధ్రాలలో మహా దిట్టమైన పండితకవి .పొన్నూరు సంస్కృత కళాశాలలో సంస్క్ర్రుత అధ్యాపకులుగా పని చేసినవారు .సరసభారతికి అత్య౦త ఆప్తులు .మేము అడిగినదే తడవగా ‘’శ్రీ సువర్చలాదేవి మంగళ అష్టకాలు ‘’రాసి అందించిన సహృదయులు ..వెయ్యి శ్లోకాల చైతన్య నందనం ,శ్రీ పరశు రామాయణం ,అయ్యప్ప స్వామి వ్రతకల్పం ,జ్యోతిష శాస్త్ర పరిచయం వంటి 34 గ్రంధాలు రచించిన వారు .ఇప్పుడు ఈ ప్రయత్నం లో సంస్కృతాన్ని ఎంత తేలికగా నేర్చుకో వచ్చో చక్కగాసులభంగా వివరి౦చారు .అదేం అంతబ్రహ్మ విద్య కాదు ప్రయత్నిస్తే సంస్కృతం కరతలామలకమే అవుతుందని ప్రేరణ కలిగించారు .పూర్వం శ్రీమాన్ కాశీ కృష్ణాచార్యులు వారు ఇలాంటి పుస్తకాలు సీరియల్స్ గారాసి ప్రచురించి సంస్కృత భాషా బోధనకు ఇతోధికంగా కృషి చేశారని మనకు తెలుసు .

  ఈ పుస్తకం లో శాస్త్రిగారు సంస్కృతం అంటే ఏమిటి అని ప్రశ్నించి వివరించి ,అది అందరికి వస్తుందా అనే మరో ప్రశ్నలో ప్రయత్నిస్తే సాధ్యమే అని చెప్పి ఔరంగజేబు తర్వాత పాలించిన అబ్దుల్లా మహమ్మద్ ను గురించి లక్ష్మీపతి కవి ‘’అబ్దుల్లా చరితం ‘’కావ్యం రాశాడని ,అక్బర్ శ్రీహరి అనే విద్వాంసుడిని తన ఆస్థానం లో నియమించాడని ,జగన్నాధ పండితరాయలు ఆసఫ్ ఖాన్ ను వర్ణించాడని కనుక అన్ని మతాల, వర్ణాల వారూ సంస్కృతం నేర్చుకోవటం మంచిదన్నారు .స్త్రీలూ సంస్కృతంలో విద్వాసులయ్యారని ,సంస్కృతంలో 2వేల ధాతువులున్నాయని ,ప్రతి పదానికి వ్యుత్పత్తి ఉండటం సంస్కృత విశేషం అనీ ,,సంస్కృతంలో లేని విషయం ,శాస్త్రం లేదని సరసోక్తులు ,పాటలు తో  సహా అన్ని ప్రక్రియలు ఉన్నాయని సస్క్రుతంలో దినవారమాసపత్రికలూ ఉన్నాయని ,ప్రస్తుతం సంస్కృత అధ్యయనం కొంత వెనకబడినా సంస్కృతమే మాట్లాడే గ్రామాలున్నాయనీ ,ప్రపంచ సంస్కృత సమ్మేళనాలు జరుగుతున్నాయని భారతీయ సంస్కృతీ సంస్కృత భాష మనదేశం గొప్పతనానికి ప్రతీకలని చాలా వివరంగా తెలియజేశారు .

  ఇందులో 92పాఠాలున్నాయి..మొదటి పాఠంలో పదాలరకాలు చెప్పారు .2లో స్త్రీలి౦గ పదాలకు విభక్తులు ,3లో జంతువులపేర్లు ,తర్వాత సంబోధన ప్రధమావిభక్తి ,5లో ఆహార పదార్దాలపేర్లు ,6లో ద్వితీయా విభక్తి 9లో వాడుకపదాలకు సంస్కృత నామాలు ,10లో కూరలపేర్లు ,14లో వర్తమాన కాల రూపాలు ,15లో ముఖ్యమైన సంస్కృత క్రియలు ,ఆఫీసులలో పనిచేసే వారికి అవసరమైన వ్యవహారజ్ఞానం 16వ పాఠంలో ,19లో పనిముట్లపేర్లు ,24లో రంగులు 25లో రుచులు ,26లో విలాస లేక నిత్యవాడక వస్తువులపేర్లు ,27లో పండ్లు ,పూలు 28లో చెట్లు 29లో వాల్మీకి సూక్తులు ,30లో సంధులు 56లో ఉపసర్గలు ,76నుంచి కావ్యాలలోని నాందీ శ్లోకాలు వివరణ ,84నుంచి చిట్టికథలు 86లో చమత్కారాలు ,87లో కధానిక ,88లో మయూరధ్వజ చరిత్ర ,89లో జైనమతం వర్ధమానుడు ,90లో సమీక్ష రాసే విధానం ,91లో సంస్కృత శిక్షణ గురించి ప్రచారం ,92వ చివరి పాఠంలో సంస్కృతం నేర్చుకోవటానికి వచ్చిన గ్రంథాలతో సంస్కృత ప్రచారం ఉన్నాయి .

  శాస్త్రి గారు చాలా పకడ్బందీగా చక్కని వ్యూహం ,ప్రణాళిక తో సంస్కృతాన్ని మనం సులభంగా నేర్చుకోవటానికి  కృషి చేసి మన చేతిలో పెట్టిన ‘’కరతలామలకం ‘’ఇది.దీన్ని సద్వినియోగం చేసుకొని మన  సంస్కృతినేకాక మన గీర్వాణ వాణిని కూడా నేర్చి ధన్యులమవుదాం .పుస్తకం ఖరీదు -200రూపాయలు .

శాస్త్రి గారి చిరునామా

నిష్ఠల సుబ్రహ్మణ్య శాస్త్రి –డోర్ న౦ -3-3-7 -2nd lane

భావనారాయణస్వామి పేట –పొన్నూరు -522124 గుంటూరు జిల్లా

సెల్-9985101234

మీ –గబ్బిట దుర్గాప్రసాద్-8-1-23-ఉయ్యూరు

Posted in పుస్తకాలు, సమీక్ష | Tagged | Leave a comment

రేపటి నుంచి ఆముక్తమాల్యద

రేపటి నుంచి ఆముక్తమాల్యద

  సాహితీ బంధువులకు శుభకామనలు -దేశభక్త కొండా వెంకటప్పయ్య గారిజీవిత చరిత్ర 11వ చివరి భాగం ఇవాళతో పూర్తయింది  .

  రేపు 9-1-23 సోమవారం నుండి ధనుర్మాసం పూర్త యేవరకు ఉదయం  శ్రీ కొత్త వెంకటేశ్వరరావు గారు రచించి ఆచార్య సి .నా రే .,,డా.వేటూరి ఆనందమూర్తి ,,ఆచార్య తుమ్మపూడి కోటేశ్వర రావు , శ్రీ ఉత్పల సత్యనారాయణా చార్యులు ,ఎపిగ్రాఫిస్ట్ హిస్టో రియన్ శ్రీ బి ఎన్ .శాస్త్రి  ,శ్రీమతి సి వేదవతి వంటి సాహితీ మూర్తుల ప్రశంసలు పొందిన  ”ఆముక్తమాల్యద -సాహిత్య ఆధ్యాత్మిక సమీక్ష ”,ప్రత్యక్ష ప్రసారం చేస్తున్నామని తెలియ జేయటానికి ఆనందంగా ఉంది.

 సంక్రాంతి శుభా కాంక్షలతో –

మీ -గబ్బిట దుర్గాప్రసాద్ -8-1-23-ఉయ్యూరు 

Posted in ఫేస్బుక్ | Leave a comment