ఛానళ్లన్నీ వ్యాపార సంస్థలుగా మారి పొతే ,ఏ కాలుష్యంరాజకీయ నీడ పడకుండా సంస్కృతీ సాహిత్యాలకు  ప్రభుత్వ రంగ  సంస్థలు దూరదర్శన్ ,ఆకాశ వాణి అత్యధిక ప్రాధాన్యమిచ్చి మంచి కార్యక్రమాలు నిర్వహించింది నిర్వహిస్తోంది కూడా .ముఖ్యంగా తెలుగు సాహిత్యానికి కొమ్ము కాస్తున్నాయి   ఎందరో తెలుగు కవులను ,రచయితలను గొప్పగా పరిచయం చేశాయి .. దృశ్యమాధ్యమం కనుక దూర దర్శన్ మరింత చేరువైంది ప్రేక్షకులకు . రాజశేఖర చరిత్ర విశ్వనాధ వేయి పడగలు విష్ణు చర్మ ఇంగిలీషు చదువు ,మునిమాణిక్యం కధలు ,,భమిడిపాటి రామగోపాళం హాస్యామృతాలు ,శంకరమంచి సత్యం అమరావతి  కధలు ,మధురాంతకం కధలు పురాణ ఐతిహాసిక సాంఘిక నాటకాలు ,ఆరోగ్యవంతమైన హాస్య నాటకాలు,ధర్మవరపు సుబ్రహ్మణయం ఆనందో బ్రహ్మ ఒకటేమిటి   ఇలా పుంఖాను పు0ఖాలుగా నిర్మి0చి,సాహిత్య పోషణ చేస్తోంది . మువ్వలరవళి  ,కవుల జీవితాలు అరుదైన సంగీత రసవాహినులు కురిపిస్తూ తన్మయులను చేస్తోంది .