శ్రీ సువర్చలాంజనేయ స్వామి దేవాలయం లో నవరాత్రి దసరా ప్రత్యేక పూజా కార్యక్రమం .
శ్రీ పరాభవ నామ సంవత్సర ఆశ్వయుజమాస శుక్ల పాడ్యమి 11-10–26- ఆదివారం నుంచి శుద్ధ దశమి 20-10-26 మంగళ వారం వరకు నవరాత్రి దసరా ఉత్సవాలు సందర్భంగా శ్రీ సువర్చలా ఆంజనేయస్వామి వారి ఆలయం లో ప్రతి రోజు సాయంత్రం 6-30 గం లకు శ్రీ సువర్చలా ఆంజనేయస్వామి వారలకు ప్రత్యెక అష్టోత్తర, సహస్రనామ పూజ ,ప్రత్యేకంగా ఏర్పాటు చేసిన శ్రీ లలితా పరమేశ్వరి అమ్మ వారికి నిత్యం అలంకారం , అష్టోత్తర పూజ అనంతరం నైవేద్యం హారతి, తీర్ధ ప్రసాద వినియోగం జరుగుతాయి .భక్తులందరూ విచ్చేసి కన్నులపండువుగా దర్శించి పూజించి తరించ ప్రార్ధన .
16-10–26- శుక్ర వారం మూలా నక్షత్రం తో కూడిన సరస్వతీ పూజ సందర్భంగా సాయంత్రం పూజ కాగానే బాలబాలికలచే శ్రీ సరస్వతీ పూజ ప్రత్యేకం గా నిర్వహింపబడుతుంది .
20-10-26- మంగళ వారం విజయ దశమి సందర్భంగా సాయం పూజ అనంతరం శమీ పూజ నిర్వహింప బడుతుంది
గబ్బిట దుర్గా ప్రసాద్ -ఆలయ ధర్మకర్త మరియు భక్తబృందం
-5-10–26-ఉయ్యూరు .
