షాకయ్యేలా
ఇందులో అనుష్క రెండు విభిన్నమైన గెటప్‌లో కనిపించబోతోంది. ఒకటి వీరనారిగా అయితే రెండోది గ్లామరస్‌ ప్రిన్సెస్‌. ఈ రెండు గెటప్‌ల కోసం కేవలం మూడు నెలల వ్యవధిలో తన బాడీ లాంగ్వేజ్‌ను మార్చుకుంది. తనలో ఆ మార్పును, డెడికేషన్‌ చూసి మా యూనిట్‌ అంతా షాకయ్యారు. ఆ తేడాను ఆడియన్స్‌ కూడా గుర్తిస్తారు.
యజ్ఞం పూర్తయింది
పాత్ర డిమాండ్‌ మేరకు ఒక యాక్షన్‌ హీరో ఎన్ని ఫీట్స్‌ చేస్తాడో అవన్నీ అనుష్క చేసింది. 100-150 అడుగుల ఎత్తున్న క్రేన్‌ నుండి వేలాడడానికి ఏమాత్రం భయపడేది కాదు. వీరనారి అనిపించుకోవడానికి కావలిసిన క్వాలిటీస్‌ అన్ని అనుష్కలో ఉన్నాయి. ఆమె సహకారంతోనే మహా యజ్ఞం పూర్తయింది. ఏడాదిన్నర పాటు ఈ సినిమా కోసం ఆమె పెట్టిన ఎఫర్ట్‌ని మాటల్లో చెప్పలేను. దర్శకనిర్మాతల మంచి గురించి ఆలోచించే చక్కని నటి ఆమె.
స్ఫూర్తి పెరుగుతుంది
‘రుద్రమదేవి’ అనేది చిన్నప్పుడు చదువుకున్న ఓ కథ. అప్పట్లోనే నన్ను ఇన్‌స్ఫైర్‌ చేసిందీ కథ. దర్శకుణ్ణి అవుతానో లేదో అప్పుడు తెలీదు కానీ దర్శకుణ్ణి అయ్యి కొన్ని సినిమాలు చేశాక ఇటువంటి ఓ హిస్టారికల్‌ సినిమా చెయ్యాలనిపించింది. చారిత్రాత్మక సినిమాకు కథ ఎంత ముఖ్యమో, కథానాయిక కూడా అంతే ముఖ్యం. సినిమా ప్రారంభమై సగం పూర్తయ్యాక అనుష్క లేకపోతే అసలు ఈ సినిమా పరిస్థితి ఏంటా? అనిపించింది. సింగిల్‌ లైన్‌లో చెప్పాలంటే ‘అనుష్క లేనిదే రుద్రమదేవి లేదు’. ఆ ఊహ కూడా సాధ్యం కాదు. ‘అరుంధతి’లో ఆమె పొటన్షియాలిటీ ఏంటనేది చూశాం. ఈ సినిమా మరో మెట్టేకించేలా ఉంటుందని నమ్మకంగా చెప్పగలను. అనుష్కలాంటి నాయికతో ఇలాంటి సినిమాలు చేస్తే నాలాంటి దర్శకుల్లో ఎంతో స్ఫూర్తి పెరుగుతుంది. ఇలాంటి పాత్రలెన్నో ఆమె కోసం ఎదురుచూస్తున్నాయి.