పువ్వులాంటి ఆడ జీవితం –శ్రీమతి కరుణా నిధి

పువ్వు లాంటిది ఆడ దాని జీవితం –సాగిస్తుంది బతుకు పయనం

పువ్వు లాగా వికసిస్తుంది –సంస్కార వంతుడైన భర్త సంరక్షణ తో వికసించి సువాసన లీనుతుంది .

చదువు సంస్కారాలతో ,కీర్తి ప్రతిష్టలు పొందుతుంది

కొందరు సంఘ సంరక్షణ లో ముందు నిలుస్తారు

కొందరు మాత్రం సిగ లో మాలలుగా నే మిగిలి పోతారు

సంసార బాధ్యతల్లో బతుకు బండీభారంగా  ఈడుస్తూ

ఎదగని మనసులతో ,అనాలోచిత  ఆశలతో

తప్పటడుగు వేసి పడుపు జీవితం గడిపి గుర్తింపు లేకుండా పోతారు పాపం .

   2–పుస్తకం మన నేస్తం

   పుస్తకం మన నేస్తం –అది మన విజ్ఞాన నిధి

విజ్ఞాన వినోద పునర్వికాసాలనందిస్తుంది

కబుర్లు చెప్పి కతలు విప్పి సామేతలందించి వినోదం అందిస్తుంది

ఇతిహాసాలు పురాణాలు వేదం వాజ్మయం చరిత్రా ఒకటేమిటి

సర్వం దర్శించే గవాక్షం పుస్తకం –హస్త భూషణమే

స్త్రీ వికాసానికి ,అంతర్జాతీయ భావనకూ ,శాస్త్ర సాంకేతిక విషయాలకు

నిలయమే మన పుస్తకం చదువు చది వించు .